android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Gujarat Latest News Live: SMCના દરોડા બાદ ચોટીલાના PI, PSI સહિત 4 પોલીસકર્મી સસ્પેન્ડ
calendar_today June 12, 2026

Gujarat Latest News Live: SMCના દરોડા બાદ ચોટીલાના PI, PSI સહિત 4 પોલીસકર્મી સસ્પેન્ડ

ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 12JUNE ના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો.

Read Full Story arrow_forward
Surendranagar :SMCના દરોડા બાદ ચોટીલાના PI, PSI સહિત 4 પોલીસકર્મી સસ્પેન્ડ, વાંચો આખો મામલો
calendar_today June 12, 2026

Surendranagar :SMCના દરોડા બાદ ચોટીલાના PI, PSI સહિત 4 પોલીસકર્મી સસ્પેન્ડ, વાંચો આખો મામલો

ગુજરાતમાં ગેરકાયદેસર પ્રવૃત્તિઓ સામે સ્ટેટ મોનિટરિંગ સેલ એ ફરી એકવાર લાલ આંખ કરી છે. સુરેન્દ્રનગર જિલ્લાના ચોટીલા પંથકમાં કાયદો અને વ્યવસ્થા જાળવવામાં ઘોર બેદરકારી દાખવવા બદલ જિલ્લા પોલીસ વડા દ્વારા એક મોટું પગલું ભરવામાં આવ્યું છે. અમદાવાદ-રાજકોટ હાઇવે પર આવેલા ચોટીલાના નાની મોલડી ગામ પાસે એસએમસીની ટીમે પાડેલા સફળ દરોડા બાદ ચોટીલા પોલીસ મથકના પીઆઈ અને પીએસઆઈ સહિત કુલ ચાર પોલીસકર્મીઓને તાત્કાલિક અસરથી સસ્પેન્ડ કરી દેવામાં આવ્યા છે. આ કડક કાર્યવાહીથી સમગ્ર પોલીસ બેડામાં ભારે ફફડાટ વ્યાપી ગયો છે.8 ટનથી વધુનો શંકાસ્પદ કેમિકલ જથ્થો ઝડપાયો મળતી વિગતો મુજબ, સ્ટેટ મોનિટરિંગ સેલની ટીમને ચોટીલાના નાની મોલડી વિસ્તારમાં મોટા પાયે ગેરકાયદે કેમિકલ કૌભાંડ ચાલતું હોવાની ચોક્કસ બાતમી મળી હતી. જેના આધારે ટીમે ઓચિંતો દરોડો પાડીને ઘટનાસ્થળેથી 8 ટનથી પણ વધુ માત્રામાં શંકાસ્પદ કેમિકલનો જથ્થો જપ્ત કર્યો હતો. એસએમસીની આ રેડ દરમિયાન હાઇવે પર ચાલતા આ કાળા કારોબારમાંથી બે રીઢા આરોપીઓને પણ રંગેહાથ ઝડપી લેવામાં આવ્યા છે. સ્થાનિક પોલીસની નાકની નીચે આટલું મોટું નેટવર્ક ચાલતું હોવા છતાં સ્થાનિક તંત્ર કેમ અજાણ હતું, તે દિશામાં સવાલો ઊભા થયા હતા. આ ચાર કર્મચારીઓ સામે કાર્યવાહી પોતાના જ વિસ્તારમાં ચાલતી ગેરકાયદેસર પ્રવૃત્તિઓ રોકવામાં નિષ્ફળ રહેલા અને ગુનાહિત બેદરકારી બદલ સુરેન્દ્રનગર એસપીએ આકરાં પગલાં લીધા છે. સસ્પેન્ડ કરાયેલા અધિકારીઓમાં ચોટીલાના પીઆઈ જે.એન. સોલંકી, પીએસઆઈ બી.એન. ગળચર, પોલીસ કોન્સ્ટેબલ નરેન્દ્રસિંહ પરમાર અને દિલીપભાઈ માજરીયાનો સમાવેશ થાય છે. હાઇવે પર ચાલતા આ હાઈપ્રોફાઈલ કેમિકલ કૌભાંડના તાર ક્યાં સુધી જોડાયેલા છે અને આમાં અન્ય કોઈ સ્થાનિક કનેક્શન છે કે નહીં, તે અંગે સાયન્ટિફિક અને સઘન તપાસ શરૂ કરવામાં આવી છે. આ પણ વાંચો----    Gujarat Latest News Live: અલ નિનોના ખતરાથી PMનું રાજ્યોને એલર્ટ કર્યુ, કહ્યું તૈયાર રહો

Read Full Story arrow_forward
Ahmedabad: ગુજરાતમાં વરસાદની આગાહી વચ્ચે પણ અમદાવાદ-ગાંધીનગરમાં પારો 42 ડિગ્રી રહેશે
calendar_today June 12, 2026

Ahmedabad: ગુજરાતમાં વરસાદની આગાહી વચ્ચે પણ અમદાવાદ-ગાંધીનગરમાં પારો 42 ડિગ્રી રહેશે

ગુજરાતમાં કાળઝાળ ગરમીથી તોબા પોકારી ઉઠેલી જનતા માટે હવામાન વિભાગે રાહતના સમાચાર આપ્યા છે. રાજ્યમાં આગામી 7 દિવસ સુધી વરસાદી માહોલ જામશે તેવી સત્તાવાર જાહેરાત કરવામાં આવી છે. દક્ષિણ-પશ્ચિમ ચોમાસું મહારાષ્ટ્ર અને કરન્ડાના દરિયાકાંઠાના વિસ્તારોને આવરીને દક્ષિણ ગુજરાત તરફ ઝડપથી આગળ વધી રહ્યું છે, જેના કારણે પ્રિ-મોન્સૂન એક્ટિવિટીનો તબક્કો વધુ મજબૂત બન્યો છે.દક્ષિણ અને ઉત્તર ગુજરાતમાં મધ્યમ વરસાદની શરૂઆતહવામાન વિભાગના જણાવ્યા અનુસાર, આજે ઉત્તર ગુજરાતના સરહદી જિલ્લાઓ એવા બનાસકાંઠા અને સાબરકાંઠાના કેટલાક વિસ્તારોમાં ગાજવીજ અને તેજ પવન સાથે મધ્યમ વરસાદ પડવાની પૂરેપૂરી સંભાવના છે. જ્યારે, દક્ષિણ ગુજરાતના વલસાડ, વાપી, નવસારી, તાપી, ડાંગ અને કેન્દ્રશાસિત પ્રદેશ દમણ અને દાદરા નગર હવેલીમાં આગામી 48 કલાક દરમિયાન સારો એવો વરસાદ વરસી શકે છે. આ વિસ્તારોમાં તંત્ર દ્વારા માછીમારોને દરિયો ન ખેડવાની પણ સૂચના અપાઈ છે.સૌરાષ્ટ્રમાં 16 જૂનથી રાઉન્ડ અને અમદાવાદમાં ગરમી યથાવતબુલેટિનમાં વધુમાં જણાવાયું છે કે, આગામી 14 થી 16 જૂન દરમિયાન સૌરાષ્ટ્રના વાતાવરણમાં પણ મોટો પલટો આવશે. ખાસ કરીને 16 જૂનના રોજ સૌરાષ્ટ્રના દરિયાકાંઠાના જિલ્લાઓ જેવા કે ગીર સોમનાથ, અમરેલી, ભાવનગર અને દીવમાં હળવોથી મધ્યમ વરસાદ વરસી શકે છે, જે ખેડૂતો માટે વાવણીલાયક સાબિત થઈ શકે છે.બીજી તરફ, વરસાદની આ હેરફેર વચ્ચે પણ મધ્ય ગુજરાત અને અમદાવાદના રહીશોને ગરમી અને બફારામાંથી હાલ તુરંત મોટી રાહત મળવાની નથી. અમદાવાદ સાયન્સ સિટી અને આસપાસના વિસ્તારોમાં આગામી 7 દિવસ સુધી મહત્તમ તાપમાન 42 ડિગ્રી સેલ્સિયસની આસપાસ જ જળવાઈ રહેશે. હવામાં ભેજનું પ્રમાણ વધુ હોવાના કારણે નાગરિકોને અસહ્ય ઉકળાટ અને પરસેવો રેબઝેબ કરી મૂકશે. જો કે, જૂનના ત્રીજા અઠવાડિયામાં ચોમાસું વિધિવત બેસી જતાં સમગ્ર રાજ્યમાં તાપમાનનો પારો ગગડશે.આ પણ વાંચો: Rajkot: આંતરરાષ્ટ્રીય એરપોર્ટના રનવે પરિસરમાં ફરતા દેખાયા રખડતા પશુઓ, અકસ્માત થાય તો જવાબદાર કોણ?

Read Full Story arrow_forward