Stay informed with the latest happenings, achievements, and announcements from our community.
ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 17 મેના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો.
Read Full Story arrow_forward
યાત્રાધામ ડાકોર નજીક આવેલા સીમલજ ગામમાં સ્ટેટ વિજિલન્સ અને બુટલેગરો વચ્ચે ફિલ્મી દ્રશ્યો સર્જાયા હોવાની સનસનાટીપૂર્ણ ઘટના સામે આવી છે. વિદેશી દારૂની હેરાફેરી અટકાવવા ગયેલી સ્ટેટ વિજિલન્સની ટીમે સમયસૂચકતા અને અદભુત હિંમત દાખવીને એક મોટી હોનારત ટાળી દીધી છે, જેના કારણે ડાકોર દર્શનાર્થે આવેલા હજારો શ્રદ્ધાળુઓના વાહનોનો આબાદ બચાવ થયો હતો.બુટલેગરો અને પોલીસ વચ્ચે દિલધડક ચેઝિંગ ઘટનાની મળતી માહિતી અનુસાર, સીમલજ ગામમાં મોટા પાયે વિદેશી દારૂનું કટિંગ ચાલી રહ્યું હોવાની બાતમી સ્ટેટ વિજિલન્સને મળી હતી. SMCની ટીમ જ્યારે ત્રાટકી ત્યારે બુટલેગરોએ ભાગવાનો પ્રયાસ કર્યો હતો. પોલીસે ફિલ્મી સ્ટાઈલમાં પીછો કરતા ગભરાયેલા બુટલેગરોએ વિદેશી દારૂથી ખિચોખિચ ભરેલી એક સ્વીફ્ટ કાર સીમલજ પ્રાથમિક શાળાના પરિસરમાં ઘુસાડી દીધી હતી. સદનસીબે તે સમયે કોઈ મોટી દુર્ઘટના ન ઘટતા લોકોએ રાહતનો શ્વાસ લીધો હતો. લાખોનો મુદ્દામાલ અને મુખ્ય બુટલેગર ઝડપાયો સ્ટેટ વિજિલન્સે પ્રશંસનીય કામગીરી કરીને સીમલજમાંથી વિદેશી દારૂ ભરેલી એક નહીં પરંતુ બે-બે કાર ઝડપી લીધી છે. આ સાથે જ સીમલજ ગામમાં વિદેશી દારૂનો મોટો અડ્ડો ચલાવતા સ્થાનિક કુખ્યાત બુટલેગર મહેશ તળપદા નામના શખ્સને પણ પોલીસે દબોચી લીધો હોવાની પ્રબળ આશંકા છે. બુટલેગરોમાં ફફડાટ, ડાકોર પોલીસ મથકે કાર્યવાહી શરૂ SMCની આ કડક કાર્યવાહીથી સ્થાનિક બુટલેગરો અને અસામાજિક તત્વોમાં ભારે ફફડાટ વ્યાપી ગયો છે. સ્ટેટ વિજિલન્સની ટીમ દ્વારા ઝડપાયેલી બંને કાર, વિદેશી દારૂનો મોટો જથ્થો અને આરોપીઓને ડાકોર પોલીસ મથકે લાવવામાં આવ્યા છે. હાલ ડાકોર પોલીસ સ્ટેશનમાં ગુનો નોંધીને લાખો રૂપિયાનો મુદ્દામાલ જપ્ત કરવાની કાયદેસરની કાર્યવાહી હાથ ધરવામાં આવી છે. યાત્રાધામ નજીક થયેલી આ મોટી સપાટાભેર કાર્યવાહી સમગ્ર પંથકમાં ભારે ચર્ચાનો વિષય બની છે. આ પણ વાંચો - Dahod News: લીમખેડાની ધાનપુર ચોકડી પાસેથી બિનહિસાબી 2.56 કરોડની રોકડ ઝડપાઇ, કાર ચાલકની અટકાયત
Read Full Story arrow_forward
અમદાવાદની એપોલો હોસ્પિટલમાંથી એક મોટા સમાચાર સામે આવી રહ્યા છે. કેન્દ્રીય ગૃહમંત્રી અમિત શાહ અચાનક જ એપોલો હોસ્પિટલ ખાતે પહોંચ્યા છે. તેઓ ભાજપના એક ખૂબ જ જૂના અને વફાદાર કાર્યકરની મુલાકાત લેવા અને તેમના સ્વાસ્થ્યની સ્થિતિ જાણવા માટે ખાસ હોસ્પિટલ દોડી આવ્યા હતા. ગૃહમંત્રીની આ ઓચિંતી મુલાકાતને પગલે હોસ્પિટલ પરિસરમાં ચુસ્ત સુરક્ષા બંદોબસ્ત ગોઠવી દેવામાં આવ્યો હતો.દશેલા ગામના જૂના કાર્યકરની લીધી મુલાકાત ઘટનાની મળતી માહિતી અનુસાર, ગાંધીનગર સંસદીય મતવિસ્તારમાં આવતા દશેલા ગામના ભાજપના જૂના અને પીઢ કાર્યકર રમેશભાઈ ચૌધરી છેલ્લા કેટલાક સમયથી નાદુરસ્ત તબીયતના કારણે હોસ્પિટલમાં સારવાર હેઠળ છે. રમેશભાઈ ચૌધરી પક્ષના પાયાના કાર્યકર રહ્યા છે. તેમના બીમાર હોવાના સમાચાર મળતા જ અમિત શાહ વ્યસ્ત શિડ્યુલમાંથી સમય કાઢીને સીધા એપોલો હોસ્પિટલ પહોંચ્યા હતા. પરિવારજનો સાથે મુલાકાત કરી આપી સાંત્વના ગૃહમંત્રી અમિત શાહે હોસ્પિટલમાં સારવાર લઈ રહેલા રમેશભાઈ ચૌધરીના ખબર-અંતર પૂછ્યા હતા અને ડૉક્ટર્સ પાસેથી તેમની સારવાર અંગેની વિગતો મેળવી હતી. આ સાથે જ હોસ્પિટલમાં હાજર રમેશભાઈના પરિવારજનો સાથે પણ અમિત શાહે ખાસ મુલાકાત કરી હતી. તેમણે પરિવારને સાંત્વના આપી હતી, અને મુશ્કેલીના આ સમયમાં પક્ષ અને તેઓ પોતે પરિવારની સાથે હોવાનો ભરોસો આપ્યો હતો. ગૃહમંત્રીની આ મુલાકાત દર્શાવે છે કે, તેઓ પક્ષના નાનામાં નાના કાર્યકરને પણ કેટલું મહત્વ આપે છે. આ પણ વાંચો - Gandhinagar News: અમિત શાહે GMCના કામોનું કર્યું લોકાર્પણ, વિપક્ષ પર આકરા પ્રહારો
Read Full Story arrow_forward