android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Junagadh News: 47 આગાહીકારોએ ચોમાસાનું સચોટ અનુમાન કર્યું, જાણો આ વર્ષે કેટલા ટકા વરસાદની સંભાવના છે?
calendar_today May 25, 2026

Junagadh News: 47 આગાહીકારોએ ચોમાસાનું સચોટ અનુમાન કર્યું, જાણો આ વર્ષે કેટલા ટકા વરસાદની સંભાવના છે?

સમગ્ર દેશ સહિત ગુજરાતમાં ગરમીએ માજા મુકી છે. ગરમીને કારણે દેશની પ્રજા ત્રાહિમામ પોકારી ઉઠી છે. ત્યારે ચોમાસુ ક્યારે શરૂ થશે તેની આગાહી કરવામાં આવે છે. હવામાન નિષ્ણાંતો દ્વારા કરવામાં આવેલી આગાહી પ્રમાણે આ વખતે કેરળમાં ચોમાસુ વહેલુ આવશે. ચોમાસાને લઈને જૂનાગઢમાં 32મો વર્ષા વિજ્ઞાન પરિસંવાદ યોજાયો છે. જેમાં 47 આગાહીકારો દ્વારા ચોમાસાનું અનુમાન કર્યું છે. 47 આગાહીકારો દ્વારા ચોમાસાનું અનુમાન જૂનાગઢમાં 47 આગાહીકારોએ આ વર્ષે સારા ચોમાસાની આગાહી કરી છે.આ વર્ષે 10થી 12 આની એટલે કે 75 ટકા સુધી સારા વરસાદની સંભાવના છે.જૂનના બીજા સપ્તાહમાં ચોમાસુ શરૂ થાય તેવી શક્યતાઓ છે. આ વર્ષે ખેડૂતો બે તબક્કામાં વાવણી કરી શકશે. 15 ઓક્ટોબર બાદ રાજ્યમાંથી વરસાદ વિરામ લેશે. બીજી તરફ હવામાન વિભાગ દ્વારા એવી સંભાવનાઓ વ્યક્ત કરાઈ છે કે, આ વર્ષે ચોમાસુ સમગ્ર દેશમાં ઓછી અસર કરશે. આ વખતે ચોમાસાની ગતિમાં ઘટાડો થાય તેવી પણ શક્યતાઓ વ્યક્ત કરાઈ છે. આ પણ વાંચોઃ Vav Tharad : કોંગ્રેસે ફોર્મ ભરતા જ ભાજપનો હોબાળો, દિયોદર તાલુકા પંચાયતની ચૂંટણી મુલતવી, Video

Read Full Story arrow_forward
UP:  સંબંધો શર્મસાર! પત્ની અને સાળીએ પ્રેમીઓ સાથે મળી કરી પતિની ક્રૂર હત્યા
calendar_today May 25, 2026

