Community News & Updates

Stay informed with the latest happenings, achievements, and announcements from our community.

All News

calendar_today May 8, 2026

Vadodara: વડસર રોડ ઓવર બ્રિજ પર 40 મીટરનો ગર્ડર મુકાયો, રેલ્વે અને રોડ ટ્રાફિક વચ્ચે એન્જિનિયરિંગનો અદભૂત નમૂનો

ભારતની પ્રથમ બુલેટ ટ્રેન પ્રોજેક્ટની કામગીરી વડોદરા સેક્શનમાં અત્યંત ઝડપથી આગળ વધી રહી છે. વડોદરાના વડસર રોડ ઓવર બ્રિજ પાસે 40 મીટર લાંબો અને અત્યંત ભારે ગર્ડર લોન્ચ કરીને પ્રોજેક્ટમાં વધુ એક મહત્વનો પડાવ પાર કરવામાં આવ્યો છે. આ ઓપરેશન એટલા માટે જટિલ હતું કારણ કે તે શહેરના સૌથી વ્યસ્ત ટ્રાફિક પોઈન્ટ પૈકીના એક પર હાથ ધરવામાં આવ્યું હતું.જટિલ ઓપરેશન અને સમયબદ્ધતાવડસર બ્રિજ નીચેથી રોજની 100થી વધુ ટ્રેનો પસાર થાય છે અને ઉપરથી અંદાજે 70 હજાર વાહનોની અવરજવર રહે છે. આટલા મોટા ટ્રાફિક લોડ વચ્ચે કામ કરવું એ એન્જિનિયરો માટે મોટો પડકાર હતો. જોકે, નેશનલ હાઈ સ્પીડ રેલ કોર્પોરેશનની ટીમે પૂર્વ આયોજન સાથે માત્ર સવા બે કલાક (2 કલાક 15 મિનિટ) ના ટૂંકા બ્લોકમાં આ જટિલ લોન્ચિંગ પ્રક્રિયા સફળતાપૂર્વક પૂર્ણ કરી હતી.એન્જિનિયરિંગનો અદભૂત નમૂનોઆ લોન્ચિંગ માટે અદ્યતન ટેકનોલોજી અને સ્પેશિયલ ક્રેન્સનો ઉપયોગ કરવામાં આવ્યો હતો. સૌથી મોટી ખાસિયત એ રહી કે આ સમગ્ર પ્રક્રિયા દરમિયાન રોડ ટ્રાફિક કે રેલ્વે ટ્રાફિકને કોઈ મોટી અડચણ પડી ન હતી. એન્જિનિયરિંગના આ ઉત્કૃષ્ટ નમૂનાએ સાબિત કર્યું છે કે પડકારજનક સ્થિતિમાં પણ આધુનિક ટેકનોલોજીની મદદથી કામગીરી ગતિ પકડી શકે છે.આ પણ વાંચો: Mehsana: દારૂના કેસમાં બેદરકારી બદલ તાલુકા PI ડી.આર. રાવ અને જમાદાર સસ્પેન્ડ

Read Full Story arrow_forward

calendar_today May 8, 2026

Valsad: ભાગડવાડામાં ટેમ્પો ચાલકે રિવર્સ લેતા મહિલાને અડફેટે લીધી, વીજપોલ અને ઘરની દીવાલ પણ તોડી નાખી

વલસાડ તાલુકાના ભાગડવાડા ગામમાં આવેલી રાજેશ્રી નગર સોસાયટી પાસે આજે એક ભયાનક અકસ્માત સર્જાયો હતો. એક રેતી ભરેલા ટેમ્પોના ચાલકે રિવર્સ લેતી વખતે વાહન પરનો કાબૂ ગુમાવી દેતા રસ્તા પરથી પસાર થઈ રહેલી એક મહિલાને અડફેટે લીધી હતી.ભયાનક અકસ્માત અને નુકસાનપ્રાપ્ત વિગતો અનુસાર, ટેમ્પો એટલી ઝડપથી અને બેદરકારીપૂર્વક રિવર્સ આવ્યો હતો કે મહિલાને બચવાનો મોકો જ મળ્યો ન હતો. મહિલાને અડફેટે લીધા બાદ આ ટેમ્પો સીધો નજીકના એક વીજપોલ (Electric Pole) અને ઘરની દીવાલ સાથે ધડાકાભેર અથડાયો હતો. ટક્કર એટલી જોરદાર હતી કે વીજપોલ અને ઘરની દીવાલ ધરાશાયી થઈ ગઈ હતી.ઇજાગ્રસ્ત મહિલાની હાલતઆ અકસ્માતમાં મહિલાને શરીરે ગંભીર ઈજાઓ પહોંચી હતી. સ્થાનિક લોકો તાત્કાલિક મદદ માટે દોડી આવ્યા હતા અને ઇજાગ્રસ્ત મહિલાને સારવાર માટે નજીકની હોસ્પિટલમાં ખસેડવામાં આવી છે. સદનસીબે વીજપોલ ધરાશાયી થવા છતાં મોટી જાનહાનિ ટળી છે.CCTVમાં કેદ થઈ ઘટનાઆ સમગ્ર ઘટના સોસાયટીમાં લાગેલા સીસીટીવી કેમેરામાં કેદ થઈ છે, જેમાં જોઈ શકાય છે કે કેવી રીતે ટેમ્પો ચાલકની એક ભૂલને કારણે આટલી મોટી હોનારત સર્જાઈ. આ ફૂટેજના આધારે હવે પોલીસ આગળની તપાસ કરી રહી છે. સ્થાનિકોએ રહેણાંક વિસ્તારમાં આવા ભારે વાહનોની બેફામ અવરજવર સામે રોષ વ્યક્ત કર્યો છે.આ પણ વાંચો: Vadodara: વડસર રોડ ઓવર બ્રિજ પર 40 મીટરનો ગર્ડર મુકાયો, રેલ્વે અને રોડ ટ્રાફિક વચ્ચે એન્જિનિયરિંગનો અદભૂત નમૂનો

