Community News & Updates

Stay informed with the latest happenings, achievements, and announcements from our community.

All News

calendar_today May 11, 2026

PM Modi Gold Appeal : ભારતીયો ખરેખર 1 વર્ષ સુધી સોનું ના ખરીદે તો અર્થતંત્રને ફટકો કે લાભ, જાણો શું થશે અસર

વૈશ્વિક સ્તરે ચાલતા યુદ્ધની હવે ભારત પર પણ અસર દેખાવાની શરૂઆત થઈ છે. વડા પ્રધાન નરેન્દ્ર મોદીએ રવિવારના રોજો ભારતીયોને 1 વર્ષ સુધી સોનું ના ખરીદવાની સલાહ આપી હતી. વૈશ્વિક પરિસ્થિતિનો હવાલો આપીને સોનું ખરીદવા ઉપરાંત દૈનિક ખર્ચ ઘડાટવા, ઓનલાઈન કામગીરીને પ્રોત્સાહન સહિતની ભારતીયોને ભાવનાત્મક અપીલ કરી હતી. તેમણે નાગરિકોને આગામી વર્ષ સુધી સોનું ખરીદવાથી દૂર રહેવાની અપીલ કરી હતી. પરંતુ શું આમ કરવાનાથી ભારત સરકારને ફાયદો થશે? ખરેખર ભારતીયો 1 વર્ષ સુધી સોનું ના ખરીદે તો ભારત પર શું અસર થશે તે સમજીએ.ભારતીયો 1 વર્ષ સોનું ના ખરીદે તો શું અસર થશે જાણોહકીકતમાં, ભારત વિશ્વમાં સોનાનો બીજો સૌથી મોટો ગ્રાહક દેશ છે. સરકારી આંકડા અનુસાર, ભારત વાર્ષિક આશરે 750 ટન સોનાની આયાત કરે છે .નોંધનીય છે કે નાણાકીય વર્ષ 2025-26 દરમિયાન 721 ટન, 2024-25માં આશરે 757 ટન અને 2023-24માં ભારતે આશરે 744 ટન સોનાની આયાત કરી હતી. આ આંકડા બતાવે છે કે અગાઉના વર્ષ કરતાં આ વર્ષમાં સોનાની ખરીદી ઘટી છે. જે વધતા ભાવની અસર બતાવે છે.જો ભારતીયો 1 વર્ષ સુધી સોનાની ખરીદી ના કરે તો લંડન અને ન્યુ યોર્ક જેવા આંતરરાષ્ટ્રીય બજારોમાં માંગમાં તીવ્ર ઘટાડો જોવા મળી શકે છે, જેના કારણે વૈશ્વિક ભાવમાં ઘટાડો થવાની સંભાવના છે. ભારતમાં ખરીદીમાં ઘટાડો થવાથી સ્થાનિક ઝવેરીઓ અને વેપારીઓ પર દબાણ ઓછું થવાની શક્યતા છે. આ ઘટતી માંગને કારણે સ્થાનિક સોનાના ભાવ વર્તમાન સ્તરની તુલનામાં ઓછા થઈ શકે