android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Cockroach Janta Partyના સ્થાપકનું ઇન્સ્ટાગ્રામ અકાઉન્ટ હેક, ભારતમાં X હેન્ડલ પણ બંધ
calendar_today May 23, 2026

Cockroach Janta Partyના સ્થાપકનું ઇન્સ્ટાગ્રામ અકાઉન્ટ હેક, ભારતમાં X હેન્ડલ પણ બંધ

ઇન્ટરનેટ પર અત્યારે સૌથી વધુ વાયરલ અને ટ્રેન્ડિંગ બનેલી કોકરોચ જનતા પાર્ટી (CJP) ના સ્થાપક અભિજીત દીપકેને લઈને એક મોટા સમાચાર સામે આવ્યા છે. અભિજીત દીપકેએ દાવો કર્યો છે કે તેમનું પર્સનલ ઇન્સ્ટાગ્રામ અકાઉન્ટ હેક કરી લેવામાં આવ્યું છે અને તમામ પ્રયાસો છતાં તેઓ તેને એક્સેસ કરી શકતા નથી. આ ઉપરાંત, તેમની પાર્ટીનું બેકઅપ ઇન્સ્ટાગ્રામ અકાઉન્ટ પણ થોડા સમય માટે બંધ કરી દેવાયું હતું, જો કે તે પાછળથી શરૂ થઈ ગયું છે. દીપકેએ તેમના એક્સ અકાઉન્ટ પર પોસ્ટ કરીને આ માહિતી આપી છે અને પોતાની સુરક્ષા અંગે પણ ડર વ્યક્ત કર્યો છે.સોશિયલ મીડિયા પર આ પાર્ટીએ ધૂમ મચાવી મૂળ મહારાષ્ટ્રના અને હાલ બોસ્ટનમાં રહેતા અભિજીત દીપકેની આ પાર્ટી સીજેઆઈ (CJI) સૂર્યકાંતની યુવાનો પરની કોક્રોચ ટિપ્પણી બાદ અચાનક ભારે લોકપ્રિય થઈ ગઈ છે. સોશિયલ મીડિયા પર આ પાર્ટીએ ધૂમ મચાવી છે. ઇન્સ્ટાગ્રામ પર આ પેજ માત્ર 80 પોસ્ટ સાથે ભાજપ અને કોંગ્રેસને પાછળ છોડીને 2.18 કરોડથી વધુ ફોલોઅર્સના આંકડાને પાર કરી ગયું છે. જો કે, આ વધતી લોકપ્રિયતા વચ્ચે ભારતમાં કોકરોચ જનતા પાર્ટીનું સત્તાવાર X હેન્ડલ બંધ ( કરી દેવામાં આવ્યું છે, જો કે વિદેશોમાં તે હજુ પણ જોઈ શકાય છે. યુવા નેતાઓનો વ્યાપક ટેકો આ એક વ્યંગ્યાત્મક અભિયાન હોવા છતાં તેને રાજકીય પક્ષો અને યુવા નેતાઓનો વ્યાપક ટેકો મળી રહ્યો છે. કેરળમાં કોંગ્રેસના નવનિર્વાચિત ધારાસભ્ય અબિન વર્કી, મુસ્લિમ લીગ ના પી કે નવાસ અને માર્ક્સવાદી કમ્યુનિસ્ટ પાર્ટી (CPM) ના વી કે સનોજ જેવા યુવા નેતાઓએ આ ઝુંબેશને સમર્થન આપ્યું છે. આ ઉપરાંત સ્ટુડન્ટ્સ ફેડરેશન ઓફ ઇન્ડિયા ના પ્રદેશ અધ્યક્ષ એમ શિવપ્રસાદે પણ તેની તરફેણમાં અવાજ ઉઠાવ્યો છે. ડિજિટલ સ્પેસમાં આ પાર્ટી અત્યારે ભારે ચર્ચાનો વિષય બની છે. આ પણ વાંચો----     West Bengal : મુખ્યમંત્રી શુભેન્દુ અધિકારીનો આદેશ, ગેરકાયદે બાંગ્લાદેશીઓને કોર્ટ નહીં, સીધા બીસીએફને આપી દો

Read Full Story arrow_forward
Cockroach Janata Partyની જેમ કઈ-કઈ બની અજીબોગરીબ નામ વાળી પાર્ટીઓ?
calendar_today May 23, 2026

Cockroach Janata Partyની જેમ કઈ-કઈ બની અજીબોગરીબ નામ વાળી પાર્ટીઓ?