Read Full Story arrow_forward

calendar_today May 8, 2026

West Bengal New CM: 4 વાગે ધારાસભ્ય દળની બેઠક, અમિત શાહ પહોંચ્યા કોલકાતા

2026ની પશ્ચિમ બંગાળ વિધાનસભા ચૂંટણીમાં શાનદાર જીત બાદ ભારતીય જનતા પાર્ટી (ભાજપ) ના ધારાસભ્ય પક્ષની આજે બેઠક યોજાવાની છે. આ બેઠક દરમિયાન, રાજ્યના આગામી મુખ્યમંત્રીના નામ અંગે અંતિમ નિર્ણય લેવામાં આવશે. કેન્દ્રીય ગૃહમંત્રી અમિત શાહ પણ આ બેઠકમાં હાજર રહેવા માટે કોલકાતા પહોંચી ગયા છે.   આજે સાંજે 4 વાગ્યે બંગાળમાં ધારાસભ્ય પક્ષની બેઠક મળશે. સાંજે 4 વાગે યોજાશે બેઠક પશ્ચિમ બંગાળમાં આજે ભાજપ ધારાસભ્ય પક્ષની બેઠક દરમિયાન પશ્ચિમ બંગાળના આગામી મુખ્યમંત્રીનું નામ નક્કી કરવામાં આવશે. કેન્દ્રીય ગૃહમંત્રી અમિત શાહ અને ઓડિશાના મુખ્યમંત્રી મોહન ચરણ માઝી આ મહત્વપૂર્ણ બેઠકમાં અનુક્રમે નિરીક્ષક અને સહ-નિરીક્ષક તરીકે હાજર રહેશે.  પક્ષના સૂત્રોના જણાવ્યા અનુસાર, આ બેઠક કોલકાતાના બિસ્વ બાંગ્લા કન્વેન્શન સેન્ટર ખાતે સાંજે 4:00 વાગ્યે યોજાવાની છે. આ બેઠક દરમિયાન જ વિધાનસભા પક્ષના નેતા - જે પછીથી રાજ્યના નવા મુખ્યમંત્રી બનશે - ની પસંદગી કરવામાં આવશે. કાલે પરેડ ગ્રાઉન્ડ ખાતે શપથ ગ્રહણ સમારોહ રાજ્ય ભાજપ પ્રમુખ સમિક ભટ્ટાચાર્યએ બુધવારે જાહેરાત કરી હતી કે રાજ્યમાં નવી સરકારનો શપથ ગ્રહણ સમારોહ 9 મેના રોજ યોજાશે. તેમણે જણાવ્યું હતું કે આ કાર્યક્રમ કોલકાતાના પ્રતિષ્ઠિત બ્રિગેડ પરેડ ગ્રાઉન્ડ ખાતે સવારે 10:00 વાગ્યે શરૂ થશે. આ પ્રસંગે મોટી સંખ્યામાં પક્ષના કાર્યકરો અને વરિષ્ઠ નેતાઓ હાજર રહે તેવી અપેક્ષા છે. પક્ષના સૂત્રોના જણાવ્યા અનુસાર, શપથ ગ્રહણ સમારોહમાં વડા પ્રધાન, NDA અને BJPના તમામ મુખ્યમંત્રીઓ અને કેન્દ્રીય મંત્રીઓ હાજરી આપશે. બે ડઝન મંત્રીઓ પણ શપથ ગ્રહણ કરે તેવી અપેક્ષા છે. બંગાળ વિધાનસભા ચૂંટણીના પરિણામો પશ્ચિમ બંગાળમાં વિધાનસભા ચૂંટણી માટે બે તબક્કાની મતદાન પ્રક્રિયા બાદ, 4 મેના રોજ મતગણતરી હાથ ધરવામાં આવી હતી. પરિણામમાં તૃણમૂલ કોંગ્રેસનો કારમી હાર થયો હતો. આ જીત સાથે, રાજ્યમાં તૃણમૂલ કોંગ્રેસના 15 વર્ષના શાસનનો અંત આવ્યો છે. આંકડાઓની દ્રષ્ટિએ, ટીએમસીએ ફક્ત 80 બેઠકો મેળવી હતી, જ્યારે પાછલી ચૂંટણીમાં, પાર્ટીએ પોતાના દમ પર 215 બેઠકો જીતી હતી. તેનાથી વિપરીત, ભાજપ - જે પાછલી ચૂંટણીમાં ફક્ત 77 બેઠકો જીતી હતી - આ વખતે મજબૂત પ્રદર્શન કર્યું, 207 બેઠકો જીતી. આ પણ વાંચો- Shani Amavasya 2026: 16મેએ શનિનું મહાગોચર, 5 રાશિની તિજોરી ભરાશે એ નક્કી !

Read Full Story arrow_forward