android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Morbi સિરામિક ઉદ્યોગના વિવિધ પ્રશ્નો અંગે વન અને પર્યાવરણ રાજ્યમંત્રી પ્રવિણ માળીએ યોજી ઉચ્ચ સ્તરીય બેઠક
calendar_today June 1, 2026

Morbi સિરામિક ઉદ્યોગના વિવિધ પ્રશ્નો અંગે વન અને પર્યાવરણ રાજ્યમંત્રી પ્રવિણ માળીએ યોજી ઉચ્ચ સ્તરીય બેઠક

સિરામિક હબ મોરબીના સાતત્યપૂર્ણ (Sustainable) ઔદ્યોગિક વિકાસ, આંતરરાષ્ટ્રીય સ્પર્ધા અને પર્યાવરણીય બાબતોના સુદ્રઢ સમન્વય માટે વન અને પર્યાવરણ, ક્લાયમેટ ચેન્જ અને વાહન વ્યવહાર રાજ્યમંત્રી પ્રવિણ માળીના અધ્યક્ષસ્થાને તેમજ શ્રમ અને રોજગાર રાજ્યમંત્રી કાંતિ અમૃતિયાની પ્રેરક ઉપસ્થિતિમાં બેઠક યોજાઈ હતી.ક્કસ એક્શન પ્લાન ઘડવા અધિકારીઓને સ્થળ પર જ સૂચના અધ્યક્ષસ્થાનેથી વન અને પર્યાવરણ રાજ્યમંત્રી પ્રવિણ માળીએ જણાવ્યું હતું કે, "અમારો સ્પષ્ટ અભિગમ છે કે કોઈપણ અરજદારની રજૂઆત કે ફાઈલનો માત્ર કાગળ પર 'નિકાલ' કરવાને બદલે તેનો વાસ્તવિક 'ઉકેલ' આવવો જોઈએ." તેમણે ઉદ્યોગોને સાતત્યપૂર્ણ વીજ પુરવઠો મળી રહે તે માટે PGVCL દ્વારા યોગ્ય વ્યવસ્થા કરવા અને કારખાનાઓ તેમજ કામદારોને પીવાનું પાણી પૂરું પાડવા માટે ચોક્કસ એક્શન પ્લાન ઘડવા અધિકારીઓને સ્થળ પર જ સૂચના આપી હતી. વૈશ્વિક બજારમાં મોરબીનો દબદબો જાળવી રાખવા માટે સહિયારા પ્રયાસોની હિમાયત કરતા મંત્રીએ ઉમેર્યું કે, આજના સમયમાં ગ્રીન એનર્જી અને ટકાઉ વિકાસ (Sustainable Development) અનિવાર્ય છે. આપણા ઉદ્યોગોના કારણે જેટલું કાર્બન ઉત્સર્જન (Carbon Emission) થતું હોય, તેને સંતુલિત કરવા માટે ઉદ્યોગકારોએ તેટલા જ પ્રમાણમાં વ્યાપક વૃક્ષારોપણ કરવું જોઈએ. વૈશ્વિક સ્તરે રો-મટીરિયલ અને ટેકનોલોજીની બાબતમાં અન્ય દેશો પર નિર્ભર રહેવાના બદલે એક ચોક્કસ સમયમર્યાદા નક્કી કરી મોરબીનો આ ઉદ્યોગ 'આત્મનિર્ભર' બને તે દિશામાં સંશોધનો હાથ ધરે તે જરૂરી છે. સિરામિક ઉદ્યોગના તમામ વાજબી પ્રશ્નોના નિવારણ માટે સરકાર હંમેશા તત્પર છે. ઉદ્યોગકારોને વૃક્ષારોપણ કરવામાં માટે અનુરોધ ઉદ્યોગોની રજૂઆતોનો સકારાત્મક પ્રતિસાદ આપતા મંત્રી કાંતિ અમૃતિયાએ જણાવ્યું હતું કે, મોરબીના ઉદ્યોગકારોની સુવિધા માટે ઈન્ડસ્ટ્રિયલ સબ-ડિવિઝન કાર્યરત કરવાના સઘન પ્રયાસો વહીવટી સ્તરે ચાલી રહ્યા છે. હળવદ અને માળિયા પંથકમાં મીઠા ઉદ્યોગની સુવિધા માટે ક્લસ્ટર મુજબ વિગતવાર દરખાસ્ત તૈયાર કરી રસ્તાઓનું મજબૂત નિર્માણ થાય તેવું સુદ્રઢ આયોજન કરવા તેમણે અધિકારીઓને તાકીદ કરી હતી. વધુમાં, તેમણે પર્યાવરણીય સમતુલા માટે સિરામિક ઝોનમાં આવેલા તમામ આંતરિક રસ્તાઓની બંને બાજુએ આગામી ચોમાસા પૂર્વે જ ઉદ્યોગકારો દ્વારા વૃક્ષારોપણ કરવામાં આવે તેવો અનુરોધ કર્યો હતો. એસોસિએશન દ્વારા નડતા પ્રશ્નો અંગે રજૂઆત કરાઈ બેઠક દરમિયાન સિરામિક એસોસિએશન દ્વારા ઔદ્યોગિક એકમોમાં ઉત્પાદન પ્રક્રિયા અને કામદારો માટે પીવાના પાણીની વ્યવસ્થા, ગેસની કિંમતો પરના વેટ (VAT) માં રાહત આપવા, પાવર કટના કારણે પ્રોડક્શનમાં થતા વિક્ષેપને રોકવા PGVCLનું અલગ ઇન્ડસ્ટ્રિયલ સબ-ડિવિઝન મંજૂર કરવા તેમજ વૈશ્વિક નિકાસ (Export) ને નડતા પ્રશ્નો અંગે રજૂઆત કરાઈ હતી. આ ઉપરાંત, સિરામિક ઝોનના રસ્તાઓ વહેલી તકે પૂર્ણ કરવા, મોરબી-હળવદ અને મોરબી-જેતપર અણીયારી રોડના બિસ્માર માળખાની મરામત કરવા તેમજ હળવદ અને માળિયા અગર વિસ્તારના અગરિયાઓ માટે પીવાના પાણીની સુવિધા સુનિશ્ચિત કરવા બાબતે મંત્રીશ્રીઓનું ધ્યાન દોરવામાં આવ્યું હતું. આ પણ વાંચો : Rajkot News: ગોકુલ કંપનીના પેકેટમાંથી નીકળી મરેલી ગરોળી

Read Full Story arrow_forward
Agriculture News: ખેત બચાવ અભિયાન બનશે જન આંદોલન, ખેતી બચશે તો આવનારી પેઢી બચશે : કૃષિ મંત્રી જીતુ વાઘાણી
calendar_today June 1, 2026

Agriculture News: ખેત બચાવ અભિયાન બનશે જન આંદોલન, ખેતી બચશે તો આવનારી પેઢી બચશે : કૃષિ મંત્રી જીતુ વાઘાણી

કૃષિ મંત્રી જીતુ વાઘાણીએ ગાંધીનગર જિલ્લાના શેરથા ગામથી રાજ્યવ્યાપી ખેત બચાવો અભિયાનની શરૂઆત કરાવી હતી.આ અભિયાન સમગ્ર રાજ્યમાં 1 જૂનથી 30 જૂન 2026 દરમિયાન યોજાશે.આ યોજના અંતર્ગત રાજ્યભરના કૃષિ વૈજ્ઞાનિકો, કૃષિ વિભાગના અધિકારીઓ અને કર્મચારીઓ ગામે-ગામ જઈને ખેડૂતોને ‘ખેત બચાવો અભિયાન’ વિશે વિગતવાર માહિતગાર કરશે. ભવિષ્યની પેઢીને સુરક્ષિત કરવાનો એક ભગીરથ પ્રયાસ કૃષિ મંત્રી જીતુ વાઘાણીએ ખેડૂતો અને પશુપાલકોને સંબોધતા જણાવ્યું હતું કે,ખેતી એ આપણા પૂર્વજોનો વારસો અને આપણો આત્મા છે.જો આજે આપણી ખેતીની જમીનને નહીં બચાવીએ તો આવતીકાલે માનવજાત પણ નહીં બચે.આ અભિયાન માત્ર સરકારનો કાર્યક્રમ નથી, પરંતુ આપણી ભવિષ્યની પેઢીને સુરક્ષિત કરવાનો એક ભગીરથ પ્રયાસ છે.ડી.એ.પી. અને યુરિયા જેવાં રાસાયણિક ખાતરો તેમજ જંતુનાશક દવાઓના અતિરેક ઉપયોગને કારણે ધીરે-ધીરે જમીનની ફળદ્રુપતા નાશ પામી રહી છે. જમીનના માધ્યમથી આ રાસાયણિક તત્વો પશુઓ અને માતાના દૂધ સુધી પહોંચી ગયાં છે, જેને કારણે નિર્દોષ બાળકો ગંભીર રોગોનો પણ ભોગ બની રહ્યાં છે. કેન્સર જેવા અસાધ્ય રોગોના કેસ વધી રહ્યા છે તેમણે ઉમેર્યું હતું કે, આજે કેન્સર જેવા અસાધ્ય રોગોના કેસ વધી રહ્યા છે, જેનું મુખ્ય કારણ આપણી દૂષિત ખાણી-પીણી છે. ૫૦ વર્ષ પહેલાં આપણા વડીલોને કોઈ રોગ નહોતા, જ્યારે આજે નાની ઉંમરે જ લોકો બ્લડપ્રેસર, સુગર અને કિડનીની બીમારીઓથી પીડાઈ રહ્યા છે.જો 100 ટકા શક્ય ન હોય તો શરૂઆતમાં પોતાની જમીનના ૨૫ ટકા ભાગમાં પ્રાકૃતિક ખેતીનો પ્રયોગ અવશ્ય કરવો જોઈએ.પ્રાકૃતિક ખેતીથી ફાયદો જણાયા બાદ જ બીજી જમીનમાં આ પદ્ધતિ અપનાવવી જોઈએ. ગુજરાતમાં અત્યાર સુધીમાં 8 લાખ ખેડૂતો પ્રાકૃતિક ખેતી અપનાવી ચૂક્યા છે અને ચાલુ વર્ષે વધુ 5 લાખ ખેડૂતોને આ અભિયાન સાથે જોડવાનો રાજ્ય સરકારનો સંકલ્પ છે. આ ઉપરાંત, કૃષિ વિભાગની ટીમ દ્વારા અત્યાર સુધીમાં અંદાજે 20 લાખ ખેડૂતોને પ્રાકૃતિક ખેતી અંગેની તાલીમ પણ આપવામાં આવી છે.આ પણ વાંચોઃ Jamnagar News: બાયપાસ પાસે 'ચાચા ભતીજા' રેસ્ટોરન્ટના કિચનમાં લાગી ભીષણ આગ

Read Full Story arrow_forward
Gujarat news: કરકસર ઊંચે મુકાઈ હવે કરોડોનું આંધણ થશે, 34 જિલ્લામાં સરકારી ખર્ચે રાજકીય સંમેલનો યોજાશે
calendar_today June 1, 2026

Gujarat news: કરકસર ઊંચે મુકાઈ હવે કરોડોનું આંધણ થશે, 34 જિલ્લામાં સરકારી ખર્ચે રાજકીય સંમેલનો યોજાશે

ગુજરાત સરકારે પેટ્રોલિયમ ચીજોના આસમાને ચઢતા ભાવોના સંદર્ભમાં સરકારી તંત્રમાં કરકસરના પગલાં લેવાની જાહેરાત કર્યા પછી પોતે જ પોતાના આ નિર્ણયની ઐસીતૈસી કરી રાજકીય કાર્યક્રમો હાથ ધરી રહી છે.આ દિશામાં 8 જૂનથી 14 જૂન સુધીના સપ્તાહમાં રાજ્યભરમાં વિકાસ પ્રોજેક્ટોના લોકેશન ખાતે પ્રગતિપથ યાત્રા કાઢવાનું નક્કી કર્યું છે અને ત્યારબાદ આવી જ ઝૂંબેશમાં આગળ વધતાં રાજ્ય સરકારે હવે તમામ 34 જિલ્લામાં વિકસિત ભારત સંકલ્પ સંમેલનના નામે રાજકીય સંમેલનો યોજવાનું જાહેર કર્યું છે. આ સંમેલનો પણ 8થી 14 જૂન દરમિયાન યોજાશે. વ્યવસ્થા કરવા માટે જિલ્લા કલેક્ટરોને તાકીદ જિલ્લા પ્રભારી મંત્રીઓની આગેવાનીમાં યોજાનારા આ સંમેલનોમાં ભાજપના સાંસદો, ધારાસભ્યો, આગેવાનો-કાર્યકરો ઉપરાંત જિલ્લાના પ્રતિષ્ઠિત લોકો, જુદા જુદા એવોર્ડ વિજેતાઓ, તજજ્ઞો, જુદા જુદા ક્ષેત્રોના-સમાજોના આગેવાનોને હાજર રખાશે.સરકારી મશીનરીનો ઉપયોગ કરતાં આ રાજકીય સંમેલનો પાર પાડવા માટે કલેક્ટરની અધ્યક્ષતામાં મુખ્ય સંકલન સમિતિ અને એની નીચે આમંત્રણ સમિતિ,પ્રચાર-પ્રસાર સમિતિ, વ્યવસ્થા સમિતિ,સ્ટેજ-લાઈટ તેમજ અન્ય કામગીરી માટે વિવિધ સમિતિઓ પણ બનાવી દેવાઈ છે.દરેક જિલ્લાના સંમેલનમાં ઓછામાં ઓછા 500 લોકો ભાગ લે તેવું આયોજન કરવા અને આ બધા લોકોને કાર્યક્રમના સ્થળે લાવવા લઈ જવા માટે બસ ટ્રાન્સ્પોર્ટેશનની, તેમના ભોજન તથા ચા-પાણી-નાસ્તાની પણ વ્યવસ્થા કરવા માટે જિલ્લા કલેક્ટરોને તાકીદ કરાઈ છે. ભાજપના નેતાઓ ભાષણબાજી કરશે આ સંમેલનોમાં નરેન્દ્ર મોદીએ વડાપ્રધાનપદે પૂરા કરેલા 12 વર્ષમાં લેવાયેલા નિર્ણયો અંગે ભાજપના નેતાઓ ભાષણબાજી કરશે.વિવિધ વેપારી-ઔદ્યોગિક સંગઠનો-એસોસિયેશનોને પણ આ સંમેલનમાં જોડવામાં આવી રહ્યાં છે.જિલ્લાની મુખ્ય સંકલન સમિતિને આ સંમેલન માટે પાર્કિંગ ધરાવતું મોટું અનુકૂળ સ્થળ પસંદ કરવા,તેમજ ભોજન-ચા-નાસ્તા ઉપરાંત સ્થળ ખાતે પીવાના પાણીની,ટોઈલેટની, પ્રોજેક્ટર-એલઈડી સ્ક્રીનની તેમજ સાઉન્ડ સિસ્ટમની વ્યવસ્થા કરવા પણ સૂચના અપાઈ છે.આ સંમેલનની જાહેરાત અગાઉ રાજ્યભરમાં દરેક જિલ્લામાં 5થી 10 વિકાસ પ્રોજેક્ટોના સ્થળોએ તેમજ રાજ્યકક્ષા સ્તરે પ્રગતિપથ યાત્રા યોજવાનું પણ રાજ્ય સરકારે જાહેર કરેલું છે, જેમાં પણ કરોડો રૂપિયાનું આંધણ થવાનું હોવાનું જણાવાઈ રહ્યું છે. આ પણ વાંચોઃ Gandhinagar: ધોરણ 10-12ના વિદ્યાર્થીઓ માટે GSEB દ્વારા પૂરક પરીક્ષાની તારીખો જાહેર

Read Full Story arrow_forward