UP: સંબંધો શર્મસાર! પત્ની અને સાળીએ પ્રેમીઓ સાથે મળી કરી પતિની ક્રૂર હત્યા

ઉત્તર પ્રદેશના મુરાદાબાદમાંથી સંબંધોને શર્મસાર કરતી અને કાળજું કંપાવી દે તેવી ઘટના સામે આવી છે. અહીં એક પત્નીએ પોતાના આડા સંબંધોમાં આડખીલી બનતા પતિને રસ્તામાંથી હટાવવા માટે પોતાની બહેન અને બંનેના પ્રેમીઓ સાથે મળીને અત્યંત નિર્મમ રીતે મોતને ઘાટ ઉતારી દીધો. આરોપીઓએ યુવકને પહેલા લાકડીઓથી ઢોર માર માર્યો, ત્યારબાદ ઇલેક્ટ્રિક કરંટ આપ્યો અને છેલ્લે પરાણે ઝેર પીવડાવી દીધું.પ્રેમીએ કરી પતિની નિર્મમ હત્યા  આટલું જ નહીં હત્યાને આત્મહત્યા કે અકસ્માતનું રૂપ આપવા માટે લાશને સીડીઓ પરથી નીચે ફેંકી દીધી હતી. જો કે, પોલીસની કડક પૂછપરછ સામે પાપીઓ લાંબો સમય ટકી શક્યા નહીં અને ગણતરીની મિનિટોમાં જ ગુનો કબૂલી લીધો છે. 1 અઠવાડિયા પહેલા ઘડાયું હતું મોતોનું ષડયંત્ર મૃતક ૩૦ વર્ષીય પવન કુમાર ઠાકુર એક પેઢીમાં (Firm) કામ કરતો હતો. તેની પત્ની આંચલને તેના જ કઝિન જેઠના દીકરા અંકિત સાથે પ્રેમ સંબંધ હતો. પવનને આ બાબતની જાણ થતાં તેણે વિરોધ કર્યો હતો, જે આંચલને ખટકતું હતું. ઉપરાંત, પવનના નામે ગામમાં 10 વીઘા જમીન અને મકાન હતું, જેના પર આંચલ અને તેના પ્રેમીની નજર હતી.સંપત્તિ પચાવી પાડવા અને પ્રેમમાં નડતરરૂપ પતિને હટાવવા માટે આંચલે એક અઠવાડિયા પહેલાં જ પોતાની બહેન શિખા સાથે મળીને પ્લાન બનાવ્યો હતો. આ પ્લાન મુજબ શિખા 6 દિવસ પહેલાં જ બહેનના ઘરે આવી ગઈ હતી. શનિવારે આ બંને બહેનોએ પોતપોતાના પ્રેમીઓ (અંકિત અને અજય દિવાકર) ને ઘરમાં બોલાવી લીધા હતા. સાંજે આશરે 6 વાગ્યે પવન જેવો ઘરે આવ્યો કે તરત જ ચારેય જણાએ તેને બંધક બનાવી લીધો હતો.હત્યા બાદ અકસ્માત બતાવવાનો કારસો  પવન બેભાન થઈ ગયા પછી, સમગ્ર ઘટના આત્મહત્યા અથવા અકસ્માત જેવી લાગે તે માટે તેને સીડીઓ પરથી નીચે ધકેલી દેવાયો હતો. ત્યારબાદ પરિવારજનોને ફોન કરીને પવને આત્મહત્યા કરી હોવાનું નાટક કરાયું હતું. પોસ્ટમોર્ટમ રિપોર્ટે ખોલી પોલ શનિવારે સાંજે જ્યારે પવનનો પોસ્ટમોર્ટમ રિપોર્ટ આવ્યો ત્યારે તેમાં શરીર પર કરંટ આપવાના નિશાનો મળી આવ્યા હતા. રિપોર્ટ આવતા જ પોલીસનો શક પાકો થઈ ગયો. મઝોલા પોલીસ સ્ટેશનના પ્રભારી રવિન્દ્ર કુમાર અને ક્રાઈમ ઈન્સ્પેક્ટર મુઝમ્મિલ ખાંની ટીમે કડક પૂછપરછ શરૂ કરતા જ પત્ની આંચલ, સાળી શિખા, પ્રેમી અંકિત અને અજય દિવાકર ભાંગી પડ્યા હતા. ભાઈની ફરિયાદ પર ગુનો દાખલ, ચારેય આરોપીઓ જેલ ભેગા એએસપી અભિનવ દ્વિવેદીના જણાવ્યા અનુસાર, હાઈડિલ કોલોનીમાં રહેતા મૃતકના મોટા ભાઈ દેવેન્દ્ર સિંહે શનિવારે મોડી રાત્રે આ મામલે હત્યાનો ગુનો દાખલ કરાવ્યો હતો. પોલીસે ત્વરિત કાર્યવાહી કરીને ચારેય હુમલાખોરોની ધરપકડ કરી લીધી છે. પૂછપરછમાં આરોપીઓએ સ્વીકાર્યું છે કે તેમણે પવનને ઝેર એટલા માટે આપ્યું હતું જેથી પોલીસ તેને આત્મહત્યા માની લે. પોલીસે ચારેય આરોપીઓને કોર્ટમાં રજૂ કર્યા હતા, જ્યાંથી કોર્ટે તેમને ન્યાયિક કસ્ટડી હેઠળ જેલમાં મોકલી આપ્યા છે.

Read Full Story arrow_forward
Agra Zipline Accident:  45 ફૂટની ઊંચાઈએથી કિશોર નીચે પટકાયો, માતા-પિતા સામે થયુ મોત
calendar_today May 25, 2026

Agra Zipline Accident: 45 ફૂટની ઊંચાઈએથી કિશોર નીચે પટકાયો, માતા-પિતા સામે થયુ મોત

આ અકસ્માત ત્યારે થયો જ્યારે કુણાલ ઝિપલાઇનિંગનો આનંદ માણી રહ્યો હતો. પરંતુ થોડીવારમાં ખુશી શોકમાં ફેરવાઇ હતી. ઝિપલાઇનિંગ કરતી વખતે હૂક તૂટ્યો ફિરોઝાબાદના બંગડીના વેપારી પંકજ અગ્રવાલ તેના પરિવાર સાથે આગ્રા આવ્યા હતા. તાજમહેલની મુલાકાત લીધા પછી પરિવાર તેમના બાળકોને લઇને તાજગંજની ચોપાટી પહોંચ્યો હતો. ત્યાં કુણાલે ઝિપ લાઇન પર જવાનો આગ્રહ કર્યો હતો. પરંતુ આ મજા જીવનનું સૌથી મોટું દુઃખ બની ગયુ હતુ. ચીસો પાડતી માતા અને વિલાપ કરતા પિતાએ તેના દીકરાને ખોળામાં લીધો અને મદદ માટે વિનંતી કરી હતી. પરિવાર પ્રવાસ માટે આવ્યો હતો, પરંતુ એક બેદરકારીભર્યા કૃત્યથી ખુશી શોકમાં ફેરવાઈ હતી. માતા-પિતાની સામે પુત્રનું મૃત્યુ કુણાલને લગભગ 120 મીટર લાંબી અને 45 ફૂટ ઊંચી ઝિપ લાઇન પર મોકલવામાં આવ્યો હતો. પોલીસના જણાવ્યા અનુસાર, જેમ જેમ તે ઝિપ લાઇન પર આગળ વધ્યો, ત્યારે પુલીનું લોક અચાનક ખુલી ગયું અને તે સીધો નીચે પડ્યો હતો. અકસ્માતને કારણે ઘટનાસ્થળે હોબાળો મચ્યો હતો. ગભરાટમાં માતા-પિતા તેમના પુત્ર તરફ દોડી આવ્યા હતા. પરંતુ ત્યાં સુધીમાં તે ગંભીર રીતે ઘાયલ થયો હતો. તેને તાત્કાલિક હોસ્પિટલમાં લઈ જવાયો પરંતુ ત્યાં તબીબોએ તેને મૃત જાહેર કર્યો હતો. પોલીસ કાર્યવાહી શરુ ઘટના બાદ, પોલીસે તાત્કાલિક ઝિપ લાઇનને સસ્પેન્ડ કરી દીધી છે. ચોપાટી મેનેજર અને ઝિપ લાઇન ઓપરેટરની અટકાયત કરવામાં આવી છે અને તેમની પૂછપરછ કરવામાં આવી રહી છે. પરિવારની ફરિયાદના આધારે, કેસ દાખલ કરવામાં આવ્યો છે અને કાનૂની કાર્યવાહી શરૂ કરવામાં આવી છે. એડીસીપી હિમાંશુ ગૌરવે જણાવ્યું હતું કે સાહસિક પ્રવૃત્તિઓમાં સલામતીના ધોરણોનું પાલન કરવું અત્યંત મહત્વપૂર્ણ છે. ક્યારે શું થયું ? 1. સાંજે 4 વાગ્યે બંગડીના વેપારી અને તેનો પરિવાર તાજગંજની ચોપાટી પર પહોંચ્યો હતો. 2. સાંજે 5 વાગ્યે તેઓ ઝિપ લાઇન માટે ટિકિટ ખરીદે છે. તેઓ પોતાના વારો આવે તે માટે લાઇનમાં ઉભા રહે છે. 3. સાંજે 6 વાગ્યે ઝિપ લાઇનમાં પ્રવેશ્યા પછી થોડીવારમાં, કુણાલ નીચે પડી જાય છે. તેના માતાપિતા ચીસો પાડવા લાગે છે. 4. સાંજે 6:15 વાગ્યે તાજગંજ પોલીસ સ્ટેશનની ફોર્સ ઘટનાસ્થળે પહોંચે છે. 5. સાંજે 6:30 વાગ્યે પોલીસ અધિકારીઓએ અકસ્માત વિશે અધિકારીઓને જાણ કરી. 6. સાંજે 7:00 વાગ્યે એમ્બ્યુલન્સ આવે છે. કુણાલને એસએન મેડિકલ કોલેજ લઈ જવામાં આવે છે. 7. સાંજે 7:30 વાગ્યે કુણાલને મૃત જાહેર કરવામાં આવે છે. 8. સવારે 9:00 વાગ્યે પોલીસ કમિશનર દીપક કુમાર અને ડીસીપી સિટી સૈયદ અલી અબ્બાસ આવે છે. 9. રાત્રે 9:30 વાગ્યે કાર્યવાહી માટે સૂચનાઓ આપ્યા પછી પોલીસ કમિશનર રવાના થાય છે. 10. સવારે 10:00 વાગ્યે મૃત બાળકના માતાપિતા તાજગંજના બસઈ પોલીસ સ્ટેશન પહોંચ્યા હતા. 11. સવારે 11 વાગ્યે: ​​પોલીસે લેખિત ફરિયાદ લેવાની પ્રક્રિયા શરૂ કરી. તે રાત્રે પોસ્ટમોર્ટમની તૈયારીઓ કરવામાં આવી હતી. આ પણ વાંચોઃ Pakistanમાં China એન્જિનિયરો માટે નવી કમાન્ડો ફોર્સની રચના, જાણો શું છે મામલો?

Read Full Story arrow_forward