Rajkot News: ગાંધીગ્રામમાં પાન-બીડીના ઓઠા હેઠળ ગાંજાનું વેચાણ, ૩૦૨ ગ્રામ જથ્થા સાથે રીઢો આરોપી પોલીસ સકંજામાં!
રાજકોટ શહેરના ગાંધીગ્રામ પોલીસ મથકની ટીમે બાતમીના આધારે નશીલા પદાર્થોનું વેચાણ કરતા તત્વો સામે સફળ ઓપરેશન પાર પાડ્યું છે. રાજકોટ શહેરના SK ચોક પાસે આવેલા નરસિંહ નગર વિસ્તારમાં એક પાન-બીડીના વેપારી દ્વારા નશીલા પદાર્થ ગાંજાનું વેચાણ કરવામાં આવતું હોવાની ચોક્કસ બાતમી પોલીસને મળી હતી. આ બાતમીના આધારે પોલીસે રેડને આધારે આરોપીને ઝડપી લીધો છે.302 ગ્રામ ગાંજાનો જથ્થો જપ્ત પોલીસની રેડ દરમિયાન આરોપી પાસેથી આશરે 302 ગ્રામ ગાંજાનો જથ્થો મળી આવ્યો છે. પોલીસ તપાસમાં એવી ચોંકાવનારી વિગત સામે આવી છે કે, આરોપી પોતાની પાન-બીડીની દુકાનના ઓઠા હેઠળ ગુપ્ત રીતે આ નશીલા પદાર્થનું વેચાણ કરતો હતો. પોલીસે ગાંજાનો જથ્થો કબજે કરી આરોપીની અટકાયત કરી છે અને આગળની કાયદેસરની કાર્યવાહી હાથ ધરી છે. આરોપી અગાઉ પણ નશીલા પદાર્થના ગુનામાં સંડોવાયેલો ઝડપાયેલો આરોપી આ પ્રકારના ગુનાહિત કૃત્યોમાં નવો નથી. પોલીસના જણાવ્યા અનુસાર, આરોપી અગાઉ પણ નશીલા પદાર્થોની હેરાફેરી અને વેચાણના ગુનામાં પોલીસ ચોપડે ચડી ચૂક્યો છે. જેલમાંથી છૂટ્યા બાદ ફરીથી તેણે આ ગેરકાયદેસર વ્યવસાય શરૂ કર્યો હોવાનું સામે આવ્યું છે. પાન ગલ્લા પર આવતા ગ્રાહકોને ટાર્ગેટ કરી તે આ નશો વેચતો હતો. નશાના કારોબાર સામે ગાંધીગ્રામ પોલીસની સતર્કતા શહેરમાં ખાસ કરીને યુવાધન નશાના રવાડે ન ચડે તે માટે રાજકોટ પોલીસ સતત પેટ્રોલિંગ અને તપાસ કરી રહી છે. ગાંધીગ્રામ પોલીસની આ કાર્યવાહીથી વિસ્તારમાં નશીલા પદાર્થોનું વેચાણ કરતા અન્ય તત્વોમાં ફફડાટ વ્યાપી ગયો છે. પોલીસ હવે એ દિશામાં પણ તપાસ કરી રહી છે કે, આરોપી આ ગાંજાનો જથ્થો ક્યાંથી લાવતો હતો અને તેના સંપર્કો કોની સાથે જોડાયેલા છે. આ પણ વાંચો - Rajkot News: પૂરપાટ ઝડપે આવતી કારે બાઈક સવારને હવામાં ફંગોળ્યો, અકસ્માતના લાઈવ CCTV દ્રશ્યો આવ્યા સામે!
Read Full Story arrow_forward