ભારતમાં દરરોજ કોઈ ને કોઈ રાજકીય સંગઠન કે મોરચાની હલચલ જોવા મળે છે. આમ તો સામાન્ય રીતે રાજકીય પક્ષોની સ્થાપના કોઈ મોટા જમીની આંદોલન, સામાજિક પરિવર્તન કે કોઈ ગંભીર વૈચારિક એજન્ડા હેઠળ થતી હોય છે. પરંતુ પાછલા દિવસોમાં 16 મેના રોજ સોશિયલ મીડિયા પર અચાનક પેદા થયેલી 'કોકરોચ જનતા પાર્ટી' એ આ ધારણાને પૂરી રીતે બદલી નાખી. કટાક્ષ અને વ્યંગ્યના સહારે શરૂ થયેલા આ ઓનલાઇન પ્રોજેક્ટ પછી લોકોનો રસ એવા પક્ષોમાં વધી ગયો છે, જેમના નામ અત્યંત હેરાન કરનારા છે. દેશના ચૂંટણી ઇતિહાસ અને ચૂંટણી પંચની યાદીમાં ઘણા એવા નામો નોંધાયેલા છે, જેને સાંભળીને પહેલીવારમાં વિશ્વાસ કરવો મુશ્કેલ થઈ જાય છે. ભારતીય નવી સોચ સમાનતા પાર્ટી સોશિયલ મીડિયાના વિવિધ પ્લેટફોર્મ્સ અને રેડિટ જેવી મશહૂર વેબસાઇટો પર ભારતીય નવી સોચ સમાનતા પાર્ટીનું નામ પણ ખૂબ ચર્ચામાં રહ્યું. આ રાજકીય પક્ષ પોતાને પૂરી રીતે આધુનિક વિચારધારાવાળા યુવાનો અને સિવિલ સર્વિસ એટલે કે યુપીએસસી (UPSC) ની તૈયારી કરનારા ઉમેદવારોના અવાજ તરીકે રજૂ કરે છે. યુવાનોના કરિયર અને પરીક્ષા સાથે જોડાયેલા ગંભીર મુદ્દાઓ ઉઠાવવાનો દાવો કરનારી આ પાર્ટીનું નામ અને કામ કરવાની ડિજિટલ રીત પરંપરાગત જૂની રાજનીતિથી બિલકુલ અલગ છે. પબ્લિક પોલિટિકલ પાર્ટી ચૂંટણી પંચની ફાઇલોમાં એક બીજું રસપ્રદ નામ નોંધાયેલું છે જે 'પબ્લિક પોલિટિકલ પાર્ટી' તરીકે ઓળખાય છે. આ પાર્ટીનું નામ એટલું સાધારણ અને સામાન્ય છે કે પહેલીવાર સાંભળવા પર આ કોઈ અસલી રાજકીય પક્ષના બદલે સ્કૂલ કે કોલેજના બાળકોનો કોઈ પ્રોજેક્ટ હોય તેવું લાગે છે. જોકે, આ સત્તાવાર રીતે દેશના ચૂંટણી તંત્રનો એક હિસ્સો રહી છે. આવા પક્ષો ચૂંટણી મેદાનમાં પોતાની હાજરી તો નોંધાવે છે, પરંતુ જાગૃતિ અને મોટા સંગઠનના અભાવે તેમની સફર સીમિત રહે છે. અખિલ ભારતીય ગરીબ પાર્ટી ગરીબી અને વંચિતોના હકની વાત આમ તો દરેક મોટી રાજકીય પાર્ટી પોતાના મંચ પરથી કરે છે, પરંતુ દેશમાં સીધા આ જ નામ પર એક પક્ષની રચના કરવામાં આવી જેને 'અખિલ ભારતીય ગરીબ પાર્ટી' કહેવામાં આવે છે. આનું સાદું નામ જ આની મુખ્ય ઓળખ છે. આ પાર્ટીની રચના મુખ્યત્વે સમાજના સૌથી નીચલા સ્તરે રહેતા વર્ગને એક વિશેષ પ્રતિનિધિત્વ આપવાના ઈરાદાથી કરવામાં આવી હતી. પરંતુ, મોટા ચૂંટણી સંસાધનોની અછતના કારણે આ નાની પાર્ટીઓની ચૂંટણી અસર હંમેશા બહુ ઓછી જોવા મળે છે. અખિલ ભારતીય ભ્રષ્ટાચાર ઉન્મૂલન સેના દેશના ચૂંટણી ઇતિહાસમાં ભ્રષ્ટાચાર સામે લડાઈ લડવાનો દાવો કરનારા સંગઠનો પણ પાછળ રહ્યા નથી. આ જ હેતુ સાથે એક પક્ષનો ઉદય થયો જેનું નામ 'અખિલ ભારતીય ભ્રષ્ટાચાર ઉન્મૂલન સેના' રાખવામાં આવ્યું હતું. આનું નામ સાંભળતા જ એવું લાગે છે કે આ કોઈ રાજકીય પક્ષના બદલે કોઈ કડક એન્ટી-કરપ્શન મિશન કે સામાજિક સંગઠન હોય. આ પાર્ટી પણ ભારતના ચૂંટણી પંચની ખૂબ જ નાની અને બિન-માન્યતા પ્રાપ્ત પાર્ટીઓની સત્તાવાર યાદીમાં લાંબા સમય સુધી સામેલ રહી છે. અખિલ ભારતીય બેરોજગાર પાર્ટી દેશમાં વધતી બેરોજગારી હંમેશા એક બહુ મોટો ચૂંટણી અને સામાજિક મુદ્દો રહ્યો છે, પરંતુ આ જ ગંભીર સમસ્યાને સીધી પોતાના નામમાં સામેલ કરીને એક પક્ષ ચૂંટણી મેદાનમાં ઉતરી ચૂક્યો છે. આ પક્ષનું નામ છે 'અખિલ ભારતીય બેરોજગાર પાર્ટી' જે પૂરી રીતે ઓલ ઇન્ડિયા બેરોજગાર પાર્ટી તરીકે કામ કરે છે. ભારતમાં ચૂંટણી પંચ પાસે રજિસ્ટર્ડ ઘણી એવી નાની અને ગુમનામ પાર્ટીઓ મોજૂદ છે, જેની રચના કોઈ ખાસ અને પસંદગીના મુદ્દા પર ફોકસ કરવા માટે જ કરવામાં આવી હતી. નેશનલ પેરાસિટિક ફ્રન્ટ સોશિયલ મીડિયા અને ઇન્ટરનેટની દુનિયામાંથી ઉભરેલા રાજકીય વ્યંગ્યના દોરમાં 'નેશનલ પેરાસિટિક ફ્રન્ટ' એટલે કે 'પરજીવી મોરચો' નામ પણ કાફી ચર્ચામાં રહ્યું છે. આ પૂરી રીતે એક ઇન્ટરનેટ સટાયર (વ્યંગ્ય) પાર્ટી તરીકે સામે આવી હતી. આ મોરચો બનાવવાનો અસલી હેતુ દેશની અંદર ચાલી રહેલી ગંભીર રાજકીય અને સામાજિક નિવેદનબાજીની ખુલ્લેઆમ મજાક ઉડાવવાનો હતો. આ ડિજિટલ ફ્રન્ટે પોતાને વ્યવસ્થા અને વર્તમાન સરકારી સિસ્ટમના અસલી પીડિતોના સાચા અવાજ તરીકે પ્રમોટ કર્યો હતો. કોકરોચ જનતા પાર્ટી ગયા 16 મેના રોજ સોશિયલ મીડિયાના પાનાઓ પર અચાનક પ્રગટ થનારી 'કોકરોચ જનતા પાર્ટી' એટલે કે સીજેપી (CJP) આ દિવસોમાં યુવાનોની પહેલી પસંદ બનેલી છે. જોકે, આ કોઈ અસલી ચૂંટણી પાર્ટી નથી, પરંતુ દેશની બેરોજગારી અને સુસ્ત વ્યવસ્થા પર તીખો કટાક્ષ કરનારો એક ઓનલાઇન વ્યંગ્ય આંદોલન છે. આ ડિજિટલ પક્ષે પોતાની ટેગલાઇન 'વોઇસ ઓફ ધ લેઝી એન્ડ અનએમ્પ્લોયડ' (આળસુ અને બેરોજગારોનો અવાજ) જાહેર કરી રાખી છે. પોતાના આ જ અનોખા અને મજાકિયા અંદાજના લીધે આ પેજને થોડા જ દિવસોમાં કરોડો ફોલોઅર્સ મળી ગયા છે. લોક જનશક્તિ પાર્ટી બિહારની મુખ્યધારાની રાજનીતિમાં 'લોક જનશક્તિ પાર્ટી' એક બહુ મોટું અને અત્યંત ગંભીર નામ રહ્યું છે. આ પાર્ટીના નામની સૌથી ખાસ વાત એ છે કે આમાં લોક, જન અને શક્તિ જેવા ત્રણ ભારે-ભરખમ અને પ્રભાવશાળી શબ્દોને એકસાથે જોડી દેવામાં આવ્યા છે. સ્વર્ગસ્થ રામવિલાસ પાસવાન દ્વારા સ્થાપિત આ પાર્ટી બિહારની મોટી દલિત રાજનીતિનો મુખ્ય ચહેરો રહી છે. જોકે, તેમના અવસાન પછી સમયના ચક્ર સાથે આ પાર્ટી કેટલાક અલગ-અલગ હિસ્સાઓમાં વહેંચાઈ ગઈ, જેમાં એલજેપી (રામવિલાસ) અને આરએલજેપી મુખ્ય છે. વિકાસશીલ ઇન્સાન પાર્ટી બિહારની સિયાસતમાંથી જ નીકળેલું બીજું એક રસપ્રદ નામ 'વિકાસશીલ ઇન્સાન પાર્ટી' નું છે, જેને ટૂંકમાં લોકો 'વીઆઇપી' (VIP) કહીને બોલાવે છે. આ પાર્ટીનું નામ સાંભળતા જ પહેલીવારમાં ઘણા લોકો છેતરાઈ જાય છે અને આને કોઈ રાજકીય પક્ષના બદલે કોઈ લક્ઝરી ક્લબ, મોંઘી હોટેલ કે કોર્પોરેટ બ્રાન્ડ સાથે જોડીને જોવા લાગે છે. આ પક્ષની શરૂઆત બિહારના દિગ્ગજ નેતા મુકેશ સહનીએ કરી હતી, જેઓ પોતાને શાનથી 'સન ઓફ મલ્લાહ' કહે છે અને તેમની રાજનીતિ મુખ્યત્વે માછીમાર સમુદાય પર કેન્દ્રિત છે. નિષાદ પાર્ટી ઉત્તર પ્રદેશની રાજનીતિમાં વર્તમાન સમયમાં સક્રિય એક પક્ષનું નામ 'નિર્બલ ઇન્ડિયન શોષિત હમારા આમ દલ' છે. આ નામ સત્તાવાર રીતે એટલું મોટું અને લાંબુ છે કે સામાન્ય બોલચાલમાં લોકો આને પૂરું બોલવાના બદલે માત્ર 'નિષાદ પાર્ટી' ના ટૂંકા નામથી જ પુકારે છે. આ પક્ષના મુખ્ય સ્થાપક સંજય નિષાદ છે. આ પાર્ટી ઉત્તર પ્રદેશની અંદર મુખ્યત્વે માછીમાર, કશ્યપ અને નિષાદ સમુદાયની રાજનીતિને વેગ આપે છે. વર્ષ 2022ની યુપી વિધાનસભા ચૂંટણીમાં આ પાર્ટી ભાજપ ગઠબંધન સાથે મળીને કાફી ચર્ચામાં રહી હતી. આ પણ વાંચો-Cockroach history : 20 કરોડ વર્ષથી ધરતી પર, 4000 થી વધુ પ્રજાતિઓ... જાણો કોકરોચનો ઈતિહાસ!

Read Full Story arrow_forward
Vadodara: શ્વાન કરતાં બિલાડી કરડવાના કેસોમાં તોતિંગ ઉછાળો, 4 મહિનામાં 4 હજારથી વધુ કેસ નોંધાયા
calendar_today May 23, 2026

Vadodara: શ્વાન કરતાં બિલાડી કરડવાના કેસોમાં તોતિંગ ઉછાળો, 4 મહિનામાં 4 હજારથી વધુ કેસ નોંધાયા

 વડોદરામાં રખડતા પ્રાણીઓનો આતંક દિન-પ્રતિદિન ચિંતાજનક સ્તરે વધી રહ્યો છે. સામાન્ય રીતે રખડતા શ્વાન (કૂતરા) કરડવાની ઘટનાઓ અવારનવાર સામે આવતી હોય છે, પરંતુ વડોદરાની સયાજીરાવ ગાયકવાડ SSG હોસ્પિટલમાંથી એક અત્યંત ચોંકાવનારો ટ્રેન્ડ અને તેના સત્તાવાર આંકડા સામે આવ્યા છે. હોસ્પિટલના રેસિડેન્ટ મેડિકલ ઓફિસર (RMO) ડો. હિતેન્દ્ર ચૌહાણના જણાવ્યા અનુસાર, શહેરમાં હવે રખડતા શ્વાન કરતાં બિલાડી કરડવાના કેસોમાં મોટો વધારો જોવા મળી રહ્યો છે. 4,000 થી વધુ નાગરિકો રખડતા પ્રાણીઓનો ભોગ બન્યા SSG હોસ્પિટલના સત્તાવાર રિપોર્ટ પ્રમાણે, વડોદરા શહેરમાં દર મહિને આશરે 1,000 જેટલા કેસ પ્રાણીઓ કરડવાના નોંધાઈ રહ્યા છે. ચાલુ વર્ષના છેલ્લા ચાર મહિનાના આંકડા પર નજર કરીએ તો, અત્યાર સુધીમાં 4,000 થી વધુ નાગરિકો રખડતા પ્રાણીઓનો ભોગ બની ચૂક્યા છે અને એન્ટી-રેબીસ (હડકવા વિરોધી) રસી લેવા માટે હોસ્પિટલ પહોંચી રહ્યા છે. આ પરિસ્થિતિએ સ્થાનિક તંત્રની કામગીરી સામે પણ મોટા સવાલો ઊભા કર્યા છે. આ ઘટનાઓને ક્યારેય હળવાશથી ન લેવી જોઈએ તબીબોએ નાગરિકોને ખાસ અપીલ કરી છે કે શ્વાન કે બિલાડી કરડવાની ઘટનાને ક્યારેય હળવાશથી ન લેવી જોઈએ. ઘણીવાર લોકો આવી ઘટનાઓ બાદ ઘરગથ્થુ ઉપચારો કે અંધશ્રદ્ધામાં આવીને ભૂવા-તાંત્રિકો પાસે દોડી જાય છે, જે જીવલેણ સાબિત થઈ શકે છે. હડકવા એ ખૂબ જ જોખમી રોગ ડો. હિતેન્દ્ર ચૌહાણે સ્પષ્ટ કર્યું છે કે હડકવા એ ખૂબ જ જોખમી રોગ છે, તેથી કોઈપણ પ્રાણી કરડે કે નખ મારે તો અંધશ્રદ્ધા છોડીને તાત્કાલિક હોસ્પિટલ પહોંચી સમયસર એન્ટી-રેબીસ રસીનો કોર્સ પૂરો કરવો અત્યંત જરૂરી છે. જો વહેલી તકે વહીવટી તંત્ર દ્વારા રખડતા પ્રાણીઓના નિયંત્રણ માટે પગલાં લેવામાં નહીં આવે તો સ્થિતિ વધુ ગંભીર બની શકે છે.આ પણ વાંચો----     West Bengal : મુખ્યમંત્રી શુભેન્દુ અધિકારીનો આદેશ, ગેરકાયદે બાંગ્લાદેશીઓને કોર્ટ નહીં, સીધા બીસીએફને આપી દો

Read Full Story arrow_forward