Community News & Updates

Stay informed with the latest happenings, achievements, and announcements from our community.

All News

calendar_today May 5, 2026

Gujarat Weather News: ગરમી અને ઉકળાટ વચ્ચે રાજ્યમાં વાવાઝોડા સાથે વરસાદની આગાહી

ગુજરાતમાં આજે અનેક વિસ્તારોમાં વાતાવરણમાં પલટો આવ્યો હતો. દાહોદ અને મહિસાગરમાં ધોધમાર વરસાદ ખાબક્યો હતો. આ ઉપરાંત અરવલ્લી જિલ્લામાં પણ વરસાદ વરસ્યો હતો.દાહોદમાં ફૂંકાયેલા વાવાઝોડાને કારણે ક્યાંક વૃક્ષો ધરાશાયી થયા હતાં તો ક્યાંક પ્રસંગના મંડપ ઉડ્યા હતાં.હવામાન વિભાગે આજે કમોસમી વરસાદની આગાહી કરી છે. બીજી તરફ ગરમી અને ઉકળાટ વધવાની પણ શક્યતાઓ વ્યક્ત કરી છે. આજે કમોસમી વરસાદ પડશે હવામાન વિભાગના ડાયરેક્ટર એ.કે.દાસે કહ્યું હતું કે, આજે રાજ્યમાં વાવાઝોડા સાથે કમોસમી વરસાદની આગાહી છે. તેની સાથે ગરમી અને ઉકળાટ પણ વધશે. વેસ્ટર્ન ડિસ્ટર્બન્સની અસરને કારણે વરસાદની આગાહી કરવામાં આવી છે.રાજ્યમાં પવનની ગતિ 40થી 50 કિ.મી સુધી રહી શકે છે.અરવલ્લી, મહીસાગર, દાહોદ, પંચમહાલ, છોટાઉદેપુર, રાજકોટ, બોટાદ, અમરેલી અને ભાવનગરમાં ગરમીનું યલો એલર્ટ આપવામાં આવ્યું છે. હવામાન નિષ્ણાત અંબાલાલ પટેલની આગાહી હવામાન નિષ્ણાત અંબાલાલ પટેલે રાજ્યમાં 8મી મે સુધી વરસાદની આગાહી કરી છે. પંચમહાલ, દાહોદ, મહિસાગરમાં વરસાદની આગાહી કરી છે. આ ઉપરાંત દક્ષિણ ગુજરાતના વિસ્તારોમાં પણ વરસાદ થવાની આગાહી કરવામાં આવી છે. સૌરાષ્ટ્રમાં વાદળછાયું વાતાવરણ રહેશે.11 મે પછી રાજ્યમાં ગરમીનું પ્રમાણ વધશે. મધ્ય અને ઉત્તર ગુજરાતમાં તાપમાનમાં વધારો થશે. તાપમાનનો પારો 44 ડિગ્રી સુધી પહોંચી શકે છે. રાજકોટ અને મોરબી, સુરેન્દ્રનગર અને કચ્છમાં પણ તાપમાન ઊંચકાશે. 23 મે આસપાસ પ્રી-મોન્સુન પ્રવૃત્તિ શરૂ થવાની શક્યતા છે. 15 મે બાદ અરબી સમુદ્રમાં વાવાઝોડાની સંભાવના છે. બંગાળની ખાડીમાં વાવઝોડુ સક્રિય થવાની પણ સંભાવનાઓ છે. આ પણ વાંચોઃ Banaskantha News: જગદીશ વિશ્વકર્માના ગેનીબેન સામેના નિવેદનનો વિરોધ, વાવ થરાદમાં કોંગ્રેસ અને પોલીસ આમને સામને