છે. સોનાની ખરીદીમાં નોંધપાત્ર ઘટાડો થવાથી વિદેશી હૂંડિયામણના ભંડારમાં અબજો ડોલરની બચત થઈ શકે છે, જેનાથી દેશના અર્થતંત્ર પર દબાણ ઓછું થઈ શકે છે. સોનાની આયાત માટે યુએસ ડોલરમાં મોટી ચુકવણીની જરૂર પડે છે, તેથી આયાતમાં ઘટાડો ડોલરની માંગમાં ઘટાડો કરશે. આનાથી ભારતીય રૂપિયો મજબૂત થઈ શકે છે. પરિણામે, ક્રૂડ તેલ, પેટ્રોલ અને ડીઝલ જેવી અન્ય આયાતો પણ સસ્તી થશે. સોનાની આયાતમાં ઘટાડો થવાથી દેશના આયાત બિલમાં ઘટાડો થશે. આનાથી અનિશ્ચિત વૈશ્વિક આર્થિક પરિસ્થિતિઓ દરમિયાન ભારતની ચાલુ ખાતાની ખાધ અને નાણાકીય સ્થિરતામાં સુધારો કરવામાં મદદ મળશે. ભારતીયો 1 વર્ષ સુધી સોનું ના ખરીદે તો બચતનો મોટો ભાગ બેંક ડિપોઝિટ, મ્યુચ્યુઅલ ફંડ, શેરબજાર અને વ્યવસાયોમાં ટ્રાન્સફર થઈ શકે છે. આનાથી અર્થતંત્ર માટે પ્રવાહિતા અને વૃદ્ધિની તકો મળી શકે છે. કારણ કે સોનુ ખરીદીને લોકો લોકર અથવા તિજોરીમાં મૂકે છે, જયારે આ વિકલ્પો નાણાની પ્રવાહિતાને આગળ ધપાવે છે. 1 વર્ષ સુધી સોનુ ના ખરીદવાથી અર્થતંત્રમાં સકારાત્મકતા દેખાશે.ભારત કયાંથી અને કેમ સોનું ખરીદે છે ભારતીયોમાં હંમેશા સોના પ્રત્યે ભારે ક્રેઝ જોવા મળ્યો છે. સોનાના દાગીના હોય કે પછી સોનાની લગડી. એવું માનવામાં આવે છે કે સોનુ તમારા સંકટ સમયનો સાથી છે. લોકો મુખ્યત્વે ઘરેણાં અને રોકાણ હેતુ માટે સોનું ખરીદતા હોય છે. સ્વિટ્ઝર્લૅન્ડમાંથી ભારત સૌથી વધુ સોનાની આયાત કરે છે. જે તેની કુલ આયાતના આશરે 40 ટકા છે, ત્યારબાદ યુએઈ અને દક્ષિણ આફ્રિકાનો ક્રમ આવે છે. વિદેશીથી વધુ પ્રમાણમાં આયાત કરવાનું કારણ ભારતમાં સોનાનું ખાણકામ ખૂબ જ મર્યાદિત છે, તેથી માંગ પૂરી કરવા માટે તે આયાત પર આધાર રાખે છે. આમ, જો ભારતીયો 1 વર્ષ સુધી સોનાની ખરીદી બંધ કરે અથવા ઓછી કરે તો સરકારી ખર્ચ ઘટશે અને તિજોરી ભરાશે.આ પણ વાંચો : 

