android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Surat : ઉધનામાં ભાજપના યુવા નેતાની હત્યાનો મુખ્ય સૂત્રધાર મિલિંદ કોળી મહારાષ્ટ્રના જલગાંવથી ઝડપાયો, બે હજુ ફરાર
calendar_today May 23, 2026

Surat : ઉધનામાં ભાજપના યુવા નેતાની હત્યાનો મુખ્ય સૂત્રધાર મિલિંદ કોળી મહારાષ્ટ્રના જલગાંવથી ઝડપાયો, બે હજુ ફરાર

સુરત શહેરના ઉધના વિસ્તારમાં થોડા દિવસો પહેલાં ભાજપના યુવા નેતાની સરાજાહેર કરવામાં આવેલી ઘાતકી હત્યાના મામલે સુરત પોલીસને એક મોટી સફળતા મળી છે.મુખ્ય આરોપીને મહારાષ્ટ્રથી ઝડપી લેવાયો  ઉધના પોલીસની ટીમે ટેકનિકલ સર્વેલન્સ અને હ્યુમન ઇન્ટેલિજન્સના આધારે આ ચકચારી હત્યાકાંડના મુખ્ય આરોપી મિલિંદ કોળીને મહારાષ્ટ્રના જલગાંવ ખાતેથી દબોચી લીધો છે. રાજકીય અદાવત અને અંગત વૈમનસ્યમાં ખેલાયેલા આ લોહિયાળ ખેલ બાદ આરોપી સુરત છોડીને ભાગી ગયો હતો, પરંતુ પોલીસની સતર્કતાને કારણે તે લાંબો સમય બચી શક્યો નથી. પોલીસે બાતમીના આધારે દરો઼ડો પાડ્યો મળતી વિગતો મુજબ, ઉધના વિસ્તારમાં ભાજપના યુવા કાર્યકરની તીક્ષ્ણ હથિયારોના ઘા ઝીંકીને નિર્મમ હત્યા કરવામાં આવી હતી. આ ઘટનાને પગલે સુરતના રાજકારણમાં ભારે ગરમાવો આવી ગયો હતો અને કાયદો-વ્યવસ્થાની સ્થિતિ પર પણ સવાલો ઉઠ્યા હતા. ઘટનાની ગંભીરતાને જોતા પોલીસ કમિશનર દ્વારા આરોપીઓને તાત્કાલિક પકડવા અલગ-અલગ ટીમોની રચના કરવામાં આવી હતી. ઉધના પોલીસને બાતમી મળી હતી કે મુખ્ય આરોપી મિલિંદ કોળી મહારાષ્ટ્ર સરહદમાં છુપાયેલો છે, જેના આધારે ત્યાં દરોડો પાડીને તેની ધરપકડ કરવામાં આવી છે. અન્ય 2 આરોપીની શોધખોળ જો કે, આ ગુનામાં સંડોવાયેલા અન્ય બે સહ-આરોપીઓ કિસન પરમાર અને પંકજ પાટીલ હજુ પણ પોલીસ પકડથી દૂર છે. મુખ્ય આરોપી મિલિંદ કોળીની પ્રાથમિક પૂછપરછમાં હત્યા પાછળના ચોક્કસ કારણો અને આ બંને ક્યાં છુપાયા છે તેની મહત્વની કડીઓ પોલીસને મળી છે. હાલમાં ઉધના પોલીસે મિલિંદને સુરત લાવીને કોર્ટમાં રજૂ કરી રિમાન્ડ મેળવવાની તજવીજ હાથ ધરી છે. આ સાથે જ ફરાર આરોપીઓ કિસાન પરમાર અને પંકજ પાટીલને પકડવા માટે અલગ-અલગ જગ્યાએ દરોડા પાડવામાં આવી રહ્યા છે અને ટૂંક સમયમાં તેઓ પણ જેલના સળિયા પાછળ હશે તેવો દાવો પોલીસે કર્યો છે.આ પણ વાંચો----     West Bengal : મુખ્યમંત્રી શુભેન્દુ અધિકારીનો આદેશ, ગેરકાયદે બાંગ્લાદેશીઓને કોર્ટ નહીં, સીધા બીસીએફને આપી દો

Read Full Story arrow_forward
Morbi: સબ જેલમાં અમદાવાદ સ્ક્વોડના દરોડા, શૌચાલયની કુંડીમાંથી ઝડપાયો મોબાઈલ ફોન
calendar_today May 23, 2026

Morbi: સબ જેલમાં અમદાવાદ સ્ક્વોડના દરોડા, શૌચાલયની કુંડીમાંથી ઝડપાયો મોબાઈલ ફોન

મોરબી સબ જેલમાં કાચા અને પાકા કામના કેદીઓ બહારની દુનિયા સાથે સંપર્કમાં હોવાની ગુપ્ત બાતમીના આધારે અમદાવાદ જેલ સ્ક્વોડની ટીમે મોરબી ખાતે ધામા નાખ્યા હતા. સ્ક્વોડની ટીમે સ્થાનિક જેલ સ્ટાફને સાથે રાખીને જેલની તમામ બેરેકોમાં અચાનક સઘન સર્ચ ઓપરેશન હાથ ધર્યું હતું. આ કડક અને આકસ્મિક ચેકિંગના કારણે જેલના કેદીઓ અને સ્ટાફમાં ફફડાટ વ્યાપી ગયો હતો.શૌચાલયની કુંડીમાંથી મળ્યો ફોનતપાસ દરમિયાન સ્ક્વોડના અધિકારીઓને શંકા જતાં તેમણે બેરેકની સાથે રહેણાંક શૌચાલય બ્લોકની પણ બારીકાઈથી તપાસ કરી હતી. આ દરમિયાન શૌચાલયની કુંડીની અંદર છુપાવીને રાખવામાં આવેલો એક મોબાઈલ ફોન મળી આવ્યો હતો. સ્ક્વોડની ટીમે તાત્કાલિક આ ફોનને પોતાના કબજામાં લઈ લીધો હતો. માનવામાં આવી રહ્યું છે કે, જેવી સ્ક્વોડની ટીમ જેલમાં પ્રવેશી, કે તરત જ પકડાઈ જવાના ડરથી કોઈ કેદીએ આ ફોન શૌચાલયની કુંડીમાં સરકાવી દીધો હતો.મોરબી એ ડિવિઝન પોલીસે તપાસ તેજ કરીજેલ જેવી અતિ સુરક્ષિત અને પ્રતિબંધિત જગ્યાએ મોબાઈલ ફોન મળી આવવો એ ખૂબ જ ગંભીર બાબત છે. આ મામલે જેલ સત્તાધીશોની ફરિયાદના આધારે મોરબી સીટી એ ડિવિઝન પોલીસ મથકમાં અજાણ્યા કેદી/શખ્સ વિરૂદ્ધ જેલ અધિનિયમની કલમો હેઠળ ગુનો નોંધી કાયદેસરની કાર્યવાહી હાથ ધરવામાં આવી છે.આ પણ વાંચો: Banaskantha: જંગલ વિસ્તારમાંથી ભટકતું રીંછ ગામની સીમમાં આવી ચડ્યું, પશુપાલકોમાં દોડધામ મચી

Read Full Story arrow_forward
Ahmedabad : સાંતેજની વેક્સ બનાવતી ફેક્ટરીમાં લાગેલી ભીષણ આગમાં 1નું મોત, 3 ઘાયલ
calendar_today May 23, 2026

Ahmedabad : સાંતેજની વેક્સ બનાવતી ફેક્ટરીમાં લાગેલી ભીષણ આગમાં 1નું મોત, 3 ઘાયલ

અમદાવાદના સાંતેજ જીઆઈડીસીમાંથી એક અત્યંત ચિંતાજનક અને દુઃખદ અહેવાલ સામે આવ્યા છે. સાંતેજ વિસ્તારમાં આવેલી એક વેક્સ બનાવતી ખાનગી કંપનીમાં ગઈકાલે સાંજે અચાનક ભીષણ આગ ફાટી નીકળી હતી. આ ભયાનક અગ્નિકાંડમાં ફેક્ટરીમાં કામ કરતા એક શ્રમિકનું કરૂણ મોત નીપજ્યું છે, જ્યારે અન્ય ત્રણ લોકો ગંભીર રીતે દાઝી જતાં તેમને તાત્કાલિક સારવાર અર્થે નજીકની હોસ્પિટલમાં ખસેડવામાં આવ્યા છે.શુક્રવારે વેક્સ કંપનીમાં આગ લાગી હતી મળતી માહિતી મુજબ, ગઈકાલ શુક્રવારની સાંજે કંપનીની અંદર જ્યારે શ્રમિકો કામ કરી રહ્યા હતા, ત્યારે અચાનક આગ ફાટી નીકળી હતી. ફેક્ટરીમાં વેક્સ નો મોટો જથ્થો હોવાને કારણે આગે જોતજોતામાં રૌદ્ર સ્વરૂપ ધારણ કરી લીધું હતું અને આખી ફેક્ટરીને પોતાની ચપેટમાં લઈ લીધી હતી. આજે સવારે આગ પર કાબુ મેળવાયો ઘટનાની જાણ થતાં જ સાંતેજ પોલીસ અને કલોલ તેમજ અમદાવાદની ફાયર બ્રિગેડની ટીમો તાત્કાલિક ઘટનાસ્થળે દોડી ગઈ હતી. વેક્સ કેમિકલ હોવાને કારણે આગ બુઝાવવામાં ભારે મુશ્કેલી પડી હતી. ગઈકાલ સાંજથી શરૂ થયેલી ભારે જહેમત બાદ આજે શનિવારે સવારે માંડ-માંડ આગ પર સંપૂર્ણ કાબૂ મેળવી શકાયો હતો. વેલ્ડીંગ સમયે આગ લાગી હોવાનું પ્રાથમિક કારણ પ્રાથમિક તપાસ અને ફેક્ટરીના સૂત્રો પાસેથી મળતી વિગતો અનુસાર, કંપનીમાં કોઈ જગ્યાએ વેલ્ડીંગનું કામ ચાલી રહ્યું હતું. આ વેલ્ડીંગ દરમિયાન નીકળેલા તણખા વેક્સના જથ્થા પર પડ્યા હોવાનું અને તેના કારણે જ આ બ્લાસ્ટ સાથે ભીષણ આગ લાગી હોવાનું પ્રાથમિક કારણ સામે આવી રહ્યું છે. ઘટનામાં એકનું મોત જો કે, આગ એટલી વિકરાળ હતી કે એકનું મોત અને 3 લોકોને ઇજા થઇ હતી. ઇજાગ્રતોને સારવાર માટે ખસેડાયા છે અંદર રહેલા મશીનો અને લાખો રૂપિયાનો માલસામાન બળીને ખાખ થઈ ગયો છે. સાંતેજ પોલીસે હાલમાં ફેક્ટરીમાં બનેલી આ ઘટના અંગે અકસ્માત મોતનો ગુનો નોંધી, એફએસએલ ની મદદથી આગ લાગવાના સત્તાવાર કારણોની વધુ તપાસ હાથ ધરી છે.આ પણ વાંચો----     West Bengal : મુખ્યમંત્રી શુભેન્દુ અધિકારીનો આદેશ, ગેરકાયદે બાંગ્લાદેશીઓને કોર્ટ નહીં, સીધા બીસીએફને આપી દો

Read Full Story arrow_forward