android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Ahmedabad : મોટેરામાં AMCની ટીમ ડિમોલિશન કરવા પહોંચતા સ્થાનિકોનો ઉગ્ર વિરોધ, આત્મવિલોપનની ચીમકી
calendar_today June 6, 2026

Ahmedabad : મોટેરામાં AMCની ટીમ ડિમોલિશન કરવા પહોંચતા સ્થાનિકોનો ઉગ્ર વિરોધ, આત્મવિલોપનની ચીમકી

અમદાવાદ મ્યુનિસિપલ કોર્પોરેશન દ્વારા આજે વહેલી સવારથી જ શહેરના મોટેરા વિસ્તારમાં ગેરકાયદેસર બાંધકામો વિરુદ્ધ એક મોટી અને કડક ઝુંબેશ હાથ ધરવામાં આવી છે. મોટેરાના જૂના ગામતળ વિસ્તારમાં આવેલા આસારામ આશ્રમ નજીકના ગેરકાયદેસર મકાનો અને બાંધકામોને તોડી પાડવા માટે એએમસીની હાઈડ્રોલિક અને ડિમોલિશનની ટીમ ઘટનાસ્થળે પહોંચી છે. જો કે, કોર્પોરેશનની ટીમ પહોંચતાની સાથે જ સ્થાનિક રહીશો દ્વારા તેનો જોરદાર અને ઉગ્ર વિરોધ કરવામાં આવ્યો છે, જેના કારણે મોટેરા ગામમાં ભારે તંગદિલીભર્યો માહોલ સર્જાયો છે.36 જેટલા ગેરકાયદેસર મકાનો તોડવાની કાર્યવાહી તંત્ર દ્વારા આ વિસ્તારમાં આવેલા અંદાજે 36 જેટલા ગેરકાયદેસર મકાનો અને બાંધકામોને જમીનદોસ્ત કરવાની સંપૂર્ણ યોજના તૈયાર કરવામાં આવી છે. આ કાર્યવાહી શરુ થતાં સ્થાનિક લોકો રસ્તા પર ઉતરી આવ્યા હતા અને કોર્પોરેશનની કામગીરી અટકાવવાનો પ્રયાસ કર્યો હતો. આત્મવિલોપન કરવાની ચીમકી વિરોધ એટલી હદે વણસ્યો હતો કે કેટલાક રોષે ભરાયેલા સ્થાનિકોએ વહીવટી તંત્ર સામે આત્મવિલોપન કરવાની ચીમકી પણ ઉચ્ચારી દીધી છે. લોકોનું કહેવું છે કે આ મકાનો જૂના ગામતળની જમીન પર આવેલા છે અને નોટિસ આપ્યા વિના જ આ તોડફોડ કરવામાં આવી રહી છે.  https://youtu.be/NFYrvlk_OOo ચુસ્ત અને લોખંડી પોલીસ બંદોબસ્ત ગોઠવી દેવામાં આવ્યો સ્થાનિકોના ભારે આક્રોશ અને કાયદો-વ્યવસ્થાની સ્થિતિ ન બગડે તે માટે મોટેરા ગામમાં ચુસ્ત અને લોખંડી પોલીસ બંદોબસ્ત ગોઠવી દેવામાં આવ્યો છે. ડિમોલિશનની જગ્યા પર કોઈ અપ્રિય ઘટના ન ઘટે તે માટે 1 એસીપી 5 પોલીસ ઇન્સ્પેક્ટર 10 પીએસઆઈ અને 130 થી વધુ પોલીસ કોન્સ્ટેબલોનો કાફલો સ્થળ પર તૈનાત કરવામાં આવ્યો છે. પોલીસના આ કડક પહેરા વચ્ચે કોર્પોરેશને જેસીબી મશીનો દ્વારા 36 ગેરકાયદેસર મકાનો તોડી પાડવાની ઓપરેશનલ કામગીરી શરૂ કરી દીધી છે. આ પણ વાંચો----     Gujarat Latest News live : અમદાવાદના મોટેરાના ગામતળની જમીનનું ડિમોલિશન, ડિમોલિશન પહેલા સ્થાનિકોનો વિરોધ

