Local Body Elections 2026: ધોરાજીમાં ચૂંટણી પૂર્વે પોલીસની 'ફ્લેગ માર્ચ': મતદારો નિર્ભય થઈ મતદાન કરી શકે તેવું વાતાવરણ કરાયું તૈયાર!
રાજકોટ જિલ્લાના ધોરાજી તાલુકામાં આગામી સમયમાં યોજાનારી સ્થાનિક સ્વરાજની ચૂંટણીઓને લઈને વહીવટી અને પોલીસ તંત્ર એક્શન મોડમાં આવ્યું છે. ચૂંટણી પ્રક્રિયા દરમિયાન કોઈપણ અનિચ્છનીય બનાવ ન બને અને મતદારો નિર્ભય થઈને મતદાન કરી શકે તે માટે ધોરાજી પોલીસ દ્વારા સઘન પેટ્રોલિંગ અને સુરક્ષા વ્યવસ્થા ગોઠવવામાં આવી છે.પોલીસ કાફલા સાથે સંવેદનશીલ વિસ્તારોમાં પેટ્રોલિંગ ASP સિમરન ભારદ્વાજ અને ધોરાજી તાલુકા પોલીસ ઇન્સ્પેક્ટર સહિતના ઉચ્ચ અધિકારીઓના માર્ગદર્શન હેઠળ સમગ્ર પોલીસ તંત્ર સજ્જ બન્યું છે. પોલીસ કાફલા દ્વારા ધોરાજીના વિવિધ વિસ્તારોમાં ફ્લેગ માર્ચ અને પેટ્રોલિંગ હાથ ધરવામાં આવ્યું હતું. આ પેટ્રોલિંગનો મુખ્ય હેતુ લોકોમાં સુરક્ષાની ભાવના જગાડવાનો અને અસામાજિક તત્વોમાં કાયદાનો ડર પેદા કરવાનો છે. મતદાન મથકો પર લોખંડી બંદોબસ્ત ચૂંટણીના દિવસે દરેક નાગરિક પોતાના મતાધિકારનો શાંતિપૂર્ણ વાતાવરણમાં ઉપયોગ કરી શકે તે માટે તાલુકાના તમામ મતદાન મથકો પર અત્યારથી જ ચુસ્ત બંદોબસ્તનું આયોજન કરી દેવામાં આવ્યું છે. ખાસ કરીને સંવેદનશીલ બૂથો પર વધારાની પોલીસ ફોર્સ તૈનાત કરવામાં આવશે. પોલીસ તંત્ર દ્વારા જણાવાયું છે કે, ચૂંટણી દરમિયાન કાયદો અને વ્યવસ્થા જાળવવા માટે અમે કટિબદ્ધ છીએ. જો કોઈ પણ વ્યક્તિ શાંતિ ડહોળવાનો પ્રયાસ કરશે તો તેની સામે કડક કાયદેસરની કાર્યવાહી કરવામાં આવશે. આ પણ વાંચો - Local body election: પૂર્વ સાંસદ કિરીટ પટેલની હાજરીમાં લોકોએ ભાજપના નેતાઓને તતડાવ્યા
Read Full Story arrow_forward
