android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Rajasthan Tourism: ઉનાળાની કાળઝાળ ગરમીમાં પણ ઠંડા-ગાર રહે છે રાજસ્થાનના આ 5 હિલ સ્ટેશન
calendar_today June 9, 2026

Rajasthan Tourism: ઉનાળાની કાળઝાળ ગરમીમાં પણ ઠંડા-ગાર રહે છે રાજસ્થાનના આ 5 હિલ સ્ટેશન

સામાન્ય રીતે ઉનાળાની ઋતુમાં રાજસ્થાન જવાનું નામ સાંભળતાં જ લોકોના મગજમાં ધગધગતો રણપ્રદેશ, ગરમ લૂ અને આકરો તડકો યાદ આવી જાય છે. પરંતુ, જો તમને આ દિવસોમાં કોઈ રાજસ્થાન ફરવા જવાનું કહે તો કદાચ તમને ગુસ્સો આવી જાય. પણ થોડું અટકો! તમને જાણીને નવાઈ લાગશે કે આ જ રાજસ્થાનમાં કેટલીક એવી અદ્ભુત જગ્યાઓ પણ છે જે ઉનાળાના મહિનાઓમાં પણ મનમોહક અને ઠંડી રહે છે. અરાવલીની પહાડીઓમાં છુપાયેલા આ સ્થળો પર સવાર-સાંજ એવી ઠંડી હવાઓ ચાલે છે કે તમને રાજસ્થાનમાં હોવાનો અહેસાસ જ નહીં થાય. જો તમે આ વેકેશનમાં ગરમી અને ભીડભાડથી દૂર કોઈ શાંત જગ્યાએ જવા માગો છો, તો રાજસ્થાનના આ 5 સ્થળો તમારા માટે બેસ્ટ ઓપ્શન છે.1. માઉન્ટ આબુ (Mount Abu)જ્યારે પણ રાજસ્થાનના ઠંડા સ્થળોની વાત થાય ત્યારે સૌથી પહેલું નામ માઉન્ટ આબુનું આવે છે. આ રાજસ્થાનનું એકમાત્ર હિલ સ્ટેશન છે. અરાવલીની પહાડીઓ વચ્ચે વસેલા આ હિલ સ્ટેશનમાં ઉનાળામાં પણ તાપમાન ઘણું નીચું રહે છે. અહીં તમે પ્રખ્યાત નક્કી લેકમાં બોટિંગની મજા માણી શકો છો, સનસેટ પોઈન્ટ પરથી અદ્ભુત નજારો જોઈ શકો છો અને દિલવાડા જૈન મંદિરની અદભુત નક્ષીકામની કળા નિહારી શકો છો.2. ગુરુ શિખર (Guru Shikhar)માઉન્ટ આબુની બિલકુલ નજીક આવેલું ગુરુ શિખર રાજસ્થાનનું સૌથી ઊંચું શિખર માનવામાં આવે છે. આ ઊંચાઈ પર પહોંચતા જ આસપાસના વિસ્તારો કરતા તાપમાનમાં ભારે ઘટાડો નોંધાય છે. શિખરની ટોચ પર ઠંડા પવનો અને વાદળોથી ઘેરાયેલું વાતાવરણ પ્રકૃતિપ્રેમીઓને મંત્રમુગ્ધ કરી દે છે.3. રણકપુર (Ranakpur)જો તમે ગરમીથી દૂર શાંતિભર્યો અનુભવ મેળવવા માંગતા હોવ તો રણકપુર એક શાનદાર વિકલ્પ છે. ચારેય બાજુથી પહાડોથી ઘેરાયેલી આ જગ્યા પોતાની હરિયાળી અને ઠંડા વાતાવરણ માટે જાણીતી છે. શહેરની ભાગદોડ વાળી જિંદગીથી કંટાળેલા લોકો માટે રણકપુરના જૈન મંદિરો અને અદ્ભુત કુદરતી સૌંદર્ય માનસિક શાંતિ આપે છે.4. કુંભલગઢ (Kumbhalgarh)કુંભલગઢનું નામ સાંભળતા જ ભવ્ય કિલ્લો અને રાજપૂતાના ઈતિહાસ યાદ આવે, પરંતુ આ જગ્યા તેના ખુશનુમા અને ઠંડા હવામાન માટે પણ એટલી જ લોકપ્રિય છે. પહાડોની વચ્ચે હોવાને કારણે અહીં ઉનાળામાં પણ ગરમી નથી લાગતી. તમે અહીં કુંભલગઢનો ઐતિહાસિક કિલ્લો જોવાની સાથે જંગલ સફારીની મજા પણ લઈ શકો છો.5. અચલગઢ (Achalgarh)જો તમે કોઈ એવી જગ્યાએ જવા માંગો છો જ્યાં પ્રવાસીઓની બહુ ભીડ ન હોય, તો અચલગઢ ઉત્તમ વિકલ્પ છે. માઉન્ટ આબુ નજીક આવેલી આ જગ્યા તેના શાંત માહોલ, હરિયાળી અને ઠંડી હવા માટે ફેમસ છે. અહીંનો પ્રાચીન કિલ્લો અને જૂના મંદિરો પ્રવાસીઓને એક નવો જ અનુભવ કરાવશે.આ પણ વાંચો: કોંગ્રેસમાંથી હાંકી કાઢ્યા બાદ મમતાએ કેવી રીતે ઉભી કરી TMC? જાણો સંપૂર્ણ ઇતિહાસ

Read Full Story arrow_forward
Zoji-la Tunnel:  11,757 ફૂટની ઊંચાઈએ ભારતે દેખાડ્યો દમ, જોજિલા ટનલનું ફાઇનલ બ્રેકથ્રૂ પૂર્ણ
calendar_today June 9, 2026

Zoji-la Tunnel: 11,757 ફૂટની ઊંચાઈએ ભારતે દેખાડ્યો દમ, જોજિલા ટનલનું ફાઇનલ બ્રેકથ્રૂ પૂર્ણ

ભારત-ચીન સરહદ નજીક ભારતે ઇતિહાસ રચ્યો છે. કાશ્મીર અને લદ્દાખને જોડતી ઝોજિલા ટનલની  કામગીરી સફળતા પૂર્વક આજે, 9 જૂને પ્રાપ્ત થઈ. જમ્મુ-કાશ્મીર અને લદ્દાખ વચ્ચે તમામ ઋતુઓમાં (All-Weather) અવરજવર માટેના વર્ષો જૂના સપનાને સાકાર કરતી 'જોજિલા સુરંગ' (Zojila Tunnel) નું આખરી અને મહત્વપૂર્ણ વિકાસ કાર્ય (બ્રેક થ્રુ એટલે કે બંને તરફથી પહાડ ખોદીને રસ્તો એક કરવાનો તબક્કો) આજે સફળતાપૂર્વક પૂર્ણ થઈ ગયું છે. આ સફળતા સાથે જ કાશ્મીર અને લદ્દાખ વચ્ચેનો વાહનવ્યવહાર શિયાળામાં પણ અવિરત ચાલુ રહેશે. જમ્મુ કાશ્મીર એલજીએ ખુશી વ્યક્ત કરીઆ ઐતિહાસિક અવસરે યોજાયેલી પ્રેસ કોન્ફરન્સમાં જમ્મુ-કાશ્મીરના એલજી મનોજ સિન્હાએ ખુશી વ્યક્ત કરતા કહ્યું કે આ એક ઐતિહાસિક તારીખ છે. લદ્દાખ અને જમ્મુ-કાશ્મીરના લોકોને બારેમાસ કનેક્ટિવિટી આપવા માટેના અંતિમ તબક્કાના પડાવને કેન્દ્રીય મંત્રી નીતિન ગડકરીજીએ પૂરો કર્યો છે. હું બંને પ્રદેશના નાગરિકોને હૃદયપૂર્વક અભિનંદન પાઠવું છું. એશિયા જ નહીં, વિશ્વના ઈતિહાસમાં નંબર-1 બનશે આ ટનલ: નીતિન ગડકરી કેન્દ્રીય માર્ગ પરિવહન અને ધોરીમાર્ગ મંત્રી નીતિન ગડકરીએ આ સિદ્ધિને ભારતીય એન્જિનિયરિંગના ઈતિહાસનું સુવર્ણ પાનું ગણાવ્યું હતું. તેમણે ટનલની વિશેષતાઓ અને મહત્વ વિશે વાત કરતા જણાવ્યું કે ટનલનું  વર્લ્ડ ક્લાસ ઈન્ફ્રાસ્ટ્રક્ચર છે.  