android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
WHOએ જેને ‘કેન્સર’નું કારણ ગણાવ્યું, તે ખતરનાક કેમિકલ ભારતમાં કેમ બેરોકટોક વેચાય છે?
calendar_today June 12, 2026

WHOએ જેને ‘કેન્સર’નું કારણ ગણાવ્યું, તે ખતરનાક કેમિકલ ભારતમાં કેમ બેરોકટોક વેચાય છે?

રાષ્ટ્રીય ડેસ્ક: આધુનિક ખેતીના નામે છેલ્લા કેટલાક દાયકાઓથી ખેતરોમાં જે રસાયણો ઠાલવવામાં આવી રહ્યા છે, તે હવે માણસ અને જમીન બંને માટે 'સાયલન્ટ કિલર' સાબિત થઈ રહ્યા છે. આવું જ એક વિવાદાસ્પદ અને અત્યંત ખતરનાક ખરપતવારનાશક (નિંદામણ નાશક) કેમિકલ છે 'ગ્લાયફોસેટ' (Glyphosate). વિશ્વ સ્વાસ્થ્ય સંગઠન (WHO) ની કેન્સર સંશોધન એજન્સી IARC એ ૨૦૧૫માં જ આ કેમિકલને "મનુષ્યો માટે સંભવિત કેન્સરકારક" (Probably Carcinogenic) જાહેર કર્યું હતું. આમ છતાં, મલ્ટીનેશનલ કંપનીઓની નફાખોરી અને સરકારી નિયમનકારોની ઉદાસીનતાને કારણે આ ઝેર ભારતીય બજારોમાં ખુલ્લેઆમ વેચાઈ રહ્યું છે, જે આપણા અન્નદાતાઓને સીધા મોતના મુખમાં ધકેલી રહ્યું છે.30થી વધુ દેશોમાં પ્રતિબંધ, અમેરિકામાં અબજોનો દંડજો આ કેમિકલ સુરક્ષિત છે, તો વિશ્વના ૩૦ થી વધુ દેશોએ તેના પર સંપૂર્ણ પ્રતિબંધ કેમ લગાવ્યો છે? વિયેતનામ, ઓસ્ટ્રિયા, જર્મની, ફ્રાન્સ, ઇટાલી અને નેધરલેન્ડ જેવા દેશોએ તેના ઉપયોગ પર કડક કાનૂની મનાઈ ફરમાવી દીધી છે. અમેરિકાની અદાલતોમાં આ કેમિકલના કારણે 'નૉન-હોજકિન લિમ્ફોમા' (એક પ્રકારનું બ્લડ કેન્સર) થવાના એક લાખથી વધુ કેસ નોંધાયા છે. તેની મૂળ ઉત્પાદક કંપનીને ખરીદનારી જર્મન ફાર્માસ્યુટિકલ કંપની 'બાયર' (Bayer) અત્યાર સુધીમાં પીડિતોને આશરે ૯૧,૦૦૦ કરોડ રૂપિયા (૧૧ અબજ ડોલર) નું હર્જાનું ચૂકવી ચૂકી છે.ખેડૂતો સાથે ઠગાઈગ્લાયફોસેટનો બિઝનેસ મોડેલ ડ્રગ્સ વેચવા જેવો છે. ખેડૂત દર વર્ષે હજારો રૂપિયા ખર્ચીને આ કેમિકલનો છંટકાવ કરે છે, પરંતુ થોડા સમય પછી ઘાસ વધુ આક્રમક બનીને પાછું આવે છે. પ્રકૃતિએ આ ઝેર સામે પોતાની જાતને ઢાળી દીધી છે, જેના કારણે ખેતરોમાં હવે 'સુપરવીડ્સ' (એવું ઘાસ જેના પર કોઈ કેમિકલ અસર કરતું નથી) પેદા થઈ ગયું છે. કંપનીઓ દર વખતે વધુ તેજ અને મોંઘા કેમિકલ ખરીદવાની સલાહ આપે છે. આ કેમિકલ વરસાદના પાણી સાથે વહીને નદીઓ અને ભૂગર્ભ જળમાં ભળે છે, જે પીવાના પાણીને પણ ઝેરી બનાવી રહ્યું છે.