android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Petrol CNG Price Hike: 10 દિવસમાં ત્રીજીવાર વધ્યા પેટ્રોલ ડીઝલના ભાવ, CNGમાં પણ ભાવ વધારો
calendar_today May 23, 2026

Petrol CNG Price Hike: 10 દિવસમાં ત્રીજીવાર વધ્યા પેટ્રોલ ડીઝલના ભાવ, CNGમાં પણ ભાવ વધારો

ભારતમાં, પેટ્રોલ, ડીઝલ અને સીએનજીના ભાવમાં સતત વધારો જોવા મળી રહ્યો છે. શનિવારે, પેટ્રોલના ભાવમાં પ્રતિ લિટર 87 પૈસાનો વધારો થયો છે, જ્યારે ડીઝલના ભાવમાં પ્રતિ લિટર 91 પૈસાનો વધારો થયો છે. છેલ્લા 10 દિવસમાં આ ત્રીજી ઘટના છે જ્યારે ઇંધણના ભાવમાં વધારો કરવામાં આવ્યો છે. દરમિયાન, આજે સીએનજીના ભાવમાં પણ ₹1 નો વધારો થયો છે. મોંઘવારીનો બોજ વધ્યો ! મધ્ય પૂર્વમાં તણાવ વચ્ચે, ભારતમાં સામાન્ય લોકોના ખિસ્સા પર ફુગાવાનો બોજ સતત વધી રહ્યો છે. શનિવારે, પેટ્રોલ, ડીઝલ અને સીએનજીના ભાવમાં ફરી એક વધારો જોવા મળ્યો. પેટ્રોલના ભાવમાં પ્રતિ લિટર 87 પૈસા, ડીઝલના ભાવમાં પ્રતિ લિટર 91 પૈસા અને સીએનજીના ભાવમાં પ્રતિ કિલોગ્રામ ₹1 નો વધારો કરવામાં આવ્યો છે. 10 દિવસમાં ત્રીજી વખત ભાવ વધ્યા છેલ્લા 10 દિવસમાં આ ત્રીજી વખત છે જ્યારે પેટ્રોલ અને ડીઝલના ભાવમાં વધારો કરવામાં આવ્યો છે. આ પહેલા, 15 મેના રોજ, પેટ્રોલ, ડીઝલ અને સીએનજીના ભાવમાં ₹3 નો વધારો કરવામાં આવ્યો હતો. ત્યારબાદ, 19 મેના રોજ, પેટ્રોલ 87 પૈસા અને ડીઝલ 91 પૈસા મોંઘુ થયું હતું. આમ, છેલ્લા 10 દિવસમાં, પેટ્રોલ અને ડીઝલના ભાવમાં આશરે ₹5નો વધારો થયો છે. દરમિયાન, આજે બીજી વખત CNGના ભાવમાં વધારો થયો છે. દેશમાં ઇંધણની કોઇ અછત નથી- પેટ્રોલિયમ મંત્રાલય આશ્ચર્યજનક રીતે, કેન્દ્રીય પેટ્રોલિયમ અને કુદરતી ગેસ મંત્રાલયે તાજેતરમાં જનતાને ખાતરી આપી હતી કે દેશમાં ઇંધણની કોઈ અછત નથી. સોશિયલ મીડિયા પર પોસ્ટ કરાયેલા એક ટ્વિટમાં, મંત્રાલયે જણાવ્યું હતું કે: "સમગ્ર દેશમાં પેટ્રોલ અને ડીઝલની પૂરતી ઉપલબ્ધતા છે, અને પુરવઠો સંપૂર્ણપણે સ્થિર છે. અમે બધા નાગરિકોને કોઈપણ અફવાઓ પર ધ્યાન ન આપવા અને ગભરાટમાં ખરીદી કરવાથી દૂર રહેવાની સલાહ આપીએ છીએ. નાગરિકોએ તેમની વાસ્તવિક જરૂરિયાતો અનુસાર સખત રીતે ઇંધણ ખરીદવું જોઈએ. મંત્રાલયે વધુમાં જણાવ્યું હતું કે,કેટલાક પસંદગીના પેટ્રોલ પંપો પર જોવા મળી રહેલા કામચલાઉ દબાણ અથવા ભીડને દૂર કરવામાં આવી રહી છે. ઓઇલ માર્કેટિંગ કંપનીઓ સતત પુરવઠા પર નજર રાખી રહી છે અને પરસ્પર સંકલન દ્વારા ઇંધણનું વિતરણ સુનિશ્ચિત કરી રહી છે.દિલ્હીમાં સીએનજીના ભાવ વધ્યા દિલ્હીમાં, પેટ્રોલના ભાવમાં 87 પૈસાનો વધારો થયો છે, જે પ્રતિ લિટર ₹98.64 થી વધીને ₹99.51 પ્રતિ લિટર થયો છે. તેવી જ રીતે, ડીઝલના ભાવમાં 91 પૈસાનો વધારો થયો છે, જે ₹91.58 થી વધીને ₹92.49 પ્રતિ લિટર થયો છે. વધુમાં, CNGનો ભાવ હવે પ્રતિ કિલોગ્રામ ₹81.09 પર પહોંચી ગયો છે.CNG માં ભાવ વધારાથી ઓટો-રિક્ષા, ટેક્સી અને કેબ સેવાઓ પર સૌથી વધુ અસર પડશે. દિલ્હી-NCR માં, લાખો લોકો જાહેર પરિવહન માટે દરરોજ CNG સંચાલિત વાહનો પર આધાર રાખે છે. જેમ જેમ ઇંધણ મોંઘું થશે, તેમ તેમ ડ્રાઇવરોના સંચાલન ખર્ચમાં વધારો થશે - એક બોજ જે મુસાફરોને આખરે ભાડામાં વધારો થવાના સ્વરૂપમાં સહન કરવો પડી શકે છે. ઓટો-રિક્ષા ચાલકો જણાવે છે કે તેમની કમાણી પહેલાથી જ મર્યાદિત છે, અને ઇંધણના ભાવમાં વારંવાર વધારો થવાથી તેમના માટે ગુજરાન ચલાવવાનું વધુને વધુ મુશ્કેલ બની રહ્યું છે. ઘણા ચાલકોએ સરકાર પાસેથી રાહત અથવા સબસિડીની પણ માંગ કરી છે.આ પણ વાંચો- PM Modi ઇટલીના પ્રવાસે.. જુઓ મોદી-મેલોનીની કેમિસ્ટ્રી

Read Full Story arrow_forward
Ahmedabad: સપ્તાહમાં સતત ત્રીજી વાર પેટ્રોલ-ડીઝલ મોંઘા, મધ્યમ વર્ગના ઘરનું બજેટ સંપૂર્ણ ખોરવાયું
calendar_today May 23, 2026

Ahmedabad: સપ્તાહમાં સતત ત્રીજી વાર પેટ્રોલ-ડીઝલ મોંઘા, મધ્યમ વર્ગના ઘરનું બજેટ સંપૂર્ણ ખોરવાયું

મધ્યમ વર્ગ અને નોકરિયાત લોકો હજુ તો ગત દિવસોમાં થયેલા ભાવ વધારાના આંચકામાંથી બહાર આવ્યા નહોતા, ત્યાં જ ઓઈલ માર્કેટિંગ કંપનીઓએ આજે સવારથી નવો ભાવ વધારો અમલી બનાવી દીધો છે. આજના વધારાની સૌથી મોટી અસર એ છે કે ગુજરાતના બે મોટા મધ્યસ્થ હબ ગણાતા અમદાવાદ અને રાજકોટમાં પેટ્રોલની કિંમત ₹99 પ્રતિ લિટરને પાર થઈ ગઈ છે, જે હવે ₹100ની સપાટીથી માત્ર થોડા જ પૈસા દૂર છે.અમદાવાદ અને રાજકોટની સ્થિતિઅમદાવાદમાં પેટ્રોલના ભાવમાં ૮૬ પૈસાનો વધારો થતાં નવો ભાવ ₹99.07 થયો છે, જે અગાઉ ₹98.21 હતો. જ્યારે ડીઝલમાં 94 પૈસાનો મોટો ઉછાળો આવતા નવો ભાવ ₹94.99 પર પહોંચ્યો છે. બીજી તરફ, રાજકોટમાં પણ આવી જ સ્થિતિ જોવા મળી છે. રાજકોટમાં પેટ્રોલ પ્રતિ લિટરે 87 પૈસા મોંઘું થઈને ₹99.04 એ પહોંચ્યું છે, જ્યારે ડીઝલના ભાવમાં 91 પૈસાનો વધારો નોંધાતા નવો ભાવ ₹95.41 પ્રતિ લિટર થયો છે.જનતા પર મોંઘવારીનો બેવડો મારસામાન્ય નાગરિકો માટે ચિંતાની વાત એ છે કે આ સપ્તાહમાં આ સતત ત્રીજી વખત ભાવ વધારવામાં આવ્યા છે. સતત વધી રહેલા ઈંધણના ભાવના કારણે શાકભાજી, દૂધ, કરિયાણું અને અન્ય જીવનજરૂરી ચીજવસ્તુઓ લાવવા-લઈ જવાનો પરિવહન (ટ્રાન્સપોર્ટેશન) ખર્ચ સીધો વધી જશે. વેપારીઓ અને ટ્રાન્સપોર્ટર્સના જણાવ્યા મુજબ, જો ડીઝલ આ જ રીતે મોંઘું થતું રહેશે તો આગામી દિવસોમાં બજારમાં દરેક વસ્તુઓ મોંઘી કરવી પડશે, જેનો સીધો માર ગરીબ અને સામાન્ય જનતાના ઘરના બજેટ પર પડવાનો છે.આ પણ વાંચો:Ahmedabad: ગુજરાતના હવામાનમાં બેવડી ઋતુનો માર, આકરી ગરમી વચ્ચે માવઠાની આગાહી

Read Full Story arrow_forward
Vadodara: ડેસરમાં ગેરકાયદે રેતી ખનન દરમિયાન માટીની ભેખડ ધસી પડતાં બે શ્રમિકોના કરૂણ મોત
calendar_today May 23, 2026

Vadodara: ડેસરમાં ગેરકાયદે રેતી ખનન દરમિયાન માટીની ભેખડ ધસી પડતાં બે શ્રમિકોના કરૂણ મોત

વડોદરા જિલ્લાના ડેસર પંથકમાં ખાણ ખનિજ વિભાગ અને સ્થાનિક તંત્રની ઘોર બેદરકારી ફરી એકવાર સપાટી પર આવી છે. ડેસરમાં વગર મંજૂરીએ રાત-દિવસ ચાલતા ગેરકાયદેસર રેતી ખનન દરમિયાન એક ભયાનક અકસ્માત સર્જાયો છે, જેમાં માટીની ભારેખમ ભેખડ નીચે દબાઈ જવાથી બે મજૂરોના તરફડીને મોત નીપજ્યાં છે. આ ઘટનાને પગલે સમગ્ર પંથકમાં અરેરાટી વ્યાપી ગઈ છે અને સ્થાનિકોમાં વહીવટી તંત્ર સામે ભારે આક્રોશ જોવા મળી રહ્યો છે.ગેરકાયદેસર રેતી ખનન દરમિયાન અકસ્માત પ્રાપ્ત પ્રાથમિક વિગતો અનુસાર, ડેસર તાલુકાના ગ્રામ્ય વિસ્તારમાં નદી કે કોતરાળ જમીન પર મોટા પાયે ગેરકાયદેસર રેતી ચોરીનું નેટવર્ક ચાલતું હતું. દરરોજની જેમ આજે પણ મજૂરો ઉંડા ખાડામાં ઉતરીને ક્રેન અથવા લોડર વિના હાથેથી કે સામાન્ય સાધનોથી રેતી ભરી રહ્યા હતા. આ દરમિયાન ઉપર રહેલી માટીની કાયમી ભેખડ અચાનક ધસી પડી હતી. ટનબંધ માટી નીચે બે કામદારો સીધા દટાઈ ગયા હતા. ત્યાં હાજર અન્ય લોકો કંઈ સમજે તે પહેલાં જ શ્વાસ રૂંધાવાના કારણે બંને કામદારોના ઘટનાસ્થળે જ કરૂણ મોત નીપજ્યાં હતાં.કામદારોને મરતા મૂકીને માફિયાઓ ફરારઆ દુર્ઘટનાની સૌથી શરમજનક બાબત એ સામે આવી છે કે, જેવા બે મજૂરો માટીમાં દટાયા, કે તરત જ ગેરકાયદેસર ખનન કરાવતા સાઇડના સંચાલકો, સુપરવાઇઝરો અને ભૂમાફિયાઓ પોતાના જેસીબી, ટ્રેક્ટર કે ટ્રકો લઈને ત્યાંથી ભાગી છૂટ્યા હતા. તેમણે દટાયેલા મજૂરોને બહાર કાઢવાનો કે હોસ્પિટલ પહોંચાડવાનો કોઈ પ્રયાસ કર્યો નહોતો.લાંબા સમયથી ગેરકાયદેસર રેતી ખનન ચાલી રહ્યુંસ્થાનિક લોકોના જણાવ્યા મુજબ, આ વિસ્તારમાં લાંબા સમયથી વ્યાપક પ્રમાણમાં ગેરકાયદેસર રેતી ખનન ચાલી રહ્યું છે અને અગાઉ પણ રજૂઆતો કરવા છતાં તંત્ર દ્વારા કોઈ નક્કર પગલાં લેવાયા નહોતા, જેના પરિણામે આજે બે પરિવારોએ પોતાના કમાતા સભ્યો ગુમાવ્યા છે. ઘટનાની જાણ થતાં જ ડેસર પોલીસ કાફલો ઘટનાસ્થળે દોડી ગયો છે અને મૃતદેહોને પોસ્ટમોર્ટમ અર્થે ખસેડી, ફરાર થઈ ગયેલા જવાબદાર શખ્સો વિરૂદ્ધ ગુનો નોંધી વધુ તપાસ હાથ ધરી છે.આ પણ વાંચો: Ahmedabad: સપ્તાહમાં સતત ત્રીજી વાર પેટ્રોલ-ડીઝલ મોંઘા, મધ્યમ વર્ગના ઘરનું બજેટ સંપૂર્ણ ખોરવાયું

Read Full Story arrow_forward