android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Ahmedabad News: નારોલ પોલીસની મોટી કાર્યવાહી, 3 કિલો ગાંજા સાથે બે ઝડપાયા
calendar_today June 5, 2026

Ahmedabad News: નારોલ પોલીસની મોટી કાર્યવાહી, 3 કિલો ગાંજા સાથે બે ઝડપાયા

અમદાવાદ શહેરમાં નશીલા પદાર્થોના દૂષણને ડામવા માટે પોલીસ એક્શન મોડમાં આવી ગઈ છે. અમદાવાદ શહેરના નારોલ પોલીસ સ્ટેશનની ટીમે એક પ્રશંસનીય કામગીરી કરતા નારોલ વિસ્તારમાંથી નશીલા પદાર્થના જથ્થા સાથે બે પરપ્રાંતીય આરોપીઓને રંગેહાથ ઝડપી પાડ્યા છે. પોલીસની આ ત્વરિત કાર્યવાહીથી ડ્રગ્સ માફિયાઓમાં ફફડાટ વ્યાપી ગયો છે.આશરે 3 કિલો ગાંજો જપ્ત, કિંમત 1.49 લાખનારોલ પોલીસને ચોક્કસ અને ખાનગી બાતમી મળી હતી કે, કેટલાક શખ્સો નશીલા પદાર્થની હેરાફેરી કરવા માટે નારોલ વિસ્તારમાં આવવાના છે. આ બાતમીના આધારે પોલીસે તાત્કાલિક અલગ-અલગ ટીમો બનાવીને વિસ્તારમાં ચુસ્ત વોચ ગોઠવી દીધી હતી. શંકાસ્પદ હિલચાલ જણાતા પોલીસે બે શખ્સોને રોકીને તેમની તલાશી લેતા તેમની પાસેથી 2 કિલો 990 ગ્રામ (આશરે 3 કિલો) ગેરકાયદેસર ગાંજો મળી આવ્યો હતો. આ જપ્ત કરાયેલા ગાંજાની બજાર કિંમત અંદાજિત રૂપિયા 1.49 લાખ હોવાનું સામે આવ્યું છે.1.60 લાખનો મુદ્દામાલ કબજે, આરોપીઓ મૂળ બિહારનાપોલીસે નશીલા પદાર્થના જથ્થા ઉપરાંત આરોપીઓ પાસેથી મોબાઇલ ફોન અને રોકડ રકમ સહિત કુલ રૂપિયા 1.60 લાખનો મુદ્દામાલ જપ્ત કર્યો છે. પોલીસના હાથે ઝડપાયેલા બંને આરોપીઓ મૂળ બિહાર રાજ્યના રહેવાસી હોવાનું પૂછપરછમાં સામે આવ્યું છે. રોજગારી મેળવવાના બહાને અમદાવાદ આવીને તેઓ આ કાળા કારોબારમાં ધકેલાયા હોવાની આશંકા સેવાઈ રહી છે.NDPS એક્ટ હેઠળ ગુનો નોંધીને તપાસ તેજ કરાઈસમગ્ર મામલે નારોલ પોલીસે પકડાયેલા બંને આરોપીઓ વિરૂદ્ધ નાર્કોટિક્સ ડ્રગ્સ એન્ડ સાયકોટ્રોપિક સબસ્ટન્સ (NDPS) એક્ટ હેઠળ ગુનો નોંધી કાયદેસરની ધરપકડ કરી છે. આ નશીલા પદાર્થનો જથ્થો તેઓ ક્યાંથી લાવ્યા હતા? રેલવે માર્ગે લાવ્યા હતા, કે રોડ માર્ગે? અને અમદાવાદમાં આ જથ્થો કોને સપ્લાય કરવાનો હતો, તે દિશામાં પોલીસે સઘન પૂછપરછ અને તપાસ હાથ ધરી છે. આ નેટવર્ક પાછળ અન્ય કયા મોટા માથાઓ સંડોવાયેલા છે તેની કડીઓ મેળવવા માટે પોલીસ ચક્રો ગતિમાન કર્યા છે.આ પણ વાંચો - Ahmedabad News: હાંસલપુર ચોકડી પાસેથી ટ્રેલરમાં છુપાવેલો 47.82 લાખનો વિદેશી દારૂ ઝડપાયો

Read Full Story arrow_forward
Rajkot News: ધીરેન્દ્ર કૃષ્ણ શાસ્ત્રીની હનુમંત કથા મુદ્દે વિવાદ
calendar_today June 5, 2026

Rajkot News: ધીરેન્દ્ર કૃષ્ણ શાસ્ત્રીની હનુમંત કથા મુદ્દે વિવાદ

રાજકોટ શહેરમાં આગામી દિવસોમાં યોજાનારી બાગેશ્વર ધામના ધીરેન્દ્ર કૃષ્ણ શાસ્ત્રીની ‘સનાતન સેતુ હનુમંત કથા’ શરૂ થાય તે પહેલાં જ મોટો વિવાદ સામે આવ્યો છે. રાજકોટના જાણીતા સામાજિક અગ્રણી પરસોતમ પીપળીયા આ કાર્યક્રમના ફોર્મેટ સામે વિરોધ નોંધાવવા માટે ગુરુવારે એ-ડિવિઝન પોલીસ સ્ટેશન પહોંચ્યા હતા, જ્યાં તેમણે પોલીસ સમક્ષ લેખિત અરજી રજૂ કરી કાયદો અને વ્યવસ્થાની સ્થિતિ જાળવવા રજૂઆત કરી છે. આ મામલે પોલીસે પણ ત્વરિત કાર્યવાહી કરીને પરસોતમ પીપળીયાને નિવેદન આપવા માટે બોલાવ્યા હતા.બીજી તરફ પોલીસે વિજ્ઞાન જાથાને કોઇ પણ પ્રકારના કાર્યક્રમો આયોજીત કરવાની મંજૂરી આપી નથી કાર્યક્રમ રોકવામાં આવે પરસોતમ પીપળીયા દ્વારા પોલીસ સ્ટેશનમાં બે અલગ-અલગ લેખિત અરજીઓ દાખલ કરવામાં આવી છે. તેમની પ્રથમ અરજીમાં એવી માંગ કરવામાં આવી છે કે, હનુમંત કથાના નામે અંતિમ દિવસે જે 'દિવ્ય દરબાર અને કથિત ‘પ્રેત દરબાર’ યોજાવાનો છે, તેને મંજૂરી આપવામાં ન આવે અને તે કાર્યક્રમ રોકવામાં આવે. જ્યારે બીજી અરજીમાં તેમણે પોતાના જીવનું જોખમ હોવાનું જણાવીને પોલીસ પ્રોટેક્શન ની માગણી કરી છે. મીડિયા સાથેની ખાસ વાતચીતમાં સામાજિક અગ્રણી પરસોતમ પીપળીયાએ પોતાની સ્થિતિ સ્પષ્ટ કરતાં જણાવ્યું હતું કે,મને સનાતન ધર્મના પ્રચાર કે હનુમંત કથા સામે વ્યક્તિગત રીતે કોઈ જ વાંધો કે વિરોધ નથી. એક સનાતની તરીકે હું કથાનું સ્વાગત કરું છું,પરંતુ કથાના નામે જે પ્રેત દરબાર અને અંધશ્રદ્ધાને પ્રેરણા આપતી બાબતો થવાની છે તેની સામે મારો સખત વિરોધ છે.

Read Full Story arrow_forward
Gujarat Latest News live: અમદાવાદમાં 2.99 કિલો ગાંજા સાથે બિહારના બે આરોપીઓ ઝડપાયા
calendar_today June 5, 2026

Gujarat Latest News live: અમદાવાદમાં 2.99 કિલો ગાંજા સાથે બિહારના બે આરોપીઓ ઝડપાયા

ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 05JUNE ના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો.

Read Full Story arrow_forward