Surat : સુમુલ ડેરીના પ્રતિષ્ઠાના જંગનું રણશિંગું ફૂંકાયું, 16 બેઠકો પર કોનું પલ્લું રહેશે ભારે?
દક્ષિણ ગુજરાતના સહકારી ક્ષેત્રના સૌથી મોટા અને પ્રતિષ્ઠાભર્યા જંગ ગણાતી સુરતની 'સુમુલ ડેરી' ની ચૂંટણીનું આખરે બ્યુગલ ફૂંકાઈ ગયું છે. લાંબા સમયથી જેની આતુરતાપૂર્વક રાહ જોવાઈ રહી હતી તે સુમુલ ડેરીની ચૂંટણીનો સત્તાવાર કાર્યક્રમ આજે જાહેર કરી દેવામાં આવ્યો છે. ચૂંટણી અધિકારી દ્વારા આ અંગેનું વિધિવત જાહેરનામું પ્રસિદ્ધ કરાતા જ સુરત અને તાપી જિલ્લાના રાજકારણમાં ગરમાવો આવી ગયો છે.15 જુલાઈએ મતદાન જાહેર કરાયેલા સત્તાવાર કાર્યક્રમ અનુસાર, આગામી 15 જુલાઈના રોજ સુમુલ ડેરીના તમામ 16 મતદાર વિભાગો માટે મતદાન પ્રક્રિયા હાથ ધરવામાં આવશે. ત્યારબાદ ૧17 જુલાઈના રોજ મતગણતરી થશે અને તે જ દિવસે સ્પષ્ટ થશે કે સુમુલ ડેરીની સત્તાનું સુકાન કોના હાથમાં જશે. 10 જૂનથી ઉમેદવારી પત્રો ભરવાની પ્રક્રિયા આ પ્રતિષ્ઠાની લડાઈ માટે આગામી 10 જૂનથી ઉમેદવારી પત્રો ભરવાની પ્રક્રિયા શરૂ થઈ જશે. રાજકીય દાવપેચ વચ્ચે જો કોઈ ઉમેદવાર પોતાનું ફોર્મ પરત ખેંચવા માંગતા હોય તો તેના માટે 4 જુલાઈ સુધીનો સમય આપવામાં આવ્યો છે. ફોર્મ ખેંચવાની મુદત પૂરી થયા બાદ જ ખરાખરીના ખેલનું ચિત્ર સ્પષ્ટ થશે. કાંટાની ટક્કર સુમુલ ડેરીની આ ચૂંટણીમાં કુલ 16 મતદાર વિભાગોનો સમાવેશ થાય છે, જ્યાં પશુપાલકો અને સહકારી મંડળીના પ્રતિનિધિઓ પોતાના મતાધિકારનો ઉપયોગ કરશે. દક્ષિણ ગુજરાતની આર્થિક કરોડરજ્જુ ગણાતી આ ડેરી પર વર્ચસ્વ જમાવવા માટે ભાજપ પ્રેરિત પેનલો અને અન્ય સહકારી નેતાઓ વચ્ચે કાંટાની ટક્કર થવાની પૂરેપૂરી સંભાવના છે. જાહેરનામું બહાર પડતાં જ અત્યારથી જ ઉમેદવારો નક્કી કરવા અને આંતરિક બેઠકોનો દોર તેજ બની ગયો છે. હવે જોવાનું એ રહેશે કે આ જંગમાં કોણ બાજી મારે છે અને કોનું પત્તું કપાય છે!આ પણ વાંચો---- Gujarat Latest News Live : રાજ્યમાં ગરમી વચ્ચે વરસાદની આગાહી
Read Full Story arrow_forward