Stay informed with the latest happenings, achievements, and announcements from our community.
ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 18 મેના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો.
Read Full Story arrow_forward
બનાસકાંઠા જિલ્લામાં છેલ્લા 24 કલાકમાં બનેલી બે જુદી-જુદી માર્ગ અકસ્માતની ઘટનાઓએ સમગ્ર પંથકને હચમચાવી દીધો છે. કાળમુખા અકસ્માતોની આ વણઝારમાં ધાનેરા પંથકના કુલ 5 લોકોએ પોતાના જીવ ગુમાવ્યા છે, જેને પગલે સમગ્ર બનાસકાંઠા જિલ્લામાં અરેરાટી વ્યાપી ગઈ છે અને માર્ગ સલામતીને લઈને ચર્ચાઓએ જોર પકડ્યું છે. ડોક્ટર મિતેશ દરજી અને તેમના પત્ની હેતલ દરજીનું મોત મળતી વિગતો અનુસાર, ધાનેરાના જાણીતા અને સેવાભાવી ડોક્ટર મિતેશ દરજી અને તેમના પત્ની હેતલબેન દરજી નળ સરોવર ખાતે પ્રવાસે ગયા હતા. પ્રવાસ માણીને જ્યારે આ ડોક્ટર દંપતી ખુશી-ખુશી પોતાના વતન પરત ફરી રહ્યું હતું, તે સમયે રસ્તામાં કાળ નડ્યો હતો. માર્ગ અકસ્માતની આ ગંભીર દુર્ઘટનામાં ડો. મિતેશ દરજી અને હેતલ દરજી બંનેનું ઘટનાસ્થળે જ કમકમાટીભર્યું મોત નીપજ્યું હતું. હસતા-રમતા ડૉક્ટર પરિવારના મોતના સમાચાર વાયુવેગે પ્રસરતા ધાનેરાના તબીબી જગત અને સ્થાનીક લોકોમાં ભારે શોકની લાગણી વ્યાપી ગઈ છે. ગઈકાલે રણુજાથી પરત ફરતા સર્જાયો હતો કાળો કેર આ ચોંકાવનારી ઘટના શાહી સુકાઈ નહોતી ત્યાં ધાનેરા પંથકમાં અકસ્માતનો બીજો ઘા વાગ્યો છે. આ અગાઉ ગઈકાલે ધાનેરાના થાવર ગામના શ્રદ્ધાળુઓ રણુજા દર્શન કરીને પરત ફરી રહ્યા હતા, ત્યારે પણ એક ભયાનક માર્ગ અકસ્માત સર્જાયો હતો. આ દુર્ઘટનામાં થાવર ગામના 3 નિર્દોષ લોકોના કરુણ મોત નીપજ્યા હતા. ધાનેરા પંથકે પોતાના 5 રત્નો ગુમાવ્યા માત્ર 24 કલાકના ટૂંકા ગાળામાં ધાનેરા પંથકે પોતાના 5 રત્નો ગુમાવ્યા છે. એક તરફ રણુજાથી પરત ફરતા 3 લોકોના મોતનો માતમ હજુ શમ્યો નહોતો, ત્યાં નળ સરોવરથી પરત ફરતા ડોક્ટર દંપતીના મોતના સમચારે ધાનેરાવાસીઓની આંખો ભીની કરી દીધી છે. પોલીસ હાલ આ મામલે કાયદેસરની કાર્યવાહી હાથ ધરી રહી છે.આ પણ વાંચો----- Vadodara : હનીટ્રેપ ગેંગનો પર્દાફાશ, પ્રેમજાળમાં ફસાવી વેપારી પાસેથી 75 લાખ ખંખેર્યા
Read Full Story arrow_forward
સૌરાષ્ટ્ર-કચ્છ સહિત સમગ્ર ગુજરાત રાજ્ય હાલ ભીષણ ગરમી અને અસહ્ય ઉકળાટની લપેટમાં આવી ગયું છે.રવિવારે તાપમાનમાં વધારો થતા સૌરાષ્ટ્રના સાત શહેરમાં ગરમીનો પારો 41 ડિગ્રીને પાર નોંધાયો છે.રાજ્યમાં સતત બીજા દિવસે પણ સૌથી વધુ તાપમાન સુરેન્દ્રનગરમાં 44.5 ડિગ્રી નોંધાયું છે,જ્યારે રાજકોટમાં 43.5 ડિગ્રી અને અમરેલીમાં 43.3ડિગ્રી નોંધાયું હતું. હવામાન નિષ્ણાંત અંબાલાલ પટેલે ગરમી અને વરસાદને લઈને આગાહી કરી છે. ગુજરાતમાં પ્રિમોન્સૂન એક્ટિવિટી રહેશે હવામાન નિષ્ણાંત અંબાલાલ પટેલે ગરમી અને વરસાદની આગાહી કરી છે. તેમની આગાહી પ્રમાણે આવતીકાલથી ભારે પવન સાથે દક્ષિણ ગુજરાત અને સૌરાષ્ટ્રમાં વરસાદની શક્યતાઓ છે. ગુજરાતમાં આવતીકાલથી 24 મે સુધી પ્રિમોન્સૂન એક્ટિવિટી શરૂ થઈ શકે છે. 24મે આસપાસ ચોમાસુ કેરલમ પહોંચશે. 23મી સુધી આંદામાનમાં ભારે વરસાદ પડશે. ગુજરાતમાં આગામી દિવસોમાં ગરમીમાં રાહત મળશે પણ ઉકળાટની અસર વર્તાશે. મે મહિનાના અંતમાં ગરમીમાં રાહત મળશે. 19થી 24 મે દરમિયાન ગુજરાતમાં પ્રિમોન્સૂન એક્ટિવિટી રહેશે. હવામાનની ખાસ ચેતવણી આપવામાં આવી હવામાન વિભાગના જણાવ્યા અનુસાર,છેલ્લા 24 કલાક દરમિયાન ભુજમાં 42.6, જુનાગઢમાં 42.3, કંડલા એરપોર્ટમાં 42, ભાવનગરમાં 41.2, કેશોદ અને મહુવામાં 39, દીવ 37.5, પોરબંદરમાં 35.4, ઓખામાં 35, વેરાવળમાં 32.4 અને દ્વારકામાં 32.4 ડિગ્રી તાપમાન નોંધાયું છે.તા.18 મેના રોજ સૌરાષ્ટ્ર-કચ્છના દરિયાકાંઠાના વિસ્તારોમાં ભારે બફારા અને અકળામણ આપતી 'હોટ એન્ડ હ્યુમિડ' હવામાનની ખાસ ચેતવણી આપવામાં આવી છે. આ પણ વાંચોઃ Ahmedabad News: મનપામાં મેયર અને સ્ટેન્ડિંગ કમિટીના પદ માટે ત્રણ નામોની ભારે ચર્ચા
Read Full Story arrow_forward