Community News & Updates

Stay informed with the latest happenings, achievements, and announcements from our community.

All News

calendar_today September 10, 2026

Vav-Tharad News: અપહરણના ગુનામાં અટકાયત કરાયેલા યુવકે સુઈગામ પોલીસ મથકમાં જ ખાધો ગળેફાંસો

વાવ-થરાદ વિસ્તારના સુઈગામ પોલીસ સ્ટેશનમાં કસ્ટોડિયલ ડેથની ગંભીર ઘટના સામે આવી છે. અપહરણના એક ગુનાની તપાસ સંદર્ભે અટકાયતમાં લેવામાં આવેલા રાતા પરમાર નામના વ્યક્તિએ પોલીસ સ્ટેશનના પરિસરમાં જ ગળેફાંસો લગાવીને આપઘાત કરી લીધો હતો. પોલીસ મથકની અંદર જ અટકાયતી વ્યક્તિએ જીવન ટૂંકાવી લેતા પોલીસ તંત્રની સુરક્ષા અને બેદરકારી સામે ગંભીર સવાલો ઊભા થયા છે અને સમગ્ર વિભાગમાં ભારે દોડધામ મચી ગઈ છે.પરિવારજનો અને સમાજના ટોળાં ઉમટ્યાઘટનાની જાણ થતાં જ મૃતકના પરિવારજનો અને સ્થાનિક સમાજના લોકોના મોટા ટોળાં સુઈગામ પોલીસ મથકે ઉમટી પડ્યા હતા અને આક્રોશ વ્યક્ત કર્યો હતો. સ્થિતિની ગંભીરતાને ધ્યાને રાખીને પ્રાંત અધિકારી (SDM) સહિત પોલીસ વિભાગના ઉચ્ચ અધિકારીઓ તાત્કાલિક ઘટનાસ્થળે દોડી આવ્યા હતા. તણાવપૂર્ણ માહોલ વચ્ચે અધિકારીઓએ સ્થિતિ થાળે પાડવાના પ્રયાસો હાથ ધર્યા હતા.NHRC ની ગાઈડલાઈન મુજબ તપાસકસ્ટોડિયલ ડેથની ઘટના હોવાથી નેશનલ હ્યુમન રાઇટ્સ કમિશન (NHRC)ની ગાઈડલાઈન મુજબ તાત્કાલિક કાર્યવાહી હાથ ધરવામાં આવી છે. જિલ્લા કલેક્ટર અને SDMને લેખિત જાણ કરી ઘટનાસ્થળે પંચનામું કરવામાં આવ્યું હતું. કાયદાકીય જોગવાઈ મુજબ જ્યુડિશિયલ મેજિસ્ટ્રેટ દ્વારા આ મામલે તપાસ શરૂ કરી દેવાઈ છે. મૃતદેહને વીડિયોગ્રાફી સાથે પેનલ ડોક્ટરો દ્વારા પોસ્ટમોર્ટમ (PM) કરવા માટે ધારપુર હોસ્પિટલ ખાતે મોકલવામાં આવ્યો છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today September 10, 2026

Gujarat Assembly: સંત રવિદાસ મહારાજની 650મી જન્મજયંતિ નિમિત્તે મુખ્યમંત્રીએ 231 કરોડની સહાય અને 230 પ્રકલ્પો ઘોષિત કર્યા

આજે ગુજરાત વિધાનસભામાં રાજ્યની જનતા માટે એક મહત્વપૂર્ણ અને ઐતિહાસિક રજૂઆત કરવામાં આવી હતી. સંત શિરોમણી રવિદાસ મહારાજની 650મી જન્મજયંતિની ઉજવણીનો શુભારંભ ગુરુ પૂર્ણિમાના પવિત્ર દિવસથી કરવામાં આવ્યો છે. આ પ્રસંગે મુખ્યમંત્રી દ્વારા સામાજિક સમરસતા અને જનકલ્યાણ માટે રૂ. 231 કરોડની વિશેષ સહાયની જાહેરાત કરવામાં આવી છે.કર્મથી ઓળખ અને સમરસતાનો સંદેશસંત શિરોમણી રવિદાસે સમાજમાં સમાનતા અને સમરસતા માટે આજીવન કામ કર્યું હતું. માણસ તેના જન્મથી નહીં પરંતુ તેના કર્મથી ઓળખાય છે – આ વિચારને ચરિતાર્થ કરવા માટે સરકારે અનેક વિઝન રજૂ કર્યા છે. સંત રોહિદાસ અને બાબાસાહેબ આંબેડકરના સમરસ સમાજના સપનાને પૂર્ણ કરવા માટે વડાપ્રધાનના નેતૃત્વ હેઠળ સેવાના અનેક પ્રકલ્પો પૂર્ણ કરવામાં આવી રહ્યા છે.230 સૂચિત પ્રકલ્પો અને હોસ્ટેલનું નિર્માણસરકાર દ્વારા આ ઉજવણીના ભાગરૂપે કુલ 230 સૂચિત પ્રકલ્પોની જાહેરાત કરવામાં આવી છે. આ ઉપરાંત, ઉચ્ચ શિક્ષણ મેળવતા કોલેજના વિદ્યાર્થીઓની સુવિધા માટે રૂ. 50 કરોડના ખર્ચે આધુનિક હોસ્ટેલનું નિર્માણ કરવામાં આવશે.સંતોની કુટીરનું નવીનીકરણજેમ ભૂતકાળમાં મહાત્મા ગાંધીની યાદમાં મહાત્મા મંદિરનું નિર્માણ કરવામાં આવ્યું હતું, તે જ રીતે અનુસૂચિત જાતિના વિવિધ મહાન સંતોના સ્મૃતિ સ્થળો અને તેમની કુટીરોનું નવીનીકરણ તેમજ જીર્ણોદ્ધાર કરવામાં આવશે. આ નિર્ણયથી સામાજિક એકતા અને સાંસ્કૃતિક વારસાને વધુ મજબૂતી મળશે.આ પણ વાંચો: Gujarat Assembly session Live: વંદે માતરમ વિવાદ પર તુષાર ચૌધરીનું નિવેદન, ઇમરાન ખેડાવાલાએ દિલગીરી વ્યક્ત કરી

Read Full Story arrow_forward

calendar_today September 10, 2026

Botad : 1 કરોડના કથિત ‘તોડકાંડ’ની તપાસ સ્થાનિક અધિકારીને સોંપાઇ, હવે તપાસ જ શંકાના ઘેરામાં, SITની માંગથી ખળભળાટ

બોટાદમાં કથિત રૂ.1 કરોડના ‘તોડકાંડ’ મામલે તપાસ સોંપાયા બાદ હવે તપાસની નિષ્પક્ષતા સામે જ સવાલો ઊભા થયા છે. કોળી સમાજના આગેવાનો દ્વારા કથિત તોડકાંડ સ્થાનિક સ્તરે થયો હોવાના આક્ષેપો વચ્ચે તપાસ પણ સ્થાનિક અધિકારીને સોંપાતા સમાજમાં અસંતોષ જોવા મળી રહ્યો છે. સમગ્ર મામલે SITની રચના અથવા બાહોશ અધિકારીને તપાસ સોંપવાની માંગ કરવામાં આવી છે.SPએ તપાસ સોંપી, પણ હવે ઉઠ્યો મોટો સવાલકથિત એક કરોડ રૂપિયાના તોડકાંડ મામલે બોટાદના SP દ્વારા DySP મહર્ષિ રાવલને તપાસ સોંપવામાં આવી છે. જોકે, શ્રી જય માંધાતા ગ્રૂપ બોટાદ જિલ્લાના પ્રમુખ મયુરભાઈ જમોડે તપાસની પ્રક્રિયા સામે પ્રશ્નો ઉઠાવ્યા છે.તપાસની તટસ્થતા અંગે પ્રશ્નોતેમના જણાવ્યા મુજબ, જો ઘટના સ્થાનિક સ્તરે બની હોવાના આક્ષેપો છે અને તેની તપાસ પણ સ્થાનિક અધિકારી કરશે, તો તપાસની તટસ્થતા અંગે પ્રશ્નો ઊભા થવા સ્વાભાવિક છે.સરકાર સમક્ષ નામોની રજૂઆત, SITની પણ માંગસમાજના આગેવાનો દ્વારા મુખ્યમંત્રી અને નાયબ મુખ્યમંત્રી સમક્ષ રજૂઆત કરવામાં આવી હોવાનું જણાવાયું છે. સમગ્ર મામલાની તપાસ માટે ગગનદીપ ગંભીર, નિર્લિપ્ત રાય અથવા પ્રેમસુખ ડેલુ જેવા બાહોશ અધિકારીને તપાસ સોંપવાની માંગ કરવામાં આવી છે. સાથે જ મામલાની નિષ્પક્ષ તપાસ માટે SITની રચના કરવાની પણ માંગ ઉઠી છે.રૂ.1 કરોડ કે આંકડો આનાથી પણ મોટો?મયુરભાઈ જમોડના જણાવ્યા મુજબ, મામલો માત્ર એક વ્યક્તિ અથવા રૂ.1 કરોડ પૂરતો સીમિત નથી. રૂ.1 કરોડથી વધુના કથિત નાણાકીય તોડકાંડની પણ ચર્ચા થઈ રહી હોવાનો તેમણે દાવો કર્યો છે. છેલ્લા એક વર્ષથી આ મામલે વાતચીત ચાલી રહી હોવાનો પણ દાવો કરવામાં આવ્યો છે.સ્થાનિક તપાસ સામે સવાલ, હવે સરકાર શું કરશે?હવે સૌથી મોટો સવાલ એ છે કે સ્થાનિક આક્ષેપોની તપાસ સ્થાનિક અધિકારી કરશે તો તપાસ ખરેખર નિષ્પક્ષ રહી શકશે? સમાજની SIT અને બાહોશ અધિકારી દ્વારા તપાસની માંગ વચ્ચે સરકાર અને પોલીસ તંત્ર શું નિર્ણય લે છે તેના પર હવે સૌની નજર છે.  આ પણ વાંચો  :    Statue of Unityમાં રાષ્ટ્રીય ફિલ્મ પુરસ્કાર યોજાતા ઉદ્ધવ ઠાકરેને લાગ્યું મરચું, એક નિવેદનથી રાજકારણ ગરમાયું

Read Full Story arrow_forward