Community News & Updates

Stay informed with the latest happenings, achievements, and announcements from our community.

All News

calendar_today May 18, 2026

Amreli News: વડિયામાં પેટ્રોલ-ડીઝલની ભારે અછત, બંને પેટ્રોલ પંપ પર ઇંધણ ખૂટતાં વાહનચાલકો પરેશાન

અમરેલી જિલ્લાના વડિયા શહેરમાંથી વાહનચાલકો માટે ચિંતાજનક સમાચાર સામે આવ્યા છે. વડિયા શહેરમાં આવેલા બંને પેટ્રોલ પંપ પર અચાનક પેટ્રોલ અને ડીઝલનો જથ્થો ખૂટી પડ્યો છે. ઇંધણનો મુખ્ય સ્ટોક સંપૂર્ણપણે ખાલી થઈ જતાં પંપ પર 'નો સ્ટોક'ના બોર્ડ લગાવવામાં આવ્યા છે. જેને પગલે સ્થાનિક વાહનચાલકો અને મુસાફરો ભારે મુશ્કેલીમાં મુકાયા છે.પેટ્રોલ-ડીઝલ મેળવવા પંપ પર વાહનોની લાંબી લાઈનો પેટ્રોલ અને ડીઝલની અછત હોવાના સમાચાર પ્રસરતાં જ મોટી સંખ્યામાં લોકો પોતાના વાહનો લઈને પેટ્રોલ પંપ પર દોડી આવ્યા હતા. પંપ પર ઈંધણનો મર્યાદિત જથ્થો બચ્યો હોવાની આશંકાએ વાહનચાલકોની કિલોમીટર લાંબી કતારો જોવા મળી હતી. ખાસ કરીને ખેતીકામની સીઝન હોવાથી ખેડૂતો અને રોજના મુસાફરોને કલાકો સુધી લાઈનમાં ઉભા રહેવું પડ્યું હતું. પૂરતો જથ્થો ન મળવાના કારણે જનજીવન પ્રભાવિત વડિયા જેવા મહત્વના વિસ્તારમાં પૂરતા પ્રમાણમાં પેટ્રોલ-ડીઝલનો જથ્થો ન મળવાના કારણે સ્થાનિક લોકોમાં ભારે રોષ જોવા મળી રહ્યો છે. વાહનચાલકોને જરૂરીયાત મુજબનું ઇંધણ ન મળતાં તેમનું રોજિંદું કામકાજ ખોરવાયું છે અને આસપાસના ગામડાઓમાં જવામાં પણ હાલાકી ભોગવવી પડી રહી છે. સ્થાનિકો દ્વારા વહેલી તકે બંને પંપ પર ઇંધણનો નવો જથ્થો ઉપલબ્ધ કરાવવામાં આવે તેવી તીવ્ર માંગ કરવામાં આવી રહી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today May 18, 2026

વાંચો 19 મે, 2026ના રોજ બનનારી મહત્વની ઘટનાઓ વિશે

19 મેનો દિવસ દેશ અને ગુજરાતના રાજકારણ તેમજ વહીવટી મોરચે ભારે ઉત્તેજનાથી ભરેલો રહેવાનો છે. એક તરફ જ્યાં વડાપ્રધાન મોદીના વિદેશ પ્રવાસનો અંતિમ તબક્કો અને દિલ્હી હાઈકોર્ટમાં કેજરીવાલને લગતી મહત્વની સુનાવણી છે, ત્યાં બીજી તરફ ગુજરાતમાં સ્થાનિક સ્વરાજ્યની સંસ્થાઓમાં નવા હોદ્દેદારોની તાજપોશીની પ્રક્રિયા શરૂ થવા જઈ રહી છે.વડાપ્રધાન મોદીનો ઇટલી પ્રવાસ વડાપ્રધાન નરેન્દ્ર મોદી તેમના 5 દેશોના પ્રવાસના અંતિમ ચરણમાં 19-20 મે દરમિયાન ઇટલીની મુલાકાતે રહેશે. તેઓ ઇટલીના વડાપ્રધાન જોર્જિયા મેલોનીના આમંત્રણ પર ત્યાં જઈ રહ્યા છે. ગૃહમંત્રીની છત્તીસગઢમાં બેઠક કેન્દ્રીય ગૃહમંત્રી અમિત શાહ 19 મેના રોજ છત્તીસગઢના જગદલપુરમાં સવારે 10:30 વાગ્યે મધ્ય ક્ષેત્રીય પરિષદની બેઠકની અધ્યક્ષતા કરશે અને બપોરે 3:30 વાગ્યે પત્રકાર પરિષદને સંબોધશે. રાહુલ ગાંધીનો યુપી પ્રવાસ વિપક્ષના નેતા રાહુલ ગાંધી 19 અને 20 મેના રોજ રાયબરેલી અને અમેઠીના પ્રવાસે જશે, જ્યાં તેઓ કાર્યકર્તાઓ સાથે સંવાદ કરી આગામી વિધાનસભા ચૂંટણી માટે ગતિવિધિઓ તેજ કરશે. અરવિંદ કેજરીવાલ કેસની સુનાવણી દિલ્હી હાઈકોર્ટમાં અરવિંદ કેજરીવાલ સાથે જોડાયેલી બે મહત્વની સુનાવણી હાથ ધરાશે, જેમાં આબકારી મામલે CBIની અરજી અને કોર્ટની અવમાનના મામલાનો સમાવેશ થાય છે. 'એક રાષ્ટ્ર, એક ચૂંટણી' કમિટીનો ગુજરાત પ્રવાસ બંધારણના અનુચ્છેદ 129માં સુધારા કરવા માટે ગઠિત સંયુક્ત સંસદીય સમિતિ (JPC) 19 મેના રોજથી 3 દિવસના ગુજરાત પ્રવાસે આવી રહી છે. સમિતિના અધ્યક્ષ પી.પી. ચૌધરીની આગેવાનીમાં 39 સદસ્યોની ટીમ ગુજરાતના વિવિધ પ્રતિનિધિઓ સાથે પરામર્શ કરશે. આ સમિતિ મુખ્યમંત્રી સાથે મુલાકાત કરશે અને સાંજે 5:30 વાગ્યે ગિફ્ટ સિટી ખાતે પત્રકાર પરિષદ પણ યોજશે. ગુજરાત પાલિકાઓમાં સત્તાના સૂત્રો સોંપાશે ગુજરાતની વિવિધ નગરપાલિકાઓમાં આગામી અઢી વર્ષ માટે પ્રમુખ અને ઉપપ્રમુખની વરણી કરવા માટે 19 મેના રોજ સામાન્ય સભાઓ યોજાશે: કચ્છની 5 પાલિકાઓ: ભુજ સહિત કચ્છની 5 નગરપાલિકાઓને નવા સુકાની મળશે. તો બીજી તરફ કચ્છ મ્યુઝિયમ ખાતે 'કલાવીથિ' ઉત્સવ અંતર્ગત ટોક શો યોજાશે. ઉત્તર ગુજરાત: પાલનપુર (સામાન્ય સ્ત્રી), ડીસા (SC બેઠક) અને ધાનેરા (સામાન્ય પુરુષ) તેમજ સાબરકાંઠાના ઈડર, હિંમતનગર અને વડાલીમાં પ્રમુખ-ઉપપ્રમુખની વરણી થશે. વડાલીમાં કોંગ્રેસની બહુમતી હોવા છતાં આંતરિક વિખવાદને કારણે સત્તા પરિવર્તનના એંધાણ વર્તાઈ રહ્યા છે. મધ્ય અને દક્ષિણ ગુજરાત: પેટલાદ, ભરૂચ, બોડેલી (છોટાઉદેપુર), બાયડ અને મોડાસા (અરવલ્લી), બોટાદ અને બરવાળા તેમજ રાજપીપલા નગરપાલિકામાં ભાજપની સ્પષ્ટ બહુમતી સાથે નવા પ્રમુખો શપથ લેશે. અન્ય સ્થાનિક સમાચાર વેજલપુરના ધારાસભ્ય અમિત ઠાકર દ્વારા 'હિડન હિરોઝ' સન્માન કાર્યક્રમ અંતર્ગત 19 મેના રોજ ફાયર સ્ટેશન ખાતે જઈને ફાયરના જવાનોનું વિશેષ સન્માન કરવામાં આવશે. આ પણ વાંચો - Ahmedabad : ખાડિયામાં ધમધમતી ગેરકાયદે ભઠ્ઠીઓ સામે કાર્યવાહી કરવા પૂર્વ MLA ભૂષણ ભટ્ટની રજૂઆત

