Community News & Updates

Stay informed with the latest happenings, achievements, and announcements from our community.

All News

calendar_today May 13, 2026

Bharuch News: હાંસોટમાં ડીઝલની ભયંકર અછત, ખેડૂતોની લાંબી કતારો, સ્થિતિ વણસતા બોલાવવી પડી પોલીસ

ભરૂચ જિલ્લાના હાંસોટ તાલુકામાં ડીઝલની ભારે અછત સર્જાતા ખેડૂતો અને વાહનચાલકોની હાલત કફોડી બની છે. હાલ ખેતીમાં સિંચાઈની સિઝન ચાલી રહી હોવાથી ખેડૂતોને મશીનો ચલાવવા માટે ડીઝલની તાતી જરૂરિયાત છે, પરંતુ પેટ્રોલ પંપો પર ડીઝલનો પુરવઠો ખૂટી પડતા અફરાતફરીનો માહોલ સર્જાયો છે.ખેતીના મશીનો માટે ડીઝલ મેળવવા કતારો હાંસોટ પંથકના ખેતરોમાં પાકને પાણી આપવા માટે ખેડૂતો ડીઝલ સંચાલિત મશીનોનો ઉપયોગ કરે છે. ડીઝલ ન મળવાને કારણે પાક સુકાઈ જવાની ભીતિ ખેડૂતોમાં સેવાઈ રહી છે. હાંસોટના પેટ્રોલ પંપ પર વહેલી સવારથી જ ખેડૂતો કેન લઈને લાઈનોમાં ઉભા રહી ગયા હતા. લાંબી રાહ જોયા બાદ પણ ડીઝલ ન મળતા ખેડૂતોમાં ભારે રોષ જોવા મળ્યો હતો. પેટ્રોલપંપ સંચાલકના દાવાઓ વચ્ચે હોબાળો એક તરફ પેટ્રોલપંપ સંચાલકો પરિસ્થિતિ કાબૂમાં હોવાના અને જથ્થો ઉપલબ્ધ હોવાના ખોખલા દાવા કરી રહ્યા છે, તો બીજી તરફ જમીની હકીકત કંઈક અલગ જ જોવા મળી રહી છે. ડીઝલ મેળવવા માટે થયેલી ખેંચતાણને કારણે પંપ પર માહોલ ગરમાયો હતો. પોલીસ બોલાવવાની પડી ફરજ ડીઝલ માટે લાગેલી લાંબી લાઈનો અને લોકોના વધતા આક્રોશને કારણે સ્થિતિ વણસી હતી. મામલો વધુ ન બિચકે તે માટે અંતે પોલીસને જાણ કરવામાં આવી હતી. ઘટના સ્થળે પહોંચેલી પોલીસે ભીડને કાબૂમાં લીધી હતી અને શાંતિ જાળવવા અપીલ કરી હતી. જોકે, હજુ પણ પૂરતા પ્રમાણમાં ડીઝલનો જથ્થો ન મળતા ખેડૂતોમાં ચિંતા યથાવત છે. આ પણ વાંચો - IHRSJC દ્વારા ભરૂચ રત્ન એવોર્ડ્સ સમારોહ યોજાયો

Read Full Story arrow_forward

calendar_today May 13, 2026

Tapi : સોનગઢના ટોકરવા ગામેથી વાઘના ચામડા અને નખ સાથે 6 શખ્સો ઝડપાયા

રાજ્યમાં વન્યજીવોના અંગોની તસ્કરી કરતા શખ્સો સામે વન વિભાગે લાલ આંખ કરી છે. તાપી જિલ્લાના સોનગઢ તાલુકામાં વન વિભાગની ટીમે એક ગુપ્ત ઓપરેશન પાર પાડીને વાઘના ચામડા અને નખના જથ્થા સાથે 6 શખ્સોને રંગેહાથ ઝડપી પાડ્યા છે. આ ઘટનાને પગલે વન વિભાગના ઉચ્ચ અધિકારીઓ સોનગઢ દોડી આવ્યા છે.ટોકરવા ગામે મહાકાળી મંદિરેથી ઝડપાયા અવશેષો પ્રાપ્ત વિગતો અનુસાર, સાદડવેલ રેન્જ ફોરેસ્ટ ઓફિસર (RFO) અને સોનગઢ વન વિભાગની ટીમને બાતમી મળી હતી કે સોનગઢના ટોકરવા ગામે વન્યજીવના અવશેષોનો સોદો થવાનો છે. આ બાતમીના આધારે ટોકરવા ગામે આવેલા મહાકાળી મંદિર પાસે વન વિભાગે ઓચિંતી રેડ કરી હતી. તપાસ દરમિયાન ત્યાંથી વાઘનું ચામડું અને તેના નખ મળી આવ્યા હતા, જેની આંતરરાષ્ટ્રીય બજારમાં મોટી કિંમત હોવાનું મનાય છે.  કાયદેસરની કાર્યવાહી વન વિભાગે સ્થળ પરથી કુલ 6 આરોપીઓની ધરપકડ કરી છે. આટલી મોટી માત્રામાં વાઘના અવશેષો ક્યાંથી લાવવામાં આવ્યા અને તેનું વેચાણ કોને કરવાનું હતું તે દિશામાં તપાસ તેજ કરવામાં આવી છે. ઘટનાની ગંભીરતાને જોતા વન વિભાગના ઉચ્ચ અધિકારીઓએ સોનગઢમાં ધામો નાખ્યો છે. પકડાયેલા તમામ 6 આરોપીઓને કોર્ટમાં રજૂ કરવાની તજવીજ હાથ ધરવામાં આવી છે. વાઘ જેવા સંરક્ષિત પ્રાણીના શિકાર અને તસ્કરીના આ કેસમાં હજુ પણ મોટા ખુલાસા થવાની શક્યતા છે. આ પણ  વાંચો---    Amul દૂધના ભાવમાં પ્રતિ લિટર 2 રુપિયાનો વધારો, જાણો કાલ સવારથી અમૂલ ગોલ્ડ, તાજા અને શક્તિના નવા ભાવ

Read Full Story arrow_forward

calendar_today May 13, 2026

West Bengal: ભવાનીપુર કે નંદીગ્રામ, Suvendu Adhikariએ પોતાની બેઠક છોડવા અંગે કરી જાહેરાત

ત્યારબાદ તેમને એક બેઠક ખાલી કરવી પડી હતી. તેમણે નંદીગ્રામ બેઠક છોડી દીધી છે અને ભવાનીપુરના ધારાસભ્ય રહેશે. કઇ બેઠક છોડી ? સીએમ સુવેન્દુ અધિકારીએ વિધાનસભામાં ભવાનીપુરના ધારાસભ્ય તરીકે શપથ લીધા છે. તેમણે આ બેઠક પર પશ્ચિમ બંગાળના મુખ્યમંત્રી મમતા બેનર્જીને હરાવ્યા હતા. બંને બેઠકો જીત્યા બાદ, સુવેન્દુ અધિકારીએ કહ્યું હતું કે, તેઓ 10 દિવસમાં એક બેઠક છોડી દેશે. જોકે, તેમણે કહ્યું હતું કે પાર્ટી નક્કી કરશે કે તેઓ કઈ બેઠક રાખશે. તેમનો પોતાનો અભિપ્રાય ચોક્કસ હશે, જે તેઓ નેતૃત્વ સમક્ષ રજૂ કરશે. કેટલા મતોથી જીત મેળવી? નંદીગ્રામ બેઠક પર સુવેન્દુ અધિકારીએ ટીએમસીના પવિત્રા કરને હરાવ્યા હતા. ભાજપના ઉમેદવાર અધિકારીને દોઢ લાખ જેટલા મત મળ્યા હતા. જ્યારે ટીએમસીના ઉમેદવાર પવિત્રા કરને સવા લાખ મત મળ્યા હતા. સીપીઆઈના શાંતિ ગોપાલ ગિરી લગભગ ત્રણ હજાર મત સાથે ત્રીજા ક્રમે રહ્યા હતા. કોંગ્રેસના ઉમેદવાર શેખ જરીતુલ હુસૈન માત્ર 794 મતો સાથે પાંચમા ક્રમે રહ્યા હતા. ભવાનીપુરમાં કેટલા મત મળ્યા? 2021ની ચૂંટણીમાં ભાજપની ટિકિટ પર નંદીગ્રામમાં સુવેન્દુ અધિકારીએ મમતા બેનર્જીને હરાવ્યા. રાજ્યમાં તેમની પાર્ટીએ બહુમતી મેળવી હતી, પરંતુ તેઓ પોતે ચૂંટણી હારી ગયા. આ પછી, ભવાનીપુર બેઠક ખાલી થઈ ગઈ, અને મમતા બેનર્જીએ ચૂંટણી જીતી અને ધારાસભ્ય બન્યા. ૨૦૨૬માં, સુવેન્દુ અધિકારીએ ફરી એકવાર ચૂંટણીમાં મમતા બેનર્જીને હરાવ્યા. આ ચૂંટણીમાં સુવેન્દુને 73,917 મત મળ્યા હતા, જ્યારે મમતા બેનર્જીને 58,812 મત મળ્યા હતા. સુવેન્દુએ ભવાનીપુરમાં મમતાને 15,105 મતોથી હરાવ્યા હતા. નંદીગ્રામ બેઠક કેટલી મહત્વની? બંગાળમાં નંદીગ્રામ બેઠક મમતા બેનર્જીનો ગઢ માનવામાં આવે છે, પરંતુ છેલ્લી ચૂંટણી હાર્યા પછી, મમતા આ બેઠક પર પાછા ફર્યા નથી. સુવેન્દુ અધિકારી પણ આ બેઠકને પોતાનો ગઢ માને છે. તે તેમની રાજકીય કારકિર્દીનું કેન્દ્ર રહ્યું છે. 2007 માં, તેમણે જમીન સંપાદન કાયદા સામે આંદોલનનું નેતૃત્વ કર્યું. આ પણ વાંચોઃ  ચોમાસા પહેલા કૃષિ વૈજ્ઞાનિકોની ખેડૂતોને સલાહ, જમીનની શક્તિ વધારવા ખેતરોમાં ઊંડે સુધી કરો ખેડાણ

Read Full Story arrow_forward