android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Halvad: રણછોડગઢમાં આક્રંદ વચ્ચે એકસાથે 5 અર્થીઓ ઉઠી, તાલુકા પંચાયત સદસ્ય સહિત 5 યુવાનોના મોત
calendar_today June 6, 2026

Halvad: રણછોડગઢમાં આક્રંદ વચ્ચે એકસાથે 5 અર્થીઓ ઉઠી, તાલુકા પંચાયત સદસ્ય સહિત 5 યુવાનોના મોત

હળવદ તાલુકાના ચરાડવા નજીક ગત રાત્રે સર્જાયેલા એક ભયાનક માર્ગ અકસ્માતમાં કાળ આંબી ગયો છે. અત્રે કાર અને ડમ્પર વચ્ચે સર્જાયેલા ગમખ્વાર અકસ્માતમાં હળવદ તાલુકા પંચાયત સદસ્ય સહિત રણછોડગઢ ગામના પાંચ આશાસ્પદ યુવાનોના કમકમાટીભર્યા મોત નીપજ્યા છે. આજે સવારે જ્યારે ગામમાંથી એકસાથે પાંચ યુવાનોની સ્મશાનયાત્રા (અર્થી) નીકળી ત્યારે આખું ગામ હિબકે ચઢ્યું હતું અને પથ્થર હૃદયના માણસની આંખોમાંથી પણ આસુ સરી પડ્યા હતા. આ હૃદયદ્રાવક ઘટનાને પગલે સમગ્ર હળવદ પંથકમાં ભારે શોકનું મોજું ફરી વળ્યું છે.ચરાડવા પાસે ડમ્પર અને કારનો અકસ્માતમળતી માહિતી મુજબ, ગત રાત્રે ચરાડવા નજીક કાર અને ડમ્પર વચ્ચે ધડાકાભેર અકસ્માત સર્જાયો હતો. ટક્કર એટલી જોરદાર હતી કે ત્રણ યુવાનોના ઘટનાસ્થળે જ કરુણ મોત નીપજ્યા હતા. જ્યારે અન્ય ઇજાગ્રસ્તોને તાત્કાલિક સારવાર અર્થે હોસ્પિટલ ખસેડાયા હતા, જ્યાં સારવાર દરમિયાન વધુ બે યુવાનોએ દમ તોડી દેતા કુલ મૃત્યુઆંક પાંચ પર પહોંચ્યો હતો. અકસ્માતમાં મૃત્યુ પામેલા લોકોમાં રણછોડગઢ બેઠકના હળવદ તાલુકા પંચાયતના સદસ્ય પ્રેમજીભાઈ દઢૈયા, સુરેશ સિહોરા, ભરત દઢૈયા, વિરમ દઢૈયા અને પરેશ દઢૈયાનો સમાવેશ થાય છે. એક જ ગામના પાંચ-પાંચ રત્નો જેવા યુવાનો કાળનો કોળિયો બની જતાં પરિવારો પર આભ તૂટી પડ્યું છે.યુવાનોની સ્મશાનયાત્રામાં આખું ગામ હિબકે ચઢ્યું આ ભયાનક અકસ્માતમાં અન્ય બે યુવાનો પ્રકાશ દઢૈયા અને દિલીપ ભગવાનજીભાઈ દઢૈયાને પણ ગંભીર ઇજાઓ પહોંચી છે, જેમને પ્રાથમિક સારવાર આપ્યા બાદ વધુ ઇમરજન્સી સારવાર માટે તાત્કાલિક રાજકોટ રિફર કરવામાં આવ્યા છે. ઘટનાની જાણ થતાં જ હળવદ પોલીસનો કાફલો ઘટનાસ્થળે અને હોસ્પિટલે દોડી આવ્યો હતો. પોલીસે મૃતદેહોનું પોસ્ટમોર્ટમ કરાવી આગળની કાયદેસરની તપાસ હાથ ધરી છે. આ ગમખ્વાર અકસ્માતે રણછોડગઢ ગામની દિવાળી જેવી શાંતિને માતમમાં ફેરવી દીધી છે.આ પણ વાંચો: Surat: સચિન GIDC પાસે કારનો કચ્ચરઘાણ, મુસાફરોનો ચમત્કારિક બચાવ

Read Full Story arrow_forward
Bhuj : જી.કે. જનરલ હોસ્પિટલમાં હેડ ક્લાર્કની 'લીલા', ખોટા ખાતા ખોલાવી 1.76 કરોડ સરકારી નાણાં સ્વાહા
calendar_today June 6, 2026

Bhuj : જી.કે. જનરલ હોસ્પિટલમાં હેડ ક્લાર્કની 'લીલા', ખોટા ખાતા ખોલાવી 1.76 કરોડ સરકારી નાણાં સ્વાહા

સરહદી જિલ્લા કચ્છના મુખ્ય મથક ભુજ ખાતેથી સરકારી નાણાંની મસમોટી ઉચાપતનો એક ચોંકાવનારો કિસ્સો સામે આવ્યો છે. ભુજની સરકારી સંચાલિત પ્રસિદ્ધ જી.કે. જનરલ હોસ્પિટલ અને મેન્ટલ હોસ્પિટલમાં કરોડો રૂપિયાનું આર્થિક કૌભાંડ આચરવામાં આવ્યું હોવાનો પર્દાફાશ થયો છે. હોસ્પિટલના જ જવાબદાર હેડ ક્લાર્કે સત્તાનો દુરુપયોગ કરીને બેંક ખાતામાંથી અંદાજે 1.76 કરોડની સરકારી રકમ બારોબાર સેરવી લીધી હોવાનો સત્તાવાર ખુલાસો થયો છે. આ મામલે ભુજ શહેરના બી-ડિવિઝન પોલીસ મથકે બે મુખ્ય સૂત્રધારો સામે વિધિવત ગુનો નોંધી કાયદેસરની કાર્યવાહી હાથ ધરવામાં આવી છે.ઓડિટમાં થયો મોટો ખુલાસો મળતી વિગતો મુજબ, હોસ્પિટલના વાર્ષિક હિસાબોની ચકાસણી અને ઓડિટ પ્રક્રિયા દરમિયાન આ સમગ્ર કરોડોનું કૌભાંડ પકડાયું છે. ઓડિટ ટીમને નાણાકીય વ્યવહારોમાં મોટી ગેરરીતિઓ નજરે ચડતા ઊંડાણપૂર્વક તપાસ કરવામાં આવી હતી. જેમાં સામે આવ્યું કે હોસ્પિટલના હેડ ક્લાર્ક બલભદ્ર જાડેજા અને તેના સાથીદાર મિતેશ ચુડાસમાએ સોચી-સમજીને આ આખી ઉચાપતનું નેટવર્ક ગોઠવ્યું હતું. બે ખોટા બેંક એકાઉન્ટ ખોલાવ્યા આ આરોપીઓએ સત્તાવાર મંજૂરી વિના બે ખોટા બેંક એકાઉન્ટ ખોલાવ્યા હતા. ત્યારબાદ સરકારી તિજોરીમાંથી આવતા હોસ્પિટલના નાણાં ઓરિજિનલ ખાતાને બદલે આ ખોટા બેંક એકાઉન્ટ્સમાં ટ્રાન્સફર કરીને લાખો-કરોડો રૂપિયા હજમ કરી ગયા હતા. નાણાં પોતાના અંગત સ્વાર્થ માટે સેરવ્યા આરોપીઓ પર જનતાના સ્વાસ્થ્ય અને સુવિધા માટે ફાળવાયેલા સરકારી નાણાં પોતાના અંગત સ્વાર્થ માટે હડપવાનો ગંભીર આરોપ લાગ્યો છે. ઓડિટ રિપોર્ટના આધારે હોસ્પિટલ પ્રશાસન દ્વારા તુરંત જ બી-ડિવિઝન પોલીસ મથકે બંને નામોલ્લેખિત શખ્સો સામે છેતરપિંડી, વિશ્વાસઘાત અને સરકારી દસ્તાવેજો સાથે ચેડાં કરવાની કલમો હેઠળ ફરિયાદ નોંધાવવામાં આવી છે. આ ઘટનાને પગલે સમગ્ર કચ્છના આરોગ્ય વહીવટી આલમમાં અને સરકારી કચેરીઓમાં ભારે સન્નાટો વ્યાપી ગયો છે. હાલ પોલીસે બંને આરોપીઓની ધરપકડ કરવાના ચક્રો ગતિમાન કર્યા છે અને બેંક ટ્રાન્ઝેક્શનની વિગતો મેળવીને તપાસનો વ્યાપ વધાર્યો છે.આ પણ વાંચો---    Gujarat Latest News live : અમદાવાદના મોટેરામાં વિરોધ વચ્ચે ડિમોલિશન શરુ, સ્થાનિકોની અટકાયત

