Stay informed with the latest happenings, achievements, and announcements from our community.
ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 17 મેના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો.
Read Full Story arrow_forward
કેન્દ્રીય ગૃહમંત્રી અમિત શાહ પોતાના ગુજરાત પ્રવાસ દરમિયાન પાટનગર ગાંધીનગરમાં કરોડો રૂપિયાના વિકાસકામોની ભેટ આપી છે. ગાંધીનગર મહાનગરપાલિકાના વિવિધ પ્રકલ્પોના લોકાર્પણ અને ખાતમુહૂર્ત પ્રસંગે મુખ્યમંત્રી ભૂપેન્દ્ર પટેલ અને ભાજપના અગ્રણી નેતા દર્શના વાઘેલા પણ મંચ પર ઉપસ્થિત રહ્યા હતા. આ ભવ્ય કાર્યક્રમમાં કેન્દ્રીય ગૃહમંત્રીએ વિપક્ષ કોંગ્રેસ અને આમ આદમી પાર્ટી પર રાજકીય પ્રહારો કર્યા હતા.ન ભૂપેન્દ્રભાઈ થાકે છે, ન કોર્પોરેશન થાકે છે કાર્યક્રમને સંબોધતા અમિત શાહે જણાવ્યું હતું કે, આજે પવિત્ર પુરુષોત્તમ માસનો પહેલો દિવસ છે અને આ મહિનો લોક કલ્યાણના કાર્યો માટે ઉત્તમ ગણાય છે. આજે જ કરોડોના કામોનો લાભ જનતાને મળ્યો છે. હું જ્યારે પણ ગાંધીનગર આવું છું, ત્યારે 500 થી 1000 કરોડના વિકાસકામો થાય છે. પીએમ નરેન્દ્ર મોદી સાહેબે વિકાસનો જે સિલસિલો શરૂ કર્યો હતો તે ભૂપેન્દ્રભાઈએ ચાલુ રાખ્યો છે. ના ભૂપેન્દ્રભાઈ થાકે છે કે ના કોર્પોરેશન થાકે છે. તેમણે ઉમેર્યું કે, તેઓ પોતે જાતે 12-13 વિકાસકામોનું નિરીક્ષણ કરીને આવ્યા છે. હવે પેથાપુરને નર્મદાનું પાણી મળશે, જ્યારે બગીચા, યોગ કેન્દ્ર, PHC, લાઇબ્રેરી અને રોડ રસ્તાના અનેક કામો સંપન્ન થયા છે. દૂરબીન લઈને શોધીએ તોય કોંગ્રેસ નથી દેખાતી સ્થાનિક સ્વરાજ્યની ચૂંટણીઓના પરિણામોનો ઉલ્લેખ કરતા અમિત શાહે વિપક્ષને આડેહાથ લીધો હતો. તેમણે કહ્યું કે, તાજેતરની સ્થાનિક ચૂંટણીઓમાં કોંગ્રેસના સુપડા સાફ થઈ ગયા છે. હવે દૂર સુધી દૂરબીન લઈને શોધીએ તો પણ કોંગ્રેસ દેખાતી નથી. 'આ જીતીશું ને પેલું જીતીશું' ના દાવા કરનારી આમ આદમી પાર્ટી પોતાનું ખાતું પણ ખોલી શકી નથી. તેમણે કોરોના કાળનો ઉલ્લેખ કરતા કહ્યું કે, ભાજપના કાર્યકરોએ જીવના જોખમે લોકો વચ્ચે જઈને કામ કર્યું હતું, જ્યારે વિપક્ષ ગાયબ હતો. આ જ કારણ છે કે જનતાએ તમામ મહાનગરપાલિકા, 34 માંથી 33 જિલ્લા પંચાયત અને 260 માંથી 253 તાલુકા પંચાયતોમાં ભાજપને ભવ્ય વિજય અપાવ્યો છે. રાહુલ બાબાને કોઈ આ પરિણામ બતાવો: શાહ રાહુલ ગાંધી પર સીધો પ્રહાર કરતા ગૃહમંત્રીએ જણાવ્યું હતું કે, "રાહુલ ગાંધીએ અહીં આવીને મોટા કાર્યક્રમો કર્યા હતા, પણ સાત જન્મ સુધી એમનો મેળ પડે એમ નથી. આ અમારો અહંકાર નથી, પરંતુ જનતા વચ્ચે રાત-દિવસ કામ કરનારા અમારા બૂથના કાર્યકરો પરનો વિશ્વાસ છે. રાહુલ બાબાને કોઈ આ ચૂંટણીના પરિણામો બતાવે તો સારું." બંગાળમાં ભ્રષ્ટાચાર અને કમિશન પ્રથા પર પ્રહાર પોતાના પાંચ રાજ્યોના પ્રવાસના અનુભવો વહેંચતા અમિત શાહે પશ્ચિમ બંગાળ સરકાર પર આકરા પ્રહારો કર્યા હતા. તેમણે કહ્યું કે, "હું હમણાં પાંચ રાજ્યોમાં ફરીને આવ્યો છું. બંગાળમાં ટીએમસી સરકારનો ખોળો ખાલી થઈ ગયો છે. ધોમધખતા તાપમાં પણ મોદીજીની સભાઓમાં કુંભ મેળા જેવી ભીડ ઉમટતી હતી. 1964નું ગુજરાતનું ગામડું આજના બંગાળ કરતાં બે ગણું સારું હતું. ત્યાં દરેક વસ્તુમાં સત્તાધારી પક્ષના લોકો કમિશન લે છે, બહારથી કોઈ સામાન લાવે તો રેલ્વે સ્ટેશન પર ટેક્સ ઉઘરાવવા ઊભા રહી જાય છે." તેમણે છેલ્લે ગર્વભેર જણાવ્યું કે, ઉત્તરાખંડથી લઈને બંગાળ સુધી વિપક્ષ સાફ થઈ ગયો છે અને દેશના 80% ભૌગોલિક વિસ્તારમાં ભાજપ અને NDA નું શાસન છે. કેન્દ્રમાં સતત ત્રીજીવાર નરેન્દ્રભાઈ પીએમ બન્યા છે અને આ દરેક ઐતિહાસિક વિજયનો અસલી શ્રેય બૂથ સ્તરના પાયાના કાર્યકરોને જાય છે જે પક્ષને જીવંત રાખે છે. આ પણ વાંચો - PM Modi Visit Sweden : વડાપ્રધાન મોદી પહોંચ્યા સ્વીડન, એરપોર્ટ પર પીએમ ઉલ્ફ ક્રિસ્ટરસને કર્યું ભવ્ય સ્વાગત
Read Full Story arrow_forward
સુરતના પુણા વિસ્તારમાંથી દિલ ધડકાવી દેનારી એક ઘરેલું હિંસા અને હત્યાની ઘટના સામે આવી છે. અહીં રહેતા અભિમાનચંદ્ર જોંખુલાલ પટેલ નામના શખ્સે પોતાની પત્ની રેણુને ઘરમાં જ બંધક બનાવી રાખી હતી. આરોપ છે કે અભિમાનચંદ્ર યુવતીને ધાકધમકી આપીને લગ્ન કરી સુરત લાવ્યો હતો, જ્યાં તે પત્નીને સતત રૂમમાં પૂરી રાખતો અને રોજ તેની પર અમાનુષી અત્યાચાર ગુજારી ઢોર માર મારતો હતો.શરીરે ગંભીર ઈજાઓ પહોંચાડી પત્નીને મોતને ઘાટ ઉતારી પતિના સતત શારીરિક ત્રાસ અને ક્રૂરતાના કારણે અંતે રેણુ નામની આ પરિણીત મહિલાનું કરુણ મોત નીપજ્યું હતું. ઘટના બાદ જ્યારે મહિલાનો મૃતદેહ મળી આવ્યો ત્યારે તેના આખા શરીરે કાળા-લાલ ચકામા અને ગંભીર ઈજાના અસંખ્ય નિશાનો મળી આવ્યા હતા, જે દર્શાવે છે કે તેને કેટલી ઘાતકી રીતે મોતને ઘાટ ઉતારવામાં આવી હતી. ઉત્તર પ્રદેશથી આવેલી માતાએ ફરિયાદ નોંધાવતા પતિની ધરપકડ આ દયનીય ઘટનાની જાણ થતાં જ ઉત્તર પ્રદેશથી સુરત દોડી આવેલી મૃતક રેણુની કમનસીબ માતાએ પોતાના જમાઈ અભિમાનચંદ્ર પટેલ વિરુદ્ધ પુણા પોલીસ સ્ટેશનમાં સત્તાવાર ફરિયાદ નોંધાવી હતી. માતાની ફરિયાદના આધારે પુણા પોલીસે ત્વરિત કાર્યવાહી હાથ ધરીને ગણતરીના કલાકોમાં જ આરોપી પતિની ધરપકડ કરી લીધી છે અને કાયદેસરની સઘન તપાસ શરૂ કરી છે. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward