android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Surat News: ડિમોલિશન થયેલી જમીનના માલિકના ઘર પાસે MLAની કાર જોવા મળી, મોટા માથાઓની અવરજવરથી ચર્ચાઓ તેજ
calendar_today June 10, 2026

Surat News: ડિમોલિશન થયેલી જમીનના માલિકના ઘર પાસે MLAની કાર જોવા મળી, મોટા માથાઓની અવરજવરથી ચર્ચાઓ તેજ

સુરતના નાસીરનગર વિસ્તારમાં થયેલા વિવાદાસ્પદ ડિમોલિશનનો મામલો હવે ભારે ગરમાયો છે. આ સમગ્ર ઓપરેશનમાં સુરત મહાનગરપાલિકાના કેટલાક ભ્રષ્ટ કર્મચારીઓ અને ઉચ્ચ અધિકારીઓની શંકાસ્પદ ભૂમિકા હોવાના સવાલો ઉઠ્યા બાદ હવે તપાસનો દોર અત્યંત તેજ કરવામાં આવ્યો છે. પાલિકા કમિશનર એમ. નાગરાજન દ્વારા એસએમસીના ડેપ્યુટી કમિશનરની અધ્યક્ષતામાં એક હાઈપાવર તપાસ કમિટીની રચના કરવામાં આવી છે. આ ઘટનામાં આજે ત્રણ નવા વળાંક આવ્યા છે. જેમાં એક વીડિયો વાયરલ થયો છે અને જમીનના માલિકના ઘર નજીક ધારાસભ્યના બોર્ડ વાળી ફોરચ્યુનર કાર જોવા મળી છે.  ઘરની બહાર પાર્ક કરેલી આ ગાડીમાં કોણ આવ્યુસુરતમાં નાસિરનગર ડિમોલિશન મામલે વધુ એક બાબત સામે આવી છે. જેમાં જમીન માલિક ગુલુબેનના ઘર નજીક એક ફોરચ્યુનર કાર જોવા મળી છે. આ કારમાં લાલ કલરનું MLA લખેલું બોર્ડ જોવા મળ્યું છે. આ કાર કોની છે તે અંગે અનેક સવાલો ઉભા થયાં છે. લોકોમાં એવી પણ ચર્ચાઓ છે કે જમીનના માલિક ગુલુબેનના ઘરની બહાર પાર્ક કરેલી આ ગાડીમાં કોણ આવ્યુ હતું. આ ગાડી કયા ધારાસભ્યની છે તે સૌથી મોટો સવાલ છે.  વૃદ્ધાનો વીડિયો પણ હાલમાં સોશિયલ મીડિયામાં વાયરલબીજી તરફ આ ઘટનામાં એક વૃદ્ધાનો વીડિયો પણ હાલમાં સોશિયલ મીડિયામાં વાયરલ થયો છે. બિલ્ડર સંજય લાખાણી મહિલાના ઘરમાં ગયા બાદ આ વીડિયો વાયરલ થયો છે. વાયરલ થયેલા આ કથિત વીડિયોમાં વૃદ્ધાએ એક નિવેદનમાં એવું કહ્યું હતું કે, પાલિકાએ જમીનનો કબજો લેવા માટે આ ડિમોલિશન કર્યું છે. આખા ઘરમાં આ વૃદ્ધા એકલા જ રહે છે. તે વિરોધ કરનારાઓની વિરૂદ્ધમાં અલગ અલગ પ્રકારના નિવેદન આપી રહ્યાં છે. તે વીડિયોમાં એવું કહે છે કે, સુરત જિલ્લાના બ્રિજ પાસે અમારી જમીન છે. અમે અમારી જમીન સ્કૂલ બનાવવા કોર્પોરેશનને દાનમાં આપી હતી. વૃદ્ધાનું આ નિવેદન ઘણું શંકા ઉપજાવનારૂ છેવાયરલ થયેલા કથિત વીડિયોમાં વૃદ્ધા એવું પણ કહે છે કે, હાલમાં જે ઓહાપોહ ચાલી રહ્યો છે તેમાં સમાજના કહેવાતા આગેવાનો પોતાની રોટલી શેકવાનો પ્રયાસ કરી રહ્યાં છે. વૃદ્ધાનું આ નિવેદન ઘણું શંકા ઉપજાવનારૂ છે. વાયરલ થયેલા વીડિયોમાં પણ ઘણા રીટેક લેવાયા હોવાનું જાણવા મળ્યું છે. બિલ્ડરે આ વીડિયો બળજબરીથી બનાવ્યો હોવાની શંકા સ્પષ્ટ દેખાઈ રહી છે. બિલ્ડર ઘરમાં ગયા બાદ વૃદ્ધાનો મોબાઈલ પણ સ્વીચ ઓફ કરી દેવાયો હતો. આસપાસના લોકોએ સંપર્ક કરતાં વૃદ્ધાનો ફોન બંધ આવતો હતો. આ પણ વાંચોઃ Surat News: ભૂતિયા ડિમોલિશનનો ખેલ કયા અધિકારીએ કર્યો?, બિલ્ડર વૃદ્ધાના ઘરમાં ગયા બાદ એક વીડિયો વાયરલ