Read Full Story arrow_forward

calendar_today May 5, 2026

Gujarat News: અમદાવાદમાં પાણીજન્ય રોગચાળો વકર્યો

અમદાવાદ અને રાજકોટ સહિતના શહેરોમાં ભારે ગરમીને કારણે લોકોના સ્વાસ્થ્ય પર અસર વર્તાઈ છે. મોટા શહેરોમાં ગરમીને કારણે રોગચાળો ફાટી નીકળ્યો હોવાનું આંકાડાઓ બતાવી રહ્યાં છે. ઝાડા ઉલ્ટી અને તાવની ફરિયાદો સહિત પાણી જન્ય રોગચાળો પણ વધી ગયો છે. આરોગ્ય નિષ્ણાંતો પ્રમાણે તાપમાનમાં બેક્ટેરિયાની ઝડપી વૃદ્ધિ થતી હોવાથી પ્રદૂષિત પાણી કોલેરા અને ટાઈફોઈડનું જોખમ વધારે છે. સરકારી હોસ્પિટલોમાં સારવાર માટે દર્દીઓની ભીડ હોય તેવા દ્રશ્યો સામે આવ્યા છે. અમદાવાદમાં પાણીજન્ય રોગચાળો વકર્યો AMCના આરોગ્ય વિભાગ મુજબ એપ્રિલ 2026માં પાણીજન્ય અને મચ્છરજન્ય રોગોમાં નોંધપાત્ર વધારો થયો છે.આંકડાકીય વિગતો મુજબ,શહેરમાં ઝાડા-ઉલ્ટીના 642, કમળાના 55 અને ટાઈફોઈડના 155 કેસ નોંધાયા છે. સૌથી ચિંતાજનક બાબત એ છે કે તપાસ દરમિયાન પાણીના 21 નમૂના અનફ્ટિ જાહેર થયા છે અને 40 કિસ્સામાં ક્લોરીનનું પ્રમાણ શૂન્ય જણાયું છે.વધતા તાપમાનમાં બેક્ટેરિયાની ઝડપી વૃદ્ધિ થતી હોવાથી પ્રદૂષિત પાણી કોલેરા અને ટાઈફોઈડનું જોખમ વધારે છે. મ્યુનિસિપલ તંત્ર દ્વારા પણ પ્રદૂષિત પાણીના ઉદ્દભવસ્થાનો શોધવા તપાસ તેજ કરવામાં આવી છે.

