android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Ebola virus: કોંગો અને યુગાન્ડામાં ઇબોલા વાયરસનો હાહાકાર, ભારતમાં એરપોર્ટ પર હાઈ એલર્ટ!
calendar_today May 27, 2026

Ebola virus: કોંગો અને યુગાન્ડામાં ઇબોલા વાયરસનો હાહાકાર, ભારતમાં એરપોર્ટ પર હાઈ એલર્ટ!

કોંગો અને યુગાન્ડામાં 900થી વધુ શંકાસ્પદ કેસ અને 200થી વધુ મૃત્યુ નોંધાયા છે. ભારત સહિત વિશ્વભરમાં લેવાયા પગલાં WHOએ તેને આંતરરાષ્ટ્રીય આરોગ્ય કટોકટી જાહેર કરી છે. ભારત સહિત ઘણા દેશોએ એરપોર્ટ સ્ક્રીનીંગ અને શંકાસ્પદોને અલગ રાખવા જેવા પ્રોટોકોલ લાગુ કર્યા છે. આફ્રિકામાં ઇબોલા વાયરસનો ચેપ ઝડપથી ફેલાઈ રહ્યો છે. વિશ્વ આરોગ્ય સંગઠન અનુસાર, અત્યાર સુધીમાં 900થી વધુ શંકાસ્પદ કેસ નોંધાયા છે. જેમાં 223 લોકોના મૃત્યુની આશંકા છે. સૌથી વધુ કેસ કોંગોમાં નોંધાયા છે. જ્યાં 112 લોકો ચેપગ્રસ્ત થયા છે અને 11ના મોત થયા છે. ચેપ પડોશી યુગાન્ડામાં પણ ફેલાઈ રહ્યો છે. જ્યાં આઠ કેસ અને એક મૃત્યુની પુષ્ટિ થઈ છે. ક્યાંથી ઉદ્ભવ્યો ચેપ ? આ ચેપ સૌપ્રથમ મે 2026માં કોંગોના ઇટુરી પ્રાંતમાં દેખાયો હતો. આ વિસ્તાર લાંબા સમયથી હિંસા અને સંઘર્ષથી પ્રભાવિત છે. તે મોટી સંખ્યામાં વિસ્થાપિત લોકો અને સોનાની ખાણકામ કરનારાઓનું ઘર છે. WHO કહે છે કે, લોકોની સતત હિલચાલ વાયરસના ઝડપી ફેલાવામાં ફાળો આપી રહી છે. ચેપ હવે ઉત્તર કિવુ અને દક્ષિણ કિવુ પ્રાંતોમાં પહોંચ્યો છે. દક્ષિણ કિવુના કેટલાક ભાગો M23 બળવાખોર જૂથના નિયંત્રણ હેઠળ છે. ભારતમાં કયા પગલાં લેવાયા ? ભારતે કોંગો અને યુગાન્ડાથી આવતી ફ્લાઇટ્સ માટે કોવિડ જેવા પ્રોટોકોલ લાગુ કર્યા છે. જેમાં એરપોર્ટ પર થર્મલ સ્ક્રીનીંગ અને વિમાનમાં શંકાસ્પદ મુસાફરોને અલગ રાખવાનો સમાવેશ થાય છે. મુસાફરોએ તેમના સ્વાસ્થ્યની સ્વ-ઘોષણા કરવાની જરૂર પડશે. ભારત સરકારે 24 મેના રોજ એડવાઇઝરી જાહેર કરી હતી. જેમાં નાગરિકોને આગામી સૂચના સુધી ડેમોક્રેટિક રિપબ્લિક ઓફ કોંગો, યુગાન્ડા અને દક્ષિણ સુદાનની મુસાફરી ટાળવાની સલાહ આપવામાં આવી હતી. કેરળ સરકારે અસરગ્રસ્ત દેશોમાંથી આવતા મુસાફરો માટે 21 દિવસની ક્વોરેન્ટાઇન ફરજિયાત કરી છે. પરિસ્થિતિ ગંભીર થતા ચિંતા વધી 17 મે 2026ના રોજ WHOએ કોંગોમાં ફેલાતા ઇબોલાના બુન્ડીબુગ્યો સ્ટ્રેનને આંતરરાષ્ટ્રીય આરોગ્ય કટોકટી જાહેર કરી હતી. WHO અનુસાર, ચેપ સરહદ પાર ફેલાવાનું જોખમ ઉભું કરે છે, જેના કારણે આંતરરાષ્ટ્રીય કાર્યવાહીની જરૂર છે. આફ્રિકા સેન્ટર્સ ફોર ડિસીઝ કંટ્રોલે નવ દેશોને ઉચ્ચ જોખમ શ્રેણીમાં વર્ગીકૃત કર્યા છે: અંગોલા, બુરુન્ડી, સેન્ટ્રલ આફ્રિકન રિપબ્લિક, ઇથોપિયા, કેન્યા, રવાન્ડા, દક્ષિણ સુદાન, તાંઝાનિયા અને ઝામ્બિયા, જ્યાં વાયરસ ફેલાવાનું જોખમ વધારે છે. આ પણ વાંચોઃ ઉનાળાની ગરમી માટે કયું છે સૌથી શ્રેષ્ઠ?, જાણો બન્ને વચ્ચેનો ભેદ

Read Full Story arrow_forward
Gujarat Latest News Live : જામનગરના દરિયામાં માછીમારી પર પ્રતિબંધ, અધિક જિલ્લા મેજિસ્ટ્રેટ દ્વારા જાહેરનામુ બહાર પડાયું
calendar_today May 27, 2026

Gujarat Latest News Live : જામનગરના દરિયામાં માછીમારી પર પ્રતિબંધ, અધિક જિલ્લા મેજિસ્ટ્રેટ દ્વારા જાહેરનામુ બહાર પડાયું

ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 27 મેના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો.

Read Full Story arrow_forward
Ahmedabad News: ચોમાસા પહેલાં આગામી 25 વર્ષના આયોજન સાથે વોટર લોગિંગના કામો શરૂ કરાયા: મેયર હિતેશ બારોટ
calendar_today May 27, 2026

Ahmedabad News: ચોમાસા પહેલાં આગામી 25 વર્ષના આયોજન સાથે વોટર લોગિંગના કામો શરૂ કરાયા: મેયર હિતેશ બારોટ

અમદાવાદ મનપામાં મેયર અને ડેપ્યુટી મેયર સહિતના પદાધિકારીઓની નિમણૂક કરી દેવામાં આવી છે. શહેરના નવા મેયર તરીકે ચાર્જ સંભાળતાની સાથે જ હિતેશ બારોટ એક્શનમાં આવ્યા હતાં. તેમણે સાદગી સાથે આગળ વધવાનું નક્કી કર્યું હતું. આજે તેમણે શહેરના પૂર્વ વિસ્તારમાં રાઉન્ડ લીધો હતો. આ વિસ્તારમાં ચાલી રહેલા કામોની સમીક્ષા કરી હતી. આ દરમિયાન મેયર હિતેશ બારોટે સંદેશ ન્યૂઝ સાથે વાતચીતમાં જણાવ્યું કે પૂર્વ અમદાવાદમાં ખારિકટ કેનાલનું વર્ષો જૂનું કામ પૂર્ણ થઈ ગયું છે અને 14 કિ.મી લાંબી લાઇન પર 2027 સુધીનું આયોજન ચાલુ છે. આગામી સમયમાં EV કાર વસાવવા પ્રયાસ નવા મેયર હિતેશ બારોટે વધુમાં કહ્યું હતું કે, વરસાદ પહેલાં આગામી 25 વર્ષના આયોજન સાથે વોટર લોગિંગના કામો શરૂ કરાયા છે, જે 15 જૂન પહેલાં પૂરા કરાશે. પર્યાવરણ અને ઈંધણ બચાવવા મેયરે પોતે ઈલેક્ટ્રિક કાર લીધી છે અને કોર્પોરેશન પણ આગામી સમયમાં EV કાર વસાવવા પ્રયાસ કરશે. શહેરમાં ટ્રાફિકની સમસ્યા હળવી કરવા અને ગેરકાયદે દબાણો હટાવવા માટે પણ વહીવટીતંત્ર સતત કામ કરી રહ્યું હોવાનું મેયરે જણાવ્યું. મુલાકાત દરમિયાન મેયરે સ્વીકાર્યું કે બધી જગ્યાએ એકસાથે કામ પૂરું ન થઈ શકે, પરંતુ લોકોની સુવિધા માટે તબક્કાવાર કામગીરી ચાલુ છે. વરસાદી પાણીના નિકાલ માટેની કામગીરી તેજ અમદાવાદમાં ચોમાસા પહેલા AMC દ્વારા વરસાદી પાણીના નિકાલ માટેની કામગીરી તેજ કરવામાં આવી છે. શહેરમાં સોલા અને SG હાઇવે સહિત શહેરના વિવિધ વિસ્તારોમાં ડ્રેનેજ અને સ્ટોર્મ વોટર લાઇનની સફાઈ શરૂ કરાઈ છે. પાણી ભરાતા વિસ્તારોમાં ઝડપી કામગીરી થાય તે માટે અધિકારીઓને સૂચના આપવામાં આવી છે. ઉપરાંત ચોમાસાને ધ્યાનમાં રાખીને 1 જૂનથી કંટ્રોલ રૂમ પણ કાર્યરત કરવામાં આવશે.જેથી નાગરિકોની ફરિયાદોનો તાત્કાલિક નિકાલ થઈ શકે. આ પણ વાંચોઃ Ahmedabad CNG Price Hike: અદાણીએ CNGના ભાવમાં ઝીંક્યો રૂ. 2નો વધારો, નાગરિકોને મોંઘવારીનો ડામ

Read Full Story arrow_forward