Read Full Story arrow_forward
Ahmedabad News: AMC ઉત્તર પશ્ચિમ ઝોનના બ્રિજને વેધર ઇફેક્ટથી બચાવવા 2.81 કરોડ ખર્ચશે
calendar_today June 10, 2026

Ahmedabad News: AMC ઉત્તર પશ્ચિમ ઝોનના બ્રિજને વેધર ઇફેક્ટથી બચાવવા 2.81 કરોડ ખર્ચશે

અમદાવાદ શહેરના ઈન્ફ્રાસ્ટ્રક્ચરને વધુ મજબૂત અને ટકાઉ બનાવવા માટે અમદાવાદ મ્યુનિસિપલ કોર્પોરેશન દ્વારા એક મહત્વનો નિર્ણય લેવામાં આવ્યો છે. ચોમાસુ,અતિશય ગરમી અને બદલાતા વાતાવરણની નકારાત્મક અસરોથી બ્રિજોને સુરક્ષિત રાખવા માટે તંત્ર દ્વારા અંદાજે 2.81 કરોડનો માતબર ખર્ચ કરવામાં આવશે.આ પ્રોજેક્ટ અંતર્ગત ખાસ કરીને શહેરના ઉત્તર-પશ્ચિમ ઝોનમાં આવેલા બ્રિજોની કાયાપલટ કરવામાં આવશે.ગુણવત્તા જાળવવા એન્ટી કાર્બોનેશન પેઇન્ટ કરાશેવાતાવરણમાં થતા સતત બદલાવ અને પ્રદૂષણને કારણે બ્રિજના આરસીસી સ્ટ્રક્ચરને મોટું નુકસાન થતું હોય છે.બ્રિજની આંતરિક ગુણવત્તા અને મજબૂતાઈ લાંબા સમય સુધી જળવાઈ રહે તે માટે તેના પર ખાસ પ્રકારનો એન્ટી કાર્બોનેશન પેઈન્ટ કરવામાં આવશે.આ પેઇન્ટ બ્રિજને ભેજ, કેમિકલ અને વાતાવરણની હાનિકારક અસરોથી બચાવશે, જેનાથી બ્રિજનું આયુષ્ય વધશે.બ્રિજની મજબૂતાઈની સાથે-સાથે તેની સુંદરતામાં પણ વધારો કરવામાં આવશે. સ્ટેન્ડિંગ કમિટીની બેઠકમાં દરખાસ્ત રજૂ કરાશેઆ યોજના અંતર્ગત બ્રિજના મુખ્ય સ્પાન પર ડેકોરેટિવ પેઇન્ટ કરવામાં આવશે.જે શહેરની સુંદરતામાં ચાર ચાંદ લગાવશે. રાત્રિના સમયે અને સામાન્ય દિવસોમાં આ બ્રિજો આકર્ષક લુક આપશે.આ સમગ્ર કામગીરીને વહીવટી મંજૂરી આપવા માટે આગામી સ્ટેન્ડિંગ કમિટીની બેઠકમાં દરખાસ્ત રજૂ કરવામાં આવશે. કમિટીની લીલી ઝંડી મળતા જ ઉત્તર-પશ્ચિમ ઝોનના બ્રિજો પર યુદ્ધના ધોરણે કામગીરી શરૂ કરી દેવામાં આવશે. AMCના આ પગલાથી ભવિષ્યમાં બ્રિજના મોટા રિપેરિંગ ખર્ચમાંથી મુક્તિ મળશે.આ પણ વાંચોઃ Surat News: ડિમોલિશન થયેલી જમીનના માલિકના ઘર પાસે MLAની કાર જોવા મળી, મોટા માથાઓની અવરજવરથી ચર્ચાઓ તેજ

Read Full Story arrow_forward
West Bengal : મમતા બેનરજીની TMCએ 19 બાગી સાંસદોનું લિસ્ટ જાહેર કર્યું, શત્રુઘ્ન સિંહાનું નામ પણ સામેલ
calendar_today June 10, 2026

West Bengal : મમતા બેનરજીની TMCએ 19 બાગી સાંસદોનું લિસ્ટ જાહેર કર્યું, શત્રુઘ્ન સિંહાનું નામ પણ સામેલ

મમતા બેનરજીની તૃણમૂલ કોંગ્રેસ દ્વારા પોતાના બાગી સાંસદોની એક યાદી જાહેર કરવામાં આવી છે.જેને પગલે રાજકીય ગરમાવો આવી ગયો છે.આ યાદીમાં કુલ 19 સાંસદોના નામ સામેલ છે.જેમાં પક્ષના કેટલાક જાણીતા અને દિગ્ગજ ચહેરાઓનો સમાવેશ થાય છે.બાગી જાહેર કરાયેલા આ નેતાઓમાં સયાની ઘોષ, શર્મિલા સરકાર, અરૂપ બિસ્વાસ, શતાબ્દી રોય, રચના બેનર્જી અને કાકોલી ઘોષ જેવા અગ્રણી નામો છે.આ ઉપરાંત,પૂર્વ ક્રિકેટર યુસુફ પઠાન અને બોલિવૂડના દિગ્ગજ અભિનેતા તેમજ નેતા શત્રુઘ્ન સિન્હા જેવા હાઈ-પ્રોફાઈલ સાંસદોના નામ પણ આ યાદીમાં સામેલ હોવાથી ટીએમસીની અંદર ચાલી રહેલો આંતરિક વિખવાદ હવે સપાટી પર આવી ગયો છે.ટીએમસી પાસે માત્ર 9 સાંસદો જ બચ્યાસૂત્રોના જણાવ્યા પ્રમાણે,તૃણમૂલ કોંગ્રેસ (TMC)ના બાગી સાંસદોએ લોકસભા અધ્યક્ષને હસ્તાક્ષર કરેલો એક પત્ર સોંપી દીધો છે,જેમાં 19 સાંસદોની સહી હોવાનો દાવો કરવામાં આવ્યો છે. કાકોલી ઘોષ દસ્તીદારના નેતૃત્વમાં આ આખું જૂથ એનડીએ (NDA)ને સમર્થન આપવાની તૈયારી કરી રહ્યું છે.જેમાં સયાની ઘોષ, શત્રુઘ્ન સિન્હા અને પૂર્વ ક્રિકેટર યુસુફ પઠાન પણ સામેલ હોવાનું કહેવાય છે. પાર્ટીમાં આ મોટા ભંગાણ બાદ હવે મમતા બેનર્જીની ટીએમસી પાસે માત્ર 9 સાંસદો જ બચ્યા છે.મમતા બેનરજીએ કોંગ્રેસ સાથે મુલાકાત કરીમમતા બેનર્જી સાથે મજબૂતીથી ઊભા હોય તેવા માત્ર 8 સાંસદો જ રહ્યા છે. જેમાં અભિષેક બેનર્જી, મહુઆ મોઇત્રા, કીર્તિ આઝાદ, સૌગત રોય, કલ્યાણ બેનર્જી અને શતાબ્દી રોયનો સમાવેશ થાય છે.આ રાજકીય સંકટ વચ્ચે મમતા બેનર્જી પોતાના બાકી બચેલા સાંસદોના સંપર્કમાં રહીને આગળની વ્યુહરચના ઘડી રહ્યા છે, જેના ભાગરૂપે મમતા બેનર્જીએ કોંગ્રેસ નેતા સોનિયા ગાંધી સાથે અને અભિષેક બેનર્જીએ રાહુલ ગાંધી સાથે મુલાકાત કરી હોવાના અહેવાલો મળી રહ્યા છે.

Read Full Story arrow_forward