આ ટનલ આશરે 14 કિલોમીટર લાંબી છે અને સ્ટેટ-ઓફ-ધ-આર્ટ (અતિ આધુનિક) ટેકનોલોજીથી સજ્જ છે. અત્યાર સુધી આપણે તેને એશિયાની સૌથી લાંબી ટનલ કહેતા હતા, પરંતુ આ વૈશ્વિક ઈતિહાસમાં પણ નંબર 1 પર સ્થાન મેળવશે. આ સુરંગ લેહ અને લદ્દાખના લોકો માટે એક નવી લાઈફલાઈન (જીવાદોરી) સાબિત થશે, જે પ્રવાસન અને આર્થિક વિકાસને વેગ આપશે. હાડ થીજવતી ઠંડીમાં એન્જિનિયરો અને શ્રમિકોનો કમાલ આ ભગીરથ કાર્ય પાછળ છુપાયેલા સંઘર્ષને બિરદાવતા કેન્દ્રીય મંત્રીએ કહ્યું કે આ ટનલ દરિયાઈ સપાટીથી આશરે 3,000 મીટરની ઊંચાઈ પર આવેલી છે. જ્યારે અહીં કામ ચાલી રહ્યું હતું, ત્યારે તાપમાન માઈનસ 4 ડિગ્રી કે તેનાથી પણ નીચે ચાલ્યું જતું હતું. આવી કડકડતી ઠંડી અને પ્રતિકૂળ કુદરતી પરિસ્થિતિઓ વચ્ચે પણ આપણા દેશના એન્જિનિયરો, શ્રમિકો, કોન્ટ્રાક્ટરો અને તબીબોની ટીમે અથાણું મહેનત કરીને આ અશક્ય કામને શક્ય બનાવ્યું છે. હવે આગળ શું થશે અને આ ટનલ કેમ મહત્વની છે? અંતિમ બ્રેકથ્રુ પૂર્ણ થવાને કારણે પહાડની બંને બાજુના છેડા હવે સંપૂર્ણપણે મળી ગયા છે. આ મોટી સફળતા બાદ હવે આગામી તબક્કાના કામો રોકેટ ગતિએ પૂરા કરવામાં આવશે. ટનલની અંદર પાકો રોડ બનાવવો, લાઈટિંગ, હાઈ-ટેક સીસીટીવી કેમેરા અને ઈમરજન્સી સેફ્ટી સિસ્ટમ જેવી આંતરરાષ્ટ્રીય સ્તરની સુરક્ષા સુવિધાઓ ઊભી કરવામાં આવશે. મહત્વનું છે કે દર વર્ષે ભારે બરફવર્ષાને કારણે શિયાળાના મહિનાઓમાં લદ્દાખનો સંપર્ક સમગ્ર દેશથી તૂટી જતો હતો, જે સમસ્યા હવે કાયમ માટે ભૂતકાળ બની જશે.આ પણ વાંચો- આ એક જિલ્લો, ગણાય છે Litchi Capital of India, જાણો કયો ?

Read Full Story arrow_forward
Ujjainના મહાકાલમાં ‘પુષ્પા રાજ’ સ્ટાઈલમાં પહોંચેલા યુવકનો વીડિયો વાયરલ થતાં મચ્યો ખળભળાટ!
calendar_today June 9, 2026

Ujjainના મહાકાલમાં ‘પુષ્પા રાજ’ સ્ટાઈલમાં પહોંચેલા યુવકનો વીડિયો વાયરલ થતાં મચ્યો ખળભળાટ!

