Stay informed with the latest happenings, achievements, and announcements from our community.
ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 22 એપ્રિલના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો.
Read Full Story arrow_forward
ગુજરાતમાં સ્થાનિક સ્વરાજની ચૂંટણીનો માહોલ જામ્યો છે.ત્યારે ડાંગ જિલ્લાની સુબીર-16 જિલ્લા પંચાયત બેઠક અત્યારે આખા રાજ્યમાં ચર્ચાનું કેન્દ્ર બની છે. સામાન્ય રીતે આપણે ટીવી સિરિયલોમાં સાસુ વહુના ડ્રામા જોતા હોઈએ છીએ પણ અહીં તો રાજનીતિના મેદાનમાં સાસુ અને વહુ આમને સામને આવી ગયા છે. એક તરફ અનુભવી સાસુ છે તો બીજી તરફ શિક્ષિત અને ઉત્સાહી વહુ છે. આદિવાસી જિલ્લાની છેવાડાની બેઠક ડાંગના સુબીર તાલુકામાં રાજકીય ગરમી સાતમા આસમાને છે.અહીં ખાસ કરીને સુબીર તાલિકાની બેઠક પર કોંગ્રેસ પક્ષે સાસુ પર ભરોસો મૂક્યો છે.જ્યારે ભારતીય જનતા પાર્ટીએ તેની જ વહુને ટિકિટ આપીને ચૂંટણી જંગને રસપ્રદ બનાવી દીધો છે. સાસુ વહુ હવે મતદારોના ઉંબરે જઈને એકબીજા વિરુદ્ધ મત માંગી રહ્યા છે.બન્ને લોકોએ જીત માટે એડી ચોટીનું જોર લગાવી દીધું છે.ગામે ગામ જઈને સભાઓ કરવી અને ઘરે ઘરે જઈને મત માંગવા માટે પક્ષના કાર્યકર્તાઓ સાથે ફરતા દેખાય છે. સુબીરની આ બેઠક રાજ્યના આદિવાસી જિલ્લાની છેવાડાની બેઠક છે. જોકે હાલ સાસુ વહુની આ વૈચારિક લડાઈ હાલ સમગ્ર રાજ્યમાં ચર્ચાના સ્થાને છે. સાસુનું કહેવું છે કે રાજકારણ પોતાની જગ્યાએ છે કોંગ્રેસ તરફે સાસુનું કહેવું છે કે રાજકારણ પોતાની જગ્યાએ છે અને પરિવાર પોતાની જગ્યાએ.પક્ષે મારા પર વિશ્વાસ મૂક્યો છે એટલે હું ચૂંટણી લડી રહી છું.પ્રજા જાણે છે કે છેલ્લા કેટલાક વર્ષોમાં કોઈ વિકાસના કામ નથી થયા એટલે હવે લોકો કોંગ્રેસને મત આપશે.જ્યારે બીજી તરફ વહુ પણ આત્મ વિશ્વાસ સાથે કહી રહી છે કે વિકાસની રાજનીતિમાં હું ભાજપ સાથે જોડાઈ છું.સાસુ પ્રત્યે આદર છે પણ વિચારધારાની લડાઈમાં હું મક્કમ છું.જનતા પરિવર્તન ઈચ્છે છે.ભિન્ન રાજકીય વિચાર ધરાવાતા પરિવારના બે સભ્યોની લડાઈમાં હવે જોવાનું એ રહેશે કે સુબીરની જનતા સાસુને આશીર્વાદ આપે છે કે આધુનિક વહુના કમળને ખીલાવે છે.ભલે જીત ગમે તેની થાય પણ ડાંગની આ બેઠક પરનો જંગ લોકશાહીના ઇતિહાસમાં યાદગાર બની રહેશે. આ પણ વાંચોઃ Local body election: ભાજપના સાંસદની મતદારોને ધમકી, કોંગ્રેસ એક પણ બેઠક જીતી તો ગ્રાન્ટ નહીં આપીએ
Read Full Story arrow_forward
