Madhya Pradesh : કૂનો નેશનલ પાર્કમાં ચિત્તાના 4 બચ્ચા મૃત હાલતમાં મળી આવ્યા
મધ્યપ્રદેશના શ્યોપુર સ્થિત કૂનો નેશનલ પાર્કમાંથી ફરી એક વખત દુઃખદ સમાચાર સામે આવ્યા છે. પાર્કના જંગલ વિસ્તારમાં જન્મેલા માદા ચિત્તા KGP12ના ચારેય બચ્ચાં મૃત હાલતમાં મળી આવ્યા છે. 12 મે 2026ની સવારે મોનિટરિંગ ટીમ શ્યોપુર ટેરિટોરિયલ ડિવિઝન વિસ્તારમાં પહોંચી ત્યારે ચિત્તાના બચ્ચાના મૃતદેહ તેની માંદ નજીક જોવા મળ્યા હતા.કૂનો નેશનલ પાર્કના સંચાલન અનુસાર, બચ્ચાંના મૃતદેહ આંશિક રીતે ખવાયેલા હાલતમાં મળ્યા છે. આ ચારેય બચ્ચાંનો જન્મ 11 એપ્રિલ 2026ના રોજ થયો હતો અને તેઓ માત્ર એક મહિનાના હતા. મોનિટરિંગ ટીમે તેમને છેલ્લે 11 મેની સાંજે જીવિત જોયા હતા. પ્રાથમિક તપાસમાં આશંકા વ્યક્ત કરવામાં આવી રહી છે કે કોઈ અન્ય જંગલી પ્રાણીએ આ બચ્ચાંનો શિકાર કર્યો હોય શકે છે. વન વિભાગ દ્વારા સઘન દેખરેખ જોકે મોતનું સાચું કારણ પોસ્ટમોર્ટમ રિપોર્ટ બાદ જ સ્પષ્ટ થશે. હાલ વન વિભાગ દ્વારા સમગ્ર વિસ્તારની સઘન દેખરેખ રાખવામાં આવી રહી છે. રાહતની વાત એ છે કે માદા ચીતા KGP12 સંપૂર્ણપણે સુરક્ષિત અને સ્વસ્થ છે. અધિકારીઓએ જણાવ્યું કે પાર્કમાં રહેલા અન્ય તમામ ચિત્તાઓ પણ હાલ સ્વસ્થ છે. ફીલ્ડ ડિરેક્ટરે આપેલી માહિતી મુજબ, આ ઘટનાના બાદ હવે કૂનો નેશનલ પાર્કમાં કુલ 50 ચિત્તા બચ્યા છે, જેમાંથી 33 ચિત્તાઓનો જન્મ ભારતમાં થયો છે. ઉપરાંત ગાંધી સાગર અભયારણ્યમાં 3 ચિત્તાઓ છે. આ પ્રમાણે દેશમાં હાલ ચિત્તાઓની કુલ સંખ્યા 53 થઈ છે. આ પણ વાંચો : Iranના વિદેશ પ્રધાન અબ્બાસ અરાઘચી ભારતની મુલાકાતે, 18મી BRICS સમિટ માટે રિહર્સલ કરાઇ શરુ
Read Full Story arrow_forward
