Community News & Updates

Stay informed with the latest happenings, achievements, and announcements from our community.

All News

calendar_today May 4, 2026

Dahod News: દુધિયા ઘાટ પાસે ઝાલોદ-સુરત ST બસનો મોટો અકસ્માત ટળ્યો, ડ્રાઈવરની સમયસૂચકતાથી 50 મુસાફરોના જીવ બચ્યા

ઝાલોદ-સુરત (અડાજણ) રૂટની એસટી બસમાં મુસાફરી કરી રહેલા 45થી 50 જેટલા મુસાફરો માટે બસના ચાલક દેવદૂત સાબિત થયા છે. દુધિયા ઘાટ પાસે બસમાં અચાનક ટેકનિકલ ખામી સર્જાતા ગંભીર અકસ્માતનો ભય ઉભો થયો હતો, પરંતુ ચાલકની સાવચેતીને પગલે મોટી જાનહાનિ ટળી છે.સમયસૂચકતાએ બચાવ્યા જીવ ઘટનાની મળતી માહિતી અનુસાર, જ્યારે બસ દુધિયા ઘાટ પાસેથી પસાર થઈ રહી હતી, ત્યારે અચાનક બસમાં કોઈ આકસ્મિક ખામી સર્જાઈ હતી. ઘાટના જોખમી વળાંક પર બસ કાબૂ બહાર જાય તે પહેલા જ ડ્રાઈવરે સમયસૂચકતા વાપરી બસને રોડની સાઈડમાં ઉતારી દીધી હતી. જો બસ રોડ પરથી નીચે ખાબકી હોત તો મોટી દુર્ઘટના સર્જાઈ શકી હોત, પરંતુ ડ્રાઈવરની કુશળતાને કારણે મોટી જાનહાનિ અટકી ગઈ છે. મુસાફરોને ઇજા બસ રોડની સાઈડમાં ઉતરી જતાં અંદર બેઠેલા કેટલાક મુસાફરોને આંચકાના કારણે નાની-મોટી ઈજાઓ પહોંચી હતી. ઇજાગ્રસ્તોને તાત્કાલિક નજીકની હોસ્પિટલમાં સારવાર અર્થે ખસેડવામાં આવ્યા છે. હાલ તમામ મુસાફરો સુરક્ષિત હોવાનું જાણવા મળ્યું છે. એસટી વિભાગના અધિકારીઓ પણ ઘટના સ્થળે પહોંચી ખામી અંગે તપાસ હાથ ધરી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today May 4, 2026

DA Hike: સરકારી કર્મચારીઓ માટે મોટા સમાચાર, રાજ્ય સરકારે મોંઘવારી ભથ્થામાં કર્યો વધારો

ગુજરાત રાજ્યના સરકારી કર્મચારીઓ અને પેન્શનરો માટે રાજ્ય સરકાર દ્વારા મોટી જાહેરાત કરવામાં આવી છે. નાણા વિભાગ દ્વારા લેવામાં આવેલા મહત્વના નિર્ણય મુજબ, કર્મચારીઓના મોંઘવારી ભથ્થા (DA) માં 2 ટકાનો વધારો કરવામાં આવ્યો છે. સરકારના આ નિર્ણયથી લાખો કર્મચારીઓમાં ખુશીનો માહોલ છવાયો છે.ક્યારથી મળશે લાભ? આ વધારાનો લાભ કર્મચારીઓને 1 જાન્યુઆરી, 2026 ની અસરથી મળવાપાત્ર થશે. આ વધારા સાથે હવે રાજ્ય સરકારના કર્મચારીઓનું મોંઘવારી ભથ્થું 58 ટકાથી વધીને 60 ટકા એ પહોંચી ગયું છે. જાન્યુઆરીથી મે માસ સુધીની તફાવતની રકમ (Arrears) કર્મચારીઓને જૂન માસના પગારની સાથે જ ચૂકવી દેવામાં આવશે. નાણા વિભાગનો ઠરાવ મોંઘવારીના આ યુગમાં કર્મચારીઓને આર્થિક રાહત આપવા માટે નાણા વિભાગે સત્તાવાર ઠરાવ પ્રસિદ્ધ કર્યો છે. આ નિર્ણયનો લાભ રાજ્ય સરકારના તમામ સંવર્ગના કર્મચારીઓ તેમજ પેન્શનરોને મળશે. જૂન મહિનામાં પગારની સાથે એરિયર્સની રકમ આવવાની હોવાથી કર્મચારી આલમમાં સરકારના આ નિર્ણયને ઉમળકાભેર વધાવવામાં આવ્યો છે. આ પણ વાંચો - Gandhinagar : જીતની ઉજવણી દરમિયાન જગદીશ વિશ્વકર્માએ ભાંગરો વાટ્યો, વંદે માતરમની રચના રવિન્દ્રનાથ ટાગોરે કર્યાનું કહ્યું

