Kutch News: અંજારમાં હાઈપ્રોફાઈલ જુગાર ક્લબ પર રેડ, 11 આરોપીઓ ઝડપાયા
કચ્છ જિલ્લાના અંજારમાં પોલીસે એક મોટી કાર્યવાહી કરતા હાઈપ્રોફાઈલ જુગાર ક્લબનો પર્દાફાશ કર્યો છે. અંજારના સિનુગ્રા વિસ્તારમાં આવેલા એક ફાર્મ હાઉસમાં બાતમીના આધારે પોલીસે દરોડો પાડ્યો હતો, જેમાં લાખોની રોકડ અને વાહનો સહિત કુલ 77 લાખથી વધુનો મુદ્દામાલ જપ્ત કરવામાં આવ્યો છે.સિનુગ્રાના સાહલ ફાર્મમાં ચાલતો હતો ખેલ ઘટનાની મળતી માહિતી અનુસાર, અંજાર પોલીસને ચોક્કસ બાતમી મળી હતી કે, સિનુગ્રા સાહલ ફાર્મમાં આવેલી ભીમજી વાલજીભાઈ વાણીયાની વાડીમાં મોટા પાયે જુગાર ક્લબ ધમધમી રહી છે. આ બાતમીના આધારે પોલીસે વ્યૂહાત્મક રીતે રેડ કરતા જુગારીઓમાં ફફડાટ વ્યાપી ગયો હતો. સ્થળ પરથી પોલીસે 11 જેટલા આરોપીઓને રંગેહાથ ઝડપી પાડ્યા છે. 77.32 લાખનો મુદ્દામાલ કબજે પોલીસની આ કાર્યવાહીમાં મોટા પ્રમાણમાં મુદ્દામાલ મળી આવ્યો છે, જેમાં રોકડ રકમ, 14 નંગ મોબાઈલ ફોન, 4 વાહન (લક્ઝરી કાર/બાઈક) અને અન્ય જુગારનું સાહિત્યનો સમાવેશ થાય છે. પોલીસે કુલ મળીને પોલીસે રૂ. 77.32 લાખનો મુદ્દામાલ જપ્ત કર્યો છે. જુગાર સાથે દારૂ પણ મળ્યો રેડ દરમિયાન માત્ર જુગાર જ નહીં, પરંતુ એક આરોપી પાસેથી વિદેશી દારૂની બોટલ પણ મળી આવી હતી. પોલીસે જુગારધારાની વિવિધ કલમો તેમજ પ્રોહિબિશન એક્ટ હેઠળ ગુનો નોંધી તમામ 11 આરોપીઓની અટકાયત કરી છે. અંજાર પોલીસ દ્વારા આ મામલે અત્યારે વધુ ઊંડી તપાસ હાથ ધરવામાં આવી છે કે, આ ક્લબ કેટલા સમયથી ચાલતી હતી અને તેમાં અન્ય કયા મોટા માથાઓ સામેલ છે. આ પણ વાંચો - Kutch News: ખાવડા RE પાર્ક રોડ પર પવનચક્કીના ટ્રેલર અને ડમ્પર વચ્ચે ભયાનક અકસ્માત
Read Full Story arrow_forward