Read Full Story arrow_forward

calendar_today May 11, 2026

PM Modi Appeal પહેલા 70 દેશોએ અપનાવી WFH નીતિ, વીજળી બચાવવા AC પર પણ કંટ્રોલ

 ઈરાનમાં ચાલી રહેલા સંઘર્ષને કારણે, તેલ પુરવઠા માટે એક મહત્વપૂર્ણ વૈશ્વિક કોરિડોર - હોર્મુઝ સ્ટ્રેટમાં જહાજોની અવરજવર અટકી ગઈ છે. પરિણામે વૈશ્વિક તેલ સંકટ ઉભરી રહ્યું છે. પાકિસ્તાન અને શ્રીલંકા સહિત ઘણા પડોશી રાષ્ટ્રોએ માર્ચમાં જ ઇંધણની અછતને નિયંત્રણની બહાર ન વધે તે માટે વિવિધ પ્રતિબંધો લાદી દીધા હતા.હોર્મુઝ બંધ રહેતા આ દેશોએ લાગુ કરી નવી નીતિઓમળતી માહિતી અનુસાર  વિશ્વભરના 70 દેશોએ આવી નીતિ અપનાવી છે. આ દેશોમાં પાકિસ્તાન, શ્રીલંકા, વિયેતનામ જેવા પડોશી દેશોનો સમાવેશ થાય છે. વધુમાં, ઇન્ડોનેશિયા અને ફિલિપાઇન્સે પણ સમાન નીતિઓ લાગુ કરી છે. ઇટાલી, સ્પેન અને જર્મની પણ આ પગલાં અપનાવનારા દેશોમાં સામેલ છે.કુલ 70 દેશોએ લાગુ કરી કડક નીતિઓચીન અને જાપાન જેવા દેશોમાં પણ આ નીતિ આંશિક રીતે લાગુ કરવામાં આવી છે. પ્રાથમિક ઉદ્દેશ્ય આવશ્યક સેવાઓ અને મહત્વપૂર્ણ કામગીરી માટે પેટ્રોલિયમની સતત ઉપલબ્ધતા સુનિશ્ચિત કરવાનો છે, જેનાથી કોઈપણ સંભવિત કટોકટી ટાળી શકાય. ઇન્ટરનેશનલ એનર્જી એજન્સી (IEA) ટ્રેકર મુજબ, આજ સુધી કુલ 70 દેશોએ આવી નીતિઓ લાગુ કરી છે. આ યાદીમાં એશિયાની બહાર સ્થિત દેશો, જેમ કે મેક્સિકો, કેનેડા અને ઓસ્ટ્રેલિયાનો સમાવેશ થાય છે. જ્યારે આ દેશોએ જાહેર જાગૃતિ લાવવા માટે વિવિધ પહેલો હાથ ધરી છે, ત્યારે વહીવટી સ્તરે પણ સમાંતર પ્રયાસો શરૂ કરવામાં આવ્યા છે. એસી માટે પણ નીતિ અમલમાં જનજાગૃતિ વધારવાના વ્યાપક પ્રયાસના ભાગ રૂપે, "ઘરેથી કામ કરો" નીતિ લાગુ કરવામાં આવી છે. વધુમાં એર કન્ડીશનીંગ સિસ્ટમ માટે ચોક્કસ તાપમાન મર્યાદા ફરજિયાત કરવામાં આવી છે. બાળકો માટે ઓનલાઈન વર્ગો ચલાવવા અને જાહેર પરિવહનને પ્રોત્સાહન આપવા જેવા પગલાં લાગુ કરવામાં આવ્યા છે. કેટલાક દેશોએ ખાનગી વાહનોનો ઉપયોગ ઘટાડવા માટે કડક નીતિઓ રજૂ કરી છે.  સરકારી સ્તરે, સત્તાવાર પ્રવાસોમાં ઘટાડો કરવામાં આવ્યો છે. બળતણના ભાવ નિયંત્રિત કરવામાં આવ્યા છે, અને ઊર્જા કર ઘટાડવામાં આવ્યા છે. પરિણામે, કિંમતોને ચોક્કસ મર્યાદાથી આગળ વધતા અટકાવવામાં આવ્યા છે. બીજી તરફ જાહેર જાગૃતિ વધારવાના પ્રયાસો ચાલી રહ્યા છે, અને બળતણ સંરક્ષણને સરળ બનાવવા માટે કાર્ય સંસ્કૃતિમાં ફેરફારો રજૂ કરવામાં આવી રહ્યા છે.પીએમ મોદીએ પણ કરી અપીલપીએમ મોદીએ હૈદરાબાદમાં આયોજિત એક જાહેરસભામાં વર્ક ફ્રોમ હોમની અપીલ કરી હતી. આ ઉપરાંત, પીએમ મોદીએ કુલ 10 અપીલો કરી હતી. જેમાં સોનું ખરીદવાનું ટાળવું, વિદેશ પ્રવાસ ટાળવો અને કુદરતી ખેતીને પ્રોત્સાહન આપવું શામેલ છે. મુખ્યત્વે, તેમણે પેટ્રોલ ડીઝલનો સંયમથી ઉપયોગ કરવા પર ભાર આપ્યો હતો.  આ પણ વાંચો- Shani Amavasya 2026: 16મેએ શનિનું મહાગોચર, 5 રાશિની તિજોરી ભરાશે એ નક્કી !

Read Full Story arrow_forward

calendar_today May 11, 2026

PM Modi Appeal: એક વર્ષ સુધી ગોલ્ડ કેમ નહીં ખરીદવાનું? આ રહ્યું PM Modiનું 72 બિલિયન ડોલરનું ફોરેક્સ લોજિક

10 મે, 2026ના રોજ હૈદરાબાદમાં એક રેલી દરમિયાન PM નરેન્દ્ર મોદીએ રાષ્ટ્રને કેટલીક અપીલો કરી હતી - એવી અપીલ જે આજ સુધી કોઈ વડા પ્રધાને ક્યારેય કરી નથી. તેમણે કહ્યું કે દેશભક્તિનો અર્થ ફક્ત પોતાના જીવનનું બલિદાન આપવું જ નહીં, પણ પડકારજનક સમયમાં જવાબદારીપૂર્વક જીવવું પણ છે. PMએ જનતાને એક વર્ષ સુધી સોનું ખરીદવાથી દૂર રહેવાની અપીલ કરી. ચાલો આ અપીલ પાછળના કારણો, તેનું મહત્વ અને ભારત સોનાની આયાત પર કેટલો ખર્ચ કરે છે તે જાણીએ.  એક વર્ષ માટે સોનું ખરીદવાથી દૂર રહેવાની અપીલPM મોદીએ એક વર્ષ સુધી સોનું ખરીદવાથી દૂર રહેવાની અપીલ વ્યાપક ચર્ચાનો વિષય બની છે. આ અપીલ ઈરાન સાથે ચાલી રહેલા સંઘર્ષ, ક્રૂડ ઓઇલના ભાવમાં વધારો અને રૂપિયાના નબળા પડવાની પૃષ્ઠભૂમિ સામે આવી છે. પ્રશ્ન એ ઊભો થાય છે કે જો જનતા એક વર્ષ માટે સોનું ખરીદવાનું બંધ કરે તો ભારતના વિદેશી હૂંડિયામણને શું ફાયદો થશે?આંકડા શું કહે છે?ટ્રેડિંગ ઇકોનોમિક્સના ડેટા અનુસાર ભારતનો વિદેશી હૂંડિયામણ (Foreign exchange) અનામત આશરે $690.69 બિલિયન છે. RBI ના આંકડા દર્શાવે છે કે ફેબ્રુઆરીમાં, ભારતનો વિદેશી હૂંડિયામણ (Foreign exchange) અનામત $728 બિલિયન સુધી પહોંચી ગયો હતો. જોકે વધતી જતી વૈશ્વિક અનિશ્ચિતતાને કારણે, એપ્રિલ સુધીમાં આ અનામત ઘટીને આશરે $691 બિલિયન થઈ ગઈ. આંતરરાષ્ટ્રીય નાણાકીય ભંડોળ (IMF) ના અંદાજ મુજબ, ભારતની ચાલુ ખાતાની ખાધ 2026 માં $84.5 બિલિયન સુધી વધી શકે છે. આ GDP ના આશરે 2 ટકાનું પ્રતિનિધિત્વ કરે છે. વધતી જતી ચાલુ ખાતાની ખાધનો અર્થ એ છે કે દેશમાંથી બહાર જતા ડોલરનું પ્રમાણ તેમાં વહેતા ડોલરના જથ્થા કરતાં વધી જશે. સોનાની આયાતમાં ભારત બીજા ક્રમેભારત સોનાનો વિશ્વનો બીજો સૌથી મોટો ખરીદનાર દેશ છે. દેશમાં વાર્ષિક આશરે 700-800 ટન સોનાનો વપરાશ થાય છે, જ્યારે સ્થાનિક સોનાનું ઉત્પાદન ફક્ત 1 થી 2 ટન જેટલું થાય છે. આનો અર્થ એ થયો કે ભારત તેની સોનાની જરૂરિયાતોના લગભગ 90 ટકાને પૂર્ણ કરવા માટે આયાત પર આધાર રાખે છે. સોનાની ચુકવણી યુએસ ડોલરમાં થાય છે. નાણાકીય વર્ષ 2025-26 ના આંકડાઓ પર નજર કરીએ તો, ભારતની સોનાની આયાત $72 બિલિયન સુધી પહોંચી ગઈ છે - જે નાણાકીય વર્ષ 2025 માં નોંધાયેલા $58 બિલિયનની તુલનામાં 24 ટકાનો વધારો છે. લોકો એક વર્ષ માટે સોનું ખરીદવાનું ટાળે તો શું થાય ? તેનાથી વિપરીત, જો ભારતીયો એક વર્ષ માટે તેમની સોનાની ખરીદી ઘટાડી દે - જેના પરિણામે સોનાની આયાતમાં 30 થી 40 ટકાનો ઘટાડો થાય  તો તે $20-25 બિલિયનની બચત તરફ દોરી શકે છે. જો સોનાની આયાતમાં 50 ટકાનો ઘટાડો થાય, તો સંભવિત બચત $36 બિલિયન થઈ શકે છે. આ આંકડો ચાલુ ખાતાની ખાધનો લગભગ અડધો ભાગ દર્શાવે છે. સરળ શબ્દોમાં કહીએ તો, એક વર્ષ માટે સોનાની ખરીદીથી દૂર રહેવાથી ભારતના ડોલરના પ્રવાહમાં અબજો ડોલરનો સીધો ઘટાડો થઈ શકે છે.

Read Full Story arrow_forward