android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Anand: આણંદ વિદ્યાનગર માર્ગ પર લાખોના ખર્ચે લગાવાયેલા બેરીકેટ હટાવાયા
calendar_today May 31, 2026

Anand: આણંદ વિદ્યાનગર માર્ગ પર લાખોના ખર્ચે લગાવાયેલા બેરીકેટ હટાવાયા

આણંદ-વિદ્યાનગર માર્ગ ઉપર ટ્રાફિકને અડચણરૂપ મહાનગરપાલિકાના અધિકારીઓએ બેરીકેટ મુક્યા હતા. જેને લઇને ટ્રાફિક વ્યવસ્થા ખોરવાઇ હતી. એકમાસ પૂર્વે સ્પ્રિગ પોસ્ટ લગાવવામાં આવ્યા હતા. લાખ્ખોના ખર્ચે ખરીદાયેલા સ્પ્રિંગપોસ્ટનું મનપાએ લાખ્ખોનું આંધણ કર્યુ છે. પ્રજાના ટેક્ષાના પૈસાનો વહીવટ કરતા મનપાના અધિકારીઓ પોતાની મનસુબી મુજબ નિર્ણય લઇ નાગરિકોને સગવડતાના સ્થાને અગવડ પડે તેવી નીતિરીતિની ટીકા થઇ રહી છે. વિદ્યાનગરના ભાઇકાકા સ્ટેચ્યુ, એપીસી સર્કલ, ટાઉનહોલ સર્કલ પાસે મનપાએ બેરીકેટ મુકીને ટ્રાફિકને નિયંત્રણ કરવાનો મિથ્યા પ્રયાસ કર્યો હતો જો કે એસી ચેમ્બરમાં બેસીને નિર્ણય લેતા અધિકારીઓને સ્થળ-સ્થિતીની જાણકારી હોતી નથી અને માત્ર ને માત્ર પૈસાનું આંધણ કરવા જ નિર્ણય લેતા હોવાનું ફલીત થયું છે. બેરીકેટના કારણે ઉપરથી ટ્રાફિકની સમસ્યા વકરી હતી. તેમજ અકસ્માતની પણ ભીતી વ્યક્ત કરાઇ છે. જનહીત માટે લગાવવામાં આવેલી વ્યવસ્થા શા માટે દૂર કરવાની જરૂર પડી ગતરોજ મોડી રાત્રે કેટલાક કર્મચારીઓ દ્વારા સ્પ્રિંગપોસ્ટને ઉખેડીને ટેમ્પામાં ભરીને લઇ જવામાં આવ્યા છે. ત્યારે એક માસ માટે લાખ્ખોનું આંધણ કરીને મનપાએ પ્રજાના ટેક્ષના નાણાંનો સરેઆમ દુરઉપયોગ થયો હોવાની લાગણી વ્યક્ત કરાઇ છે. અધિકારીઓ દ્વારા સ્થળ ઉપર રૂબરૂમાં ટ્રાફિક મુદ્દે સર્વે કર્યા વિના આડેધડ નિર્ણય લેતા લોકોમાં તંત્રના અધિકારીઓ સામે રોષ પ્રગટયો છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Patan: પાટણમાં ચિત્રકુટ સોસાયટીમાં વરસાદી પાણીના નિકાલ અને પાણીની નવી લાઈન નાંખવા રજૂઆત
calendar_today May 31, 2026

Patan: પાટણમાં ચિત્રકુટ સોસાયટીમાં વરસાદી પાણીના નિકાલ અને પાણીની નવી લાઈન નાંખવા રજૂઆત

પાટણ શહેરમાં ગાયત્રી મંદિરની પાછળ આવેલ ચિત્રકુટ સોસાયટીમાં ચોમાસા દરમિયાન ભરાતા વરસાદી પાણીના નિકાલ માટે તથા પીવાના પાણીની નવી લાઈન નાંખવા માટે તેમજ સોસાયટીના મુખ્ય ગેટ પાસે બમ્પ મૂકવાની માંગ સાથે સ્થાનિક રહીશોએ નગરપાલિકાના પ્રમુખ અને ચીફ્ ઓફ્સિરને લેખિત રજૂઆત કરી છે. શહેરમાં આવેલ ચિત્રકુટ સોસાયટીના સભ્ય શૈલેષ નાયી દ્વારા નગરપાલિકા પ્રમુખ ચંદ્રિકાબેન રાવળ અને ચીફ્ ઓફ્સિરને લેખિતમાં કરેલી રજૂઆતમાં જણાવ્યું છે કે ચિત્રકૂટ સોસાયટી આશરે 40 વર્ષ જૂની છે અને અવારનવાર સોસાયટી વિસ્તારમાં નવા રોડ બનવાથી સોસાયટી નિચાણવાળી બની ગઈ હોવાથી ચોમાસા દરમિયાન આજુબાજુની સોસાયટીઓના વરસાદી પાણી ચિત્રકુટ સોસાયટીમાં ભરાઈ જતા હોય છે. તેમજ પાણી સુકાયા બાદ પણ સોસાયટીમાં કાદવ કિચડ અને ગંદકી ફેલાતી હોવાથી મચ્છરજન્ય જીવજંતુના કારણે રહીશોમાં રોગચાળો ફેલાવવાની પણ ભીતી સેવાઈ રહી છે. જેની રજૂઆત અગાઉ કલેકટર સુધી પણ કરવામાં આવી હોવાનું જણાવ્યું છે. પરંતુ હજુ સુધી કોઈ નિરાકરણ ન આવતા વરસાદી પાણીના નિકાલ માટે યોગ્ય વ્યવસ્થા કરવામાં આવે. તેમજ સોસાયટીમાં માર્ગ પરથી દિવસ પર વાહનો પસાર થતા હોવાથી સોસાયટીના ગેટ નજીક એક બમ્પ મૂકવામાં આવે તેવી પણ માંગ કરી છે. તદ્પરાંત વર્ષો જૂની પીવાની પાઈપલાઈન નાખવાની પણ રજૂઆત કરી હોવા છતાં પણ હજુ સુધી ન નાખવામાં આવતા આગામી સમયમાં પીવાના પાણીની નવી પાઈપલાઈન નાખવાની માંગ કરતી લેખિત રજૂઆતકરી હોવાનું જાણવા મળ્યું હતું.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Patan: રણુંજ પોલીસ સ્ટેશનમાં સમન્સનો બીડો આપવા આવેલી મહિલાને પતિએ ફ્ટકારી
calendar_today May 31, 2026

Patan: રણુંજ પોલીસ સ્ટેશનમાં સમન્સનો બીડો આપવા આવેલી મહિલાને પતિએ ફ્ટકારી

પાટણ તાલુકાના રણુંજ પોલીસ સ્ટેશનમાં અમદાવાદની એક મહિલા કે જેણે આઠ વર્ષ અગાઉ સંડેરના એક યુવક સાથે પ્રેમલગ્ન કર્યા બાદ દંપતી વચ્ચે અણબનાવ બનતાં તે જુદી રહેતી હોય અને સમન્સનો બીડો રણુંજ પોલીસ સ્ટેશનમાં આપવા આવી હતી. તે દરમિયાન પતિએ પોતાના ઘરે લઈ જઈને ગડદા પાટુંનો માર મારી તડકામાં બેસાડી રાખતાં રણુંજ પોલીસની મદદથી અમદાવાદ પહોંચી સારવાર લીધા બાદ પતિ વિરુદ્ધ ફરીયાદ નોંધાવી છે. મહિલાની ફરિયાદ મુજબ તેણે વર્ષ 2018 માં પાટણના સંડેર ગામના ચક્ષુલ ધનજીભાઈ પટેલ સાથે પ્રેમલગ્ન કર્યા બાદ બંને વચ્ચે અણબનાવ બનતાં છેલ્લા 6 વર્ષથી તે અમદાવાદમાં તેની માતા સાથે રહે છે. જેને રણુંજ પોલીસ સ્ટેશનમાં કોર્ટના સમન્સનો બીડો આપવાનો હોવાથી તે રણુંજ પોલીસ સ્ટેશનમાં આવી હતી. તે દરમિયાન કોઈએ તેના પતિને જાણ કરતાં તે ત્યાં આવીને પત્નિને તેના ઘરે લઈ જઈ માર મારતાં પોલીસ આવી જતાં બંનેને પોલીસ સ્ટેશનમાં લવાયા બાદ મહિલાને પરત અમદાવાદ મોકલતાં ત્યાં તેણે સારવાર લીધા બાદ રણુંજ પોલીસ સ્ટેશનમાં પતિ વિરુદ્ધ આક્ષેપ કરતી ફરીયાદ નોંધાવી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward