Community News & Updates

Stay informed with the latest happenings, achievements, and announcements from our community.

All News

calendar_today May 21, 2026

Bengalમાં પશુ કતલ પર પ્રતિબંધ યથાવત્, Calcutta HCએ સરકારી આદેશને રાખ્યો માન્ય

આ પ્રતિબંધના કારણે ઈદ પહેલા બલિદાનને લગતા વિવાદ વધુ ઘેરો બન્યો છે. અરજીઓને ફગાવાઇ કલકત્તા હાઈકોર્ટે ઈદ પહેલા પશ્ચિમ બંગાળ સરકારના પશુ કતલ પર પ્રતિબંધને માન્ય રાખ્યો છે અને તેને પડકારતી અરજીઓને ફગાવી દીધી છે. કોર્ટે 1950ના પશુ કતલ કાયદા હેઠળ ધાર્મિક આધારો પર આધારિત છૂટ અને ભેંસ, બળદ વગેરેની કતલ કરવાની પરવાનગીની માંગને નકારી કાઢી છે. જોકે, કોર્ટે રાજ્ય સરકારને 27-28 મેના રોજ ઈદ માટે કોઈ છૂટની જરૂર પડશે કે નહીં તે 24 કલાકની અંદર વિચારવાનો નિર્દેશ આપ્યો છે. શુ કરાઇ દલીલ ? પશ્ચિમ બંગાળ સરકારના આ આદેશથી ઈદ અલ-અધા માટે પશુઓની બલિને લઈને વિવાદ ઉભો થયો છે. ટીએમસી સાંસદ મહુઆ મોઇત્રા સહિત અનેક નેતાઓએ આ આદેશ સામે અરજી દાખલ કરી હતી, જેમાં દલીલ કરવામાં આવી હતી કે આ નવા પ્રતિબંધો ધાર્મિક રિવાજો અને ગ્રામીણ અર્થતંત્રને નુકસાન પહોંચાડશે. રાજ્ય સરકારે અગાઉ સ્પષ્ટતા કરી હતી કે ફક્ત 14 વર્ષથી વધુ ઉંમરના અથવા કાયમી રીતે અપંગ પ્રાણીઓને જ બલિદાન માટે યોગ્ય ગણવામાં આવશે. જોકે, ઇસ્લામિક રિવાજો અનુસાર, અપંગ પ્રાણીઓનું બલિદાન આપી શકાતું નથી. નોટિસમાં કયા સૂચનો ? સરકારી સૂચના અનુસાર, બલિદાન આપતા પહેલા પ્રાણીની ઉંમર અને શારીરિક સ્થિતિની પુષ્ટિ કરવા માટે પશુચિકિત્સા તપાસ જરૂરી છે. નવા નિયમ હેઠળ, બળદ, ગાય, વાછરડા અને ભેંસનું બલિદાન આપતા પહેલા ફિટનેસ પ્રમાણપત્ર જરૂરી છે. સૂચના અનુસાર, ફક્ત 14 વર્ષથી વધુ ઉંમરના અથવા ઈજા, શારીરિક ક્ષતિ, વૃદ્ધાવસ્થા અથવા અસાધ્ય રોગને કારણે કાયમી રીતે અપંગ પ્રાણીઓનું બલિદાન આપી શકાય છે. આવા પ્રાણીઓની કુરબાની માટે અધિકારીઓનું પ્રમાણપત્ર પણ જરૂરી રહેશે. આ પણ વાંચોઃ હજ યાત્રાને કારણે ઈરાન પર અમેરિકાએ ટાળ્યો હુમલો, સાઉદી-યુએઈની દલીલો સામે ઝુક્યા ટ્રમ્પ

Read Full Story arrow_forward

calendar_today May 21, 2026

Bharuch : અંકલેશ્વરની પાનોલી જીઆઈડીસીમાં ડુપ્લીકેટ ખેતીવાડીની દવાઓનો પર્દાફાશ, 4 લાખનો મુદ્દામાલ જપ્ત

ભરૂચ જિલ્લાના અંકલેશ્વર નજીક પાનોલી જીઆઈડીસીમાં ડુપ્લીકેટ ખેતીવાડી દવાઓના ગેરકાયદેસર ઉત્પાદનનો મોટો પર્દાફાશ થયો છે. પ્રશાંત એગ્રીક સર્વિસ કંપનીમાં પોલીસે ગોપનીય માહિતીના આધારે દરોડો પાડીને મોટી કાર્યવાહી હાથ ધરી હતી. આ ઘટનાએ સમગ્ર ઔદ્યોગિક વિસ્તારમાં ચકચાર મચાવી છે. પોલીસ તપાસમાં ખુલાસો થયો છે કે કંપનીમાં યુપીએલ (UPL) કંપનીના નામે નકલી અને ગેરકાયદેસર ખેતીવાડી દવાઓ તૈયાર કરવામાં આવી રહી હતી.મશીનરી પણ જપ્ત કરવામાં આવી આ દવાઓ પર જાણીતી બ્રાન્ડનું લેબલ લગાવી ખેડૂતોને ભ્રમિત કરવાની યોજના ચાલી રહી હતી, જેનાથી ખેતી ક્ષેત્રે ગંભીર નુકસાન થવાની શક્યતા હતી. દરોડા દરમિયાન પોલીસે સ્થળ પરથી મોટી માત્રામાં કાચો માલ, પેકિંગ સામગ્રી અને તૈયાર થયેલી નકલી દવાઓ સહિત 4 લાખ રૂપિયાથી વધુનો મુદ્દામાલ કબજે કર્યો છે. આ ઉપરાંત ઉત્પાદન પ્રક્રિયામાં ઉપયોગ થતી મશીનરી પણ જપ્ત કરવામાં આવી છે. પોલીસે સમગ્ર ફેક્ટરીને સીલ કરી વધુ તપાસ શરૂ કરી છે. મોટું નેટવર્ક હોવાની શંકા આ મામલે પ્રોડક્શન મેનેજર સહિત કંપનીના માલિકો વિરુદ્ધ ગંભીર ગુનો નોંધવામાં આવ્યો છે. તેમના પર કૉપિરાઈટ એક્ટ તેમજ અન્ય સંબંધિત કાયદા હેઠળ કાર્યવાહી શરૂ કરવામાં આવી છે. પોલીસનું માનવું છે કે આ ગેરકાયદેસર રેકેટ લાંબા સમયથી ચાલતું હતું અને તેના પાછળ મોટું નેટવર્ક હોઈ શકે છે. સ્થાનિક પ્રશાસન અને પોલીસ દ્વારા આગળની તપાસ તેજ કરવામાં આવી છે, જેથી નકલી ખેતીવાડી દવાઓના સપ્લાય ચેઈનને સંપૂર્ણ રીતે ખતમ કરી શકાય. આ ઘટનાએ ખેડૂતોના હિત અને ખેતી ક્ષેત્રની સુરક્ષા અંગે ગંભીર પ્રશ્નો ઉભા કર્યા છે. આ પણ વાંચો : Morbi News: ટંકારાના સરાયા ગામે દંપતીના ઝઘડાનો કરુણ અંત, પત્નીની હત્યા કરી પતિએ પીધી ઝેરી દવા

Read Full Story arrow_forward

calendar_today May 21, 2026

Anand : ફૂડ સેફ્ટી વિભાગ દ્વારા શહેરની વિવિધ રેસ્ટોરન્ટ અને ખાણી-પીણીના એકમોને ત્યાં સઘન તપાસ, વેપારીઓમાં ફફડાટ

હાલમાં ચાલી રહેલી ઉનાળાની કાળઝાળ ગરમીની સીઝનને ધ્યાનમાં રાખીને નાગરિકોના સ્વાસ્થ્ય સાથે કોઈ બાંધછોડ ન થાય તે હેતુથી આણંદ જિલ્લાના ફુડ સેફ્ટી વિભાગ દ્વારા જિલ્લાભરમાં સઘન ચેકિંગ હાથ ધરવામાં આવ્યું છે. ઉનાળાની ઋતુમાં સવિશેષ વપરાતી ચીજવસ્તુઓ જેવી કે ઠંડા પીણા, બરફ અને અન્ય ખાદ્યપદાર્થોના વેચાણ કરતા એકમો પર વિભાગ દ્વારા તકેદારીના ભાગરૂપે કડક નજર રાખવામાં આવી રહી છે.ખાદ્યચીજોના નમુના લેબોરેટરીમાં તપાસ માટે મોકલાયા આ આકસ્મિક તપાસ ઝુંબેશ અંતર્ગત ફુડ સેફ્ટી વિભાગની ટીમ દ્વારા આણંદ જિલ્લાના વિવિધ સ્થળોએથી કુલ 93 જેટલા શંકાસ્પદ ખાદ્યચીજોના નમૂના (સેમ્પલ) લેવામાં આવ્યા છે. જેમાં ગરમીમાં સૌથી વધુ ખવાતા બરફ ગોળા, બરફ અને શેરડીના રસના 17 નમૂના, સ્પાઈસીસ પ્રોડક્ટના 31, ઘીનો 1, દૂધ અને દૂધની બનાવટોના 2, ખાદ્યતેલના 3 નમૂનાનો સમાવેશ થાય છે. આ ઉપરાંત પ્રિપેડ ફુડ, મેંગો મિલ્ક શેક, કોલ્ડડ્રિંક્સ, પેકેજ્ડ ડ્રિંકિંગ વોટર, શ્રીખંડ અને મઠ્ઠો જેવી અન્ય ખાદ્યચીજોના નમૂના મેળવીને તેને પૃથ્થકરણ અર્થે લેબોરેટરીમાં મોકલી આપવામાં આવ્યા છે. આ તમામ સેમ્પલના લેબોરેટરી રિપોર્ટ આવ્યા બાદ કાયદેસરની આગળની કાર્યવાહી હાથ ધરવામાં આવશે. નમૂના લેવાની પ્રક્રિયાની સાથે-સાથે 'ફુડ સેફ્ટી ઓન વ્હીલ્સ' વાન દ્વારા આણંદ તેમજ જિલ્લાના અન્ય તાલુકાઓમાં પણ સઘન ડ્રાઈવ ચલાવવામાં આવી હતી. ખાસ કરીને પાણીપુરી બનાવતા સ્ટ્રીટ ફુડ વેન્ડર્સ (લારીઓ) પર વ્યાપક તપાસ કરવામાં આવી હતી. આ તપાસ દરમિયાન તમામ લારીવાળાઓ અને સ્ટ્રીટ ફુડ વિક્રેતાઓને સેનિટેશન અને હાઈજીન (સ્વચ્છતા) જાળવવા અંગે જરૂરી સૂચનાઓ તેમજ માર્ગદર્શન આપવામાં આવ્યું હતું. તેમજ તમામ ફુડ બિઝનેસ ઓપરેટરોને ફરજિયાત એપ્રોન, કેપ અને ગ્લોવ્ઝ પહેરવા તથા નિયમિત સાફ-સફાઈ રાખવા કડક તાકીદ કરાઈ છે. શંકાસ્પદ કુકિંગ ઓઈલનો સ્થળ ઉપર જ નાશ કરાયો આ તપાસમાં મળી આવેલા માનવ સ્વાસ્થ્યને નુકસાન પહોંચાડી શકે તેવો બિન-આરોગ્યપ્રદ અને કલરયુક્ત ખાદ્યસામગ્રીનો જથ્થો ફુડ સેફ્ટી વિભાગે સ્થળ પર જ નાશ કરવામાં આવ્યો હતો. જેમાં બિન-આરોગ્યપ્રદ એવી 10 લીટર કલરવાળી ચાસણી, 04 કિલોગ્રામ પકોડીનો માવો, 03 લીટર પાણીપુરીનું કલરયુક્ત પાણી તેમજ 05 લીટર જેટલા શંકાસ્પદ કુકિંગ ઓઈલનો સ્થળ ઉપર જ નાશ કરાવી દીધો હોવાનું આણંદ ખોરાક અને ઔષધ નિયમન તંત્રના ડેઝીગ્નેટેડ ઓફિસરે જણાવાયું છે.આ પણ વાંચો : Bharuch : અંકલેશ્વરની પાનોલી જીઆઈડીસીમાં ડુપ્લીકેટ ખેતીવાડીની દવાઓનો પર્દાફાશ, 4 લાખનો મુદ્દામાલ જપ્ત  

Read Full Story arrow_forward