android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Gujarat Latest News Live:  ઇસ્લામાબાદ મેમોરેન્ડમ વિવાદ: રવિવારે કરાર પર હસ્તાક્ષર નહીં થાય, ઈરાનના વિદેશ મંત્રાલયે આપ્યું મોટું નિવેદન
calendar_today June 13, 2026

Gujarat Latest News Live: ઇસ્લામાબાદ મેમોરેન્ડમ વિવાદ: રવિવારે કરાર પર હસ્તાક્ષર નહીં થાય, ઈરાનના વિદેશ મંત્રાલયે આપ્યું મોટું નિવેદન

ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 13JUNE ના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો.

Read Full Story arrow_forward
Surat News: NH-48 પર કાળજું કંપાવનારો અકસ્માત: કિમ નજીક બે ટ્રકો વચ્ચે જોરદાર ટક્કર
calendar_today June 13, 2026

Surat News: NH-48 પર કાળજું કંપાવનારો અકસ્માત: કિમ નજીક બે ટ્રકો વચ્ચે જોરદાર ટક્કર

સુરત જિલ્લામાંથી પસાર થતા નેશનલ હાઇવે-48 પર એક ગમખ્વાર અકસ્માત સર્જાયો હોવાની ઘટના સામે આવી છે. કિમ ચાર રસ્તા નજીક આવેલા મોટી નરોલી ગામના પાટિયા પાસે બે ટ્રકો વચ્ચે જોરદાર ટક્કર થઈ હતી. અકસ્માત એટલો ભયાનક હતો કે, પાછળની ટ્રકનો આગળનો ભાગ સંપૂર્ણપણે કચડાઈ ગયો હતો, અને તેનો ચાલક લોખંડની કેબિનમાં જ જિંદગી અને મોત વચ્ચે ફસાઈ ગયો હતો.બે ટ્રકો વચ્ચે સર્જાયો ગમખ્વાર અકસ્માતઘટનાની મળતી માહિતી અનુસાર, સુરતના કિમ ચાર રસ્તા પાસે નેશનલ હાઇવે-48 પરથી પસાર થઈ રહેલી એક ટ્રકની પાછળ અન્ય એક પૂરપાટ ઝડપે આવતી ટ્રક ધડાકાભેર અથડાઈ પડી હતી. આગળ જતી ટ્રકે અચાનક બ્રેક મારતા કે સ્પીડ ધીમી કરતા આ અકસ્માત સર્જાયો હોવાનું પ્રાથમિક દ્રષ્ટિએ માનવામાં આવી રહ્યું છે. ટક્કર એટલી પ્રચંડ હતી કે, પાછળની ટ્રકના કેબિનના ફૂરચેફૂરચા ઊડી ગયા હતા અને ડ્રાઈવર સ્ટીયરિંગ અને પતરાં વચ્ચે ખરાબ રીતે ભીંસાઈ ગયો હતો.પતરાં કાપીને ચાલકનું દિલધડક રેસ્ક્યૂઘટનાની જાણ થતાં જ હાઇવે પરથી પસાર થતા સ્થાનિક વાહનચાલકો મદદે દોડી આવ્યા હતા. આ સાથે જ જિલ્લા ટ્રાફિક પોલીસ અને 108ની ઈમરજન્સી ટીમ પણ ગણતરીની મિનિટોમાં ઘટના સ્થળે પહોંચી ગઈ હતી. કેબિનમાં ફસાયેલા ચાલકને બહાર કાઢવા માટે તાત્કાલિક રેસ્ક્યૂ ઓપરેશન હાથ ધરવામાં આવ્યું હતું. ભારે જહેમત બાદ લોખંડના પતરાં અને કેબિનના હિસ્સાને કટર વડે કાપીને લોહીલુહાણ હાલતમાં ચાલકને સલામત રીતે બહાર કાઢવામાં આવ્યો હતો.હાઇવે પર ટ્રાફિક જામની સ્થિતિકેબિનમાંથી બહાર કાઢ્યા બાદ ઈજાગ્રસ્ત ટ્રક ચાલકને તાત્કાલિક ધોરણે 108 એમ્બ્યુલન્સ મારફતે નજીકની હોસ્પિટલ ખાતે સારવાર અર્થે ખસેડવામાં આવ્યો હતો, જ્યાં તેની સારવાર ચાલી રહી છે. આ અકસ્માતના કારણે નેશનલ હાઇવે પર થોડા સમય માટે વાહનોની લાંબી લાઈનો લાગી ગઈ હતી, પરંતુ ટ્રાફિક પોલીસે અકસ્માતગ્રસ્ત વાહનોને સાઈડ પર કરાવીને વાહનવ્યવહાર ફરી પૂર્વવત કરાવ્યો હતો.આ પણ વાંચો - Surat: અડાજણમાં હાઈ-પ્રેશર પાઈપલાઈનમાં મોટું ભંગાણ, પાકો રસ્તો ચીરીને પાણીના ફુવારા ઉડ્યા

