Gir-Somnath News: NDPS કેસમાં 10 વર્ષની સજા પામેલો જેલમાંથી ફરાર આરોપી 519 ગ્રામ ગાંજા સાથે ઝડપાયો
ગીર સોમનાથ સ્પેશિયલ ઓપરેશન ગ્રુપ (SOG) એ નશાના કારોબાર વિરુદ્ધ એક મોટી સફળતા મેળવી છે. આગામી બકરી ઈદના તહેવારને ધ્યાનમાં રાખીને પોલીસ દ્વારા કરવામાં આવી રહેલા સઘન પેટ્રોલિંગ દરમિયાન, એક મોટો જેલ ફરાર નશાનો સોદાગર ફરીથી પોલીસના સિકંજામાં આવી ગયો છે. તાલાળા નજીક એસઓજીની ટીમે પાડેલી રેડમાં આ જામીન જમ્પ કરી નાસતા ફરતા આરોપીને ગાંજાના જથ્થા સાથે રંગેહાથ ઝડપી પાડવામાં આવ્યો છે.તાલાળા હિરણ નદીના કાંઠે SOGની રેડ એસઓજી પોલીસને તાલાળા માર્કેટિંગ યાર્ડની સામે આવેલા હિરણ નદીના કાંઠે નશાના વેપાર અંગેની એક વિશ્વસનીય બાતમી મળી હતી. આ બાતમીના આધારે પોલીસે ત્વરિત દરોડો પાડીને ત્યાંથી અંદાજે 519 ગ્રામ ગેરકાયદેસર ગાંજાનો જથ્થો જપ્ત કર્યો હતો. પોલીસે માદક પદાર્થ, મોબાઈલ ફોન અને રોકડ રકમ સહિત કુલ રૂપિયા 26,450નો મુદ્દામાલ કબજે કર્યો છે. પકડાયેલો આરોપી સ્થાનિક સ્તરે ડ્રગ્સનું છૂટક વેચાણ કરવા માટે આ જથ્થો રાખતો હોવાનું પ્રાથમિક તપાસમાં બહાર આવ્યું છે. આસામનો મહાદેબ મલ્લીક ફરી થયો જેલભેગો પોલીસની કડક પૂછપરછમાં જાણવા મળ્યું છે કે પકડાયેલો આરોપી આસામનો વતની મહાદેબ મલ્લીક ઉર્ફે મધુમલીક છે. આ શખ્સ અગાઉ જામનગરના એક મોટા એનડીપીએસ (NDPS) કેસમાં દોષિત ઠર્યો હતો અને કોર્ટે તેને 10 વર્ષની સખત સજા ફટકારી હતી. સજા ભોગવતી વખતે તે જામીન પર મુક્ત થયો હતો, પરંતુ ત્યારબાદ જેલમાં હાજર થવાને બદલે કાયદાની આંખમાં ધૂળ નાખીને ફરાર થઈ ગયો હતો. તાલાળા પોલીસે હાલ આ મામલે ગુનો નોંધીને ડ્રગ્સ નેટવર્ક સાથે જોડાયેલા અન્ય તત્વોને શોધવા વધુ તપાસ હાથ ધરી છે. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward