Rajkot News: જામનગર રોડ પર દ્વારકાધીશ ટ્રાવેલ્સની બસે સ્કૂટરને ઉડાવ્યું, 15 વર્ષની બાળકીનું મોત
રાજકોટ શહેરના જામનગર રોડ પર મંગળવારની રાત્રે એક કાળજું કંપાવી દેનારો અકસ્માત સર્જાયો હતો. જલારામ ગાંઠિયા પાસે પૂરપાટ ઝડપે આવી રહેલી દ્વારકાધીશ ટ્રાવેલ્સની લક્ઝરી બસે એક સ્કૂટીને અડફેટે લીધી હતી. આ માર્ગ અકસ્માતમાં 15 વર્ષની બાળકીનું સારવાર દરમિયાન મોત નીપજ્યું છે, જ્યારે 10 વર્ષનો માસૂમ બાળક હાલ ICUમાં જીવન-મરણ વચ્ચે ઝોલા ખાઈ રહ્યો છે.પરિવાર પર આભ ફાટ્યું ઘટનાની મળતી વિગતો અનુસાર, એક માતા પોતાની બે દીકરીઓ સાથે સ્કૂટી પર સવાર થઈને જઈ રહ્યા હતા, ત્યારે પાછળથી આવી રહેલી ટ્રાવેલ્સની બસે તેમને જોરદાર ટક્કર મારી હતી. અકસ્માત એટલો ભયાનક હતો કે, સ્કૂટી પર સવાર બંને બાળકો ફંગોળાયા હતા. જેમાં 15 વર્ષની દીકરીને ગંભીર ઈજાઓ પહોંચતા તેને હોસ્પિટલ ખસેડાઈ હતી, જ્યાં ટૂંકી સારવાર બાદ તેણે દમ તોડ્યો હતો. નાની દીકરીના અકાળે અવસાનથી પરિવારમાં ભારે આક્રંદ જોવા મળી રહ્યો છે. ICUમાં સારવાર હેઠળ 10 વર્ષનો બાળક અકસ્માતમાં ઘવાયેલા 10 વર્ષના બાળકની હાલત પણ અત્યંત નાજુક હોવાનું જાણવા મળ્યું છે. હાલ તેને ખાનગી હોસ્પિટલના ICU વોર્ડમાં રાખવામાં આવ્યો છે. એક તરફ દીકરી ગુમાવવાનું દુઃખ અને બીજી તરફ દીકરાની ચિંતામાં પરિવાર ભાંગી પડ્યો છે. ડ્રાઈવર અકસ્માત સર્જી ફરાર આ ઘટનાનો એક ચોંકાવનારો વીડિયો પણ સોશિયલ મીડિયામાં વાયરલ થયો છે, જેમાં અકસ્માત સર્જનાર લક્ઝરી બસનો ડ્રાઈવર ઉભા રોડે ભાગતો નજરે પડે છે. લોકો તેને પકડવા પાછળ દોડ્યા હોવા છતાં તે ફરાર થઈ જવામાં સફળ રહ્યો હતો. રાજકોટ પોલીસે હાલ આ સમગ્ર મામલે ગુનો નોંધી, વાયરલ વીડિયોના આધારે ડ્રાઈવરની શોધખોળ અને આગળની કાયદેસરની તપાસ હાથ ધરી છે. આ પણ વાંચો - Rajkot : જેતપુરમાં રેગ્યુલેટર ચાલુ રહી જતા ભભૂકી આગ, મહિલા ગંભીર રીતે દાઝ્યા
Read Full Story arrow_forward