Read Full Story arrow_forward

calendar_today May 18, 2026

Ahmedabad News: AMCની સ્ટ્રોમ વોટર કામગીરીમાં કરોડોની ગેરરીતિ, 4 અધિકારીઓ સસ્પેન્ડ

અમદાવાદ મ્યુનિસિપલ કોર્પોરેશન (AMC) દ્વારા ભ્રષ્ટાચારી તત્વો અને કામગીરીમાં બેદરકારી દાખવનારાઓ સામે અત્યાર સુધીની સૌથી મોટી અને કડક કાર્યવાહી કરવામાં આવી છે. એએમસીના સ્ટ્રોમ વોટર ડ્રેનેજ (ચોમાસુ લાઈન) નાખવાની કામગીરીમાં મોટા પાયે ગેરરીતિ આચરવામાં આવી હોવાનું સામે આવ્યું છે. કોર્પોરેશનની વિજીલન્સ તપાસમાં (Vigilance Inquiry) ભ્રષ્ટાચારના પુરાવા મળતા જ તંત્ર દ્વારા એક્શન મોડમાં આવીને 4 મોટા ઉચ્ચ અધિકારીઓને તાત્કાલિક અસરથી સસ્પેન્ડ (નિલંબિત) કરી દેવામાં આવ્યા છે. આ સાથે જ ગેરરીતિ આચરનાર કોન્ટ્રાક્ટર કંપની સામે ફોજદારી ગુનો (FIR) નોંધવાનો પણ આદેશ કરાયો છે.રાજેશ રાઠવા સહિતના 4 એન્જિનિયરો પર પડી વીજળી એએમસી કમિશનરના આદેશથી વિજીલન્સ વિભાગે તપાસ હાથ ધરી હતી, જેમાં કામગીરીની ગુણવત્તા અને બિલિંગમાં ગંભીર વિસંગતતાઓ અને ભ્રષ્ટાચાર પકડી પાડવામાં આવ્યો હતો. આ કૌભાંડમાં સંડોવાયેલા જે 4 એન્જિનિયરોને સસ્પેન્ડ કરવામાં આવ્યા છે. રાજેશ રાઠવા – એડિશનલ સિટી ઇજનેર ઉત્કર્ષ ભાભોર – ડેપ્યુટી સિટી ઇજનેર રમેશ બારીયા – આસિસ્ટન્ટ સિટી ઇજનેર અલ્પેશ મકવાણા – આસિસ્ટન્ટ ઇજનેર કંપની સામે કડક કાયદાકીય પગલાં લેવાશે અમદાવાદ કોર્પોરેશનના ઈતિહાસમાં એકસાથે આટલા ઉચ્ચ કક્ષાના ટેકનિકલ અધિકારીઓ સામે સસ્પેન્શનની ગર્જના થતાં જ સમગ્ર એએમસી પંથક અને એન્જિનિયરિંગ વિભાગમાં ફફડાટ વ્યાપી ગયો છે. સસ્પેન્શનની સાથે જ, જે ખાનગી કંપની-કોન્ટ્રાક્ટર દ્વારા આ ગેરરીતિ આચરવામાં આવી છે, તેની સામે કાયદાનો સકંજો કસવા માટે પોલીસ મથકમાં એફઆઈઆર (FIR) નોંધવાની પ્રક્રિયા શરૂ કરી દેવામાં આવી છે. તંત્ર દ્વારા સ્પષ્ટ સંકેત આપવામાં આવ્યો છે કે, જનતાના ટેક્સના પૈસાનો દુરુપયોગ કરનાર કોઈપણ અધિકારી કે કંપનીને બક્ષવામાં આવશે નહીં. આ પણ વાંચો - Ahmedabadના વટવામાં કૌટુંબિક ઝઘડામાં ખેલાયો ખૂની ખેલ, 4 શખ્સોએ પરિવાર પર કર્યો જીવલેણ હુમલો

Read Full Story arrow_forward