મધ્યપ્રદેશના ઉજ્જૈનમાં આવેલા વિશ્વપ્રસિદ્ધ બાબા મહાકાલેશ્વર મંદિરમાંથી એક આશ્ચર્યજનક અને વિચિત્ર કિસ્સો સામે આવ્યો છે. અહીં એક યુવક અલ્લુ અર્જુનની ફિલ્મ 'પુષ્પા ૨' સ્ટાઈલમાં મંદિરમાં એન્ટ્રી કરે છે. આ યુવક પુષ્પાની જેવી સાડી અને ઘરેણાં પહેરીને પૂજા કરવા પહોંચ્યો હતો. નવાઈની વાત એ છે કે, મંદિરમાં વીડિયોગ્રાફી પર સખત પ્રતિબંધ હોવા છતાં આ યુવક બિન્દાસ શૂટિંગ કરતો રહ્યો અને સુરક્ષાકર્મીઓ તેને રોકવાને બદલે તેની સાથે સેલ્ફી લેતા ઝડપાયા હતા. આ વીડિયો સોશિયલ મીડિયા પર વાયરલ થતાં જ મંદિર પ્રશાસનમાં દોડધામ મચી ગઈ છે.સાડી, બંગડી અને લીંબુનો માળો પહેરીને આવ્યો યુવકમળતી માહિતી મુજબ, આ અજાણ્યો યુવક આબેહૂબ 'પુષ્પા' ફિલ્મના ગંગમ્મા થલ્લી લુકની જેમ સાડી-બ્લાઉઝ, પગમાં પાયલ, ગળામાં લીંબુનો માળો, કાનની કડી, નાકમાં નથણી અને હાથમાં બંગડીઓ પહેરીને મહાકાલના દરબારે પહોંચ્યો હતો. તેના આ અસામાન્ય અને વિચિત્ર અવતારને જોઈને ત્યાં હાજર અન્ય શ્રદ્ધાળુઓ પણ આશ્ચર્યચકિત થઈ ગયા હતા.જુઓ વીડિયો  પ્રતિબંધ છતાં મળી VIP એન્ટ્રી અને બન્યો વીડિયોમહાકાલ મંદિરના માનસરોવર ગેટ પર તૈનાત સુરક્ષા કર્મચારીઓએ આ નિયમોનું ઉલ્લંઘન કરનારા યુવકને બહાર કાઢવાને બદલે તેની સાથે ફોટા પડાવવાનું શરૂ કરી દીધું હતું. એટલું જ નહીં, એક સુરક્ષા કર્મચારી તો તેને VIP ભક્તની જેમ ગણેશ મંડપમ સુધી અંદર લઈ ગયો હતો. આ દરમિયાન યુવકે ગર્ભગૃહની આસપાસ વીડિયો શૂટ કર્યો અને તેને ઇન્સ્ટાગ્રામ તથા ફેસબુક પર અપલોડ પણ કરી દીધો. આ વીડિયો સામે આવ્યા બાદ મંદિરની સુરક્ષા વ્યવસ્થા અને નિયમો પર ગંભીર સવાલો ઉઠી રહ્યા છે.વહીવટીતંત્ર એક્શનમાં, સેલ્ફી લેનાર કર્મચારી સસ્પેન્ડઆ વિવાદ ગરમાયા બાદ મંદિર પ્રશાસને કડક વલણ અપનાવ્યું છે. મંદિરના પ્રશાસકે જણાવ્યું કે આ વાયરલ વીડિયો ૫ ફેબ્રુઆરીનો છે. મામલો ધ્યાનમાં આવતા જ ફરજ પર બેદરકારી દાખવનારા સંબંધિત સુપરવાઇઝરને તાત્કાલિક અસરથી પદ પરથી હટાવી દેવામાં આવ્યો છે. વહીવટીતંત્રે સ્પષ્ટ શબ્દોમાં ચેતવણી આપી છે કે મહાકાલ મંદિરની ગરિમા અને મર્યાદા વિરુદ્ધ કોઈપણ કૃત્ય સહન કરવામાં આવશે નહીં.અગાઉ પણ બની ચૂકી છે આવી ઘટનાઓનોંધનીય છે કે મહાકાલેશ્વર મંદિરમાં નિયમોના ધજાગરા ઉડ્યા હોય તેવી આ પહેલી ઘટના નથી. આ પહેલા પણ મંદિર પરિસરમાં રીંગ સેરેમની (સગાઈ) નો એક વીડિયો વાયરલ થયો હતો. આવી ઘટનાઓ વારંવાર બનવાને કારણે ભક્તોમાં પણ રોષ છે. પ્રશાસને હવે ભવિષ્યમાં આવી સુરક્ષા ખામીઓ ન સર્જાય તે માટે કડક પ્રોટોકોલ લાગુ કરવાની ખાતરી આપી છે.આ પણ વાંચો 

Read Full Story arrow_forward