Rajkot News: ગોંડલ ચોકડી પાસે સ્કોર્પિયો અને ઇકો વચ્ચે ભયાનક અકસ્માત, 2 લોકોના મોત
રાજકોટ શહેરના પ્રવેશદ્વાર સમાન ગણાતી ગોંડલ ચોકડી નજીક આજે એક ગમખ્વાર અકસ્માત સર્જાયો છે. સ્કોર્પિયો અને ઇકો કાર વચ્ચે થયેલી જોરદાર ટક્કરમાં બે લોકોએ જીવ ગુમાવ્યા છે, જ્યારે અન્ય બે લોકો ગંભીર રીતે ઇજાગ્રસ્ત થયા છે. આ અકસ્માત એટલો ભયાનક હતો કે કારનો કચ્ચરઘાણ વળી ગયો હતો.ઘટનાની વિગત ઘટનાની મળતી માહિતી અનુસાર, રાજકોટની ગોંડલ ચોકડી પાસે સ્કોર્પિયો અને ઇકો કાર સામસામે અથડાઈ હતી. અકસ્માત થતા જ આસપાસના લોકો દોડી આવ્યા હતા. આ દુર્ઘટનામાં 2 વ્યક્તિઓના ઘટનાસ્થળે જ કરૂણ મોત નિપજ્યા હતા. જ્યારે અન્ય 2 ઇજાગ્રસ્તોને તાત્કાલિક સારવાર માટે રાજકોટ સિવિલ હોસ્પિટલ ખસેડવામાં આવ્યા છે. ટ્રાફિક જામ અને પોલીસ કાર્યવાહીવ્યસ્ત ગણાતી ગોંડલ ચોકડી પર અકસ્માતને પગલે વાહનોની લાંબી કતારો લાગી હતી અને ટ્રાફિકજામના દ્રશ્યો સર્જાયા હતા. ઘટનાની જાણ થતા જ પોલીસ કાફલો ઘટના સ્થળે પહોંચી ગયો હતો. પોલીસે મૃતદેહોને પોસ્ટ મોર્ટમ અર્થે ખસેડી, ક્રેન દ્વારા અકસ્માતગ્રસ્ત વાહનોને દૂર કરી ટ્રાફિક હળવો કર્યો હતો. હાલ આ સમગ્ર મામલે પોલીસે ગુનો નોંધી વધુ તપાસ હાથ ધરી છે. આ પણ વાંચો - Rajkotમાં રોગચાળા વકર્યો, એક અઠવાડિયામાં તાવ અને ઝાડા-ઉલટીના હજારો કેસ, હીટ સ્ટ્રોકના આંકડોમાં પણ ચિંતાજનક વધારો
Read Full Story arrow_forward
