android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Gujarat Latest News LIVE : બારડોલીમાં બે બસ અને એક ટ્રેકટર વચ્ચે અકસ્માત, 7 જણના મોત અને 15 લોકો ઇજાગ્રસ્ત
calendar_today June 2, 2026

Gujarat Latest News LIVE : બારડોલીમાં બે બસ અને એક ટ્રેકટર વચ્ચે અકસ્માત, 7 જણના મોત અને 15 લોકો ઇજાગ્રસ્ત

ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 02JUNE ના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો.

Read Full Story arrow_forward
Surat News: બારડોલીમાં બે બસ અને એક ટ્રેક્ટર વચ્ચે ગમખ્વાર અકસ્માત, 7 લોકોના મોત
calendar_today June 2, 2026

Surat News: બારડોલીમાં બે બસ અને એક ટ્રેક્ટર વચ્ચે ગમખ્વાર અકસ્માત, 7 લોકોના મોત

સુરત જિલ્લાના બારડોલી તાલુકામાંથી એક અત્યંત હૃદયદ્રાવક અને કાળજું કંપાવી દેનારી ઘટના સામે આવી છે.બારડોલીના ઉવા ગામ નજીક હાઇવે પર બે લક્ઝરી બસ અને એક ટ્રેક્ટર વચ્ચે સર્જાયેલા ત્રિપલ અકસ્માતમાં 7 લોકોના દર્દનાક મોત નીપજ્યા છે. જ્યારે 15થી વધુ મુસાફરો ગંભીર રીતે ઇજાગ્રસ્ત થયા છે.પોલીસે ઘટના સ્થળે પહોંચીને તપાસ હાથ ધરી છે. બે બસ અને એક ટ્રેક્ટર વચ્ચે ગમખ્વાર અકસ્માત ઉવા ગામ નજીકથી પસાર થઈ રહેલી બે બસ અને એક ટ્રેક્ટર વચ્ચે કોઈ કારણોસર જોરદાર ટક્કર થઈ હતી.અકસ્માત એટલો ભયાનક હતો કે ટક્કર થતાંની સાથે જ એક બસમાં અચાનક ભીષણ આગ ભભૂકી ઉઠી હતી.જોતજોતામાં આગે આખી બસને લપેટમાં લઈ લીધી હતી.બસમાં સવાર મુસાફરોમાંથી 7 લોકોના આગને કારણે મોત નિપજ્યા હતાં.સમગ્ર ઘટનાને લઈને હાઈવે પર ચીચીયારીઓ ગુંજી હતી. પોલીસે ઘટના સ્થળે પહોંચી તપાસ હાથ ધરી ઘટનાની જાણ થતાં જ બારડોલી પોલીસનો કાફલો અને ફાયર બ્રિગેડની ટીમો તાત્કાલિક ઘટનાસ્થળે દોડી ગઈ હતી. ક્રેન દ્વારા બસને સાઈડ કરવા અને મુસાફરોને બચાવવા માટેની કામગીરી શરૂ કરવામાં આવી છે. આ અકસ્માતમાં ઈજા પામેલા 15 જેટલા ઇજાગ્રસ્તોને તાત્કાલિક સારવાર અર્થે બારડોલીની નજીકની હોસ્પિટલમાં ખસેડવામાં આવ્યા છે.પોલીસે મૃતકોની ઓળખ વિધિ હાથ ધરીને અકસ્માતનો ગુનો નોંધી વધુ તપાસ શરૂ કરી છે. બંને બસો મહારાષ્ટ્રની હોવાનું જાણવા મળ્યું સુત્રોના જણાવ્યા પ્રમાણે બંને બસો મહારાષ્ટ્રની હોવાનું જાણવા મળ્યું છે. અકસ્માતના કારણે હાઈવે પર લાંબો ટ્રાફિક જામ સર્જાયો છે. ઘટના સ્થળે એમ્બ્યુલન્સ પણ પહોંચી છે. મોતનો આંકડો વધવાની આશંકા છે. મહારાષ્ટ્રના નંદુરબારથી આ બસો સુરત આવી રહી હતી. ત્યાર બાદ તે ફરી નંદુરબાર તરફ જવાની હતી. આ પણ વાંચોઃ Vadodara news: માંજલપુરના ધારાસભ્ય યોગેશ પટેલનું ખાનગી હોસ્પિટલમાં સારવાર દરમિયાન નિધન

Read Full Story arrow_forward
Kutch News: દરિયાઈ સરહદે મરીન કમાન્ડોની ખાસ ડ્રાઇવ, શંકાસ્પદ બોટોનું સઘન ચેકિંગ હાથ ધરાયું
calendar_today June 2, 2026

Kutch News: દરિયાઈ સરહદે મરીન કમાન્ડોની ખાસ ડ્રાઇવ, શંકાસ્પદ બોટોનું સઘન ચેકિંગ હાથ ધરાયું

કચ્છના સંવેદનશીલ દરિયાકાંઠે સુરક્ષા વ્યવસ્થા અભેદ્ય બનાવવાના ભાગરૂપે મરીન કમાન્ડો દ્વારા એક ખાસ સર્ચ ડ્રાઇવ અને પેટ્રોલિંગ હાથ ધરવામાં આવ્યું છે. દરિયાઈ માર્ગે થતી દેશવિરોધી પ્રવૃત્તિઓ અને ઘૂસણખોરી રોકવા માટે કમાન્ડોની ટીમે દરિયાકાંઠાના વિવિધ વિસ્તારોને ધમરોળ્યા હતા. આ ખાસ ઓપરેશન દરમિયાન દરિયામાં તરતી શંકાસ્પદ બોટો અને સ્થાનિક માછીમારોની ઝીણવટભરી તપાસ કરવામાં આવી હતી.શંકાસ્પદ બોટો અને માછીમારોની તપાસ મરીન કમાન્ડોની અલગ-અલગ ટીમો દ્વારા કચ્છના ક્રિક અને દરિયાઈ વિસ્તારમાં આવેલા સિંધોડી, સૈયદ સુલેમાન, ભારત સોલ્ટ અને શિયાળબારી જેવા અત્યંત મહત્વના વિસ્તારોમાં સઘન ચેકિંગ હાથ ધરવામાં આવ્યું હતું. આ વિસ્તારોમાં માછીમારી કરી રહેલી હેરફેર કરતી બોટોને રોકીને તેમના લાયસન્સ, ઓળખપત્રો અને સાધનોની ચકાસણી કરવામાં આવી હતી. દરિયાઈ સરહદે કોઈપણ પ્રકારની શંકાસ્પદ હિલચાલ ન થાય તે માટે સુરક્ષા વ્યવસ્થા લોખંડી કરી દેવાઈ છે. માછીમારોમાં જાગૃતિ ફેલાવવાનો પ્રયાસ છેલ્લા કેટલાક સમયથી કચ્છના દરિયાકાંઠે અને ક્રીક વિસ્તારના ટાપુઓ પરથી મોટા પ્રમાણમાં બિનવારસુ ડ્રગ્સના પેકેટો મળી આવવાનો સિલસિલો યથાવત રહ્યો છે. આ ગંભીર બાબતને ધ્યાનમાં રાખીને મરીન કમાન્ડોની ટીમ દ્વારા પેટ્રોલિંગ દરમિયાન સ્થાનિક દરિયાકાંઠાના રહીશો અને માછીમારો સાથે ખાસ બેઠક યોજવામાં આવી હતી. કમાન્ડોએ માછીમારોને આવા કોઈ પણ શંકાસ્પદ પેકેટ કે વસ્તુ દરિયામાં અથવા કાંઠા પર જોવા મળે તો તાત્કાલિક સુરક્ષા એજન્સીઓને જાણ કરવા અપીલ કરી હતી અને આ માદક પદાર્થોના દૂષણ સામે જાગૃત કર્યા હતા. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward