Ahmedabad એરપોર્ટ પર કસ્ટમ્સનો સપાટો, દુબઈથી આવેલો લાખોની કિંમતનો વિદેશી સિગારેટનો જથ્થો જપ્ત
અમદાવાદના સરદાર વલ્લભભાઈ પટેલ ઈન્ટરનેશનલ એરપોર્ટ પર કસ્ટમ્સ વિભાગે દાણચોરી વિરુદ્ધ એક મોટી કાર્યવાહી કરી છે. દુબઈથી અમદાવાદ આવેલી એમિરેટ્સની ફ્લાઈટના મુસાફરો પાસેથી લાખોની કિંમતની વિદેશી સિગારેટનો જથ્થો ઝડપી પાડવામાં આવ્યો છે. કસ્ટમ્સ વિભાગને મળેલી ચોક્કસ બાતમી અને એક્સ-રે ઈમેજિંગ દરમિયાન જોવા મળેલી શંકાસ્પદ વસ્તુઓને આધારે આ ઓપરેશન પાર પાડવામાં આવ્યું હતું. 1,13,200 વિદેશી સિગારેટની સ્ટીક્સ મળી આવી મળતી માહિતી મુજબ, કસ્ટમ્સ વિભાગે એરપોર્ટ પર ઉતરેલા મુસાફરોના સામાનની સઘન તપાસ હાથ ધરી હતી. આ તપાસ દરમિયાન બેગેજમાંથી કુલ 1,13,200 વિદેશી સિગારેટની સ્ટીક્સ મળી આવી હતી, જે કુલ 566 બોક્સમાં પેક કરવામાં આવી હતી. આ જથ્થામાં પ્રખ્યાત આંતરરાષ્ટ્રીય બ્રાન્ડ્સનો સમાવેશ થાય છે, જેમાં 'મોન્ડ' (Mond) બ્રાન્ડની 56,000 સ્ટીક્સ અને 'ગુડાંગ ગરમ' (Gudang Garam) બ્રાન્ડની 57,200 સ્ટીક્સ જપ્ત કરવામાં આવી છે. એક્સ-રે મશીનની બાજ નજરથી તેઓ બચી શક્યા એમિરેટ્સની ફ્લાઈટમાં આવેલા મુસાફરોએ કસ્ટમ્સ ડ્યુટી બચાવવા અને ગેરકાયદેસર રીતે વેચાણ કરવાના ઈરાદે આ જથ્થો બેગેજમાં છુપાવ્યો હતો. જોકે, એરપોર્ટ પર અત્યાધુનિક એક્સ-રે મશીનની બાજ નજરથી તેઓ બચી શક્યા નહોતા. કસ્ટમ્સ વિભાગે હાલ તમામ મુદ્દામાલ કસ્ટમ્સ એક્ટ હેઠળ જપ્ત કર્યો છે અને આ મામલે સંડોવાયેલા મુસાફરો વિરુદ્ધ કાયદેસરની કાર્યવાહી હાથ ધરી છે. એરપોર્ટ પર આટલી મોટી માત્રામાં સિગારેટનો જથ્થો પકડાતા દાણચોરોમાં ફફડાટ વ્યાપી ગયો છે.આ પણ વાંચો---- Tamilnadu: ફ્લોર ટેસ્ટમાં વિજય સરકાર પાસ, 144 ધારાસભ્યોનો મળ્યો સાથ, વિરોધમાં 22 વોટ
Read Full Story arrow_forward