Read Full Story arrow_forward
Valsad: વાપીના ડુંગરા વિસ્તારમાં છેડતીના આરોપસર બે શખ્સોએ યુવકને ડંડા વડે ઢોર માર માર્યો
calendar_today June 6, 2026

Valsad: વાપીના ડુંગરા વિસ્તારમાં છેડતીના આરોપસર બે શખ્સોએ યુવકને ડંડા વડે ઢોર માર માર્યો

વલસાડ જિલ્લાના ઔદ્યોગિક હબ ગણાતા વાપીના ડુંગરા વિસ્તારમાંથી કાયદો અને વ્યવસ્થાના લીરેલીરા ઉડાડતી એક સનસનાટીભરી ઘટના પ્રકાશમાં આવી છે. અહીં સરેઆમ રસ્તા પર એક યુવકને બે શખ્સો દ્વારા નિર્દયતાપૂર્વક લોખંડ કે લાકડીના ડંડા વડે ફટકારીને ‘તાલિબાની સજા’ આપવામાં આવી છે. ધોળા દિવસે જાહેરમાં બનેલી આ હિંસક ઘટનાનો વીડિયો સોશિયલ મીડિયા પર વાયરલ થતાં જ ચકચાર મચી ગઈ છે અને પોલીસ તંત્ર પણ એક્શન મોડમાં આવી ગયું છે.વાપીના ડુંગરા વિસ્તારમાં યુવકને માર માર્યોસ્થાનિક સ્તરે ચાલતી ચર્ચાઓ અને સૂત્રો પાસેથી મળતી વિગતો અનુસાર, ભોગ બનનાર યુવકે કોઈ યુવતી કે મહિલાની છેડતી કરી હોવાનો આક્ષેપ હતો. આ છેડતીના આરોપનો બદલો લેવા અથવા પાઠ ભણાવવાના આશયથી બે શખ્સોએ કાયદો પોતાના હાથમાં લીધો હતો. તેમણે યુવકને રસ્તાની વચ્ચે આંતરીને તેના પર હિચકારો હુમલો કરી દીધો હતો. લુખ્ખા તત્વોએ કોઈ પણ પ્રકારના ડર વગર યુવકને જાહેરમાં ડંડા વડે બેરહેમીથી ઢોર માર માર્યો હતો અને લોકો જોતા રહ્યા હતા.પોલીસે શખ્સોની ઓળખ મેળવવા તપાસ હાથ ધરીઆ સમગ્ર ક્રૂરતાનો વીડિયો ત્યાં હાજર કોઈ વ્યક્તિએ કેમેરામાં કેદ કરી લીધો હતો, જે હવે સોશિયલ મીડિયા પર આગની જેમ વાયરલ થઈ રહ્યો છે. વીડિયો વાયરલ થતાં જ સફાળી જાગેલી ડુંગરા પોલીસે આ મામલે કડક વલણ અપનાવ્યું છે. પોલીસે વીડિયોના આધારે માર મારનારા બંને શખ્સોની ઓળખ મેળવવા અને ભોગ બનનાર યુવકની ભાળ મેળવવા માટે તપાસના ચક્રો ગતિમાન કર્યા છે. પોલીસે જણાવ્યું છે કે, ગુનો ગમે તે હોય પણ કોઈને કાયદો હાથમાં લેવાની સત્તા નથી અને આ કેસમાં કાયદેસરની કડક કાર્યવાહી કરવામાં આવશે.આ પણ વાંચો: Halvad: રણછોડગઢમાં આક્રંદ વચ્ચે એકસાથે 5 અર્થીઓ ઉઠી, તાલુકા પંચાયત સદસ્ય સહિત 5 યુવાનોના મોત

Read Full Story arrow_forward