Read Full Story arrow_forward

calendar_today May 5, 2026

West Bengalમાં ભાજપની પ્રચંડ જીત અંગે પાકિસ્તામાં શું થઈ ચર્ચા

પશ્ચિમ બંગાળ વિધાનસભા ચૂંટણીમાં ભારતીય જનતા પાર્ટીની જીતની ચારે બાજુ ચર્ચા થઈ રહી છે.ભાજપે અસાધારણ રીતે સારું પ્રદર્શન કર્યું,206 બેઠકો જીતી,જ્યારે શાસક ટીએમસી ફક્ત 80 બેઠકો પર સમેટાઈ ગઈ.આશ્ચર્યજનક રીતે મમતા બેનર્જી પોતે ભવાનીપુર બેઠક હારી ગયા.ભાજપના સુવેન્દુ અધિકારીએ તેમને 15,000 થી વધુ મતોથી હરાવ્યા.પશ્ચિમ બંગાળમાં ભાજપની જીતની ભારતના પડોશી દેશ પાકિસ્તાનમાં પણ વ્યાપક ચર્ચા થઈ રહી છે. પાકિસ્તાની મીડિયાએ શું કહ્યુંપાકિસ્તાની પત્રકારો અને રાજકીય નિષ્ણાતો ભાજપની જીત પર પ્રતિક્રિયા આપી રહ્યા છે.પાકિસ્તાની સંરક્ષણ વિશ્લેષક કમર ચીમાએ ઉશ્કેરણીજનક નિવેદન આપતા કહ્યું કે,ભારતનો નકશો ભગવો રંગાયો છે.મોદીની વાર્તા જીતી ગઈ છે.હવે,ભારત-પાકિસ્તાન યુદ્ધ વિનાશક હશે.સોશિયલ મીડિયા પર જાહેર કરાયેલા એક વીડિયોમાં ચીમાએ કહ્યું કે,નરેન્દ્ર મોદી અને ભાજપ ભારતના 78% વસ્તી પર નિયંત્રણ ધરાવે છે.આનો અર્થ એ છે કે હવે ભારત અને પાકિસ્તાન વચ્ચે યુદ્ધ કોઈ રોકી શકતું નથી.યુદ્ધ,રાષ્ટ્રવાદ,ધર્મ... આ તેમની શક્તિઓ છે.ભાજપે પોતાને મજબૂત બનાવ્યું છે,અને હવે આપણે સમજવું જોઈએ કે ભારત સાથેનું આપણું યુદ્ધ જ્યાંથી સમાપ્ત થયું ત્યાંથી શરૂ થશે.વડાપ્રધાન નરેન્દ્ર મોદીએ લોકોનો વિશ્વાસ જીત્યો પાકિસ્તાની વિશ્લેષકે વધુમાં જણાવ્યું હતું કે વડા પ્રધાન નરેન્દ્ર મોદી લોકોમાં લોકપ્રિય બન્યા છે.તેમણે 'ઓપરેશન સિંદૂર'માં ભારત સામે પોતાના દેશની કારમી હાર વિશે ખોટી રીતે બડાઈ મારતા કહ્યું હતું કે, પાકિસ્તાનને સમજાયું છે કે તે હવે પીએમ મોદીને જે જોઈએ છે તે કરવા દેશે નહીં.પાકિસ્તાન કહે છે કે તે હવે નરેન્દ્ર મોદીને કોઈપણ કિંમતે સખત લડાઈ આપશે.પાકિસ્તાની પત્રકાર આરઝૂ કાઝમીએ બંગાળમાં મુખ્યમંત્રી મમતા બેનર્જીની હાર અને ભાજપની જીત પર એક વીડિયો પણ જાહેર કર્યો છે.બંગાળમાં બમ્પર મતદાન પાછળનું કારણ એ છે કે બધા ગેરકાયદેસર મતદારોને બહાર કાઢવામાં આવ્યા હતા.ભાજપને ભારે મતદાન કરનારા હિન્દુઓનો સંદેશ હતો તેમને બાંગ્લાદેશ,પાકિસ્તાન અને કાશ્મીરમાંથી હાંકી કાઢવામાં આવ્યા હતા.બંગાળ તેમના માટે છેલ્લી ટ્રેન હતી,નહીં તો હિન્દુઓને ત્યાંથી પણ ભાગવું પડ્યું હોત. મમતાની હાર વિશે પાકિસ્તાનના એક અખબારે શું કહ્યું? પાકિસ્તાની અખબાર ડોનમાં પ્રકાશિત એક અભિપ્રાય લેખમાં બંગાળના ચૂંટણી પરિણામોની પણ ચર્ચા કરવામાં આવી હતી.લેખમાં આગળ જણાવાયું છે કે,સ્ટાલિનનો આત્મા ભારતમાં પણ ચૂંટણી પરિણામોથી ખુશ નહીં હોય.ખાસ કરીને એવા રાજ્યોમાં જ્યાં સ્ટાલિનના વિચારોને માનનારા લોકો હિન્દુત્વની શક્તિને વધુ મજબૂત બનાવતી પરિસ્થિતિઓ બનાવી રહ્યા છે.ડોનના લેખમાં કહેવામાં આવ્યું છે કે,સ્ટાલિન ક્યારેય કલ્પના પણ કરી શકતા ન હતા કે ભારતમાં તેમના પોતાના સમર્થકો એક દિવસ હિન્દુત્વની શક્તિને મજબૂત બનાવવામાં મદદ કરશે અને કોંગ્રેસ સામેનો તેમનો વિરોધ હિન્દુત્વ શક્તિઓના સમર્થનમાં ફેરવાઈ જશે.આ પણ વાંચો - West Bengal: પશ્ચિમ બંગાળના નિરીક્ષક તરીકે અમિત શાહને નિયુક્ત કરવામાં આવ્યા

Read Full Story arrow_forward