Community News & Updates

Stay informed with the latest happenings, achievements, and announcements from our community.

All News

calendar_today May 13, 2026

Prateek Yadav Net Worth: રાજનીતિથી દૂર આ કામ કરતા હતા પ્રતિક યાદવ, કરોડોની સંપત્તિના માલિક

બુધવારે લખનૌમાં તેમણે અંતિમ શ્વાસ લીધા હતા. 38 વર્ષની ઉંમરે દુનિયાને અલવિદા કહેનારા પ્રતીક યાદવ ઘણા દિવસોથી બીમાર હતા. પ્રતીક રાજકીય પરિવારમાંથી આવતા હતા, પરંતુ તેઓ પોતે રાજકારણથી દૂર રહેતા હતા. તેમના બિઝનેસની વાત કરીએ તો તેઓ ખાસ કરીને રિયલ એસ્ટેટ ક્ષેત્રમાં સક્રિય હતા. આ ઉપરાંત તેઓ જિમ અને ફિટનેસ સેન્ટર બિઝનેસ સાથે પણ જોડાયેલા હતા. તેમની સંપત્તિ કરોડોમાં હોવાનું કહેવાય છે. પ્રતીક યાદવનો રિયલ એસ્ટેટ બિઝનેસ ઝડપથી આગળ વધી રહ્યો હતો.રિપોર્ટ અનુસાર, પ્રતીક યાદવનો રિયલ એસ્ટેટ બિઝનેસ ઝડપથી આગળ વધી રહ્યો હતો. તેમની અંદાજિત 6 થી 7 કરોડ રૂપિયાની સંપત્તિમાં મોટો હિસ્સો પ્રોપર્ટી બિઝનેસનો હતો. જોકે આ આંકડામાં ફેરફાર શક્ય હોવાનું પણ જણાવાયું છે.રિયલ એસ્ટેટ સિવાય જિમ અને ફિટનેસ સેન્ટરથી પણ તેઓ મોટી કમાણી કરતા હતા રિયલ એસ્ટેટ સિવાય જિમ અને ફિટનેસ સેન્ટરથી પણ તેઓ મોટી કમાણી કરતા હતા. લખનૌમાં તેમણે હાઈ-એન્ડ જિમ બિઝનેસ શરૂ કર્યો હતો, જે ઝડપથી લોકપ્રિય બની રહ્યો હતો. ગોમતીનગર સ્થિત Iron Core Fit Gymથી લઈને The Fitness Planet જેવા અનેક ફિટનેસ સેન્ટરોનું સંચાલન તેઓ કરતા હતા. સાથે જ તેઓ ફિટનેસ બ્રાન્ડ પ્રમોશનથી પણ આવક મેળવતા હતા.પ્રતીક યાદવને લક્ઝરી કારોનો પણ ખૂબ શોખ હતો પ્રતીક યાદવને લક્ઝરી કારોનો પણ ખૂબ શોખ હતો. તેમના કાર કલેક્શનમાં આશરે 5 કરોડ રૂપિયાની લેમ્બોર્ગિની કાર સામેલ હોવાનું કહેવાય છે. આ ઉપરાંત રેન્જ રોવર અને ટોયોટા ફોર્ચ્યુનર જેવી લક્ઝરી કારો પણ તેમની પાસે હતી. તેમને કાર રેસિંગનો પણ ખાસ શોખ હતો.આ પણ વાંચો: Petrol Diesel Crisis: PM નરેન્દ્ર મોદીએ ઉમદા ઉદાહરણ પૂરું પાડ્યું, પોતાનો કાફલો અડધો કરી દીધો

Read Full Story arrow_forward

calendar_today May 13, 2026

West Bengal: મંદિર હોય કે મસ્જિદ લાઉડ સ્પીકરનો અવાજ...શુભેન્દુ સરકારનો પોલીસને કડક આદેશ

પશ્ચિમ બંગાળ સરકારે ધાર્મિક સ્થળોએ લાઉડસ્પીકરના ઉપયોગ અંગે એક મહત્વપૂર્ણ નિર્દેશ જાહેર કર્યો છે. વહીવટી બેઠક દરમિયાન, મુખ્યમંત્રીએ પોલીસ અધિકારીઓને સ્પષ્ટપણે સૂચના આપી હતી કે કોઈપણ ધાર્મિક સ્થળે લાઉડસ્પીકરનો અવાજ નિર્ધારિત અવાજ મર્યાદાથી વધુ ન હોવો જોઈએસીએમ શુભેન્દુની લાઉડસ્પીકરના અવાજ પર નવી ગાઇડલાઇનજો કે કડક અમલીકરણ અથવા બળજબરીનો આશરો લેવાને બદલે અધિકારીઓને આ નિર્દેશનો અમલ કરવા માટે સંવાદ અને સમજાવટ પર આધારિત અભિગમ અપનાવવાની સલાહ આપવામાં આવી છે. મુખ્યમંત્રીએ અધિકારીઓને ભારપૂર્વક જણાવ્યું હતું કે ધાર્મિક સ્વતંત્રતાનો આદર જરૂરી છે, પરંતુ સામાન્ય જનતાની આરામ અને શાંતિ પણ એટલી જ મહત્વપૂર્ણ છે. તેથી, એ સુનિશ્ચિત કરવું જોઈએ કે લાઉડસ્પીકર્સમાંથી નીકળતો અવાજ સંબંધિત ધાર્મિક પરિસરની મર્યાદાની બહાર વધુ પડતા સ્તરે ન પહોંચે. મહત્વપૂર્ણ ઉજવણીઓ માટે શું કહ્યું ? બેઠક દરમિયાન, મુખ્યમંત્રીએ સ્પષ્ટતા કરી હતી કે દુર્ગા પૂજા, ઈદ અથવા અન્ય સમુદાયોના મહત્વપૂર્ણ ઉજવણી જેવા મુખ્ય તહેવારો દરમિયાન ખાસ પરિસ્થિતિઓ હોય છે. આવા કાર્યક્રમોને એક અલગ દ્રષ્ટિકોણથી જોવામાં આવશે. જો કે, મોટા અવાજવાળા લાઉડસ્પીકરના દૈનિક ઉપયોગ આસપાસના વિસ્તારમાં રહેતા લોકોને અસુવિધા પહોંચાડે છે. તેમણે નોંધ્યું હતું કે ઉચ્ચ અવાજમાં સતત ધાર્મિક પ્રસારણ વિદ્યાર્થીઓ, વૃદ્ધો અને કાર્યકારી વ્યાવસાયિકો માટે મુશ્કેલીઓ ઊભી કરે છે. પરિણામે, સ્થાનિક વહીવટીતંત્ર અને પોલીસે આ મુદ્દાને સંવેદનશીલતાથી સંભાળવો જોઈએ. પોલીસને જાહેર કરાયા ચોક્કસ નિર્દેશોમુખ્યમંત્રીએ પોલીસ વહીવટીતંત્રને નિર્દેશ આપ્યો કે જો કોઈપણ ધાર્મિક સ્થળ પરથી અવાજનું સ્તર નિર્ધારિત મર્યાદા કરતાં વધી જાય, તો તેઓએ સંબંધિત સંસ્થા અથવા વ્યક્તિઓ સાથે વાતચીત શરૂ કરવી જોઈએ. પોલીસને કડક સૂચના આપવામાં આવી છે કે કોઈ પણ સંજોગોમાં બળપ્રયોગ, તણાવ અથવા સંઘર્ષ જેવી પરિસ્થિતિ ઊભી ન થાય. સરકારનું પ્રાથમિક ધ્યાન સમજાવટ અને પરસ્પર સમજણ પર આધારિત ઉકેલલક્ષી મોડેલ પર રહેશે. અધિકારીઓને વધુમાં સૂચના આપવામાં આવી હતી કે ધાર્મિક લાગણીઓનું સન્માન કરવા માટે ખૂબ કાળજી રાખીને ધ્વનિ પ્રદૂષણ સંબંધિત નિયમોનું પાલન સુનિશ્ચિત કરે. ધ્વનિ પ્રદૂષણ અંગે વધતી ચિંતારાજ્ય સરકારનો આ નિર્દેશ એવા સમયે આવ્યો છે જ્યારે વિવિધ શહેરો અને નગરોમાં ધ્વનિ પ્રદૂષણ અંગેની ફરિયાદો સતત વધી રહી છે. ખાસ કરીને, સ્થાનિક રહેવાસીઓએ વહેલી સવારના કલાકો અને મોડી રાત્રે ઊંચા અવાજે વગાડવામાં આવતા લાઉડસ્પીકરો અંગે વારંવાર પોતાની ફરિયાદો વ્યક્ત કરી છે. સરકાર માને છે કે આ સંવેદનશીલ મુદ્દાને સંવાદ અને સમુદાય સહયોગ દ્વારા ઉકેલી શકાય છે, જેનાથી ધાર્મિક પ્રવૃત્તિઓ અવિરત ચાલુ રહી શકે છે અને સાથે સાથે સામાન્ય જનતાને રાહત પણ મળી શકે છે.આ પણ વાંચો- Tamilnadu: 15 દિવસની અંદર દારૂની દુકાનો...CM બનતા જ થલાપતિ વિજયનો મોટો નિર્ણય

Read Full Story arrow_forward

calendar_today May 13, 2026

Gujarat News: CM અને DyCMએ કાફલામાં ઘટાડો કર્યો, રાજ્યપાલ બસ કે ટ્રેનમાં પ્રવાસ કરશે

અમેરિકા અને ઈરાન વચ્ચે ચાલી રહેલા સંઘર્ષમાં હોર્મુઝ સ્ટ્રેટમાં ઈંધણ ભરેલા જહાજોની અવરજવર પર અસર થવા પામી છે. જેને લઈને ઈંધણની અછત સર્જાય તેવા સંજોગો છે. ત્યારે વડાપ્રધાન મોદીએ પેટ્રોલ અને ડીઝલના ઉપયોગ પર કાપ મુકવા માટે અપીલ કરી છે. વડાપ્રધાનની આ અપીલને લઈને ગુજરાતમાં અમલ પણ શરૂ થયો છે. રાજ્યપાલ આચાર્ય દેવવ્રત પોતાના કાફલાનો ઉપયોગ નહીં કરે. તેઓ બસ કે ટ્રેનમાં મુસાફરી કરશે. જ્યારે મુખ્યમંત્રી ભૂપેન્દ્ર પટેલે પણ પોતાના કાફલામાંથી ચાર ગાડીઓ હટાવવાનો નિર્ણય લીધો છે. મુખ્યમંત્રી અને નાયબ મુખ્યમંત્રીએ કાફલો ઘટાડ્યો વડાપ્રધાને કરેલી પેટ્રોલ અને ડીઝલ બચાવવાની અપીલનો ગુજરાતમાં અમલ શરૂ થયો છે. રાજ્યપાલ આચાર્ય દેવવ્રત હવે પોતાના કાફલાનો ઉપયોગ નહીં કરે. તેઓ બસ કે ટ્રેનમાં જ મુસાફરી કરશે. જ્યારે મુખ્યમંત્રી ભૂપેન્દ્ર પટેલે પોતાના કાફલામાંથી ચાર ગાડી હટાવવાનો નિર્ણય લીધો છે. હવે મુખ્યમંત્રીના કાફલામાં માત્ર ત્રણ જ ગાડીઓ રહેશે. આ ઉપરાંત તેઓ જે તે જિલ્લાના પ્રવાસ દરમિયાન સ્થાનિક કક્ષાએથી મળતા કાફલાને પણ નહીં સ્વીકારે. આજે સવારે તેમણે પોતાના નિવાસ સ્થાનેથી નિકળતા જ આ નિર્ણયનો અમલ શરૂ કર્યો છે. ગૃહ વિભાગની બેઠકો પણ વર્ચ્યુઅલી કરવા આગ્રહ બીજી તરફ નાયબ મુખ્યમંત્રી હર્ષ સંઘવીએ પણ પોતાનો અમેરિકા પ્રવાસ રદ કર્યો છે. તેઓ પોતાના કાફલામાં પણ ત્રણ કાર રાખશે. ગૃહ વિભાગની બેઠકો પણ વર્ચ્યુઅલી કરવા આગ્રહ કરાયો છે. હવે ગાંધીનગર બહારના અધિકારીઓને રૂબરૂ નહીં બોલાવાય.આવા અધિકારીઓ વર્ચ્યુલી જોડાશે. કેન્દ્રીય મંત્રી સી.આર પાટીલ પણ સુરક્ષા માટેની પાયલોટિંગ કાર નહીં વાપરે, પ્રફુલ પાનસેરિયા, કાંતિ અમૃતિયાએ પણ કરી પહેલ,પાયલોટિંગ કાર ન વાપરી ઈંધણ બચાવવા કરી પહેલ,ગુજરાતની કેટલીક યુનિવર્સિટીઓમાં કારપુલિંગનો નિર્ણય લેવાયો છે. આ પણ વાંચોઃ Kutchના નલિયામાં પેટ્રોલ-ડીઝલ માટે હાડમારી, હાઈવે સુધી વાહનોની લાંબી લાઈનો અને ટ્રાફિકજામ

Read Full Story arrow_forward