Panchmahal: જોરીયા પરમેશ્વર અને રૂપસિંહ નાયકના શહીદ દિવસની ઉજવણી
જાંબુઘોડાના ઐતિહાસિક કિલ્લામાં ગઈકાલે સંત જોરીયા પરમેશ્વર અને રૂપસિંહ નાયકના 158મા શહીદ દિવસની ધામધૂમથી ઉજવણી કરવામાં આવી હતી.સ્વાતંત્ર્ય સંગ્રામમાં અંગ્રેજો સામે લડત આપનાર જોરીયા પરમેશ્વર અને રૂપસિંહ નાયકના 158મા શહીદ દિવસ નિમિત્તે જાંબુઘોડાના ગઢીના કિલ્લામાં નાયક સમાજ ચેરીટેબલ ટ્રસ્ટ તથા બારીયા ક્ષત્રિય સમાજ સેવા ટ્રસ્ટ દ્વારા આસપાસના વિસ્તારોના આદિવાસી સમાજના લોકોની ઉપસ્થિતિમાં શ્રદ્ધાંજલિ કાર્યક્રમ યોજાયો હતો. આ પ્રસંગે પાવીજેતપુરના પૂર્વ ધારાસભ્ય વેચાતભાઈ બારીયા, નાયક સમાજના આગેવાન હીરાભાઈ નાયક સહિતના ક્ષત્રિય અને નાયક સમાજ સહિતના અનેક આગેવાનો હાજર રહ્યા હતા. લગભગ 150 વર્ષ પહેલા અંગ્રેજો દ્વારા સંત જોડિયા પરમેશ્વર, અને વીર રાજા રૂપસિંહ નાયક, ગુલાલીયા નાયક, રાવજી ચીમન બારીયા સહિતના વીરોને ફાંસીએ લટકાવી દેવાયા હતા, તેઓની શહીદીની યાદમાં દર વર્ષે તા.16 એપ્રિલે જાંબુઘોડાના ઐતિહાસિક કિલ્લામાં શહીદ દિવસની ઉજવણીનો કાર્યક્રમ યોજી શહીદોને યાદ કરી તેઓને શ્રદ્ધાંજલિ પાઠવવામાં આવે છે. ગઈકાલે પણ તા.16 એપ્રિલે યોજાયેલા કાર્યક્રમમાં આદિવાસી સમાજના લોકોએ ઉપસ્થિત રહી ઢોલ નગારા તેમજ આદિવાસી નૃત્ય સાથે રેલી કાઢી વીર યોદ્ધાઓને યાદ કરી શ્રદ્ધાંજલિ આપી હતી. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
