વાંચો 6 જૂનના રોજ બનનારી મહત્વની ઘટનાઓ વિશે
6 જૂનનો દિવસ રાજકીય, સામાજિક, રમતગમત અને હવામાનની દ્રષ્ટિએ ખૂબ જ મહત્વપૂર્ણ રહેવાનો છે. દેશ અને ગુજરાતમાં 6 જૂનના રોજ અનેક મોટી ઘટનાઓ આકાર લેવા જઈ રહી છે, જેના પર સૌની નજર રહેશે. આવો જાણીએ 6 જૂનની પ્રમુખ ઘટનાઓ વિશે વિગતવાર:હવામાન વિભાગનું એલર્ટ: 17 રાજ્યોમાં ભારે વાવાઝોડા અને વરસાદની ચેતવણીહવામાન વિભાગ દ્વારા જાહેર કરવામાં આવેલા નવા અપડેટ મુજબ, 6 જૂનના રોજ ઉત્તર પ્રદેશ, બિહાર અને દિલ્હી સહિત દેશના 17 રાજ્યોમાં ભારે વરસાદ અને વાવાઝોડાની ચેતવણી આપવામાં આવી છે. આ દરમિયાન 90 કિલોમીટર પ્રતિ કલાકની ઝડપે તેજ પવન ફૂંકાઈ શકે છે. ખાસ કરીને પૂર્વીય રાજ્યો માટે વિશેષ એલર્ટ જાહેર કરવામાં આવ્યું છે.આશારામ આશ્રમ પર ફરશે જેસીબી: મેગા ડિમોલેશનની તૈયારીધર્મના નામે પાખંડ આચરનારા આશારામના આશ્રમની આસપાસ થયેલા ગેરકાયદેસર દબાણો પર વહીવટી તંત્ર દ્વારા કડક કાર્યવાહી કરવામાં આવશે. 6 જૂનના રોજ સવારે 9 વાગ્યાથી ચુસ્ત પોલીસ બંદોબસ્ત હેઠળ આશ્રમની આજુબાજુની જમીન પર અને આશ્રમમાં મેગા ડિમોલેશન (દબાણ હટાવવાની ઝુંબેશ) હાથ ધરવામાં આવશે.રાજકોટમાં બાબા બાગેશ્વર ધીરેન્દ્ર શાસ્ત્રીનો દરબારબાગેશ્વર ધામના ધીરેન્દ્ર કૃષ્ણ શાસ્ત્રી રાજકોટ પહોંચી ચૂક્યા છે. 6 જૂનના રોજ સાંજે 7 થી રાત્રે 11 વાગ્યા સુધી તેમનો ભવ્ય 'દરબાર' અને ચમત્કારિક પરચીનો કાર્યક્રમ યોજાશે. આ દરબારને લઈને ચાલી રહેલા વિવાદો વચ્ચે, 6 જૂનની સવારે બાબા બાગેશ્વર મીડિયા સમક્ષ પ્રેસ કોન્ફરન્સ પણ કરી શકે છે.વડાપ્રધાન નરેન્દ્ર મોદીનો મધ્યપ્રદેશ પ્રવાસવડાપ્રધાન નરેન્દ્ર મોદી 6 જૂનના રોજ મધ્યપ્રદેશના પ્રવાસે જશે. વડાપ્રધાન મોદી ત્યાં ગાડરવાડા ખાતે અંદાજે 1600 મેગાવોટના મોટા વીજ પરિયોજનાની ભેટ મધ્યપ્રદેશની જનતાને આપશે, જે પ્રદેશની ઉર્જા ક્ષમતામાં મોટો વધારો કરશે.હોકી એશિયા કપ 2026: ભારત અને જાપાન વચ્ચે ફાઈનલ જંગરમતગમત ક્ષેત્રે ભારત માટે ગૌરવપૂર્ણ ક્ષણ છે. ભારતીય અંડર-18 પુરૂષ હોકી ટીમે સેમિફાઇનલમાં કટ્ટર હરીફ પાકિસ્તાનને 5-3થી હરાવીને ફાઇનલમાં પ્રવેશ કર્યો છે. હવે 6 જૂને બપોરે 3:30 વાગ્યે એશિયા કપના ખિતાબ માટે ભારતનો મુકાબલો જાપાન સામે થશે.દિલ્હીના ત્યાગરાજ સ્ટેડિયમમાં 'માય ભારત યુવા સંમેલન''માય ભારત' દ્વારા દિલ્હીના ત્યાગરાજ સ્ટેડિયમમાં 'યુવા વિકસિત ભારત- માય ભારત યુવા સંમેલન' નું આયોજન કરવામાં આવ્યું છે. આ સંમેલનમાં દેશભરમાંથી 6,000થી વધુ યુવાનો ભાગ લેશે. આ પ્રસંગે કેન્દ્રીય યુવા બાબતો અને રમતગમત મંત્રી ડૉ. મનસુખ માંડવિયા અને દિલ્હીના મુખ્યમંત્રી શ્રીમતી રેખા ગુપ્તા સહિતના દિગ્ગજ નેતાઓ ઉપસ્થિત રહેશે.અમદાવાદના બાપુનગરમાં કોંગ્રેસનો વિરોધ પ્રદર્શનગુજરાતના રાજકારણમાં પણ 6 જૂનના રોજ ગરમાવો જોવા મળશે. અમદાવાદના બાપુનગર વિસ્તારમાં સવારે 11 વાગ્યે કોંગ્રેસ દ્વારા એક મોટું વિરોધ પ્રદર્શન યોજાશે. કોંગ્રેસના કાર્યકરો પેટ્રોલ-ડીઝલના ભાવવધારા અને હાલમાં ચર્ચામાં આવેલા NEET પેપર લીક મુદ્દે સરકાર વિરૂદ્ધ સૂત્રોચ્ચાર અને પ્રદર્શન કરશે.અન્ય મહત્વના રાજકીય પ્રવાસોરાજનાથ સિંહ: કેન્દ્રીય સંરક્ષણ મંત્રી રાજનાથ સિંહ તેમના સંસદીય ક્ષેત્ર લખનૌના 3 દિવસના પ્રવાસે છે. 6 જૂને તેઓ પ્રબુદ્ધ નાગરિકો સાથે બેઠક કરશે અને સ્થાનિક પરિવારોની મુલાકાત લેશે.નિતિન નબીન: ભાજપના રાષ્ટ્રીય અધ્યક્ષ નિતિન નબીન 6 જૂનથી ઝારખંડના બે દિવસીય પ્રવાસે જશે, જ્યાં તેઓ વૃક્ષારોપણ, પ્રતિમાઓ પર માલ્યાર્પણ અને પ્રબુદ્ધ સંવાદ કાર્યક્રમમાં ભાગ લેશે.કોકરોચ જનતા પાર્ટીનું દિલ્હી જંતર-મંતર પર પ્રદર્શન કોકરોચ જનતા પાર્ટીના ફાઉન્ડર દ્વારા 6 જૂને બપોરે 2 વાગ્યે કેન્દ્રીય શિક્ષણ મંત્રી ધર્મેન્દ્ર પ્રધાનના રાજીનામાની માંગ સાથે દિલ્હી જંતર-મંતર પર શાંતિપૂર્ણ પ્રદર્શન કરવામાં આવશે.આ પણ વાંચો - 5 જૂનના દિવસભરના 10 મહત્વના સમાચાર વાંચો એક ક્લિક પર
Read Full Story arrow_forward