Read Full Story arrow_forward
Kadi: સરકારી શાળા અને મંદિરની સાડા ચાર વીઘા જમીન બારોબાર વેચી મારતા USA-કેનેડાના NRI સહિત 14 સામે ફરિયાદ
calendar_today June 6, 2026

Kadi: સરકારી શાળા અને મંદિરની સાડા ચાર વીઘા જમીન બારોબાર વેચી મારતા USA-કેનેડાના NRI સહિત 14 સામે ફરિયાદ

મહેસાણા જિલ્લાના કડી પથકમાંથી જમીન માફિયાઓની એક ચોંકાવનારી મોડસ ઓપરેન્ડી સામે આવી છે, જેમાં કરોડો રૂપિયાની કિંમત ધરાવતી સરકારી શાળા અને મંદિરની જમીનને નકલી દસ્તાવેજોના આધારે વેચી મારવાનું એક બહુમોટું કૌભાંડ ઝડપાયું છે. આ મામલે કડી સબ રજિસ્ટ્રાર કચેરીના અધિકારીએ બાવલું પોલીસ સ્ટેશનમાં સત્તાવાર ફરિયાદ નોંધાવતા સમગ્ર વહીવટી તંત્રમાં ભારે ફફડાટ વ્યાપી ગયો છે. આ હાઈપ્રોફાઈલ જમીન કૌભાંડમાં સ્થાનિક સાગરીતો ઉપરાંત અમદાવાદ, મુંબઈ તેમજ વિદેશ એટલે કે USA (અમેરિકા) અને કેનેડામાં રહેતા મળી કુલ ૧૪ જેટલા જમીન માફિયાઓ સામે ગુનો દાખલ કરવામાં આવ્યો છે.જમીનને હડપવા ભૂમાફિયાઓએ મોટો ખેલ રચ્યોમળતી વિગતો અનુસાર, કડી પથકમાં આવેલી સરકારી પ્રાથમિક શાળા અને મંદિરની સાડા ચાર વીઘાથી વધુની કિંમતી જમીનને હડપવા માટે ભૂમાફિયાઓએ મોટો ખેલ રચ્યો હતો. આરોપીઓએ આ સરકારી જમીન ખાનગી ખેતીની જમીન હોવાનો ખોટો દાવો કર્યો હતો. કૌભાંડીઓએ આ જમીન પોતાના નામે બતાવવા માટે કૂટચિહ્નિત (ખોટા) દસ્તાવેજો અને મૂળ માલિકોના સ્થાને અન્ય ભળતી વ્યક્તિઓના ફોટોગ્રાફ્સ રજૂ કરી સબ રજિસ્ટ્રાર કચેરીને પણ ગેરમાર્ગે દોરી હતી અને કરોડોની જમીન બારોબાર વેચી નાખી હતી.નકલી દસ્તાવેજોના આધારે વેચી મારવાનું કૌભાંડ જોકે, આ સમગ્ર કાળી કરતૂતનો પર્દાફાશ ત્યારે થયો જ્યારે સરકારી પ્રાથમિક શાળાના જાગૃત આચાર્ય અને સ્થાનિક મામલતદાર દ્વારા આ જમીન સંદર્ભે જીણવટભરી તપાસ હાથ ધરવામાં આવી. તપાસ દરમિયાન શાળા અને મંદિરની જમીનના કાગળો બોગસ હોવાનું સાબિત થતાં સબ રજિસ્ટ્રાર એક્શનમાં આવ્યા હતા અને કાયદાકીય કાર્યવાહી શરૂ કરી હતી. હાલમાં બાવલું પોલીસે તમામ 14 આરોપીઓ વિરૂદ્ધ છેતરપિંડી અને કાવતરાનો ગુનો નોંધી, વિદેશમાં બેઠેલા આરોપીઓ સુધી પહોંચવા માટે કાયદાકીય કડીઓ મજબૂત કરી આગળની તપાસના ચક્રો ગતિમાન કર્યા છે.આ પણ વાંચો: Valsad: વાપી રેલવે પ્લેટફોર્મ પર જાંબાઝોએ મુસાફરોને મોતના મુખમાંથી ખેંચી કાઢ્યા, રેલવે સ્ટાફ અને પોલીસે બતાવ્યું સાહસ

Read Full Story arrow_forward
Surat: ગોડાદરામાં લૂંટ કેસમાં આરોપીઓ ઝડપાયા, રામદેવ ટ્રેડર્સના કર્મચારીને માર મારી 8 લાખ લઈને ફરાર થયા હતા
calendar_today June 6, 2026

Surat: ગોડાદરામાં લૂંટ કેસમાં આરોપીઓ ઝડપાયા, રામદેવ ટ્રેડર્સના કર્મચારીને માર મારી 8 લાખ લઈને ફરાર થયા હતા

સુરત શહેરમાં ગુનેગારો બેફામ બન્યા હોય તેમ વધુ એક હિંસક લૂંટની ઘટના સામે આવી છે. સુરતના ગોડાદરા વિસ્તારમાં આવેલી 'રામદેવ ટ્રેડર્સ' નામની પેઢીના એક કર્મચારી પાસેથી ત્રણ લૂંટારુઓ માર મારીને 8 લાખની રોકડ રકમ ભરેલી બેગ લૂંટીને ફરાર થઈ ગયા હતા. જોકે, ઘટનાની ગંભીરતાને જોઈને એક્શનમાં આવેલી સુરત ક્રાઇમ બ્રાન્ચની ટીમે ગણતરીના કલાકોમાં જ આખી ગેંગનો પર્દાફાશ કરી ત્રણેય લૂંટારુઓને જેલભેગા કરી દીધા છે.ત્રણ લૂંટારુઓ માર મારીને 8 લાખ લૂંટીને ફરાર મળતી વિગતો અનુસાર, ગોડાદરા વિસ્તારમાં આવેલી રામદેવ ટ્રેડર્સના કર્મચારી વહેલી સવારે જ્યારે રોજિંદી પ્રક્રિયા મુજબ દુકાન ખોલી રહ્યા હતા, બરાબર તે જ સમયે ટાર્ગેટ કરીને બેઠેલા ત્રણ લૂંટારુઓ ત્યાં ત્રાટક્યા હતા. આ લૂંટારુઓ પૂર્વ આયોજિત કાવતરાના ભાગરૂપે પોતાની ઓળખ છુપાવવા માટે નંબર પ્લેટ વગરની મોટરસાઇકલ (બાઇક) લઈને આવ્યા હતા. લૂંટારુઓએ કર્મચારીને ઘેરી લીધો હતો અને તેની સાથે ઝપાઝપી કરી બેરહેમીપૂર્વક માર માર્યો હતો. કર્મચારી કશું સમજે તે પહેલાં જ તેના હાથમાંથી 8 લાખની રોકડ ભરેલી બેગ આંચકીને લૂંટારુઓ પૂરપાટ ઝડપે બાઇક પર ફરાર થઈ ગયા હતા.લૂંટ ચલાવનારા ત્રણેય સાગરીતોને દબોચી લીધા વહેલી સવારે બનેલી આ સનસનાટીભરી ઘટનાને પગલે સ્થાનિક પોલીસ અને ઉચ્ચ અધિકારીઓનો કાફલો ઘટનાસ્થળે દોડી આવ્યો હતો. આ કેસની તપાસ સુરત ક્રાઇમ બ્રાન્ચને સોંપવામાં આવી હતી. ક્રાઇમ બ્રાન્ચે ટેકનિકલ સર્વેલન્સ, હ્યુમન ઇન્ટેલિજન્સ અને આસપાસના સીસીટીવી (CCTV) ફૂટેજ ખંગાળીને લૂંટારુઓનું પગેરું દબાવ્યું હતું. ભારે જહેમત બાદ પોલીસે નંબર પ્લેટ વિનાની બાઇક સાથે લૂંટ ચલાવનારા ત્રણેય સાગરીતોને દબોચી લીધા છે અને તેમની પાસેથી લૂંટની રકમ રિકવર કરવાની તજવીજ હાથ ધરી છે. વહેલી સવારે થયેલી લૂંટનો ભેદ ઉકેલાતા વેપારી આલમે રાહતનો શ્વાસ લીધો છે.આ પણ વાંચો: Kadi: સરકારી શાળા અને મંદિરની સાડા ચાર વીઘા જમીન બારોબાર વેચી મારતા USA-કેનેડાના NRI સહિત 14 સામે ફરિયાદ

Read Full Story arrow_forward