android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Kutch News: શિણાય સીમમાંથી 9200 લીટર શંકાસ્પદ બાયોડીઝલ ઝડપાયું
calendar_today May 27, 2026

Kutch News: શિણાય સીમમાંથી 9200 લીટર શંકાસ્પદ બાયોડીઝલ ઝડપાયું

પૂર્વ કચ્છ લોકલ ક્રાઈમ બ્રાન્ચ દ્વારા ગેરકાયદેસર ઇંધણના કાળા કારોબાર સામે મોટી કાર્યવાહી કરવામાં આવી છે. અંજાર તાલુકાના શિણાય સીમ વિસ્તારમાં પોલીસે રેડ કરીને મોટા પ્રમાણમાં શંકાસ્પદ બાયોડીઝલનો જથ્થો ઝડપી લીધો છે. આ મામલે પોલીસે એક શખ્સની ધરપકડ કરીને કાયદેસરની કાર્યવાહી હાથ ધરી છે.ટેન્કરમાં છુપાવ્યો હતો 9200 લીટર જથ્થો ઘટનાની મળતી વિગતો અનુસાર, પૂર્વ કચ્છ એલસીબી પોલીસને બાતમી મળી હતી કે, શિણાય સીમ વિસ્તારમાં ગેરકાયદેસર રીતે પેટ્રોલિયમ પદાર્થનો સંગ્રહ કરવામાં આવ્યો છે. બાતમીના આધારે પોલીસે ઘટના સ્થળે રેડ કરી એક ટેન્કરને આંતર્યું હતું. તપાસ દરમિયાન ટેન્કરમાંથી કોઈ પણ પ્રકારના પાસ કે પરમિટ વગરનો 9200 લીટર શંકાસ્પદ બાયોડીઝલ (પેટ્રોલિયમ પદાર્થ) નો જથ્થો મળી આવ્યો હતો. રૂ. 10.86 લાખનો મુદ્દામાલ જપ્ત પોલીસે આ રેડ દરમિયાન કાયદેસરની કાર્યવાહી કરીને રૂ. 7.36 લાખની કિંમતનું 9200 લીટર શંકાસ્પદ બાયોડીઝલ અને પરિવહન માટે ઉપયોગમાં લેવાતું ટેન્કર પણ જપ્ત કર્યું છે. પોલીસે બાયોડીઝલ અને ટેન્કર સહિત કુલ રૂ. 10.86 લાખનો મુદ્દામાલ કબજે કર્યો છે. એક શખ્સની ધરપકડ, BNS હેઠળ ગુનો દાખલ આ ગેરકાયદેસર કાળા કારોબારના કૌભાંડમાં પોલીસે સ્થળ પરથી હરેશભાઈ હરજાણી નામના શખ્સની ધરપકડ કરી છે. આ મામલે આદિપુર પોલીસ મથકે ભારતીય ન્યાય સંહિતા (BNS) ની વિવિધ કલમો હેઠળ ગુનો નોંધીને વધુ તપાસ હાથ ધરવામાં આવી છે. પોલીસ હવે એ દિશામાં તપાસ કરી રહી છે કે, આ બાયોડીઝલનો જથ્થો ક્યાંથી લાવવામાં આવ્યો હતો અને તેને ક્યાં સપ્લાય કરવાનો હતો. આ પણ વાંચો - Kutch News: અંજારમાં હાઈપ્રોફાઈલ જુગાર ક્લબ પર રેડ, 11 આરોપીઓ ઝડપાયા

Read Full Story arrow_forward
Chhota Udepur News: ખેતરમાંથી ગાંજાના 508 છોડ ઝડપાયા. ખેતર માલિકની ધરપકડ
calendar_today May 27, 2026

Chhota Udepur News: ખેતરમાંથી ગાંજાના 508 છોડ ઝડપાયા. ખેતર માલિકની ધરપકડ

ગુજરાત પોલીસ દ્વારા નશાના કારોબારને નાબૂદ કરવા માટે ચલાવવામાં આવી રહેલી ઝુંબેશ અંતર્ગત છોટાઉદેપુર જિલ્લા સ્પેશિયલ ઓપરેશન ગ્રુપને એક મોટી સફળતા મળી છે. છોટાઉદેપુર જિલ્લાના કોલીયાથોર ગામે ખેતરમાં ગેરકાયદેસર રીતે કરવામાં આવતી વનસ્પતિજન્ય ગાંજાની ખેતીનો પોલીસે પર્દાફાશ કર્યો છે.કપાસ કે મકાઈની આડમાં ગાંજાનું વાવેતર! ઘટનાની મળતી વિગતો અનુસાર, છોટાઉદેપુર એસઓજીની ટીમને ખાનગી રાહે ચોક્કસ બાતમી મળી હતી કે, કોલીયાથોર ગામના એક ખેતરમાં પ્રતિબંધિત વનસ્પતિજન્ય ગાંજાનું મોટા પાયે વાવેતર કરવામાં આવ્યું છે. આ બાતમીના આધારે એસઓજીની ટીમે ઘટના સ્થળે ઓચિંતી રેડ કરી હતી. પોલીસ જ્યારે ખેતરમાં પહોંચી ત્યારે ત્યાં લીલાછમ ગાંજાના છોડ લહેરાતા જોઈને અધિકારીઓ પણ ચોંકી ઉઠ્યા હતા. 156 કિલો ગાંજો, કિંમત રૂ. 78.15 લાખ પોલીસે ખેતરમાંથી વનસ્પતિજન્ય ગાંજાના નાના-મોટા કુલ 508 છોડ મૂળમાંથી ઉખાડીને જપ્ત કર્યા હતા. આ તમામ છોડનું વજન કરાવતા કુલ 156 કિલો વનસ્પતિજન્ય ગાંજાનો જથ્થો મળી આવ્યો હતો. આંતરરાષ્ટ્રીય બજાર કિંમત મુજબ આ જપ્ત કરાયેલા મુદ્દામાલની કુલ કિંમત રૂ. 78.15 લાખ આંકવામાં આવી છે. ખેતર માલિકની ધરપકડ, વધુ તપાસ શરૂ SOG ની ટીમે આ ગેરકાયદેસર ખેતી કરવા બદલ ખેતરના માલિક ઉદલિયાભાઈ ભુચરાભાઈ રાઠવાની સ્થળ પરથી જ ધરપકડ કરી લીધી છે. પોલીસે NDPS એક્ટ હેઠળ ગુનો નોંધીને કાયદેસરની કાર્યવાહી હાથ ધરી છે. આ ગાંજાનો જથ્થો ક્યાં સપ્લાય કરવાનો હતો અને આ કાળા કારોબારમાં અન્ય કોઈ સ્થાનિક કે, બહારના શખ્સો સામેલ છે કે નહીં તે દિશામાં પોલીસે તપાસના ચક્રો ગતિમાન કર્યા છે. આ પણ વાંચો - Chhota Udepur News: બોડેલીના જબુગામ પાસે ઉભેલા ડમ્પર પાછળ બાઇક ઘૂસી જતાં એક યુવકનું મોત

Read Full Story arrow_forward
NDA CM Meeting: 10 જૂને PM Modiની અધ્યક્ષતામાં મુખ્યમંત્રીઓની બેઠક, આગામી રણનીતિ ઘડાશે
calendar_today May 27, 2026

NDA CM Meeting: 10 જૂને PM Modiની અધ્યક્ષતામાં મુખ્યમંત્રીઓની બેઠક, આગામી રણનીતિ ઘડાશે

કેન્દ્ર સરકારના 12 વર્ષની સિદ્ધિઓ અને આગામી રાજકીય વ્યૂહરચના પર ચર્ચા કરાશે. આગામી વ્યૂહાત્મક ચર્ચાઓ કરાશે પીએમ મોદીની અધ્યક્ષતામાં આગામી 10 જૂનના રોજ NDA શાસિત રાજ્યોના મુખ્યમંત્રીઓની બેઠક યોજાવા જઈ રહી છે. આ બેઠક કેન્દ્રની મોદી સરકારના સફળ 12 વર્ષ પૂર્ણ થવાના ઉપલક્ષ્યમાં બોલાવવામાં આવી છે. જેમાં ભાજપ અને સહયોગી પક્ષોના તમામ મુખ્યમંત્રીઓ અને નાયબ મુખ્યમંત્રીઓ હાજર રહેશે. 12 વર્ષની ઉપલબ્ધિઓ પર મંથન આ મહાબેઠકનો મુખ્ય એજન્ડા કેન્દ્ર સરકારના છેલ્લા 12 વર્ષના શાસનકાળ દરમિયાન લેવાયેલા ઐતિહાસિક નિર્ણયો અને જનકલ્યાણકારી યોજનાઓની સમીક્ષા કરવાનો છે. પીએમ મોદીની આગેવાનીમાં સરકારની સિદ્ધિઓને જન-જન સુધી કેવી રીતે પહોંચાડવી અને વિકાસ કાર્યોની ગતિ કેવી રીતે વધારવી તે અંગે તમામ રાજ્યોના મુખ્યમંત્રીઓ સાથે વિસ્તૃત ચર્ચા કરવામાં આવશે. નીતિ આયોગની બેઠક પહેલાં મોટું આયોજન NDA મુખ્યમંત્રીઓની બેઠક નીતિ આયોગની બેઠકના બરાબર એક દિવસ પહેલાં યોજાઈ રહી છે. આગામી 11 જૂનના રોજ દિલ્હીમાં નીતિ આયોગની મહત્વની બેઠક યોજાવાની છે. જેમાં તમામ રાજ્યોના મુખ્યમંત્રીઓ ભાગ લેશે. પરંતુ તે પહેલાં 10 જૂને NDAના મુખ્યમંત્રીઓ એકમંચ પર આવીને પોતાની રણનીતિ સ્પષ્ટ કરશે. જે વહીવટી અને રાજકીય દ્રષ્ટિએ ખૂબ જ મહત્વપૂર્ણ માનવામાં આવે છે. આ પણ વાંચોઃ Byjusના સ્થાપક Raveendranને સિંગાપોરની કોર્ટે ફટકારી 6 મહિનાની સજા, કોર્ટના અપમાનનો આરોપ

Read Full Story arrow_forward