Sabarkantha News: તલોદની ભોલેનાથ ડેરીમાંથી ભેળસેળયુક્ત માવો ઝડપાયો, લાઈસન્સ સસ્પેન્ડ!
લોકોના આરોગ્ય સાથે ચેડાં કરતા અને તહેવારો-લગ્નસરાની સિઝનમાં મીઠાઈના નકલી માવાના કાળા કારોબાર કરતા ભેળસેળિયાઓ સામે સરકારે લાલ આંખ કરી છે. સાબરકાંઠા જિલ્લાના તલોદમાં આવેલી ‘ભોલેનાથ ડેરી’ પર ફૂડ એન્ડ ડ્રગ્સ વિભાગ દ્વારા અચાનક રેડ કરવામાં આવી હતી. આ રેડ દરમિયાન ડેરીની અંદર ચાલતા ભેળસેળના મોટા નેટવર્કનો પર્દાફાશ થયો છે.ભારે ગંદકી વચ્ચે બનતો હતો માવો, અધિકારીઓ પણ ચોંકી ગયા જ્યારે ફૂડ સેફ્ટી ઓફિસર્સની ટીમ ડેરીની અંદર તપાસ માટે પહોંચી, ત્યારે ત્યાં અત્યંત કમકમાટીભરી ગંદકી જોવા મળી હતી. કોઈ પણ જાતની સ્વચ્છતા રાખ્યા વિના, માખી-મચ્છરો અને અસ્વચ્છ વાતાવરણ વચ્ચે આ માવો તૈયાર કરવામાં આવી રહ્યો હતો, જે સીધો લોકોના પેટમાં જઈને ગંભીર બીમારીઓ નોતરી શકે તેમ હતો. મોટી કાર્યવાહી: 2548 કિલો માવો સિઝ, લાઈસન્સ રદ આરોગ્ય વિભાગની ટીમે સ્થળ પર જ કડક પગલાં લેતા કારખાનામાંથી કુલ 2548 કિલો ભેળસેળયુક્ત માવાનો જથ્થો સિઝ કરવામાં આવ્યો છે, અને તેના સેમ્પલ લેબોરેટરીમાં મોકલાયા છે. માનવ વપરાશ માટે તદ્દન અયોગ્ય એવા 550 કિલો અખાદ્ય માવાના જથ્થાનો સ્થળ પર જ નાશ કરવામાં આવ્યો છે. નિયમોના લીરેલીરા ઉડાડવા બદલ તંત્ર દ્વારા ભોલેનાથ ડેરીનું ફૂડ લાઇસન્સ તાત્કાલિક ધોરણે સસ્પેન્ડ કરી દેવાયું છે. સરકારની આ કડક કાર્યવાહીથી પંથકના અન્ય ભેળસેળિયા વેપારીઓમાં ફફડાટ વ્યાપી ગયો છે. અધિકારીઓના જણાવ્યા મુજબ, આગામી દિવસોમાં પણ આવી નકલી અને અખાદ્ય ચીજવસ્તુઓ બનાવતા એકમો પર રેડની કાર્યવાહી યથાવત રહેશે. આ પણ વાંચો - Sabarkanthaમાં વાવણી પહેલા ડીઝલની અછતથી ખેડૂતોની મુશ્કેલી વધી, ટ્રેક્ટરો બન્યા નિષ્ક્રિય
Read Full Story arrow_forward
