Stay informed with the latest happenings, achievements, and announcements from our community.
ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 04 મેના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો.
Read Full Story arrow_forward
બોટાદ જિલ્લાના રાણપુર શહેરમાં આજે સાંજના સમયે વાતાવરણમાં એકાએક પલટો જોવા મળ્યો હતો. કાળઝાળ ગરમી વચ્ચે અચાનક આકાશ વાદળોથી ઘેરાઈ ગયું હતું અને પવનના સુસવાટા સાથે કમોસમી વરસાદની એન્ટ્રી થઈ હતી. ધોધમાર વરસાદને પગલે માર્ગો પર પાણી ફરી વળ્યા હતા. ભર ઉનાળે ચોમાસા જેવો માહોલ સર્જાતા સ્થાનિકોને ગરમીથી તો રાહત મળી છે, પરંતુ ખેડૂતોમાં ચિંતાના વાદળો છવાયા છે.તાલુકાના ગ્રામ્ય વિસ્તારોમાં મેઘરાજાની પધરામણી માત્ર રાણપુર શહેર જ નહીં, પરંતુ તાલુકાના ગ્રામ્ય વિસ્તારોમાં પણ મેઘરાજાની પધરામણી થઈ હતી. રાણપુરના માલણપુર, ખોખનીયા, રાજપરા, નાગનેશ અને બોડીયા સહિતના આજુબાજુના ગામોમાં ગાજવીજ અને પવન સાથે વરસાદ વરસ્યો હતો. વાતાવરણમાં આવેલા આ અચાનક ફેરફારને કારણે સમગ્ર પંથકમાં ઠંડક પ્રસરી ગઈ છે. જોકે, પવનની ગતિ વધુ હોવાથી કેટલાક સ્થળોએ મુશ્કેલી પણ જોવા મળી હતી. ખેડૂતોની ચિંતા વધી: તૈયાર પાક પર મોટું જોખમ કમોસમી વરસાદના કારણે જગતનો તાત ફરી એકવાર મુશ્કેલીમાં મુકાયો છે. હાલ ખેતરોમાં ઉનાળુ પાક તૈયાર થઈ રહ્યો છે ત્યારે જ માવઠું પડતા પાકને વ્યાપક નુકસાન થવાની ભીતિ સેવાઈ રહી છે. ખેડૂતોના મતે, આ વરસાદને કારણે તૈયાર થયેલા પાકની ગુણવત્તા બગડી શકે છે અથવા પાક નિષ્ફળ જઈ શકે છે. કુદરતી આફતના પગલે આર્થિક નુકસાનના ડરે ખેડૂતોમાં ભારે ફાળ પડી છે. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
મહેસાણા જિલ્લામાં આવેલા શક્તિપીઠ બહુચરાજીની શોભામાં હવે અભિવૃદ્ધિ થઈ છે. માં બહુચરના દર્શનાર્થે આવતા લાખો શ્રદ્ધાળુઓની વર્ષો જૂની માંગણીને માન આપીને મંદિરની બિલકુલ સામે આવેલા સર્કલ પર માતાજીના વાહન એવા કૂકડાની પ્રતિમાઓ મૂકવામાં આવી છે. આ નવતર આકર્ષણથી સમગ્ર મંદિર પરિસરની સુંદરતામાં વધારો થયો છે.કૂકડા પ્રતિમાની વિશેષતા માર્ગ અને મકાન વિભાગ દ્વારા આ ખાસ પ્રોજેક્ટ હાથ ધરવામાં આવ્યો છે. સર્કલ પર કુલ ત્રણ કૂકડા સ્થાપિત કરવામાં આવ્યા છે, જેની ઊંચાઈ અનુક્રમે 9 ફૂટ, 7 ફૂટ અને 5 ફૂટ છે. આ પ્રતિમાઓ ઉચ્ચ ગુણવત્તાના સ્ટેનલેસ સ્ટીલ (SS) અને બ્રાસ મટીરિયલમાંથી બનાવવામાં આવી છે. આ ત્રણેય કૂકડાની અંદાજિત કિંમત 35 લાખ રૂપિયા હોવાનું જાણવા મળ્યું છે. કામગીરી અંતિમ તબક્કે હાલમાં સર્કલ પર માત્ર પ્રતિમાઓ મૂકવામાં આવી છે, પરંતુ સમગ્ર સર્કલના સુશોભન અને નિર્માણનું કામ હજુ પણ ચાલુ છે. તંત્રના જણાવ્યા મુજબ, આગામી 10 દિવસમાં આ સર્કલ સંપૂર્ણ રીતે તૈયાર થઈ જશે. માતાજીના વાહનની પ્રતિકૃતિ સમી આ પ્રતિમાઓ જોઈને માઈભક્તોમાં ભારે ખુશી અને હર્ષની લાગણી જોવા મળી રહી છે. આ પણ વાંચો - Mahesana News: ડુંગળીએ ખેડૂતોને રડાવ્યા, ઉત્પાદનમાં 50 ટકાનો ઘટાડો છતા ભાવ ગગડ્યા
Read Full Story arrow_forward