Community News & Updates

Stay informed with the latest happenings, achievements, and announcements from our community.

All News

calendar_today May 6, 2026

Anand News: સ્પાની આડમાં ચાલતું કૂટણખાનું ઝડપાયું, SOGએ વિદેશી યુવતીઓ સહિત 9 લલનાઓ અને 5 શખ્સોને દબોચ્યા

આણંદ શહેરમાં સ્પા સેન્ટરોની આડમાં ચાલતી અનૈતિક પ્રવૃત્તિઓ સામે SOG પોલીસે લાલ આંખ કરી છે. શહેરના જાણીતા શાન મોલમાં આવેલા એક સ્પા સેન્ટરમાં વિદેશી યુવતીઓને બોલાવી દેહવિક્રયનો ધંધો કરાવવામાં આવતો હોવાનો પર્દાફાશ પોલીસે કર્યો છે.થાઈલેન્ડની 8 યુવતીઓ ઝડપાઈઘટનાની મળતી માહિતી અનુસાર, આણંદ SOG પોલીસને બાતમી મળી હતી કે, શાન મોલમાં આવેલા 'ધ વન એ લીલી સ્પા એન્ડ ગ્રુપ વેન્ચર' માં સ્પાની આડમાં કૂટણખાનું ચાલી રહ્યું છે. પોલીસે રેડ કરતા ત્યાંથી થાઇલેન્ડની 8 વિદેશી યુવતીઓ અને 1 ભારતીય યુવતી મળી કુલ 9 યુવતીઓ દેહવિક્રયના વ્યવસાયમાં સંડોવાયેલી મળી આવી હતી. સંચાલકો અને ગ્રાહકો પોલીસ સકંજામાંપોલીસની આ કાર્યવાહીમાં સ્પાના બે સંચાલકો અને ગ્રાહકો સહિત કુલ 5 શખ્સોની ધરપકડ કરવામાં આવી છે. આ સ્પા સેન્ટરમાં વિદેશી યુવતીઓને લાલચ આપી બોલાવવામાં આવતી હતી અને ગ્રાહકો પાસેથી મોટી રકમ વસૂલી સેક્સ રેકેટ ચલાવવામાં આવતું હતું. SOG પોલીસે તમામ વિરુદ્ધ કાયદેસરની કાર્યવાહી હાથ ધરી મોલના અન્ય સ્પા સેન્ટરોમાં પણ તપાસના ચક્રો ગતિમાન કર્યા છે. આ પણ વાંચો - Anand : ઉમેટામાં જિલ્લા પંચાયતના સભ્ય પર જીવલેણ હુમલો કરનારા 6 આરોપીઓને સાથે રાખી કરાયું રિકન્સ્ટ્રક્શન

Read Full Story arrow_forward

calendar_today May 6, 2026

Bharuch News: આમોદના અનોર ગામે મેઘરાજાની એન્ટ્રી, ભરઉનાળે ચોમાસા જેવો માહોલ જામતા ગરમીથી મળી રાહત

રાજ્યમાં પડી રહેલી ભીષણ ગરમી વચ્ચે ભરૂચ જિલ્લાના વાતાવરણમાં મોટો પલટો જોવા મળ્યો છે. આમોદ તાલુકાના અનોર સહિતના ગ્રામ્ય વિસ્તારોમાં કમોસમી વરસાદ ખાબકતા લોકોએ ભરઉનાળે ચોમાસાનો અનુભવ કર્યો હતો. છેલ્લા કેટલાક દિવસોથી પડી રહેલી આકરી ગરમી સામે આ વરસાદને કારણે સ્થાનિકોને મોટી રાહત મળી છે.વાતાવરણમાં પ્રસરી ઠંડક આમોદ પંથકમાં સવારથી જ અસહ્ય ઉકળાટ બાદ બપોરના સમયે આકાશમાં વાદળો ઘેરાયા હતા અને પવન સાથે વરસાદી ઝાપટું પડ્યું હતું. અનોર ગામે થયેલા આ કમોસમી વરસાદને પગલે રસ્તાઓ ભીના થયા હતા અને વાતાવરણમાં પ્રસરેલી ઠંડકને કારણે લોકોએ ગરમીથી છુટકારો મેળવ્યો હતો. ખેડૂતોમાં મિશ્ર પ્રતિસાદ એક તરફ ગરમીથી રાહત મળી છે, તો બીજી તરફ ભરઉનાળે વરસેલા આ વરસાદને કારણે ખેતીના પાકને લઈને ખેડૂતોમાં થોડી ચિંતા પણ જોવા મળી રહી છે. જોકે, લાંબા સમયના બફારા બાદ પ્રકૃતિમાં આવેલી આ ઠંડકને સ્થાનિકોએ આવકારી હતી. બનાસકાંઠા અને ગીર બાદ હવે ભરૂચના આમોદ પંથકમાં પણ મેઘરાજાએ પોતાની હાજરી પુરાવી છે. આ પણ વાંચો - Bharuch: રહેણાંક વિસ્તારમાં ઘરના વાડામાં અજગર ઘૂસી જતાં ગભરાટ ફેલાયો

Read Full Story arrow_forward

calendar_today May 6, 2026

Mumbai : તાજ અને ટ્રાઈડેન્ટ હોટલમાં આતંકી હુમલાની ધમકી, પોલીસ એલર્ટ પર

મુંબઈમાં સુરક્ષા એજન્સીઓને એલર્ટ પર લાવી દેતી એક ઘટના સામે આવી છે. શહેરની જાણીતી તાજ હોટલ અને ટ્રાઈડેન્ટ હોટલને આતંકી હુમલાની ધમકી મળતાં પોલીસ તંત્ર તાત્કાલિક હરકતમાં આવ્યું છે. અજાણ્યા કોલર દ્વારા આ બંને હોટલોમાં બોમ્બ હુમલો થવાની ચેતવણી આપવામાં આવી.બંને હોટલોમાં કડક સુરક્ષા ધમકીભર્યો કોલ મળતા જ મુંબઈ પોલીસે બંને હોટલોમાં સુરક્ષા કડક કરી દીધી છે. હોટલના દરેક ખૂણાની સઘન તપાસ શરૂ કરવામાં આવી છે અને કોઈ અનિચ્છનીય ઘટના ન બને તે માટે સુરક્ષા દળો તૈનાત કરવામાં આવ્યા છે. સાથોસાથ દક્ષિણ મુંબઈ અને દરિયાકાંઠાના વિસ્તારોમાં પેટ્રોલિંગ પણ વધારી દેવામાં આવ્યું છે. ટેક્નિકલ સર્વેલન્સની મદદથી કોલરનું લોકેશન ટ્રેસ કર્યું પોલીસે ટેક્નિકલ સર્વેલન્સની મદદથી કોલરનું લોકેશન ટ્રેસ કર્યું અને મુંબઈના સાયન વિસ્તારમાંથી એક શંકાસ્પદ વ્યક્તિને અટકાયત કરવામાં આવી છે. હાલ તેની પૂછપરછ ચાલી રહી છે કે આ ધમકીભર્યો કોલ કેમ કર્યો અને તેની પાછળ કોઈ મોટું ષડયંત્ર છે કે નહીં. પોલીસ અધિકારીઓના જણાવ્યા મુજબ સમગ્ર મામલાની ગંભીરતાથી તપાસ કરવામાં આવી રહી છે. અગાઉ પણ 26/11ના આતંકી હુમલા દરમિયાન તાજ હોટલને નિશાન બનાવવામાં આવી હતી, જેમાં અનેક લોકોના જીવ ગયા હતા. તેથી આ પ્રકારની કોઈપણ ધમકીને સુરક્ષા એજન્સીઓ ખૂબ જ ગંભીરતાથી લે છે. આ પણ વાંચો : LPGની દેશમાં કોઈ અછત નહીં, બે દિવસમાં 87 લાખ સિલિન્ડર કર્યા ડિલિવર

Read Full Story arrow_forward