West Bengal Election Result 2026 : મમતાની અપીલ કે હારનો ફફડાટ? "કોઈ બૂથ ન છોડે..." બંગાળના રસાકસીભર્યા પરિણામો વચ્ચે દીદીનું મોટું નિવેદન
પશ્ચિમ બંગાળ વિધાનસભા ચૂંટણીના પરિણામોના પ્રારંભિક વલણોએ દેશભરમાં ઉત્તેજના જગાવી છે. બંગાળમાં ભારતીય જનતા પાર્ટી ઐતિહાસિક પ્રદર્શન તરફ આગળ વધી રહી હોય તેવું જણાય છે. લેટેસ્ટ આંકડા મુજબ, ભાજપ 191 બેઠકો પર આગળ છે, જ્યારે સત્તારૂઢ તૃણમૂલ કોંગ્રેસ (TMC) 98 બેઠકો પર સમેટાઈ રહી હોય તેવું ચિત્ર ઊપસી રહ્યું છે.મમતા બેનર્જીનો કાર્યકરોને સંદેશ પરિણામો વચ્ચે મુખ્યમંત્રી મમતા બેનર્જીએ પહેલું નિવેદન જારી કરતા કાર્યકરોને જુસ્સો જાળવી રાખવા અપીલ કરી છે. તેમણે કહ્યું કે, "નિરાશ થઈને બૂથ છોડશો નહીં, કાઉન્ટિંગ સેન્ટર પર ડર્યા વગર ઉભા રહો, જીત આપણી જ થશે." વધુમાં તેમણે સેન્ટ્રલ ફોર્સ પર ગંભીર આક્ષેપો કરતા જણાવ્યું હતું કે સુરક્ષા દળો કાયદા વિરુદ્ધ કામ કરી રહ્યા છે અને ઘણી જગ્યાએ જાણીજોઈને મતગણતરી અટકાવવામાં આવી રહી છે. RG કર પીડિતાની માતાની સરસાઈ આ ચૂંટણીમાં સૌથી વધુ ચર્ચિત એવી પણીહાટી બેઠક પર આર.જી. કર હોસ્પિટલની પીડિતાની માતા રત્ના દેબનાથ (ભાજપ) મજબૂત લડત આપી રહ્યા છે. શરૂઆતી રાઉન્ડમાં તેઓ પાછળ રહ્યા બાદ હવે લીડ મેળવી રહ્યા છે, જે બંગાળમાં બદલાતા રાજકીય પવનનો સંકેત આપે છે. આ પણ વાંચો---- Tamil Nadu Elections Results 2026 : કોલેજ ડ્રોપઆઉટથી કિંગમેકર સુધી, તમિલનાડુમાં વિજયનો મિજાજ, દિગ્ગજ પક્ષોના સુપડા સાફ
Read Full Story arrow_forward
