android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Gujarat Latest News Live : મોરબીમાં હળવદના સાપકડા ગામમાં ખેડૂતોનો વિરોધ, ખેતરમાંથી પસાર થતા વીજપોલના વળતર મુદ્દે હોબાળો
calendar_today May 25, 2026

Gujarat Latest News Live : મોરબીમાં હળવદના સાપકડા ગામમાં ખેડૂતોનો વિરોધ, ખેતરમાંથી પસાર થતા વીજપોલના વળતર મુદ્દે હોબાળો

ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 25 મેના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો.

Read Full Story arrow_forward
Ahmedabad: જમાલપુરમાં કાચની મસ્જિદ પાસે મોડી રાત્રે કાર સહિત 5 થી વધુ વાહનોમાં પથ્થરમારો અને તોડફોડ
calendar_today May 25, 2026

Ahmedabad: જમાલપુરમાં કાચની મસ્જિદ પાસે મોડી રાત્રે કાર સહિત 5 થી વધુ વાહનોમાં પથ્થરમારો અને તોડફોડ

અમદાવાદના પૂર્વ વિસ્તારમાં કાયદો અને વ્યવસ્થાની સ્થિતિને પડકારતા અસામાજિક તત્વો ફરી એકવાર સક્રિય થયા છે. કોટ વિસ્તાર ગણાતા જમાલપુરમાં આવેલી પ્રખ્યાત કાચની મસ્જિદ નજીક મોડી રાત્રે અસામાજિક તત્વોએ આતંક મચાવ્યો હતો. આ તત્વોએ કોઈ અગમ્ય કારણોસર અથવા વિસ્તારમાં પોતાનો વટ અને ડર ઊભો કરવાના ઈરાદે રસ્તા પર અને ઘર આંગણે પાર્ક કરેલા વાહનોમાં ભારે તોડફોડ કરી હતી, જેના કારણે સવારે વાહન માલિકો જાગ્યા ત્યારે ભારે આક્રોશ ફાટી નીકળ્યો હતો.રાત્રિના સમયે પથ્થરમારો કરીને વાહનોના કાચ તોડી નાખ્યાસ્થાનિક સૂત્રો પાસેથી મળતી માહિતી મુજબ, મધ્યરાત્રિએ જ્યારે આખો વિસ્તાર સૂતો હતો ત્યારે અચાનક કેટલાક અસામાજિક તત્વો લાકડીઓ અને પથ્થરો સાથે ધસી આવ્યા હતા. તેઓએ કાચની મસ્જિદ પાસે પાર્ક કરેલી એક ફોર વ્હીલર (કાર) તેમજ ત્યાં લાઈનસર પડેલા અન્ય ૪ થી ૫ ટુ-વ્હીલર વાહનો પર આડેધડ હુમલો કરી દીધો હતો. તત્વોએ વાહનોના કાચ ફોડી નાખ્યા હતા અને વાહનોને નીચે પાડી દઈને મોટું નુકસાન પહોંચાડ્યું હતું. મોડી રાત્રે થયેલા આ અવાજ અને તોડફોડના કારણે સ્થાનિક રહીશોમાં ભય વ્યાપી ગયો હતો.ગાયકવાડ હવેલી પોલીસે સીસીટીવી ફૂટેજ ખંખાડ્યાઘટના અંગે સવારે પોલીસને જાણ કરવામાં આવતા ગાયકવાડ હવેલી પોલીસ સ્ટેશનનો સ્ટાફ તાત્કાલિક અસરથી ઘટનાસ્થળે પહોંચી ગયો હતો. પોલીસે નુકસાન પામેલા વાહનોની સ્થિતિનું પંચનામું કર્યું હતું અને આસપાસની દુકાનો તેમજ મકાનો પર લાગેલા સીસીટીવી (CCTV) કેમેરાના ફૂટેજ મેળવવાની તજવીજ હાથ ધરી છે. પોલીસનું કહેવું છે કે વીડિયો ફૂટેજના આધારે તોડફોડ કરનારા શખ્સોની ઓળખ બહુ જલ્દી કરી લેવામાં આવશે અને તેમની ધરપકડ કરીને કાયદાનું ભાન કરાવવામાં આવશે. સ્થાનિક લોકોએ પણ આ વિસ્તારમાં રાત્રિ પોલીસ પેટ્રોલીંગ વધારવાની માંગ કરી છે.આ પણ વાંચો: Ahmedabad: 1994ના ચકચારી અરવિંદ શાહ હત્યા કેસનો આરોપી ઝડપાયો,2013થી પેરોલ જમ્પ કરી નાસતો ફરતો

Read Full Story arrow_forward
Anand જિલ્લા પંચાયતમાં મોટો ઉલટફેર, હાઇકોર્ટના આદેશ બાદ કોંગ્રેસનું સપનું રોળાયું, વાંચો આખો મામલો
calendar_today May 25, 2026

Anand જિલ્લા પંચાયતમાં મોટો ઉલટફેર, હાઇકોર્ટના આદેશ બાદ કોંગ્રેસનું સપનું રોળાયું, વાંચો આખો મામલો

આણંદ જિલ્લા પંચાયત પ્રમુખની ચૂંટણીમાં છેલ્લા 24 કલાકમાં અભૂતપૂર્વ રાજકીય ડ્રામા જોવા મળ્યો છે. ગઈકાલ સુધી જીતના જશ્નમાં ડૂબેલી કોંગ્રેસને મોટો ઝટકો લાગ્યો છે અને હાઇકોર્ટના હસ્તક્ષેપ બાદ આખરે જિલ્લા પંચાયત પર ભાજપે ભગવો લહેરાવી દીધો છે. હાઇવોલ્ટેજ રાજકીય ગરમાવા વચ્ચે યોજાયેલી ચૂંટણીમાં ભાજપના ઉમેદવાર મયુરીબેન પટેલ પ્રમુખપદે ચૂંટાઈ આવ્યા છે, જ્યારે ઉપપ્રમુખ પદે જીલુભા સિંધા બિનહરીફ વિજેતા જાહેર થયા છે.મયુરી પટેલે મહારાષ્ટ્ર સરકારનું જાતિ પ્રમાણપત્ર રજૂ કર્યું સમગ્ર વિવાદની વાત કરીએ તો, આણંદ જિલ્લા પંચાયતમાં પ્રમુખપદની બેઠક અનુસૂચિત જનજાતિ (ST) માટે અનામત હતી. ભાજપના ઉમેદવાર મયુરીબેન પટેલે મહારાષ્ટ્ર સરકારનું જાતિ પ્રમાણપત્ર રજૂ કર્યું હતું, જેની સામે કોંગ્રેસે સખત વાંધો ઉઠાવ્યો હતો. ફોર્મ ચકાસણી દરમિયાન જિલ્લા વિકાસ અધિકારી દેવાહુતીએ ગુજરાત સરકારના નિયમોનો હવાલો આપી મયુરીબેનનું ફોર્મ રદ કરી દીધું હતું. આ નિર્ણયથી કોંગ્રેસના ઉમેદવાર ગૌરીબેન તડવી બિનહરીફ જીતે તેવી સ્થિતિ સર્જાતા કોંગ્રેસ છાવણીમાં ભારે ઉત્સાહ અને ઉજવણીનો માહોલ છવાઈ ગયો હતો. ભાજપે હાઇકોર્ટમાં રીટ કરી જોકે, ભાજપે હાર સ્વીકારવાને બદલે તાત્કાલિક ગુજરાત હાઇકોર્ટના દ્વાર ખખડાવ્યા હતા અને રિટ પિટિશન દાખલ કરી હતી. હાઇકોર્ટે મામલાની તાકીદે સુનાવણી કરીને મોટો ચુકાદો આપ્યો અને ભાજપના ઉમેદવાર મયુરીબેન પટેલનું ઉમેદવારી પત્ર માન્ય રાખવાનો આદેશ કર્યો હતો. મયુરીબેન પટેલનો વિજય કોર્ટની લીલા ઝંડા બાદ આજે પ્રમુખપદ માટે મતદાન પ્રક્રિયા યોજાઈ હતી. ઉલ્લેખનીય છે કે, આણંદ જિલ્લા પંચાયતમાં ભાજપ 33 સભ્યોના તોતિંગ સંખ્યાબળ સાથે પહેલેથી જ સ્પષ્ટ બહુમતીમાં હતું. જેથી કોર્ટમાંથી ફોર્મ માન્ય થતા જ મયુરીબેન પટેલનો વિજય પાકો થઈ ગયો હતો. હાઇકોર્ટના આ એક જ ચુકાદાથી કોંગ્રેસનું સત્તા મેળવવાનું સપનું રોળાઈ ગયું છે અને ભાજપે ફરી એકવાર આણંદમાં પોતાનો ગઢ સાચવી રાખ્યો છે.આ પણ વાંચો----    NEET વિવાદમાં સુપ્રીમ કોર્ટે કેન્દ્ર અને NTAને ફટકારી નોટિસ, એજન્સીના વિસર્જન અને ફરીથી પરીક્ષાની માગ

Read Full Story arrow_forward