સરકારી આદેશ અને કંપનીઓનો કાનૂની દાવપેચભારતમાં કાયદેસર રીતે ગ્લાયફોસેટને માત્ર ચાના બગીચાઓ અને બિન-પાક વિસ્તારોમાં જ વાપરવાની મંજૂરી છે. પરંતુ, મજૂરોની અછતના કારણે સામાન્ય ખેડૂતો શાકભાજી અને ડાંગરના ખેતરોમાં પણ તેનો આડેધડ ઉપયોગ કરી રહ્યા છે. ભારતીય ખેડૂતો કોઈ પણ સુરક્ષાત્મક ગિયર (માસ્ક, ગ્લોવ્ઝ કે ખાસ સૂટ) વગર તેનો છંટકાવ કરે છે, જેથી તે સીધો શ્વાસ અને ત્વચાના સંપર્કમાં આવે છે.આ જોખમને જોતા કેન્દ્રીય કૃષિ મંત્રાલયે ઓક્ટોબર ૨૦૨૨માં એક નોટિફિકેશન બહાર પાડ્યું હતું, જે મુજબ કોઈ પણ સામાન્ય ખેડૂત આ કેમિકલ સીધું ખરીદીને સ્પ્રે નહીં કરી શકે. તેનો છંટકાવ માત્ર લાયસન્સ ધરાવતા 'પેસ્ટ કંટ્રોલ ઓપરેટરો' (PCOs) દ્વારા જ કરવામાં આવશે. આ નિયમ આવતા જ એગ્રોકેમિકલ કંપનીઓની લોબીએ પોતાના નફાને બચાવવા દિલ્હી હાઈકોર્ટના દરવાજા ખટખટાવ્યા. ગ્રામીણ વિસ્તારોમાં પીસીઓ માળખું ન હોવાની દલીલ આપીને કંપનીઓએ નવેમ્બર ૨૦૨૨માં આ આદેશ પર વચગાળાનો સ્ટે મેળવી લીધો.કૃષિ મંત્રાલયનું ઢીલું વલણઆશ્ચર્યની વાત એ છે કે, સામાન્ય રીતે હાઈકોર્ટના ચુકાદાઓ સામે ૨૪ કલાકમાં સુપ્રીમ કોર્ટ પહોંચતી કેન્દ્ર સરકાર આ મામલે સાવ ઢીલી પડી ગઈ. જુલાઈ ૨૦૨૩ અને ફેબ્રુઆરી ૨૦૨૪ની સુનાવણી દરમિયાન સરકારી વકીલોએ કોર્ટમાં લેખિત આશ્વાસન આપ્યું કે જ્યાં સુધી અંતિમ નિર્ણય ન આવે, ત્યાં સુધી સરકાર પીસીઓ વાળો આદેશ જબરદસ્તી લાગુ નહીં કરે. પરિણામે, ખેડૂતોના સ્વાસ્થ્ય રક્ષણ માટેની આ નીતિ ઠંડા બસ્તે ચાલી ગઈ છે. કંપનીઓ નફો કમાઈ રહી છે અને દેશનો અન્નદાતા બિનઅસરકારક સરકારી નીતિઓ અને કોર્પોરેટ લોબિંગના કારણે આ ઝેરનો ભોગ બની રહ્યો છે.આ પણ વાંચો:Italy Tourism:આ દેશના પ્રખ્યાત બીચ પર છતરી લગાવવા પર પ્રતિબંધ

Read Full Story arrow_forward
Gujarat Latest News Live:  મમતા બેનર્જીને વધુ એક ઝટકો, સાંપ્રદાયિક ટિપ્પણીઓ બદલ કરાઇ FIR
calendar_today June 12, 2026

Gujarat Latest News Live: મમતા બેનર્જીને વધુ એક ઝટકો, સાંપ્રદાયિક ટિપ્પણીઓ બદલ કરાઇ FIR

ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 12JUNE ના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો.

Read Full Story arrow_forward
Kutchના માધાપરમાં કાળજું કંપાવતો અકસ્માત: ટ્રકની ટક્કરે 14 વર્ષીય કિશોરનું કમકમાટીભર્યું મોત
calendar_today June 12, 2026

Kutchના માધાપરમાં કાળજું કંપાવતો અકસ્માત: ટ્રકની ટક્કરે 14 વર્ષીય કિશોરનું કમકમાટીભર્યું મોત

કચ્છ જિલ્લાના ભુજ તાલુકાના માધાપર ગામ નજીક એક અત્યંત કરુણ અને કાળજું કંપાવી દેનારી અકસ્માતની ઘટના સામે આવી છે. માધાપરના ગાયત્રી મંદિર નજીક આવેલા મુખ્ય માર્ગ પર ગઈકાલે એક બેફામ ગતિએ આવી રહેલી ટ્રકે બાઇકને જોરદાર અડફેટે લીધી હતી. આ ભયાનક અકસ્માતમાં બાઇક સવાર 14 વર્ષીય કિશોર આદર્શ રાવલનું ઘટનાસ્થળે જ કમકમાટીભર્યું મોત નીપજ્યું હતું. આ સમગ્ર હૃદયદ્રાવક ઘટના નજીકમાં લાગેલા સીસીટીવી કેમેરામાં કેદ થઈ ગઈ છે, જેના ફૂટેજ હવે સોશિયલ મીડિયા પર સામે આવ્યા છે.ટ્રક ચાલકની ઘોર બેદરકારી અને CCTV ફૂટેજસીસીટીવી ફૂટેજમાં સ્પષ્ટપણે જોઈ શકાય છે કે આ અકસ્માત ટ્રક ચાલકની ઘોર બેદરકારી અને ગફલતભરી ડ્રાઇવિંગના કારણે સર્જાયો હતો. વ્યસ્ત માર્ગ પર ટ્રક ચાલકે સ્પીડ પર કાબૂ ગુમાવ્યો હતો અને આગળ જઈ રહેલા બાઇકને જોરદાર ટક્કર મારી દીધી હતી. અકસ્માત એટલો ભયાનક હતો કે 14 વર્ષના માસૂમ આદર્શને સંભળાવવાનો કે બચવાનો કોઈ મોકો જ ન મળ્યો. આ ઘટનાને પગલે સ્થાનિક લોકો ઘટનાસ્થળે દોડી આવ્યા હતા, પરંતુ ત્યાં સુધીમાં ઘણું મોડું થઈ ચૂક્યું હતું. આ ઘટનાથી મૃતક કિશોરના પરિવારમાં ભારે આક્રોશ અને ગમગીનીનો માહોલ છવાઈ ગયો છે.ભારે વાહનોનો ત્રાસ અને સ્થાનિકોમાં રોષમાધાપર ગામના રહીશોના જણાવ્યા મુજબ ગામના આ આંતરિક અને મુખ્ય માર્ગો પરથી દિવસ-રાત ભારે વાહનો બેરોકટોક પસાર થાય છે. નો-એન્ટ્રીના નિયમોનું ઉલ્લંઘન કરીને માધાપર ગામની અંદરથી પસાર થતા આ ભારે વાહનોના કારણે અગાઉ પણ અનેક નાના-મોટા અકસ્માતો સર્જાયા છે. તંત્રની આંખ આડા કાન કરવાની નીતિને લીધે આજે એક માસૂમ બાળકે પોતાનો જીવ ગુમાવવો પડ્યો છે. સ્થાનિક લોકો હવે માધાપર ગામમાંથી ભારે વાહનોની અવરજવર પર તાત્કાલિક પ્રતિબંધ મૂકવાની અને દોષિત ટ્રક ચાલક સામે કડકમાં કડક કાનૂની કાર્યવાહી કરવાની માંગ કરી રહ્યા છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward