android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Pune Poisonour Liquor Case: મહારાષ્ટ્રમાં ઝેરી દારૂ બન્યો ‘કાળ’, પુણેના 5 વિસ્તારોમાં 15 લોકોનાં મોત
calendar_today May 29, 2026

Pune Poisonour Liquor Case: મહારાષ્ટ્રમાં ઝેરી દારૂ બન્યો ‘કાળ’, પુણેના 5 વિસ્તારોમાં 15 લોકોનાં મોત

મહારાષ્ટ્રના પુણેના બે અલગ-અલગ વિસ્તારોમાં ઝેરી દારૂ પીવાથી 15 લોકોના મોત થયા છે. પુણેના પિમ્પરી ચિંચવડના ફુગેવાડી વિસ્તારમાં ઝેરી દારૂના કારણે 6 લોકોના મોત થયા, જ્યારે હડપસર વિસ્તારમાં 5 લોકોનાં જીવ ગયા. પુણે અને પિમ્પરી-ચિંચવડમાં ઝેરી દારૂ પીવાથી 15 લોકોનાં મોત પિમ્પરી-ચિંચવડના દાપોડી અને ફુગેવાડી વિસ્તારમાં 8 લોકોનાં મોત થયા છે, જ્યારે પુણેના કાલે પડલ વિસ્તારમાં 3 અને હડપસર વિસ્તારમાં 2 લોકોનાં મોત થયા છે. આ રીતે કુલ 15 લોકોએ જીવ ગુમાવ્યો છે. માહિતી મુજબ, આ ઝેરી અને સ્પિરિટયુક્ત દારૂ યોગેશ વાનખેડે નામના વ્યક્તિએ બનાવ્યો હતો. આ દારૂ પુણે અને પિમ્પરી-ચિંચવડના અલગ-અલગ વિસ્તારોમાં વેચાયો હતો. દાપોડી, ફુગેવાડી, હડપસર અને કાલે પડલ વિસ્તારમાં લોકોએ આ દારૂ પીધો હતો. થોડા સમય બાદ તેમની તબિયત અચાનક બગડવા લાગી અને મોઢામાંથી ફીણ નીકળવા લાગ્યું. ત્યારબાદ થોડા જ સમયમાં તેમનું મોત થયું. હોસ્પિટલ લઈ જવામાં આવે તે પહેલાં જ તેમણે દમ તોડી દીધો. આરોપી ગેરકાયદેસર દારૂ વેચનારની ધરપકડ યોગેશ વાનખેડે ગેરકાયદેસર દારૂ વેચનાર હોવાનું કહેવાઈ રહ્યું છે. તેના વિરુદ્ધ પહેલાથી જ અનેક કેસ નોંધાયેલા છે. પોલીસે તેની ધરપકડ કરી લીધી છે। 48 કલાકમાં 15 શંકાસ્પદ મોત પુણેમાં છેલ્લા 48 કલાકમાં 15 લોકોનાં મોત થયા છે. મહારાષ્ટ્રના મુખ્યમંત્રી દેવેન્દ્ર ફડણવીસે સમગ્ર મામલે તપાસના આદેશ આપ્યા છે. બીજી તરફ પ્રશાસનનું કહેવું છે કે તમામ 15 મોત માત્ર દારૂ પીવાથી થયા નથી. પ્રશાસન મુજબ હાર્ટ એટેક અને અન્ય કારણો પણ જવાબદાર હોઈ શકે છે. જોકે મૃતકોના પરિવારજનોનો દાવો છે કે તમામ લોકોના મોત દારૂ પીવાના કારણે જ થયા છે. પુણેથી લઈને પિમ્પરી-ચિંચવડ સુધી મૃત્યુઆંક વધવાની આશંકા વ્યક્ત કરવામાં આવી રહી છે.

Read Full Story arrow_forward
Gujarat Latest News Live : સુપ્રીમ કોર્ટનો તમામ હાઈકોર્ટને આદેશ, સુનાવણી પૂર્ણ થયા બાદ ત્રણ મહિનામાં ચુકાદો સંભળાવવો અનિવાર્ય
calendar_today May 29, 2026

Gujarat Latest News Live : સુપ્રીમ કોર્ટનો તમામ હાઈકોર્ટને આદેશ, સુનાવણી પૂર્ણ થયા બાદ ત્રણ મહિનામાં ચુકાદો સંભળાવવો અનિવાર્ય

ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 29 મેના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો.

Read Full Story arrow_forward
Jamnagar: કાલાવડ પંથકમાં જૂની અદાવતમાં 22 શખ્સોના ટોળાએ ગામ ગજવ્યું, બેફામ ગાળો ભાંડી ભયનો માહોલ પેદા કર્યો
calendar_today May 29, 2026

Jamnagar: કાલાવડ પંથકમાં જૂની અદાવતમાં 22 શખ્સોના ટોળાએ ગામ ગજવ્યું, બેફામ ગાળો ભાંડી ભયનો માહોલ પેદા કર્યો

કાલાવડ તાલુકામાં આવેલા સતિયા ગામે સામાજિક વૈમનસ્ય અને પ્રેમ સંબંધના વિવાદમાં હથિયારધારી ટોળાએ આતંક મચાવ્યો હોવાની સનસનાટીપૂર્ણ ઘટના પ્રકાશમાં આવી છે. કાફલા સાથે આવેલા અસામાજિક તત્વોએ ગામમાં ઘૂસીને બેફામ ગાળો ભાંડી ભય અને દહેશતનો માહોલ ઉભો કર્યો હતો. આ હુમલામાં એક મહિલાને ગંભીર ઈજાઓ પહોંચતા તેમને સારવાર અર્થે હોસ્પિટલ ખસેડવામાં આવ્યા છે.મારી નાખવાના ઇરાદાથી હુમલોમળતી માહિતી મુજબ, સતિયા ગામે રહેતા એક પરિવાર સાથે પ્રેમ સંબંધની બાબતમાં કેટલાક શખ્સોને લાંબા સમયથી મનદુઃખ ચાલતું હતું. આ અદાવતનો બદલો લેવા માટે આરોપી ભરતભાઇ ઝાપડા પોતાના સાથીદારો સાથે 7 થી 10 જેટલી ફોર વ્હીલર ગાડીઓ ભરીને હથિયારો સાથે સતિયા ગામે ત્રાટક્યો હતો. ટોળાએ તીક્ષ્ણ અને ધારદાર હથિયારો લહેરાવીને ગામમાં ચિચિયારીઓ પાડી હતી. આ દરમિયાન આરોપી ભરત ઝાપડાએ જાનથી મારી નાખવાના ઈરાદા સાથે લોખંડના પાઇપનો જોરદાર ઘા ત્યાં ઉભેલા કુંજલબેન નામના મહિલાના માથાના ભાગે ઝીંકી દીધો હતો, જેથી તેઓ લોહીલુહાણ થઈ ઢળી પડ્યા હતા.ગામમાં તનાવ, પોલીસનો ચુસ્ત બંદોબસ્તઆ હુમલા દરમિયાન અન્ય આરોપીઓએ પણ હથિયારો બતાવીને પીડિત પરિવારના સભ્યોને ઘેરી લીધા હતા અને જો આ બાબતમાં આગળ પડશો તો આખા પરિવારને જાનથી મારી નાખીશું તેવી ખુલ્લી ધમકીઓ આપી હુલ્લડ મચાવ્યું હતું. ઘટનાને પગલે ગામના લોકોમાં દોડધામ મચી ગઈ હતી. આ અંગેની જાણ થતાં જ કાલાવડ પોલીસનો કાફલો ઘટનાસ્થળે દોડી ગયો હતો. પોલીસે ભોગ બનનાર પરિવારની ફરિયાદના આધારે મુખ્ય આરોપી ભરત ઝાપડા સહિત નામજોગ અને અજાણ્યા મળી કુલ 22 શખ્સોના ટોળા સામે રાયોટિંગ, ગંભીર ઈજા પહોંચાડવી અને ધમકી આપવા સહિતની કલમો હેઠળ ગુનો નોંધી આગળની કાનૂની કાર્યવાહી હાથ ધરી છે.આ પણ વાંચો: Narmada: MP જશુ રાઠવાનો બંદૂક વિવાદમાં ખુલાસો, અતિ ઉત્સાહમાં કાયદો યાદ ન રહ્યો, પોલીસ જે કાર્યવાહી કરશે તે સ્વીકાર્ય

Read Full Story arrow_forward