Read Full Story arrow_forward
Rajkotમાં તસ્કરો બન્યા બેફામ: ઉમાકાંત ઉદ્યોગનગરમાં કારખાનાને બનાવ્યું નિશાન
calendar_today June 13, 2026

Rajkotમાં તસ્કરો બન્યા બેફામ: ઉમાકાંત ઉદ્યોગનગરમાં કારખાનાને બનાવ્યું નિશાન

રાજકોટ શહેરમાં કાયદો અને વ્યવસ્થાની સ્થિતિ જાણે કથળી રહી હોય તેમ તસ્કરો દિન-પ્રતિદિન વધુ બેફામ બની રહ્યા છે. શહેરમાં ચોરી અને લૂંટફાટના બનાવો સતત વધી રહ્યા છે, ત્યારે રાજકોટના પ્રખ્યાત ઔદ્યોગિક વિસ્તાર ઉમાકાંત ઉદ્યોગનગરમાંથી ચોરીની એક ચોંકાવનારી ઘટના સામે આવી છે. અહીં આવેલા એક એન્જિનિયરિંગ કારખાનામાં તસ્કરોએ રાત્રિના સમયે ત્રાટકીને બિન્ધાસ્ત રીતે ચોરીની ઘટનાને અંજામ આપ્યો છે. આ સમગ્ર ઘટના કારખાનામાં લાગેલા સીસીટીવી કેમેરામાં કેદ થઈ ગઈ છે.રાત્રિના અંધારામાં કારખાનામાં ઘૂસ્યો ચોરમળતી માહિતી મુજબ, ઉમાકાંત ઉદ્યોગનગરમાં આવેલા 'શ્રી ખોડલ એન્જિનિયરિંગ' નામના કારખાનાને તસ્કરોએ પોતાનું નિશાન બનાવ્યું હતું. રાત્રિના સમયે જ્યારે કારખાનામાં કામ કરતા શ્રમિક કારીગરો દિવસભરનો થાક ઉતારવા માટે ગાઢ નિદ્રામાં સૂતા હતા, ત્યારે એક અજાણ્યો ચોર કોઈ પણ જાતના ડર વગર કારખાનાની અંદર બિન્ધાસ્ત રીતે ઘૂસ્યો હતો. આ તસ્કરે ત્યાં સૂતેલા નિર્દોષ કારીગરોના કિંમતી મોબાઈલ ફોન અને રોકડ રકમ ભરેલા પાકીટની ચોરી કરી હતી અને પળવારમાં ત્યાંથી રફુચક્કર થઈ ગયો હતો.સીસીટીવી ફૂટેજના આધારે પોલીસ દ્વારા તપાસનો ધમધમાટસવારે જ્યારે કારીગરો જાગ્યા ત્યારે પોતાના મોબાઈલ અને પાકીટ ગાયબ હોવાનું જણાતા કારખાના માલિકને આ અંગે જાણ કરવામાં આવી હતી. કારખાનાના સીસીટીવી (CCTV) કેમેરા ચેક કરતાં એક શખ્સ ચોરી કરતો સ્પષ્ટ નજરે પડ્યો હતો. આ વીડિયો ફૂટેજ સોશિયલ મીડિયા પર પણ વાયરલ થયા છે. ઘટના અંગે સ્થાનિક પોલીસને જાણ કરવામાં આવતા પોલીસ કાફલો ઘટનાસ્થળે દોડી આવ્યો હતો. પોલીસે સીસીટીવી ફૂટેજ કબ્જે કરીને તેના આધારે તસ્કરની ઓળખ મેળવવા અને તેને ઝડપી પાડવા માટેના ચક્રો ગતિમાન કર્યા છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward