android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Tajmahal Viral Video : તાજમહેલની વુઝુ ટાંકીમાં વાંદરાઓની મસ્તીનો જુઓ સુંદર નજારો, વાયરલ વીડિયોએ જગાવી ચર્ચા
calendar_today June 6, 2026

Tajmahal Viral Video : તાજમહેલની વુઝુ ટાંકીમાં વાંદરાઓની મસ્તીનો જુઓ સુંદર નજારો, વાયરલ વીડિયોએ જગાવી ચર્ચા

વિશ્વની સાત અજાયબીઓમાંના એક એવા ઐતિહાસિક વારસા તાજમહેલમાંથી એક અનોખો અને અત્યંત રમૂજી વીડિયો સામે આવ્યો છે, જે સોશિયલ મીડિયા પર ધૂમ મચાવી રહ્યો છે. સામાન્ય રીતે પોતાની સુંદરતા માટે જાણીતા તાજમહેલ સંકુલમાં આ વખતે વાંદરાઓના એક જૂથે પ્રવાસીઓનું ધ્યાન ખેંચ્યું છે. વાયરલ વીડિયોમાં વાંદરાઓ પાણીની ટાંકીમાં ડાઇવિંગ કરીને મસ્તીથી તરતા જોવા મળે છે, જેને ઇન્ટરનેટ યુઝર્સ 'વાંદરાઓની પૂલ પાર્ટી' કહી રહ્યા છે.તાજમહલમાં વાનરોની પૂલ પાર્ટી, પ્રવાસીઓને મનોરંજનતાજમહેલ સંકુલની અંદર આવેલી એક પાણીની ટાંકી (વુઝુ ટેન્ક) પાસે અચાનક કેટલાક વાંદરાઓ આવી પહોંચ્યા હતા અને કોઈપણ ડર વગર પાણીમાં કૂદી પડ્યા હતા. દેશ-વિદેશથી આવેલા પ્રવાસીઓ માટે આ નજારો આશ્ચર્ય અને મનોરંજન બંને લઈને આવ્યો હતો. ત્યાં હાજર મોટાભાગના લોકોએ પોતાના ફોન કાઢીને વાંદરાઓના આ સ્વિમિંગ સેશનને કેમેરામાં કેદ કરવાનું શરૂ કરી દીધું હતું.તાજમહલમાં વાનરના વાયરલ વીડિયો પર સ્પષ્ટતાસોશિયલ મીડિયા પર કેટલીક પોસ્ટમાં એવો ભ્રામક દાવો કરવામાં આવ્યો હતો કે વાંદરાઓએ તાજમહેલના મુખ્ય ગુંબજ સામે આવેલા મુખ્ય ફુવારાને સ્વિમિંગ પૂલ બનાવી દીધો છે. જોકે, પુરાતત્વ વિભાગના અધિકારીઓએ આ દાવાને નકારી કાઢતા સ્પષ્ટતા કરી છે કે આ વીડિયો મુખ્ય ફુવારાનો નથી.  વાંદરાઓ જે ટાંકીમાં નહાઈ રહ્યા છે તે મુખ્ય મકબરા અને મસ્જિદ વચ્ચે આવેલી 'વુઝુ ટાંકી' (Ablution Tank) છે. આ ટાંકીનો ઉપયોગ ભક્તો મસ્જિદમાં નમાઝ પઢતા પહેલા હાથ-મોં ધોવા (વુઝુ કરવા) માટે કરે છે.રમૂજી વીડિયો પાછળ સુરક્ષાની ગંભીર ચૂકઆ વીડિયો ભલે જોવામાં રમુજી લાગે, પરંતુ તેણે ભારતીય પુરાતત્વ સર્વેક્ષણ (ASI) અને તાજમહેલની હાઈ-સિક્યોરિટી વ્યવસ્થા પર ગંભીર સવાલો ઉભા કર્યા છે. ઇન્ટરનેટ યુઝર્સ ચિંતા વ્યક્ત કરી રહ્યા છે કે આટલા સંવેદનશીલ અને ઉચ્ચ સુરક્ષા ધરાવતા વિસ્તારમાં વાંદરાઓ આટલી સરળતાથી કેવી રીતે પહોંચી ગયા? પ્રવાસીઓની સુરક્ષા માટે વાંદરાઓને સંકુલમાં પ્રવેશતા અટકાવવાની પૂરતી વ્યવસ્થા કેમ નથી?આ પણ વાંચો : Surat News: PM મોદીની અપીલને લોકોએ સ્વીકારી, ભર બપોરે શહેરીજનો સાયકલ યાત્રામાં જોડાયા: હર્ષ સંઘવી

Read Full Story arrow_forward
Punjab Accident : ફિરોઝપુરમાં ભયાનક અકસ્માત, મહિન્દ્રા પિકઅપ અને ટ્રેલર વચ્ચેની ટક્કરમાં 9 લોકોના મોત
calendar_today June 6, 2026

Punjab Accident : ફિરોઝપુરમાં ભયાનક અકસ્માત, મહિન્દ્રા પિકઅપ અને ટ્રેલર વચ્ચેની ટક્કરમાં 9 લોકોના મોત

પંજાબના ફિરોઝપુરમાંથી એક અત્યંત દુઃખદ અને હૃદયદ્રાવક માર્ગ અકસ્માતના સમાચાર સામે આવ્યા છે. અહીં એક મહિન્દ્રા પિકઅપ વાહન અને એક મોટા ટ્રેલર વચ્ચે એટલી ભયાનક ટક્કર થઈ કે ઘટનાસ્થળે જ 9 લોકોના મોત થયા હતા. ટક્કર એટલી જોરદાર હતી કે બંને વાહનોના કુચડા ઉડી ગયા અને સ્થળ પર ચીસો તથા અફરાતફરી મચી ગઈ. મળતી માહિતી અનુસાર, આ અકસ્માત ફિરોઝપુર નજીક થયો હતો, જ્યાં બંને વાહનો તેજ ગતિએ જઈ રહ્યા હતા અને અચાનક સામસામે અથડાઈ ગયા હતા. અકસ્માતનો જોરદાર અવાજ સાંભળીને આસપાસના લોકો તરત જ ઘટનાસ્થળે પહોંચી ગયા અને રાહત તથા બચાવ કામગીરી શરૂ કરી હતી. સ્થાનિક લોકોએ તરત જ પોલીસને ઘટનાની જાણ કરી હતી. પરિવારના એક સભ્યના અસ્થિ વિસર્જન માટે જઈ રહેલા લોકોની જીપને ટ્રકે ટક્કર મારી મળતી માહિતી મુજબ, પરિવારના એક સભ્યના અસ્થિ વિસર્જન માટે જઈ રહેલા લોકોની જીપને ટ્રકે ટક્કર મારી હતી. અકસ્માત એટલો ગંભીર હતો કે 9 લોકોના સ્થળ પર જ મોત થયા હતા. ઘટનામાં ઘાયલ થયેલા લોકોને તાત્કાલિક સારવાર માટે નજીકની હોસ્પિટલમાં ખસેડવામાં આવ્યા છે.પોલીસે ઘટનાસ્થળે પહોંચી તપાસ શરૂ કરી  અકસ્માત બાદ વિસ્તારમાં શોકનું વાતાવરણ છવાઈ ગયું છે. પોલીસે ઘટનાસ્થળે પહોંચી તપાસ શરૂ કરી છે અને અકસ્માતના કારણોની તપાસ કરી રહી છે.માહિતી મળતાં જ પોલીસ અને વહીવટી તંત્રની ટીમ ઘટનાસ્થળે પહોંચી હતી. સ્થાનિક લોકોની મદદથી વાહનોમાં ફસાયેલા લોકોને બહાર કાઢવામાં આવ્યા હતા. અકસ્માતમાં જીવ ગુમાવનાર 9 લોકોના મૃતદેહોને કબજામાં લઈને પોસ્ટમોર્ટમ માટે મોકલી આપવામાં આવ્યા છે. પોલીસે સમગ્ર મામલે તપાસ શરૂ કરી છે અને અકસ્માતના ચોક્કસ કારણો જાણવા પ્રયાસ કરી રહી છે. આ ભયાનક અકસ્માત બાદ પીડિત પરિવારોમાં શોકનો માહોલ છવાઈ ગયો છે, જ્યારે સમગ્ર વિસ્તારમાં પણ દુઃખ અને શોકની લાગણી જોવા મળી રહી છે.

Read Full Story arrow_forward
Gujarat Latest News live : અમદાવાદના મોટેરાના સ્થાનિકોના વિરોધ વચ્ચે ગામતળની જમીનનું ડિમોલિશન શરુ
calendar_today June 6, 2026

Gujarat Latest News live : અમદાવાદના મોટેરાના સ્થાનિકોના વિરોધ વચ્ચે ગામતળની જમીનનું ડિમોલિશન શરુ

ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 06JUNE ના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો.

Read Full Story arrow_forward