Surat: ડિંડોલી વોર્ડ ભાજપ યુવા મોરચાના ઉપપ્રમુખ જય દલાલની કરપીણ હત્યા, સમગ્ર ઘટના કેમેરામાં કેદ
સુરત શહેરમાં ગુનેગારો બેફામ બન્યા હોય તેમ વધુ એક સરેઆમ હત્યાની ઘટનાથી સમગ્ર પંથક ધ્રુજી ઉઠ્યો છે. શહેરના ઉધના રોડ નંબર ૬ વિસ્તારમાં ડિંડોલીના રહેવાસી અને ભાજપના યુવા નેતાની ચાર જેટલા ઇસમોએ ઘેરીને ઘાતકી હત્યા કરી નાખી છે. હાઈપ્રોફાઈલ રાજકીય કનેક્શન ધરાવતા આ યુવકની હત્યાના પગલે સુરતના રાજકારણમાં ભારે ગરમાવો આવી ગયો છે અને ઉચ્ચ પોલીસ અધિકારીઓનો કાફલો તપાસમાં જોતરાયો છે.ધારાસભ્યના નજીકના મહિલા અગ્રણીનો પુત્ર હતો મૃતકઆ ચકચારી ઘટનાની મળતી વિગતો અનુસાર, મૃતક યુવકની ઓળખ જય દલાલ તરીકે થઈ છે, જે ડિંડોલી વોર્ડ યુવા મોરચાના ઉપપ્રમુખ તરીકે પક્ષમાં સક્રિય જવાબદારી સંભાળતો હતો. જય દલાલની માતા જયશ્રીબેન દલાલ સુરત ભાજપના જાણીતા મહિલા અગ્રણી છે અને તેઓ લિંબાયત વિધાનસભા વિસ્તારના લોકપ્રિય ધારાસભ્ય સંગીતાબેન પાટીલના અત્યંત નજીકના ગણાય છે તેમજ પક્ષની કામગીરીમાં સતત સક્રિય રહે છે. ભાજપના અગ્રણીના પુત્રની જ ધોળા દિવસે હત્યા થતાં સુરત પોલીસની કામગીરી અને કાયદો-વ્યવસ્થાની સ્થિતિ સામે ગંભીર સવાલો ઊભા થયા છે.CCTV માં કેદ થઈ હૃદયકંપાવનારી ઘટનાહત્યાની આ સમગ્ર ઘટનાના CCTV ફૂટેજ પણ સામે આવ્યા છે, જેમાં સ્પષ્ટ જોઈ શકાય છે કે ઉધના રોડ નંબર ૬ વિસ્તારમાં ચાર જેટલા માથાભારે ઈસમોએ જય દલાલને રસ્તા પર આંતર્યો હતો. કોઈ જૂની અદાવત કે ત્વરિત વિવાદમાં આ ચારેય ઇસમોએ પોતાની પાસે રહેલા તીક્ષ્ણ હથિયારો વડે જય પર ઉપરાછાપરી ઘાતકી હુમલો કરી દીધો હતો. લોહીલુહાણ હાલતમાં રસ્તા પર ઢળી પડેલા જય દલાલને તાત્કાલિક સારવાર અર્થે નજીકની હોસ્પિટલ ખસેડવામાં આવ્યો હતો, જ્યાં ટૂંકી સારવારના અંતે તેણે દમ તોડી દીધો હતો. યુવાન દીકરાના મોતના સમાચારથી પરિવાર પર આભ તૂટી પડ્યું છે.ઉધના પોલીસે હત્યારાઓને પકડવા ચક્રો ગતિમાન કર્યાઘટનાની ગંભીરતાને જોતા ઉધના પોલીસ સ્ટેશનનો કાફલો અને ક્રાઇમ બ્રાન્ચની ટીમો તાત્કાલિક ઘટનાસ્થળે દોડી ગઈ હતી. પોલીસે સીસીટીવી ફૂટેજના આધારે ચારેય હુમલાખોરોની ઓળખ મેળવવાની પ્રક્રિયા શરૂ કરી દીધી છે. આ હત્યા પાછળ કોઈ અંગત અદાવત છે, નાણાકીય વિવાદ છે કે પછી કોઈ રાજકીય અદાવત, તે દિશામાં પોલીસે જુદી-જુદી ટીમો બનાવીને સઘન તપાસ હાથ ધરી છે. ધોળા દિવસે થયેલી આ ક્રૂર હત્યાના વિરોધમાં સ્થાનિક લોકો અને ભાજપના કાર્યકરોમાં ભારે રોષ જોવા મળી રહ્યો છે.આ પણ વાંચો: Dwarka: ગોમતી નદીમાં ડૂબેલા રાજકોટના યુવકનો મૃતદેહ મોડી રાત્રે મળ્યો, હસતો-રમતો પરિવાર શોકમાં ડૂબ્યો
Read Full Story arrow_forward