ઓપરેશન સિંદૂર સમયે દિલ્હી તરફ આગળ વધી રહેલી તે પાકિસ્તાની મિસાઇલને કદાચ એવો અંદાજ નહોતો કે તે હિન્દુસ્તાનની સરહદ સાથે નહીં, પરંતુ મક્કમ મનોબળની દીવાલ સાથે ટકરાવા જઈ રહી છે. હરિયાણાના આકાશમાં જ તેને ધૂળમાં મેળવીને ઇન્ડિયન એરફોર્સે સાબિત કરી દીધું હતું કે ભારત પર આંખ ઉઠાવનારાઓનું શું અંજામ આવે છે. ઓપરેશન સિંદૂરની આ કહાની માત્ર એક સૈન્ય સફળતા નથી, પરંતુ દુશ્મન માટે સખત સંદેશ છે કે જો કોઈ આપણા ઘર તરફ આગળ વધશે, તો તેનું નામ અને નિશાન બંને બાકી નહીં રહે. પાકિસ્તાની બેલેસ્ટિક મિસાઇલનો હવામાં જ ખાતમો ઇન્ડિયન એરફોર્સે મે 2025માં પાકિસ્તાન તરફથી છોડવામાં આવેલી ફતેહ અથવા શાહીન સીરીઝની બેલેસ્ટિક મિસાઇલને દિલ્હી પહોંચતા પહેલા જ હરિયાણા ઉપર સફળતાપૂર્વક નષ્ટ કરી દીધી હતી. આ કાર્યવાહી પશ્ચિમી સરહદ પાસે વ્યૂહાત્મક રીતે મહત્વપૂર્ણ એવા સિરસા એરબેઝ પર તૈનાત વાયુસેનાની યુનિટે પાર પાડી હતી. બરાક-8 મિસાઇલ સિસ્ટમનો કરાયો ઉપયોગ એર કોમોડોર રોહિત કપિલના નેતૃત્વમાં એર ડિફેન્સ ગ્રિડે તત્કાળ જવાબ આપતા બરાક-8 (Barak-8) સપાટીથી હવામાં પ્રહાર કરનારી મિસાઇલ સિસ્ટમનો ઉપયોગ કર્યો હતો. સિરસાથી મળી આવેલા કાટમાળ દ્વારા તે સમયે આ મોટા જોખમનો સંકેત મળ્યો હતો. આ સફળ ઓપરેશન ભારતની સૈન્ય તત્પરતા અને આધુનિક વાયુ સંરક્ષણ પ્રણાલીની મજબૂતી દર્શાવે છે, જેણે યુદ્ધ દરમિયાન એક મોટું જોખમ ટાળી દીધું હતું. એર કોમોડોર રોહિત કપિલને યુદ્ધ સેવા મેડલ એનાયત આ નિર્ણાયક ઓપરેશનનું નેતૃત્વ 45 વિંગના એર ઓફિસર કમાન્ડિંગ, એર કોમોડોર રોહિત કપિલ દ્વારા કરવામાં આવ્યું હતું. તેમના સચોટ નિર્ણયો અને તાત્કાલિક જવાબી કાર્યવાહીના કારણે જ દિલ્હી પર થનારો હુમલો નિષ્ફળ રહ્યો હતો. તેમની આ બહાદુરી અને સંરક્ષણાત્મક તેમજ આક્રમક આયોજન માટે રાષ્ટ્રપતિ દ્રૌપદી મુર્મૂએ તેમને વર્ષ 2025માં યુદ્ધ સેવા મેડલથી સન્માનિત કર્યા હતા. 'સુદર્શન પ્રોગ્રામ' હેઠળ સુરક્ષા કવચ વધુ મજબૂત સિરસાની આ ઘટના ભારતના વિકસતા એર ડિફેન્સ આર્કિટેક્ચરનું એક ઉદાહરણ બની ગઈ છે. વર્તમાન સમયમાં સુદર્શન પ્રોગ્રામ હેઠળ દેશભરમાં એક મલ્ટી-લેવલ સુરક્ષા ઘેરો તૈયાર કરવામાં આવી રહ્યો છે. જેમાં એસ-400 (S-400), બરાક-8 અને સ્વદેશી ઇન્ટરસેપ્ટર સિસ્ટમને ઇન્ટિગ્રેટેડ કરવામાં આવી રહી છે. સિરસા ઇન્ટરસેપ્ટ આધુનિક યુદ્ધમાં સતર્કતા અને પરસ્પર સંકલન (કોઓર્ડિનેશન) ના મહત્વની યાદ અપાવે છે. આ પણ વાંચો-Box Officeના અસલી સુલતાન નિકળ્યા અક્ષય કુમાર! 4 બેક-ટુ-બેક હિટ્સ આપીને બનાવી દીધો આ મહા-રેકોર્ડ
Read Full Story arrow_forward