Read Full Story arrow_forward

calendar_today May 4, 2026

Ahmedabadના જમાલપુરમાં 'મંગુ દાદા'ની દાદાગીરી, જીવ બચાવનાર પોલીસ અને TRB જવાનો પર કર્યો હિંસક હુમલો

અમદાવાદના જમાલપુર ફૂલ બજાર પાસે અસામાજિક તત્વોનો આતંક અટકવાનું નામ નથી લઈ રહ્યો. મંગુ દાદા તરીકે ઓળખાતા એક કુખ્યાત યુવકે સાબરમતી નદીમાં કૂદીને આત્મહત્યા કરવાનો પ્રયાસ કર્યો હતો. આ ઘટના જોઈ જમાલપુર ફૂલ બજાર પાસે ફરજ બજાવતા ટ્રાફિક પોલીસ અને TRBના જવાનો માનવતા બતાવી તાત્કાલિક તેનો જીવ બચાવવા દોડી ગયા હતા. જોકે, આભાર માનવાને બદલે મંગુ દાદાએ નફ્ફટાઈની હદ વટાવી જીવ બચાવનાર રક્ષકો પર જ હિંસક હુમલો કરી દીધો હતો.બચાવનાર સામે જ હિંસક આચરણ કરતા ચકચાર મંગુ દાદાએ પોલીસ કર્મચારીઓ અને TRB જવાનો સાથે ઝપાઝપી કરી તેમને ફટકાર્યા હતા. લોકમુખે ચર્ચાઈ રહ્યું છે કે, જે જવાનોએ પોતાની જાન જોખમમાં મૂકી તેને મોતના મુખમાંથી બહાર કાઢ્યો, તેમની પર જ હુમલો કરીને આ શખ્સે કાયદાનો જરા પણ ડર ન હોય તેવું વર્તન કર્યું હતું. જાહેરમાં પોલીસ પર થયેલા આ હુમલાને પગલે બજારમાં લોકોના ટોળા એકઠા થઈ ગયા હતા અને અસામાજિક તત્વોની આવી દાદાગીરી સામે ભારે રોષ જોવા મળ્યો હતો. પોલીસ બેડામાં ભારે રોષ, કડક કાર્યવાહીની માંગ ફરજ પરના પોલીસ અને TRB જવાનો પર થયેલા હુમલાની આ ઘટનાને પગલે પોલીસ વિભાગમાં ઘેરા પ્રત્યાઘાતો પડ્યા છે. પોલીસ કર્મચારીઓ પર હાથ ઉપાડનાર મંગુ દાદા સામે કડક કાયદેસરની કાર્યવાહી કરવાની તજવીજ હાથ ધરવામાં આવી છે. વારંવાર વિવાદોમાં રહેતા આ શખ્સ સામે દાખલારૂપ પગલાં ભરવા માટે સ્થાનિક સ્તરે માંગ ઉઠી છે, જેથી સામાન્ય નાગરિકો અને રક્ષકો સુરક્ષિત અનુભવી શકે. પોલીસ હવે આ મામલે ગુનો નોંધી આરોપીની ધરપકડ કરવાની કાર્યવાહી કરી રહી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward