android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Gir Somnath : વનરાજ પર રોગચાળાનું સંકટ, 20થી વધુ સિંહો પર ડે-નાઈટ મોનિટરિંગ
calendar_today May 28, 2026

Gir Somnath : વનરાજ પર રોગચાળાનું સંકટ, 20થી વધુ સિંહો પર ડે-નાઈટ મોનિટરિંગ

એશિયાટિક સિંહોના એકમાત્ર નિવાસસ્થાન એવા ગીરના જંગલ અને તેની આસપાસના વિસ્તારોમાં વનરાજ પર ફરી એકવાર રોગચાળાનું મોટું સંકટ તોળાઈ રહ્યું છે. ગીરમાં સિંહો માટે ઘાતક ગણાતા કેનાઈન ડિસ્ટમ્પર વાયરસ (CDV) અને બેબેસિયા રોગચાળાના એલર્ટને પગલે વનવિભાગ સંપૂર્ણપણે એક્શન મોડમાં આવી ગયું છે અને સમગ્ર વહીવટી તંત્રને હાઈએલર્ટ પર મૂકી દેવામાં આવ્યું છે. ખાસ કરીને વેરાવળ રેન્જમાં વનવિભાગ દ્વારા 20થી વધુ સિંહોનું ચોવીસ કલાક સતત ઓબ્ઝર્વેશન કરવામાં આવી રહ્યું છે.વનવિભાગ દ્વારા સઘન નજર ગીર સોમનાથ જિલ્લાના ચોરવાડથી લઈને મૂળદ્વારકા સુધીના દરિયાકાંઠાના અને રેવન્યુ વિસ્તારમાં વનવિભાગ દ્વારા સઘન નજર રાખવામાં આવી રહી છે. સિંહોની સુરક્ષા અને સ્વાસ્થ્યને સુનિશ્ચિત કરવા માટે ટ્રેકર્સ અને ફોરેસ્ટ ગાર્ડની ખાસ ટીમોને મેદાનમાં ઉતારી દેવામાં આવી છે, જે દિવસ-રાત સિંહોના લોકેશન અને તેમની હિલચાલ પર વોચ રાખી રહી છે. સિંહો સંપૂર્ણપણે તંદુરસ્ત આ અંગે માહિતી આપતા એસીએફ (ACF) કલસરિયાએ જણાવ્યું હતું કે, "હાલના તબક્કે વેરાવળ રેન્જના તમામ સિંહો સંપૂર્ણપણે તંદુરસ્ત અને સુરક્ષિત છે, નાગરિકોએ ગભરાવાની જરૂર નથી." યુદ્ધસ્તરે આગોતરી કામગીરી જોકે, વનવિભાગ કોઈપણ પ્રકારનું જોખમ લેવા માંગતું નથી. વનરાજને બચાવવા માટે તંત્ર દ્વારા યુદ્ધસ્તરે આગોતરી કામગીરી અને વ્યવસ્થા કરી લેવામાં આવી છે. જો જંગલમાં સહેજ પણ રોગચાળાના લક્ષણો દેખાશે, તો ઈમરજન્સીમાં સિંહોના વેક્સિનેશન (રસીકરણ) માટેની તમામ તૈયારીઓ વનવિભાગે અત્યારથી જ પૂર્ણ કરી લીધી છે. ઉલ્લેખનીય છે કે અગાઉ પણ ગીરમાં આ ઘાતક વાયરસના કારણે અનેક સિંહોના મોત નીપજ્યા હતા, જેથી આ વખતે તંત્ર સહેજ પણ ઢીલાશ મૂકવા મૂડમાં નથી અને સિંહોના રક્ષણ માટે વનકર્મીઓ જંગલ ખૂંદી રહ્યા છે. આ પણ વાંચો-----    Gujarat : ખુરશી મંગલમ્, ગુજરાતના શહેરોમાં નવા પદાધિકારીઓનો 'પહેલો દિવસ, પહેલો શો', વાંચો ખાસ અહેવાલ

Read Full Story arrow_forward
Australia:પીએમ મોદી જશે ઓસ્ટ્રેલિયાના પ્રવાસે,અમેરિકાની મુલાકાતનું પણ મળ્યું આમંત્રણ
calendar_today May 28, 2026

Australia:પીએમ મોદી જશે ઓસ્ટ્રેલિયાના પ્રવાસે,અમેરિકાની મુલાકાતનું પણ મળ્યું આમંત્રણ

વડાપ્રધાન નરેન્દ્ર મોદીના આગામી વિદેશ પ્રવાસને લઈને મોટા સમાચાર સામે આવ્યા છે. ઓસ્ટ્રેલિયાના વડાપ્રધાન એન્થની અલ્બનીઝ (Anthony Albanese) એ પીએમ મોદીના ઓસ્ટ્રેલિયા પ્રવાસની સત્તાવાર પુષ્ટિ કરી છે. આ ઉપરાંત, પીએમ મોદીને અમેરિકા (US) આવવાનું પણ આમંત્રણ મળી ચૂક્યું છે, જ્યારે યુરોપના 5 દેશોની યાત્રા બાદ તેઓ આગામી મહિને ફરી એકવાર ફ્રાન્સના પ્રવાસે પણ જવાના છે.ભારત એક મહત્વપૂર્ણ ભાગીદાર: ફિલિપ ગ્રીનભારતમાં ઓસ્ટ્રેલિયાના હાઈ કમિશનર ફિલિપ ગ્રીને સોશિયલ મીડિયા પ્લેટફોર્મ એક્સ (X) પર પીએમ અલ્બનીઝના ભાષણનો એક અંશ શેર કર્યો છે. આ વીડિયોમાં ઓસ્ટ્રેલિયા માટે ભારત કેટલું મહત્વનું છે તેનો ઉલ્લેખ કરાયો છે. ફિલિપ ગ્રીને લખ્યું કે, "જ્યારે તમારા વડાપ્રધાન ભારત વિશે આટલી દ્રઢતા અને ઉત્સાહ સાથે વાત કરે છે, ત્યારે હાઈ કમિશનર તરીકે તમારું કામ વધુ સાર્થક બની જાય છે. વડાપ્રધાન નરેન્દ્ર મોદી, અમે ઓસ્ટ્રેલિયામાં તમારું સ્વાગત કરવા માટે આતુર છીએ."ભારત વિશ્વની સૌથી ઝડપથી વિકસતી અર્થવ્યવસ્થાપોતાના સંબોધનમાં ઓસ્ટ્રેલિયાના પીએમ અલ્બનીઝે ભારતની પ્રશંસા કરતા કહ્યું કે, "ભારત વિશ્વની સૌથી ઝડપથી વિકસતી અર્થવ્યવસ્થાઓમાંની એક છે. આપણા ક્ષેત્રમાં આ આપણા માટે એક અસાધારણ તક છે. અમે એક પ્રશાંત (Pacific) રાષ્ટ્ર છીએ, પરંતુ અમે એક હિંદ મહાસાગર (Indian Ocean) રાષ્ટ્ર પણ છીએ. આર્થિક સહયોગ અને વ્યાપાર કરાર (ECTA) થવાથી આપણા વ્યાપારિક સંબંધો વધુ મજબૂત બન્યા છે. આ સિવાય આપણે સંસ્કૃતિ, શિક્ષણ અને ક્રિકેટની આંતરરાષ્ટ્રીય ભાષા દ્વારા એકબીજાની વધુ નજીક આવ્યા છીએ."પ્રવાસી ભારતીયો આ પ્રવાસને ખાસ બનાવશેપીએમ અલ્બનીઝે ભારતની પોતાની જૂની મુલાકાતોને યાદ કરતા કહ્યું કે, ત્યાં જે આતિથ્ય અને ઉષ્મા મળે છે તે અદ્ભુત અનુભવ છે. તેમણે ઉમેર્યું, "મને ટૂંક સમયમાં જ અહીં પીએમ મોદીની યજમાની કરવાનું સૌભાગ્ય મળશે. આ એક એવું સૌભાગ્ય છે જેની હું બીજી વખત પુનરાવર્તન કરવા માટે આતુરતાથી રાહ જોઈ રહ્યો છું."અલ્બનીઝના મતે, ઓસ્ટ્રેલિયામાં વસતા ૧૦ લાખથી વધુ ભારતીય-ઓસ્ટ્રેલિયન સમુદાયના લોકો આ પ્રવાસને અત્યંત ખાસ બનાવી દેશે. તેમણે ઓસ્ટ્રેલિયાની અર્થવ્યવસ્થાને મજબૂત કરવામાં અને ત્યાંના સમાજને બહેતર બનાવવામાં ભારતીય ડાયસ્પોરાના યોગદાનની મુક્ત કંઠે પ્રશંસા કરી હતી, જે હાલ ઓસ્ટ્રેલિયામાં સૌથી ઝડપથી વિકસતો પ્રવાસી સમુદાય છે.આ પણ વાંચો:Gen Z:નેપાળમાં 'Gen Z'આંદોલન પર મોટો ખુલાસો, પૂર્વ પીએમ ઓલી સહિતના નેતાઓ સામે થશે કાર્યવાહી

Read Full Story arrow_forward
Karnataka Politics: મે મુખ્યમંત્રી પદ છોડી દીધુ છે, બોલ્યા સિદ્ધારમૈયા
calendar_today May 28, 2026

Karnataka Politics: મે મુખ્યમંત્રી પદ છોડી દીધુ છે, બોલ્યા સિદ્ધારમૈયા

કર્ણાટકને હવે નવા મુખ્યમંત્રી મળશે. કારણ કે હાલના મુખ્યમંત્રી સિદ્ધારમૈયાએ રાજીનામુ આપી દીધુ છે. સિદ્ધારમૈયાએ આ વાત પ્રેસ કોન્ફરન્સ કરીને જણાવી. તેમણે કહ્યું કે મે  આજે રાજ્યપાલ હાઉસની મુલાકાત લીધી.મેં મારું રાજીનામું સુપરત કર્યું. મેં રાજીનામું પત્ર રાજ્યપાલના સચિવને સોંપ્યું.મે મુખ્યમંત્રી પદેથી રાજીનામુ આપ્યુ- સિદ્ધારમૈયા તેમણે વધુમાં કહ્યું કે મે પહેલેથી જ કહ્યું હતું કે જ્યારે પણ હાઇકમાન્ડ મને રાજીનામું આપવાનો આદેશ આપશે ત્યારે હું રાજીનામું આપીશ. મેં 28મી તારીખે રાજીનામું આપવાનું વચન આપ્યું હતું, અને મેં તેમ કર્યું છે. મને આશા છે કે રાજ્યપાલ મારું રાજીનામું સ્વીકારશે.

Read Full Story arrow_forward